پاکستان مجموعی طور پر زوال کی ساری منزلیں طے کئے بیٹھا ہے۔کسی بھی ملک کا مستقبل اس کے نوجوان ہوتے ہیں۔آج پاکستان کے پاس ان نوجوانوں کو دینے کے لیے کچھ بھی نہیں ہے۔ نہ تعلیم ، نہ صحت اور نہ تحفظ۔حد یہ ہے کہ اس ملک میں انجینئرز ، ڈاکٹرز اور آئی ٹی نوجوانوں کے لیے نوکریاں دستیاب نہیں ہیں۔۔اب تو ایک طرح سے نوجوان نسل کی تمام امیدیں ختم ہو چکی ہیں۔ مایوس ہو کر اب بڑے چھوٹے ملک چھوڑنے لگے ۔ایسے میں نوجوانوں کی مائیں اور باپ دکھی دل کے ساتھ اپنے اعلی تعلیم یافتہ بچوں کو الوداع کہنے پر مجبور ہو گئے ہیں۔اب نوبت یہاں تک پہنچ چکی ہے کہ 1994 میں 23 لیفٹیننٹ جنرل میں 19 کے بیٹے فوج میں تھے اج 28 لیفٹیننٹ جنرلز میں سے کتنوں کے فرزند فوج کا حصہ ہیں۔؟سب سے بڑا بحران بجلی کے ناقابل برداشت بلوں کا ہے۔عوام کی اکثریت ان حد سے زیادہ رقم کے غیر منصفانہ بلوں کی ادائیگی کرنے سے قاصر ہے۔