آرمی چیف کی سعودی ولی عہد سے ملاقات، مشترکہ دلچسپی کے متعدد امور پر تبادلہ خیال کیا گیا۔ تفصیلات کے مطابق آرمی چیف جنرل عاصم منیر نے سعودی عرب کے دارالحکومت ریاض پہنچنے کے بعد سعودی ولی عہد محمد بن سلمان سے ملاقات کی ہے۔ آرمی چیف اور سعودی ولی عہد کی ملاقات کے دوران سعودی وزیر دفاع شہزادہ خالد بن سلمان اور دیگر حکام نے بھی شرکت کی۔ ملاقات کے دوران سعودیہ پاکستان تعلقات اور ان کو فروغ دینے کے مواقع کا جائزہ لیا گیا جبکہ مشترکہ دلچسپی کے متعدد امور پر بھی تبادلہ خیال کیا گیا۔
