چنیوٹ…چنیوٹ میں کھلی کچہری کا انعقادوفاقی وزیر برائے سرمایہ کاری بورڈ قیصر احمد شیخ کی کھلی کچہری میں عوام کی بڑی تعداد نے شرکت کی چنیوٹ۔ 19 دسمبر (اے پی ای نیوز ایجنسی رپورٹس بادبانٹیویٹویٹر رپورٹ):وفاقی وزیر برائے سرمایہ کاری بورڈ قیصر احمد شیخ نے چنیوٹ میں کھلی کچہری کا انعقاد کیا، جس میں عوام کی بڑی تعداد نے شرکت کی۔
کھلی کچہری میں تمام وفاقی اداروں کے ضلعی نمائندے اور متعلقہ انچارج افسران بھی موجود تھے۔وفاقی وزیر قیصر احمد شیخ نے شہریوں کے مسائل تفصیل سے سنے اور ان کے فوری حل کے لیے موقع پر ہی عملی اقدامات کیے۔
متعدد درخواستوں پر انہوں نے ضلعی افسران سے ٹیلی فون پر رابطہ کر کے عوامی مسائل فوری طور پر حل کروائے، جس پر شہریوں نے اطمینان کا اظہار کیا۔اس موقع پر خطاب کرتے ہوئے وفاقی وزیر نے کہا کہ وفاقی حکومت وزیراعظم محمد شہباز شریف کی قیادت میں عوامی خدمت، شفاف حکمرانی اور تیز رفتار کارکردگی کے ایجنڈے پر عمل پیرا ہے
۔ انہوں نے کہا کہ موجودہ حکومت نے قلیل مدت میں مہنگائی پر قابو پانے، معاشی استحکام، سرمایہ کاری کے فروغ، روزگار کے مواقع پیدا کرنے اور عوامی فلاح کے متعدد منصوبے کامیابی سے شروع کیے ہیں۔وفاقی وزیر کا کہنا تھا کہ حکومت کی مؤثر پالیسیوں کے باعث معیشت میں بہتری کے آثار نمایاں ہو رہے ہیں جبکہ عوامی مسائل کے حل کے لیے کھلی کچہریوں، آن لائن شکایتی نظام اور فیلڈ وزٹس کو مزید فعال بنایا گیا ہے۔
انہوں نے ضلعی افسران کو ہدایت کی کہ عوامی شکایات کے بروقت ازالے میں کسی قسم کی غفلت برداشت نہیں کی جائے گی اور شہریوں کو ان کا جائز حق دہلیز پر فراہم کیا جائے۔کھلی کچہری کے اختتام پر شرکاء نے وفاقی وزیر کے عوام دوست رویے اور حکومت کی کارکردگی کو سراہتے ہوئے اس اقدام کو عوامی اعتماد کی بحالی کی جانب گامزن
