چلو آو میں بتاتا ہوں وہاں کیا ہوا امریکہ میں وائٹ ہاؤس، اوول آفس۔ صدر ڈونلڈ ٹرمپ ایک بڑی کرسی پر بیٹھے ہیں، ان کے ساتھ نائب صدر جے ڈی وینس بھی موجود ہیں۔ ساتھ صدر وولودیمیر زیلنسکی براجمان ہیں جو قدرے سنجیدہ اور محتاط نظر آ رہے ہیں۔ٹرمپ: (سیدھا زیلنسکی کی طرف دیکھ کر)”مسٹر زیلنسکی، سیدھی بات ہے، آپ کی جنگ ہماری مدد کے بغیر دو ہفتے بھی نہیں چل سکتی تھی۔ اور پھر بھی، آپ ہمیں شکریہ کہنے میں ہچکچا رہے ہیں؟”زیلنسکی: (سنجیدگی سے)”مسٹر پریزیڈنٹ، یوکرین نے ہمیشہ امریکی عوام کا شکریہ ادا کیا ہے، لیکن صرف امداد کافی نہیں ہے، ہمیں مضبوط سیکیورٹی گارنٹیز کی ضرورت ہے۔”جے ڈی وینس: (ہلکی سی مسکراہٹ کے ساتھ)”سیکیورٹی گارنٹیز؟ آپ کو اپنی باتوں میں بھی حقیقت پسندی لانی چاہیے۔ کیا آپ کو معلوم ہے کہ امریکا نے اب تک کتنا خرچ کیا ہے؟”ٹرمپ: “یہ سب جاننے کی ضرورت نہیں، میں بس یہ جاننا چاہتا ہوں کہ آپ ہمیں کب شکریہ کہیں گے! ہم نے اربوں ڈالر دیے، ہتھیار دیے، حمایت دی، اور آپ ہمیں احسان مند ہونے کا ایک لمحہ بھی نہیں دیتے!”زیلنسکی: (پریشان ہو کر)”مسٹر پریزیڈنٹ، ہماری بقا کا انحصار آپ کی پالیسیوں پر ہے، لیکن کیا آپ بھول گئے کہ روس نے ماضی میں بھی معاہدوں کی خلاف ورزی کی ہے؟ ہمیں مضبوط ضمانتیں چاہییں، ورنہ یہ جنگ کبھی ختم نہیں ہوگی۔”ٹرمپ: (مسکراتے ہوئے)”معاہدوں کی خلاف ورزی؟ تو پھر آپ کیا چاہتے ہیں؟ امریکا آ کر خود آپ کی جنگ لڑے؟”زیلنسکی: (سنجیدگی سے)”میں چاہتا ہوں کہ امریکا اور مغربی دنیا روس کے ساتھ ایسی ڈیل نہ کرے جو یوکرین کے مفادات کے خلاف ہو۔ اوباما اور بائیڈن کی انتظامیہ نے پہلے ہی ایسی غلطیاں کیں جن کا ہم آج خمیازہ بھگت رہے ہیں۔”جے ڈی وینس: (طنزیہ لہجے میں)”اوہ، تو اب یہ سب ہمارے اوپر ڈال رہے ہیں؟ آپ کے پاس کوئی اور بہانہ نہیں؟”ٹرمپ: (غصے سے)”زیلنسکی، تم ورلڈ وار تھری کا جوا کھیل رہے ہو! اگر تم نے سمجھداری سے کوئی معاہدہ نہ کیا، تو شاید ہم پیچھے ہٹ جائیں!”زیلنسکی: (مایوسی سے)”ہم روس کے سامنے جھک نہیں سکتے، مسٹر پریزیڈنٹ۔”ٹرمپ: (آنکھ دبا کر)”جھکنے کی ضرورت نہیں، بس تعریف کر دو! کہو: ’تھینک یو، پریزیڈنٹ ٹرمپ، یو آر دا گریٹسٹ!‘ پھر دیکھیں گے کیا ہو سکتا ہے!”زیلنسکی: (ہچکچاتے ہوئے)”میں اس وقت سنجیدہ بات کر رہا ہوں۔”ٹرمپ: (ہنستے ہوئے)”میں بھی! اگر تمہیں ہماری سپورٹ چاہیے تو پہلے ہمارے کام کی قدر کرو!”زیلنسکی: (سر جھٹک کر)”میں غلط جگہ آ گیا ہوں کیا؟”اب آپ بتائیں امریکہ نے یوکرین کے ساتھ ٹھیک کیا؟ اور اب یوکرین کا فیوچر( حشر) کیا ہوگا؟
