بریکنگ نیوزکوئٹہ میں تعینات پاکستان آرمی کے لیفٹیننٹ کرنل عمران نامعلوم مسلح افراد کی فائرنگ کے نتیجے میں شھید حملے میں دو افراد زخمی بھی ہوئے ہیں۔ واقعے کی تحقیقات شروع کر دی گئی ہیں جبکہ حملہ آور فرار ہونے میں کامیاب ہو گئے۔
*حکومت کا پنجاب میں 16 سال سے کم عمر بچوں کو موٹرسائیکل چلانے کی اجازت دینے کا فیصلہ*پنجاب اسمبلی کی اسٹینڈنگ کمیٹی برائے داخلہ نےموٹر وہیکلز ترمیمی بل 2026 کی منظوری دے دی ہے، جس کے تحت پنجاب میں 16 سال سے کم عمر بچوں کو موٹرسائیکل چلانے کی اجازت دینے کا فیصلہ کیا گیا ہے۔کمیٹی نے 16 سال کی عمر میں موٹرسائیکل چلانے کی اجازت کی تجویز منظور کر لی ہے،جبکہ نابالغ افراد کے لیے جووینائل ڈرائیونگ پرمٹ متعارف کرانے کا بھی فیصلہ کیا گیا ہے۔ بل کے مطابق 16 سے 18 سال کے موٹرسائیکل سواروں کے لیے ایک باقاعدہ قانونی فریم ورک تشکیل دیا جائے گا۔
*ایف بی آر نے کسٹمز افسروں کو غیر مجاز سوشل میڈیا استعمال سے خبردار کر دیا*فیڈرل بورڈ آف ریونیو (ایف بی آر) نے سوشل میڈیا پلیٹ فارمز اتھارٹی کی پیشگی اجازت کے بغیر استعمال کرنے والے کسٹمز افسران اور اہلکاروں کے خلاف سخت کارروائی کرنے کا اعلان کر دیا ہے۔سرکاری نوٹیفکیشن کے مطابق، ایف بی آر کی فیلڈ فارمیشنز نے مشاہدہ کیا ہے کہ متعدد افسران نے اجازت کے بغیر سوشل میڈیا پر سرگرم رہ کر سرکاری قواعد و ضوابط کی خلاف ورزی کی ہے۔ بورڈ نے ایسے طرزِ عمل کو “غیر اخلاقی رویہ” قرار دیتے ہوئے کہا ہے کہ یہ گورنمنٹ سرونٹس (کنڈکٹ) رولز، 1964 کے زمرے میں آتا ہے۔
صدر آصف علی زرداری اورمتحدہ عرب امارات کے صدر شیخ محمد بن زاید النہیان کی ابوظہبی میں ملاقاتدونوں رہنماؤں کا دوطرفہ تعلقات کو مزید مضبوط بنانے پر اتفاقملاقات میں دونوں ملکوں کے درمیان دیرینہ اور برادرانہ تعلقات کو مزید مستحکم بنانے کے طریقوں پر تبادلۂ خیالملاقات میں صدر آصف علی زرداری اورمتحدہ عرب امارات کے صدر نے دوطرفہ تعاون کے تمام پہلوؤں کا جائزہ لیادونوں رہنماؤں کا تجارت، سرمایہ کاری، توانائی، انفراسٹرکچر، ٹیکنالوجی اور عوامی روابط سمیت مختلف شعبوں میں نئے مواقع تلاش کرنے پر زورملاقات میں اقتصادی اور اسٹریٹجک شراکت داری کو وسعت دینے کی نمایاں صلاحیت کو اجاگر کیا گیا
دونوں رہنماوں نے اقتصادی و تزویراتی شراکت داری کو مزید وسعت دینے کو اجاگر کیا صدر مملکت نےیو اے ای کے صدر شیخ محمد بن زاید النہیان کے حالیہ دورۂ پاکستان کی اہمیت کو اجاگر کیا ملاقات میں دونوں فریقین نے علاقائی اور بین الاقوامی پیش رفت پر بھی تبادلہ خیال کیا دونوں رہنماوں نے امن، استحکام اور پائیدار ترقی کے فروغ کے عزم کا اعادہ کیا ملاقات میں خاتونِ اول آصفہ بھٹو زرداری، رکنِ قومی اسمبلی اور چیئرمین پیپلز پارٹی بلاول بھٹو زرداری کی بھی شرکتوفاقی وزیرِ داخلہ و انسدادِ منشیات محسن نقوی اور متحدہ عرب امارات میں پاکستان کے سفیر بھی ملاقات میں شریک تھے
پاکستان کا ایشیائی پارلیمانی اسمبلی کے 16ویں سالانہ اجلاس میں بین التہذیبی مکالمے کے فروغ کے عزم کا اعادہ۔ پاکستان نے ایشیائی پارلیمانی اسمبلی (اے پی اے) کے 16ویں سالانہ اجلاس کے موقع پر بین التہذیبی اور بین الثقافتی مکالمے کے فروغ کے لیے اپنے پختہ عزم کا بھرپور اعادہ کرتے ہوئے ایشیا میں امن، استحکام اور پائیدار ترقی کے لیے پارلیمانی سطح پر مشترکہ کاوشوں پر زور دیا۔ پاکستانی پارلیمانی وفد جس کی قیادت ایوانِ بالا کی قائمہ کمیٹی برائے نجکاری کے چیئرمین سینیٹر افنان اللہ خان کر رہے ہیں جو ان دنوں بحرین کے دارالحکومت منامہ میں منعقدہ ایشیائی پارلیمانی اسمبلی کے 16ویں اجلاس میں شرکت کر رہے ہیں۔ وفد میں سینیٹر گردیپ سنگھ، سینیٹر محمد اسلم ابڑو جبکہ رکن قومی اسمبلی محترمہ تسکین اختر نیازی بھی شامل ہیں۔ سینیٹر افنان اللہ خان نے پاکستان کی پارلیمنٹ کی نمائندگی کرتے ہوئے اجلاس سے خطاب میں ایشیا میں پرامن بقائے باہمی، باہمی احترام اور پائیدار ترقی کے لیے بین التہذیبی مکالمے کو بنیادی ستون قرار دیا۔ انہوں نے بحرین کی مجلس نمائندگان کے اسپیکر اور ایشیائی پارلیمانی اسمبلی کے صدر عزت مآب احمد بن سلمان المسلم کو اے پی اے کی صدارت سنبھالنے پر پاکستان کی حکومت اور عوام کی جانب سے مبارکباد پیش کی اور تنظیم کی 20ویں سالگرہ کے تاریخی موقع پر مملکتِ بحرین کی میزبانی کو سراہا۔ انہوں نے ایشیائی پارلیمانی اسمبلی کے سابق صدر کی قیادت اور اے پی اے سیکرٹریٹ کے مؤثر انتظامات کی بھی تعریف کی۔ ایشیائی پارلیمانی اسمبلی کے شرکا سے خطاب میں سینیٹر افنان اللہ خان نے معاشی بے یقینی، جغرافیائی سیاسی کشیدگی، معاشرتی تقسیم اور عدم برداشت جیسے بڑھتے ہوئے عالمی چیلنجز کا حوالہ دیتے ہوئے کہا کہ پارلیمانوں پر یہ خصوصی ذمہ داری عائد ہوتی ہے کہ وہ جامع طرزِ حکمرانی کو فروغ دیں، باہمی ہم آہنگی کو مضبوط کریں اور مکالمے کو قانون سازی، احتساب اور عوامی نمائندگی کے ذریعے مؤثر عوامی پالیسی میں ڈھالیں۔
انہوں نے اس امر پر زور دیا کہ ایشیا کی اصل طاقت اس کے عظیم تہذیبی ورثے میں مضمر ہے جو صدیوں پر محیط بقائے باہمی، مکالمے اور باہمی سیکھنے کی روایت کا امین ہے۔انہوں نے کہا کہ بین الثقافتی اور بین المذاہب مکالمہ اب محض ایک انتخاب نہیں بلکہ انتہا پسندی، جھوٹی معلومات اور معاشرتی تقسیم کا مؤثر تدارک کرنے کے لیے ناگزیر ضرورت بن چکا ہے۔ پاکستان کے تاریخی اور آئینی پس منظر کا حوالہ دیتے ہوئے سینیٹر افنان اللہ خان نے کہا کہ پاکستان کا کثیر الثقافتی اور ہم آہنگ معاشرتی نظریہ اس کی تہذیب اور آئین میں ایستادہ ہے جو مذہبی آزادی، قانون کی نظر میں برابری اور اقلیتوں کے حقوق کے تحفظ کی ضمانت دیتا ہے۔ انہوں نے بین المذاہب ہم آہنگی کے ادارہ جاتی اقدامات اور سینیٹ آف پاکستان میں اقلیتی کاکس جیسے فورمز کا ذکر کیا جو رواداری کے فروغ اور اقلیتوں کے حقوق کے تحفظ کے لیے سرگرم عمل ہیں۔ وفد کے سربراہ نے عالمی سطح پر پاکستان کے فعال کردار کو اجاگر کرتے ہوئے اقوام متحدہ میں امن اور رواداری کے فروغ، مذہبی مقامات کے تحفظ اور بین المذاہب و بین الثقافتی مکالمے کے لیے مشترکہ قراردادوں میں اہم کردار ادا کرنے کا حوالہ دیا۔ انہوں نے کرتارپور راہداری کو بین المذہب ہم آہنگی مکالمے سے عملی تعاون میں بدلنے کی ایک زندہ مثال قرار دیا جو عوامی روابط اور باہمی اعتماد کے فروغ میں سنگِ میل ثابت ہوئی ہے۔ سینیٹر افنان اللہ خان نے پاکستان کی پہلی قومی ثقافتی پالیسی (2018)، نیشنل ہسٹری میوزیم کے قیام، تاریخی ورثے کے تحفظ کے منصوبوں اور ثقافتی احیاء کے اقدامات کو سماجی ہم آہنگی اور جامع قومی شناخت کے فروغ کی عملی کوششیں قرار دیا۔ انہوں نے ایشیائی پارلیمانی اسمبلی کے کردار کو سراہتے ہوئے کہا کہ اے پی اے علاقائی سطح پر مشترکہ پارلیمانی اقدامات، تجربات کے تبادلے اور مشترکہ چیلنجز کے مؤثر حل کے لیے ایک مضبوط پلیٹ فارم فراہم کرتی ہے، جو اپنی قراردادوں اور مسلسل روابط کے ذریعے ایشیا کے عوام کو قریب لانے میں اہم کردار ادا کر رہی ہے۔
خطاب کے اختتام پر سینیٹر افنان اللہ خان نے اے پی اے کے مقاصد کے حصول کے لیے پاکستان کے تعمیری اور فعال تعاون کے عزم کا اعادہ کرتے ہوئے اس امر پر زور دیا کہ بین التہذیبی اور بین الثقافتی مکالمے کو پارلیمانی سطح پر مستقل ترجیح بنایا جائے تاکہ ایشیا کے تنوع کو اتحاد، استقامت اور مشترکہ ترقی کا ذریعہ بنایا جا سکے۔
: 28 جنوری 2026*وزیراعظم محمد شہباز شریف سے گیٹس فاؤنڈیشن کے صدر برائے عالمی ترقی کرس ایلیاس کی وفد کے ہمراہ ملاقات* *پاکستان میں پولیو کے مکمل سد باب تک بل گیٹس فاونڈیشن جیسے قابل اعتماد شراکت داروں کے تعاون سے اقدامات جاری رکھے جائیں گے۔ وزیراعظم* *پاکستان سے پولیو کے سد باب کے لئے بل گیٹس کی قابل قدر خدمات یاد رکھی جائیں گی۔ وزیراعظم**پاکستان سے پولیو کے سد باب میں بل گیٹس اور مسلم برادر ممالک سعودی عرب کے تعاون کے بے حد شکر گزار ہیں۔ وزیراعظم* *حکومت جامع حکمت عملی اور موثر ٹیم کے ساتھ عملی اقدامات کر رہی ہے اور جلد پاکستان سے اس بیماری کے مکمل خاتمے کے لیے پر عزم ہے۔وزیراعظم**اسں بیماری کے خلاف جاری جنگ میں خاطر خواہ کامیابی کے باوجود ہنگامی بنیادوں پر مزید اقدامات ناگزیر ہیں۔ وزیراعظم* *وفاقی حکومت موثر حکمت عملی کے تحت ملک کے طول و عرض میں پولیو ٹیم کی رسائی ممکن بنانے کے لیے صوبوں کے ساتھ مکمل ہم آہنگی کے ساتھ کام کر رہی ہے۔ وزیراعظم**ملک میں انسداد پولیو کی مہم کے پبلک سیکٹر ڈیولپمنٹ پروگرام کے تحت متعلقہ منصوبے جاری رکھے جائیں گے۔وزیراعظم**انسداد پولیو سے متعلق عوامی آگاہی اور ویکسین کی فراہمی کے لیۓ وفاقی وزارت صحت تمام متعلقہ اداروں کے ساتھ مل کر سفارشات مرتب کرے۔ وزیر اعظم کی ہدایت* *گیٹس فاؤنڈیشن، وزیراعظم پاکستان کی انسداد پولیو پر ذاتی توجہ اور اس تناظر میں اٹھائے گئے موثر عملی اقدامات کو نہایت قدرکی نگاہ سے دیکھتی ہے۔ گیٹس فاؤنڈیشن صدر برائے عالمی ترقی کرس ایلیاس**پاکستان پولیو کے مکمل خاتمے کے لیے موثر اقدامات اٹھا رہا ہے جو کامیابی کی طرف گامزن ہے۔ کرس ایلیاس* *پاکستان میں وفاقی اور صوبائی حکومتوں اورمتعلقہ اداروں سے انسداد پولیو پر تعمیری مشاورت جاری رہے گی۔ کرس ایلیاس* *پاکستان میں پولیو وائرس کی ماحولیاتی موجودگی کے خاتمے اور تمام علاقوں میں پولیو ٹیم کی رسائی کے تناظر میں موثر اقدامات اٹھائے گئے ہیں جو قابل تحسین ہیں۔ کرس ایلیاس*اسلام آباد میں وزیراعظم سے گیٹس فاونڈیشن کے اعلی سطحی وفد نے ملاقات کی۔ ملاقات کے لئے آنے والے وفد میں گیٹس فاونڈیشن کے صدر برائے عالمی ترقی کرس ایلیاس اور ڈائریکٹر پولیو کیتھی نیوزیل اور ڈپٹی ڈائریکٹر پولیو مائیکل گالوے شامل تھے۔ملاقات میں وفاقی وزیر برائے پلاننگ اینڈ ڈویلپمنٹ احسن اقبال، وفاقی وزیر برائے صحت سید مصطفی کمال، وزیر اعظم کی فوکل پرسن برائے انسداد پولیو عائشہ رضا فاروق اور دیگر سرکاری عہدے داران بھی شامل تھے۔ اسلام اباد میں ہونے والی اس ملاقات میں وزیراعظم نے گیٹس فاؤنڈیشن اور مسلم برادر ملک سعودی عرب کی طرف سے انسداد پولیو کے لئے تعاون پر شکریہ ادا کیا۔ گیٹس فاؤنڈیشن کے صدر برائے عالمی ترقی کرس ایلیاس نے پاکستان میں کامیابی سے جاری انسداد پولیو مہم پر مکمل اعتماد کا اظہار کیا۔ انہوں نے وزیراعظم پاکستان کو بل گیٹس کی جانب سے نیک خواہشات کا پیغام بھی دیا۔
انہوں نے مزید کہا کہ امید کی جا سکتی ہے کہ جاری اقدامات کے نتیجے میں پاکستان جلد اس بیماری کے مکمل خاتمے کی منزل حاصل کر لے گا۔ اس موقع پہ وفاقی وزیر برائے پلاننگ اینڈ ڈیویلپمنٹ احسن اقبال نے انسداد پولیو کے لیے جاری پبلک سیکٹر ڈیولپمنٹ کے تحت اقدامات سے وفد کو آگاہ کیا۔ وفاقی وزیر برائے صحت سید مصطفی کمال نے وزیراعظم کی رہنمائی اور بل گیٹس کی ٹیم کے تعاون کا شکریہ ادا کرتے ہوئےاقدامات مزید موثر انداز میں جاری رکھنے کے عزم کا اعادہ کیا۔وزیر اعظم کی فوکل پرسن برائے انسداد پولیو عائشہ رضا فاروق نےبھی ملاقات میں انسداد پولیو کے تحت تمام صوبوں اور شہروں میں جاری اقدامات پر حاضرین کو آگاہ کیا۔اس موقع پر وزیراعظم نے وفد میں شامل گیٹس فاؤنڈیشن کی ڈائریکٹر پولیو ڈاکٹر کیتھی نیوزیل کو ان کی حالیہ تقرری پر مبارکباد اور نیک خواہشات کا اظہار کیا۔
