قومی اسمبلی مچھلی منڈی بن گئی اپوزیشن نے حکومت کو یرغمال بنا لیا سپیکر نے اجلاس اصفہ بھٹو سے حلف لینے اور حکومت کے واک آؤٹ کرنے پر غیر یقینی صورتحال کے باعث غیر معینہ مدت کے لئے ملتوی کر دیا تفصیلات بادبان ٹی وی پر

قومی اسمبلی کا اجلاس غیرمعینہ مدت کیلئے ملتوی کر دیا گیا۔ پیر کو قومی اسمبلی کے اجلاس میں سنی اتحاد کونسل کی اراکین کی جانب سے کورم کی نشاندہی کی گئی جس پر سپیکر نے کہاکہ موجودہ اجلاس ریکوزیشن سیشن تھا اور جس معاملہ پر اجلاس بلایا گیا ہے وہ عدالت میں زیرسماعت ہے، اس لئے اس پر بحث نہیں ہوسکتی۔بعد ازاں گنتی پراراکین کی مطلوبہ تعداد پوری نہ نکلی جس پر سپیکر نے ایوان کا اجلاس غیرمعینہ مدت تک ملتوی کردیا۔

وہ آئی،رکن قومی اسمبلی کا حلف اٹھایا، چلی گئی،اجلاس غیر معینہ مدت تک ملتوی کر دیا گیا، صدرمملکت آصف زرداری کی صاحبزادی اورپہلی باررکن قومی اسمبلی بننے والی آصفہ بھٹونے رکن قومی اسمبلی کا حلف اٹھا لیا اور اس کے فوراً بعد ایوان سے چلی گئیں۔ریکوزیشن پربلائے گئے اجلاس میں اسپیکرقومی اسمبلی ایاز صادق نے اجلاس شروع ہوتے ہی آصفہ بھٹو کو حلف اٹھانے کی دعوت دی، اپوزیشن کی نعرہ بازی اور جعلی مینڈیٹ کے شور میں آصفہ بھٹو نے حلف اٹھالیا۔ایوان میں دہشتگردی اور حادثات میں مرنے والوں کےلئے فاتحہ خوانی کی گئی اس کے بعد پیپلزپارٹی کے ہی عبدالقادر پٹیل نے اپنا کام مکمل ہونے پر کورم کی نشاندہی کردی۔گنتی ہوئی تو کورم پورا نہیں تھاجس پر اسپیکرقومی اسمبلی نے اجلاس غیر معینہ مدت کےلئے ملتوی کردیا،ایازصادق نے ریمارکس دیئے کہ یہ اجلاس ریکوزیشن پر بلایا گیا تھا۔آصفہ بھٹو کا حلف دیکھنے کےلئے صدرمملکت آصف زرداری، بختاوربھٹوزرداری ان کے شوہر بھی قومی اسمبلی کی کارروائی دیکھنے کےلئے ایوان میں موجود تھے جب بلاول بھٹو بھی اجلاس میں شریک تھے۔

سب سے زیادہ پڑھی جانے والی مقبول خبریں


دلچسپ و عجیب

سائنس اور ٹیکنالوجی
No News Found.

ڈیفنس

تمام اشاعت کے جملہ حقوق بحق ادارہ محفوظ ہیں۔
Copyright © 2024 Baadban Tv. All Rights Reserved