پاکستان ویمن ٹیم نے بنگلہ دیش کو پہلے ٹی ٹونٹی میں 29 رنز سے ہرا دیا

پاکستان ویمن ٹیم نے پہلے ٹی ٹونٹی میچ میں بنگلہ دیش کو 29 رنز سے شکست دے دی ۔پاکستان نے پہلے کھیلتے ہوئے مقررہ اووز میں 5 وکٹوں کے نقصان پر 124 رنز سکور کئے ، بسمہ معروف 65 رنز کے ساتھ ٹاپ سکورر رہیں ۔ جویریہ خان نے 44 رنز سکور کئے بنگلہ دیش کی جانب سے ناہیدہ اختر نے دو ، جہاں آرا عالم اور فہیمہ خاتون نے ایک ایک کھلاڑی کو آئوٹ کیا ، ہدف کے تعاقب میں بنگلہ دیشی ٹیم 20 اوورز میں 7 وکٹوں کے نقصان پر 95 رنز سکور کر سکی ۔ عائشہ رحمان اور فرگانا حق نے 23،23 جبکہ رومانہ احمد نے 22 رنز کی اننگز کھیلی ، پاکستان کی جانب سے انعم امین نے 2 ، صومیہ صدیقی ، ثنا میر ، بسمہ معروف ، ندا ڈار اور عالیہ ریاض نے ایک ایک کھلاڑی کو آئوٹ کیا ۔ بسمہ معروف کو وومین آف دی میچ کا ایوارڈ دیا گیا ۔