ان لینڈ ریونیو سروس آفیسرز ایسوسی ایشن (آئی آر ایس او اے ) کے انتخابات کا انعقاد اسلام آباد میں ہوا، جسے تنظیمی تاریخ کا اہم موڑ قرار دیا جارہا ہے۔ ریفارمسٹ اور کامریڈ گروپ کے امیدواروں میں کانٹے دار مقابلہ ہوا۔اس موقع پر ایف بی آرگریڈ 20 کے آفیسر وسیم حیات باجوہ 661 ووٹ لے کر کامیاب قرار پائے ہوں وہ ایف بی آران لینڈ ریونیو سروس آفیسرز ایسوسی ایشن کے صدر منتخب ہوگئے۔ وہ اس سے قبل ڈی جی فیڈرل گورنمنٹ ایمپلائیز باؤسنگ فاؤنڈیشن ایگزیکٹو ڈی جی نیا پاکستان اور ممبر پلاننگ سی ڈی اے کے اہم عہدوں پر خدمات انجام دے چکے ہیں۔انتخابی نتائج کے مطابق وسيم حيات باجوہ 661 ووٹ کے ساتھ صدارت کےعہدے پر فائز ہوئے۔ مقابلے میں نائب علی پٹھان اور نفیسہ ستی نائب صدور جبکہ علی صالح حیات کلیار سیکریٹری جنرل کے عہدے پر منتخب ہوئے ۔ اس کے علاوہ غلام مصطفی ڈوگر کو جوائنٹ سیکرٹری، سہیل انجم کو پریس سیکریٹری اور رفعت عزیز کو خزانچی کے عہدے ملے ۔نتائج کو تنظیمی اراکین کے نومنتخب قیادت پر اعتماد کا اظہار جانا جارہا ہے ۔ اس موقع پر نئی ٹیم کے رہنماؤں کی جانب سے آئی آر ایس او اے کے مقاصد اور اپنی ذمہ داریوں کو احسن طریقے سے نبھانے کے ساتھ آنے والے چیلنجوں سے نمٹنے کے عزم کا اظہار بھی کیا گیا۔

قومی اسمبلی سیکرٹریٹڈائریکٹوریٹ جنرل آف *اسپیکر قومی اسمبلی سردار ایاز صادق کا ایرانی سفارت خانے کا دورہ*اسلام آباد ؛5 جون 2024،اسپیکر قومی اسمبلی سردار ایاز صادق نے بدھ کے زور ایرانی سفارتخانے کا دورہ کیا اور ایرانی سفیر سے مرحوم صدر ابراہیم رئیسی، ایرانی وزیر خارجہ اور ہیلی کاپٹر حادثے کے دیگر شہداء کے قیمتی جانی نقصان پر اظہار تعزیت کیا اور ان کے ایصال ثواب کیلئے فاتحہ خوانی کی۔اس موقع پر گفتگو کرتے ہوئے اسپیکر نے کہا کہ مرحوم صدر ابراہیم رئیسی بہت بڑے اسکالر اور مدبر سیاسی رہنما تھے، ان کی ہیلی کاپٹر میں رحلت نہ صرف ایران بلکہ مسلم اُمہ کے لیے بڑا صدمہ ہےاور ناقابل تلافی نقصان ہے جسے مدتوں پورا نہیں کیا جا سکتا۔ اسپیکر نے صدر رئیسی سے ان کے حالیہ دورہ پاکستان کے دوران ہونے والی اپنی ملاقات کا ذکر کرتے ہوئے کہا کہ یہ ملاقات انتہائی خوش گوار اور دوستانہ ماحول میں ہوئی اور بڑی مفید ملاقات رہی ۔اسپیکر نے کہا کہ انہوں نے صدر رئیسی اور مرحوم وزیر خارجہ کو پاک۔ ایران دوستی اور خطے میں مشترکہ ترقی اور خوشحالی کا داعی پایا۔ اسپیکر نے ایرانی عوام سے اظہار یکجہتی کرتے ہوئے کہا کہ دکھ اور مشکل کی اس گھڑی میں پاکستان کی پارلیمان اور عوام اپنے ایرانی بہن ، بھائیوں کے دکھ میں برابر کی شریک ہیں اور ان کے شانہ بشانہ کھڑے ہیں۔اسپیکر نے صدر رئیسی اور دیگر شہدا کے درجات کی بلندی کے لیے کی دعا کی۔ انہوں کہا کہ وہ سفر میں تھے جس کی وجہ سے پہلے حاظر نہیں ہو سکے۔ ایران کے سفیر نے ایرانی سفارتخانے آمد، مرحوم صدر ابراہیم رئیسی اور دیگر شہداء کی رحلت پر اظہار تعزیت اور ایرانی عوام سے یکجہتی کا اظہار کرنے پر اسپیکر کا شکریہ ادا کیا ۔انہو ں نے مرحوم صدر رئیسی کے مشن کو جاری رکھتے ہوئے ایران پاکستان تعلقات کو مزید مستحکم بنانے کیلئے کوششیں جاری رکھنے کے عزم کا اعادہ کیا۔اسپیکر قومی اسمبلی نے ایرانی سفارتخانے میں رکھی تعزیتی کتاب میں اپنا تعزیتی پیغام بھی قلمبند کیا۔

شینزین (چین)۔ وفاقی وزیر اطلاعات عطاءاللہ تارڑ کی میڈیا سے گفتگووزیراعظم شہباز شریف سی پیک کے اندر ایک نئی جدت لے کر آئے ہیں، وزیر اطلاعاتوزیراعظم کے وژن کے تحت سی پیک میں ایک نئے دور کا آغاز ہو رہا ہے، وزیر اطلاعاتشینزن میں بزنس ٹو بزنس کانفرنس میں 500 سے زائد پاکستانی اور شینزین کی کاروباری شخصیات نے شرکت کی، وزیر اطلاعاتپاکستان اور چین کے درمیان تعلقات ایک نئے دور میں داخل ہو رہے ہیں جو پاکستانی معیشت کے لئے اہم سنگ میل ہیں، وزیر اطلاعاتشینزین میں بزنس ٹو بزنس ملاقاتیں اور کانفرنس پاکستان کی معیشت کے استحکام اور ترقی میں اپنا بھرپور کردار ادا کریں گی، وزیر اطلاعاتموبائل فون مینوفیکچرنگ پلانٹ کے اونر سے بھی ملاقات ہوئی، ان کی فیکٹری پاکستان میں کام کر رہی ہے، یہ پاکستان سے ایکسپورٹ کریں گے، وزیر اطلاعاتالیکٹرک وہیکلز کے حوالے سے بھی گفتگو ہو رہی ہے، عطاءاللہ تارڑوزیراعظم شہباز شریف بیجنگ میں چینی قیادت سے بھی ملاقات کریں گے، وزیراطلاعاتانشاءاللہ ان اقدامات کی بدولت پاکستان ترقی کرے گا، وفاقی وزیر اطلاعات

Breaking News ⚠️

وفاقی حکومت کے دو اہم فیصلے

وفاقی حکومت کا موجودہ نیٹ میٹرنگ سسٹم ختم کرنے کا فیصلہ

سعودی عرب کی سرمایہ کاروں کیساتھ 600 میگاواٹ کا سولر پاور پلانٹ لگانے کا فیصلہ

وزیراعظم شہبازشریف نے دونوں فیصلوں سے متعلق سمری ارسال کرنے کی ہدایت کردی

وزیراعظم کی سولر بجلی کی خریداری اور فروخت کے دو الگ الگ نرخ تیار کرنے کی ہدایت

گرفتار ملزمان میں جہانزیب،عابد حسین اور حسین بخش شامل ہیں جن کا تعلق راجن پور سے ہے، اس کے ساتھ ساتھ اسلام آباد کی ضلعی انتظامیہ اور سی ڈی اے انوائرنمنٹ ڈیپارٹمنٹ نے کارروائی کرتے ہوئے ایک اور شخص کو بھی گرفتار کیا ہے جس سے تحقیقات کی جارہی ہیں

مارگلہ ہلز میں آگ لگانے کے حوالے سے گرفتارملزمان نے سارا کچا چٹھا کھول دیا ہے۔ملزمان نے پولیس کو بتایا ہے کہ مارگلہ ہلز میں آگ لگتی نہیں بلکہ لگائی جاتی تھی،کلنجرگاؤں سے گرفتار افراد کا بتانا ہے کہ وہ شہد اکٹھا کرنے کی غرض سے مارگلہ ہلز جاتےتھے،مارگلہ ہلز پر چھوٹی مکھی کے شہد کے گچھے بڑی تعداد میں موجود ہیں،مکھیوں کو بھگانے کے لئے آگ اور دھوئیں کا استعمال کرتے تھے،شہد اکٹھا کرنے کے لئے فیصل مسجد کے عقب میں یہ کام کیا جاتا تھ

سائفر کی ڈی کلاسیفائیڈ تمام کاپیاں وزارت خارجہ کو واپس موصول ہو گئیں،چیئرمین سینیٹ اور سپیکر قومی اسمبلی نے سائفر کی ڈی کلاسیفائیڈ کاپیاں دفتر خارجہ کو واپس کر دیں، پی ٹی آئی حکومت میں سائفر کاپیاں چیف جسٹس، سپیکر قومی اسمبلی اور چیئرمین سینیٹ آفس کو ارسال کی گئی تھیں۔کاپیاں سائفر کے مزید سیاسی استعمال کے روک تھام کے تحت واپس منگوائی گئی ہے۔
2023 میں سائفر کیس عدالتوں میں زیر سماعت تھا۔ وزارت خارجہ کی جانب سے سپیکر اور چیئرمین سینیٹ کو سائفر کی کاپیاں واپس مانگنے کیلئے خط لکھا گیا۔سپیکر اور چیئرمین سینیٹ آفس نے سکیورٹی پروٹوکول کے تحت دونوں کاپیاں واپس وزارت خارجہ کو ارسال کیں۔

دونوں آفسز نے کاپیوں کی واپس وصولی کی تصدیق بھی کی ہے۔ذرائع کا کہنا ہے کہ وزارت خارجہ نے یہ اقدام سائفر کے مزید سیاسی مقاصد کے استعمال سے روکنے کیلئے کیا تھا، سائفر کو دونوں ایوانوں میں زیر بحث لانے کیلئے سپیکر اور چیئرمین سینیٹ کو ارسال کیا گیا تھا۔

سابق وزیراعظم کے دور میں کابینہ کی منظوری کے بعد سائفر کو ڈی کلاسیفائیڈ کر کے سپیکر اور چیئرمین سینیٹ کو ارسال کیا گیا تھا۔خیال رہے کہ گزشتہ روزاسلام آباد ہائیکورٹ نے عمران خان اور شاہ محمود قریشی کی سائفر کیس میں سزا کالعدم قرار دیتے ہوئے بری کردیا تھا۔سائفر کیس میں سزاﺅں کیخلاف اپیلوں پر سماعت ہوئی تھی۔اسلام آباد ہائیکورٹ نے سائفر کیس میں سزاﺅں سے متعلق فیصلہ سنادیاتھا اورسابق چیئرمین پی ٹی آئی اور شاہ محمودقریشی قریشی کی سائفرکیس میں اپیلیں منظورکرلی گئیں تھیں۔
اپیلیں سننے والے بینچ میں چیف جسٹس عامرفاروق اور جسٹس میاں گل حسن اورنگزیب شامل تھے۔ بینج نے گزشتہ روز سماعت کے بعد فیصلہ محفوظ کیا تھا۔عدالت کی جانب سے سائفر کیس میں عمران خان اور شاہ محمود قریشی کی بریت کا تحریری فیصلہ بھی جاری کردیا گیا تھا۔اسلام آباد ہائیکورٹ نے سائفر کیس میں سزا کے خلاف اپیلوں کا مختصر تحریری حکم نامہ جاری کردیاتھا۔حکم نامہ میں کہا گیا تھا کہ بانی پی ٹی آئی اور شاہ محمود کسی اور مقدمے میں گرفتار نہیں تو انہیں رہا کیا جائے۔30جنوری کا ٹرائل کورٹ کا فیصلہ کالعدم قرار دیا جاتا ہے ۔بانی پی ٹی آئی اور شاہ محمود کو 15 اگست کی ایف آئی آر کے الزامات سے بری کردیاگیاتھا۔کیس کا تفصیلی حکم نامہ بعد میں جاری کیا جائے گا۔

اسلام آباد ہائیکورٹ نے اسلام آباد میں بلدیاتی انتخابات کرانے کی تاریخ 10 جولائی تک طلب کر لی،بلدیاتی انتخابات نا کرانے کے خلاف کیس کی سماعت ہوئی جسٹس محسن اختر کیانی نے کیس کی سماعت کی۔درخواست گزاروں کی جانب سے بیرسٹر عمر اعجاز گیلانی و دیگر وکلا عدالت کے سامنے پیش ہوئے۔ اسلام آباد ہائیکورٹ نے نئے ریٹ پر پراپرٹی ٹیکس نوٹسز بھی معطل کر دئیے۔
حکام الیکشن کمیشن نے بتایا کہ حلقہ بندیوں کے حوالے سے شیڈول دیا ہوا ہے۔ جسٹس محسن اختر کیانی نے ریمارکس دئیے کہ 125 یونین کونسل کی حد تک حلقہ بندیاں ہو چکیں نئی کی ضرورت نہیں، سپریم کورٹ کا فیصلہ ہے اور اسلام آباد ہائیکورٹ کا بھی فیصلہ ہے کہ لوکل گورنمنٹ الیکشن کرانے ہیں۔

کیا بانی پی ٹی آئی، نواز شریف، شہباز شریف سب کی حکومتیں اس کی ذمہ دار ہیں کہ کسی نے اسلام آباد لوکل گورنمنٹ الیکشن نہیں کرائے۔

جسٹس محسن اختر کیانی نے الیکشن کمیشن وکیل کو ہدایت کی کہ نیشنل اسمبلی کے حلقوں سے یونین کونسل کو مکس نا کریں، کیا ہر دو تین ماہ بعد نئی حلقہ بندیاں ہوں گی؟ وفاقی حکومت سے پوچھ کر آئیں اسلام آباد لوکل گورنمنٹ الیکشن کی تاریخ بتا دیں۔ جسٹس محسن نے ریمارکس دئیے کہ اگر تاریخ نا دی تو وفاقی حکومت اور الیکشن کمیشن کو بھی توہین عدالت کا نوٹس کروں گا۔
جسٹس محسن اختر کیانی نے ریمارکس دئیے کہ پٹشنرز کو پرانے ریٹ پر پراپرٹی ٹیکس جمع کرانا ہوگا، لوکل گورنمنٹ کی منظوری کے بعد یہ ٹیکس لگا سکیں گے۔ جسٹس محسن اختر کیانی نے الیکشن کمیشن حکام سے استفسار کیا کہ لوکل گورنمنٹ کے الیکشنز کیوں نہیں ہو رہے؟۔جسٹس محسن اختر کیانی نے ریمارکس دیے کہ سی ڈی اے ایم سی آئی کے نام پر سارے شہر کی تباہی پھیر رہا ہے، بغیر لوکل گورنمنٹ آپ نے اربوں کے ٹیکس لگا دیے، اگر لوکل گورنمنٹ الیکشن تاریخ نہیں دیں گے تو چیف الیکشن کمشنر کو بتا دیں اور وفاقی حکومت کو بھی بتا دیں توہین عدالت نوٹس کروں گا، بغیر کسی اختیار کے سی ڈی اے نے ایم سی آئی کے اربوں روپے کے فنڈز استعمال کر لئے۔