پاکستان کی تاریخ میں کبھی شفاف الیکشن نہیں ہوپاۓ ہیں,70 کی دہائی میں فیئر الیکشن ہوئے تو اس کوتسلیم نہیں کیا گیا اور ملک دولخت ہوگیا۔حرجماعت کے روحانی پیشوا پیر پگارا سید صبغت اللہ شاہ کا سابق وزیر اعلی بلوچستان میر جان محمد خان جمالی کےہمراہ میڈیا سے گفتگو,اس موقع پر پیر پگارا نے کہا کہ حالیہ انتخابات کو عالمی سطح پر تنقید کا سامنا کرنا پڑا ہے اور عوام کے ووٹ کو عزت نہیں دی گئی,انہوں نے مزید کہا کہ اسٹیبلشمنٹ لنگڑے گھوڑے ریس میں دوڑا رہا ہے جو کبھی ملک کو راہ راست پر نہیں لاسکتے,ایک سوال کے جواب میں پیر سائیں نے کہا کہ سندھ کے عوام کا معاشی قتل کرنے کے لئے زرداری صاحب کو سندھ میں حکومت بنا کردی تاکہ دریاء سندھ پرنئے کینالز کو تعمیر کرکے پنجاب کی بنجر زمینیں آباد اور سندھ اور بلوچستان کی زرخیر ایراضی بنجر کیا جاسکے۔اس موقع پر سابق وزیر اعلی میر جان محمد خان جمالی نےکہا کہ پیر پگارا کا 61 سال بعد اوستہ محمد کی سرزمین پر قدم رکھنا تبرکات کا باعث ہے اورمسرت کا اظہار کرتے ہیں کیونکہ یہ علاقے کے لئے نیک شگون ہے۔میر صاحب نے علاقے کی خوشحالی کے لئے پیر سائیں پگارا سے خصوصی دعا بھی کروائی,اس موقع پر علاقائی معتبرین کی بڑی تعداد موجود تھی۔

پاکستان کی سلامتی کے ضامن اسٹریٹجک پروگرام پر کوئی سمجھوتہ نہیں اور تمام سیاسی جماعتیں اس پر متفق ہیںپاکستان کے اسٹریٹجک اثاثوں اور میزائل پروگرام پر تمام سیاسی جماعتوں، طبقوں اور مکتبہ فکر میں مکمل اتفاق ہے کے کسی کو بھی پاکستان کی سلامتی کے ضامن اثاثوں کو نقصان پہنچانے کی اجازت نہیں دی جا سکتی پاکستان کی سیکیورٹی اور سلامتی ہر پاکستانی کے لئے مقدم ہے – اور پوری پاکستانی قوم یک زبان اور یک جان ہوکر اپنے اسٹریٹجک اثاثوں کی حفاظت کرنا جانتی ہے

سینٹرل سلیکشن بورڈ اجلاس موخر ہونے سے 400 سے زائد افسران کی ترقیاں زیر التواءحکومت نے گریڈ 20 اور21 میں افسران کی ترقیوں کے لیے سینٹرل سلیکشن بورڈ کا اجلاس جو 23 سے 27 دسمبر ہونا تھا اسٹیبلشمنٹ ڈویڑن نے تاحکم ثانی موخر کرنیکا نوٹیفکیشن جاری کر دیا۔گزشتہ ماہ نومبر میں شیڈول اجلاس بھی موخر کیا گیا تھا، سینٹرل سلیکشن بورڈ کا آخری اجلاس اگست 2023 میں ہوا تھا۔وزیراعظم نے گزشتہ روز سنٹرل سلیکشن بورڈ کی تشکیل نو کی منظوری دی تھی ،بورڈ اجلاس نہ ہونے کے باعث 400 سے زائد افسران کی ترقی ایک سال 4 ماہ سے زیرِ التوا ہے۔قواعد کے مطابق سینٹرل سلیکشن بورڈ کا اجلاس سال میں 2 مرتبہ منعقد ہونا چاہیے۔

*پاکستان نے جنوبی افریقہ کو دوسرے ون ڈے میں شکست دے کر سیریز میں فیصلہ کن برتری حاصل کرلی*پاکستان نے جنوبی افریقا کو دوسرے ون ڈے میں شکست دے کر 3 ون ڈے میچز کی سیریز میں 2 صفر کی فیصلہ کن برتری حاصل کرلی۔جنوبی افریقہ کے دارالحکومت کیپ ٹاؤن میں کھیلے جانے والے دوسرے ایک روزہ میچ میں پروٹیز کپتان ٹیمبا باووما نے ٹاس جیت کر پہلے باؤلنگ کا فیصلہ کیا، پہلے میچ میں آرام کرنے والے باووما کی ٹیم میں واپسی ہوئی ہے۔قومی ٹیم 49.5 اوورز میں 329 رنز بنا کر آل آؤٹ ہوئی، پاکستان کی جانب سے کپتان محمد رضوان 80 رنز بنا کر ٹاپ اسکورر رہے۔گرین شرٹس کی جانب سے اوپننگ بیٹر عبداللہ شفیق اور صائم ایوب نے اننگز کا آغاز کیا۔تاہم عبداللہ شفیق مسلسل دوسرے میچ میں ناکام رہے اور بغیر کوئی رن بنائے پویلین لوٹ گئے، اس کے بعد صائم ایوب اور بابر اعظم نے دوسری وکٹ پر 48 رنز کی شراکت داری قائم کی، گزشتہ میچ میں سینچری اسکور کرنے والے صائم ایوب 25 رنز بنا کر آؤٹ ہوئے۔53 رنز پر 2 کھلاڑی آؤٹ ہونے کے بعد محمد رضوان اور بابر اعظم نے ٹیم کے اسکور کو آگے بڑھایا، دونوں کھلاڑیوں نے پر اعتماد بیٹنگ کی اور نصف سینچریاں اسکور کی، بابر اعظم نے کریئر کی 33 ویں اور محمد رضوان نے 14ویں ففٹی اسکور کی۔بابر اعظم 73 رنز اور محمد رضوان 80 رنز بنا کر آؤٹ ہوئے، دونوں نے ملکر ٹیم کے اسکور کو 200 رنز کے قریب پہنچایا، اس کے بعد آغا سلمان اور کامران غلام نے بھی جارحانہ بلے بازی کی، آغا سلمان 30 اور کامران غلام 32 گیندوں پر 63 رنز بنا کر آؤٹ ہوئے، ان کی اننگز میں 5 چھکے اور 4 چوکے شامل تھے۔پروٹیز کی جانب سے ڈیبیو کرنے والے فاسٹ باؤلر کیوین مافاکا نے 4 کھلاڑیوں کو پویلین کی راہ دکھائی جبکہ مارکو جانسن 3 وکٹیں لے کر نمایاں باؤلر رہے۔جنوبی افریقہ کی ٹیم پاکستان کے 330 رنز کے ہدف کے جواب میں 248 رنز بنا کر آؤٹ ہوگئی، تین سو تیس رنز ہدف کے تعاقب میں جنوبی افریقا کے ہینرچ کلاسن نے 97 بنا کر کچھ مزاحمت کی۔ان کے علاوہ کوئی بیٹر نمایاں کھیل نہ دکھا سکا اور پوری پروٹیز ٹیم 248 رنز بناکر آؤٹ ہوگئی، اس طرح یہ میچ پاکستان نے 81 رنز سے اپنے نام کرلیا۔اس فتح کے ساتھ 3 ون ڈے میچز کی سیریز میں پاکستان کو 2 صفر کی فیصلہ کن برتری حاصل ہوگئی، محمد رضوان نے کپتان بننے کے بعد مسلسل تیسری ون ڈے سیریز اپنے نام کی۔پاکستان کی جانب سے شاندار بولنگ کرتے ہوئے شاہین شاہ آفریدی نے 4 پروٹیز بلے بازوں کو پویلین کی راہ دکھائی، نسیم شاہ نے 3 اور ابرار احمد نے 2 کھلاڑیوں کو آؤٹ کیا۔آج کے میچ کے لیے گرین شرٹس نے ٹیم میں کوئی تبدیلی نہیں کی تھی اور وننگ کمبینیشن کو برقرار رکھا تھا جب کہ جنوبی افریقہ نے چار تبدیلیاں کیں، میزبان ٹیم کی جانب سے کیوین مافاکا نے ون ڈے کرکٹ میں اپنا (ڈیبیو) پہلا میچ کھیلا۔

*پاکستان ایسے میزائل بنا رہا ہے جو امریکی اہداف کو بھی نشانہ بناسکتےہیں، امریکی نائب قومی سلامتی مشیر**جان فائنر نے کہا کہ پاکستانی اقدامات کو ایک ابھرتی ہوئی دھمکی کے علاوہ کسی اور چیز کے طور پر دیکھنا مشکل ہے۔*واشنگٹن: امریکی نائب مشیر برائے قومی سلامتی نے کہا ہے کہ پاکستان ایسے میزائل بنا رہا ہے جو امریکی اہداف کو بھی نشانہ بنا سکتے ہیں۔نائب مشیر برائے قومی سلامتی جان فائنر نے کہا ہے کہ پاکستان ایسے میزائل تیار کر رہا ہے جو جنوبی ایشیا سے باہر امریکا کے اہداف کو بھی نشانہ بناسکتے ہیں۔انہوں نے کہا کہ پاکستان کی میزائل تیاریاں اس کے ارادوں کے بارے میں سوالات اٹھاتی ہے۔

*واٹر لائن کی مرمت مکمل؛ کراچی میں پانی کی فراہمی شروع**کراچی میں 17 دن بعد 84 انچ قطر کی لائن کا مرمتی کام مکمل کرکے دھابیجی پمپنگ اسٹیشن سے شہر کو پانی کی فراہمی شروع کردی گئی، متاثرہ دنوں میں شہر کو چار ارب گیلن سے زائد سے پانی فراہم نہیں کیا جاسکا تھا، جس کی وجہ سے شہری پانی کی بوند بوند کو ترس گئے تھے۔**کراچی میں ریڈ لائن کے تعمیراتی کام کے دوران 84 انچ قطر کی لائن کو 2 مقامات سے پھاڑ دیا گیا تھا جس کے بعد واٹر کارپوریشن نے 3 دسمبر سے مرمتی کام کا آغاز کیا تھا، 9 دسمبر کو مرمتی کام مکمل کیا گیا، تاہم ایک مقام سے رساؤ آگیا، پھر مرمتی کام کے نام پر شہر کے مختلف علاقوں کا پانی بند کردیا گیا، تاہم 20 دسمبر کو بلآخر مرمتی کام مکمل کرلیا گیا۔**اس دوارن کراچی کے شہری پانی کی بوند بوند کو ترس گئے، واٹر کارپوریشن حکام کا کہنا تھا کہ لائن کی مرمت کا کام مکمل کرکے دھابیجی پمپنگ اسٹیشن سے پانی کی مرحلہ وار فراہمی شروع کردی گئی ہے۔ شہر میں پانی کی فراہمی معمول پر آنے میں 24 گھنٹے لگیں گے۔**کراچی میں 17 دن تک شہری پانی کی وجہ سے اذیت سے دوچار ہوگئے تھے۔ شہر کے مختلف علاقوں بشمول کورنگی، لانڈھی، شاہ فیصل کالونی، ملیر، گلشن اقبال، گلستان جوہر،جمشید روڈ، رامسوامی، گارڈن، کلفٹن، ڈیفنس سمیت 60 سے 70 فیصد علاقے پانی کی عدم فراہمی سے بری طرح متاثر ہوئے تھے۔*

یونان میں کشتی حادثہ: ریسکیو آپریشن ختم، لاپتہ افراد مردہ قراریونانی کوسٹ گارڈ نے تارکین وطن کی تلاش کے لیے سمندر میں ریسکیو آپریشن ختم کرتے ہوئے کہا ہے کہ لاپتہ افراد کو اب مردہ تصور کیا جائے۔13 اور 14 دسمبر کی درمیانی شب یونان کے قریب کشتی الٹنے کے واقعے میں ہلاک یا لاپتہ ہونے والے تارکین وطن میں سے زیادہ تر کا تعلق پاکستان سے ہے۔

اسلام آباد ہائیکورٹ نے دفاعی تجزیہ کاروں کی ٹی وی پروگرامز میں شرکت کو آئی ایس پی آر کی اجازت سے مشروط کرنے کا پیمرا نوٹیفکیشن معطل کر دیا ہے جو کیس کے حتمی فیصلے تک معطل رہے گا۔اسلام آباد ہائیکورٹ کے جسٹس بابر ستار نے کرنل ریٹائرڈ انعام الرحیم ایڈووکیٹ کی درخواست پر سماعت کا تحریری حکم نامہ جاری کر دیا ہے جس میں کہا گیا ہے کہ دفاعی تجزیہ کاروں کی ٹی وی پروگرامز میں شرکت آئی ایس پی آر کی اجازت سے مشروط کرنے کا نوٹیفکیشن اس کیس کے فیصلے تک معطل رہے گا۔نوٹیفکیشن کے مطابق صرف آرمڈ فورسز کے ریٹائرڈ افسران ہی ٹی وی پروگرامز میں شرکت کر سکتے تھے۔ پیمرا نے ریٹائرڈ افسران کی ٹی وی پروگرامز میں شرکت کو آئی ایس پی آر کی اجازت سے مشروط کیا تھا۔17 دسمبر کو پیمرا کی جانب سے وکیل عدالتی سماعت میں پیش نہیں ہوئے اور معاون وکیل نے سینئر وکیل کی طبیعت ٹھیک نہ ہونے پر التواء کی استدعا کی۔عدالت نے آرڈر میں لکھا کہ اب تک کی عدالتی سماعت میں دیے گئے دلائل کی بنیاد پر پیمرا کا نوٹیفکیشن معطل کیا جاتا ہے جو کیس پر فیصلے تک معطل رہے گا۔ کیس کی آئندہ سماعت 11 فروری کو ہوگی۔