-ازبکستان صدر۔۔۔وزیراعظم ہائوس آمدازبکستان کے صدر شوکت مرزائیوف کا وزیراعظم ہاؤس آمد پر پرتپاک استقبال، وزیراعظم محمد شہباز شریف نے خیر مقدم کیا ،باضابطہ استقبالیہ تقریب ، مسلح افواج کے چاق و چوبند دستے نے گارڈ آف آنر پیش کیااسلام آباد۔5فروری :ازبکستان کے صدر شوکت مرزائیوف کا وزیراعظم ہاؤس آمد پر پرتپاک استقبال کیا گیا، وزیراعظم محمد شہباز شریف نے معزز مہمان کا خیر مقدم کیا، دونوں رہنماؤں نے گرمجوشی سے مصافحہ کیا اور ان کے درمیان خوشگوار جملوں کا تبادلہ ہوا۔جمعرات کو وزیراعظم ہاؤس آمد پر ازبکستان کے صدر کے اعزاز میں باضابطہ استقبالیہ تقریب منعقد ہوئی، تقریب کے آغاز پر دونوں ممالک کے قومی ترانے بجائے گئے، مسلح افواج کے چاق و چوبند دستے نے ازبکستان کے صدر کو گارڈ آف آنر پیش کیا،شوکت مرزائیوف نے گارڈ آف آنر کا معائنہ کیا
۔وزیراعظم شہباز شریف نے کابینہ کے ارکان کو ازبکستان کےصدر سے متعارف کرایا جبکہ شوکت مرزائیوف نے اپنے وفد کے ارکان کا وزیراعظم محمد شہباز شریف سے تعارف کرایا۔شوکت مرزائیوف کے ہمراہ اعلیٰ سطحی وفد بھی پاکستان پہنچا ہے جس میں وفاقی کابینہ کے سینئر وزراء اور کاروباری شخصیات شامل ہیں ۔ ازبکستان کے صدر وزیراعظم کے ساتھ وفود کی سطح پر مذاکرات میں شرکت سمیت صدر مملکت سے ملاقات کریں گے اور پاک۔ازبکستان بزنس فورم سے خطاب بھی کریں گے ۔ اس موقع پر دوطرفہ تعلقات کے تمام پہلوؤں کا جائزہ لیا جائے گا اور تجارت، توانائی، دفاع، تعلیم، عوامی روابط اور علاقائی روابط سمیت مختلف شعبوں میں تعاون کو مزید فروغ دینے کے لیے نئی راہیں تلاش کی جائیں گی۔ ازبکستان کے صدر شوکت مرزائیوف کا پاکستان کا دوسرا دورہ ہے جو پاکستان اور ازبکستان کے دوطرفہ تعلقات میں مثبت پیش رفت اور دونوں برادر ممالک کے درمیان برادرانہ تعلقات کی عکاسی کرتا ہے۔ یہ تعلقات مشترکہ تاریخ، مشترکہ عقیدے اور وسطی و جنوبی ایشیا میں امن و خوشحالی کی مشترکہ امنگوں پر مبنی ہیں۔
5 فروری 2026وزیرِ اعظم شہباز شریف اور ازبک صدر عزت مآب شوکت مرزایوف کی ازبکستان اور پاکستان کے مابین مختلف شعبوں میں تعاون کے حوالے سے مفاہمتی یادداشتوں کے تبادلوں کی تقریب میں شرکت اور گفتگو پاکستان ٹیلی ویژن اب سے کچھ دیر بعد براہ راست نشر کرے گا.
بلوچستان میں 216 عسکریت پسند ہلاک، فوجی آپریشن ختمآئی ایس پی آر کے مطابق، ’’ان مربوط کارروائیوں اور بعد ازاں کلیئرنس آپریشنز کے نتیجے میں 216 دہشت گردوں کو ہلاک کیا گیا، جس سے دہشت گرد نیٹ ورکس کی قیادت، کمانڈ اینڈ کنٹرول ڈھانچوں اور عملی صلاحیتوں کو شدید نقصان
بنگلادیش حکومت نے بھارت سے ورلڈکپ میچ نہ کھیلنے پر پاکستان کا شکریہ ادا کیا ہے پاکستان نے بنگلادیش کو ٹی ٹوئنٹی ورلڈکپ سے باہر کیے جانے پر احتجاجاً بھارت کے ساتھ میچ کے بائیکاٹ کا فیصلہ کیاتھا
