غزہ کے جنوبی قصبے رفح میں بدھ کے روز انسانی ہمدردی کی امداد لے جانے والے ٹرک مصر سے غزہ کی پٹی میں داخل ہو ئے ہیں۔عرب لیگ کے سیکرٹری جنرل احمد ابوالغیط نے بدھ کو غزہ کی پٹی سے فلسطینیوں کو بے گھر کرنے کے کسی بھی منصوبے کو مسترد کرتے ہوئے کہا کہ اس طرح کی آبادکاری “ناقابل قبول” ہوگی۔ابو الغیط نے عالمی حکومتوں کے سربراہی اجلاس کو بتایا کہ امریکی صدر ڈونلڈ ٹرمپ کی جنگ سے تباہ حال غزہ سے تقریباً 20 لاکھ فلسطینیوں کو نکالنے کی تجویز خطے کو بحرانوں میں دھکیل دے گی جس کا “امن اور استحکام پر نقصان دہ اثر” ہوگا۔اردن کے شاہ عبداللہ دوم نے منگل کو ٹرمپ کے ساتھ بات چیت کے بعد کہا کہ انہوں نے غزہ اور مغربی کنارے میں فلسطینیوں کی نقل مکانی کے خلاف اپنے ملک کے مسلسل موقف کا اعادہ کیا۔عبداللہ نے X پر کہا کہ “فلسطینیوں کو بے گھر کیے بغیر غزہ کی تعمیر نو اور سنگین انسانی صورتحال سے نمٹنا سب کی ترجیح ہونی چاہیے۔” غزہ جنگ کا آغاز سات اکتوبر 2023 کو حماس کے اسرائیل پر دہشت گرد حملے کے بعد ہوا تھا۔ امریکہ اور بعض یورپی ممالک حماس کو دہشت گرد قرار دے چکے ہیں۔اسرائیلی حکام کے مطابق حماس کے حملے میں 1200 افراد ہلاک اور 250 کو یرغمال بنایا گیا تھا۔ اسرائیل کی جانب سے جوابی کارروائی میں حماس کے زیرِ کنٹرول غزہ کی وزارتِ صحت کے مطابق 47 ہزار سے زیادہ فلسطینی ہلاک ہو چکے ہیں۔
13 فروری، 2025*ترکیہ کے صدر رجب طیب ایردوان دو روزہ سرکاری دورے پر پاکستان پہنچ چکے ہیں* صدر آصف علی زرداری اور وزیراعظم محمد شہباز شریف نے نور خان ایئربیس پر ترکیہ کے صدر کا استقبال کیا
صدر رجب طیب ایردوان کی آمد پر ان کے اعزاز میں 21 توپوں کی سلامی دی گئی اور روایتی لباس میں ملبوس سکول کے بچوں نے انکو خوش آمدید کہا.
ملٹری بینڈ نے بھی روایتی انداز میں انکا استقبال کیاپاکستان کی فضائی حدود میں داخل ہونے کے بعد پاک فضائیہ کے JF-17 طیاروں نے ان کا فضائی استقبال کیا اور انکے جہاز کو اپنی حصار میں اسلام آباد لائے دورے کے دوران ترک صدر، صدر پاکستان اور وزیر اعظم سے ملاقات کریں گے. وہ اسلام آباد میں اعلیٰ سطحی تزویراتی تعاون کاؤنسل (High Level Strategic Cooperation Council) اور پاکستان ترکیہ بزنس فورم میں شرکت کریں گے۔ علاوہ ازیں ترک صدر پاکستان اور ترکیہ کے مابین مختلف شعبوں میں مفاہمتی یادداشت اور معاہدوں پر دستخط کی تقریب میں بھی شرکت کریں گے۔___
