ڈھاکہ : بنگلہ دیش کی سرکاری ٹی وی بلڈنگ’میرٹ میرٹ’ کےنعروں کے بعد نذر آتش، 22 ہلاکبنگلہ دیشبنگلہ دیش میں ملازمتوں میں کوٹے کے متنازعہ اعلان کے بعد نوجوانوں اور خصوصاً طلبہ کی طرف سے سامنے آنے والے رد عمل نے جمعرات کے روز اس وقت غیر معمولی شدت پکڑ لی ہے جب مبینہ طور پر مظاہرین نے بنگلہ دیش کے سرکاری ٹیلی ویژن ‘ بی ٹی وی ‘ کی بلڈنگ کے اندر گھس کر آگ لگا دی۔یہ واقعہ بنگلہ دیشی سرکاری ٹی وی کے ہیڈ کوارٹرز میں پیش آیا ہے۔ ٹی وی کے مطابق بہت سارے لوگ آگ لگنے کی وجہ سے پھنس کر رہ گئے ہیں۔ایک سرکاری ذمہ دار نے ٹی وی سٹیشن پر بین الاقوامی خبر رساں ادارے ‘ اے ایف پی ‘ کو بتایا ہے’ سینکڑوں مظاہرین نے ٹی وی کی عمارت پر ہلہ بول دیا۔ جنہوں نے عمارت کے اندر دفاتر اور باہر کھڑی 60 گاڑیوں کو آگ لگا دی۔’ان مطاہرین کے بارے میں بتایا گیا ہے کہ انہوں نے سب سے پہلے رامپورہ میں پولیس پوسٹ کو آگ لگائی جس کے بعد پولیس نے ان پر فائرنگ شروع کر دی۔ یہ واقعہ دارالحکومت ڈھاکہ کے نواح میں پیش آیا ہے۔’بعد ازاں مظاہرین نے ایک پولیس آفیسر کا تعاقب شروع کیا جو بھاگتا ہوا ‘ بی ٹی وی ‘ کی عمارت میں چھپنے کے لیے بڑھا جس کے پیچھے مظاہرین بڑی تعداد میں گھس گئے۔سرکاری ٹی وی کی طرف سے فیس بک پر لگائی گئی ایک پوسٹ میں کہا گیا ہے ‘ آگ لگانے کا واقعہ ایک بہت بڑی تباہی ہے ، یہ آگ بہت تیزی سے پھیل گئی۔’ہم فائر بریگیڈ کی مدد مانگ رہے ہیں ۔ کہ بہت سے لوگ عمارت کے اندر ہیں۔’ بتایا جاتا ہے کہ چاروں طرف لگی آگ کی وجہ سے ان ٹی وی کارکنوں کے لیے نکلنا مشکل ہو رہا ہے۔یاد رہے بنگلہ دیش کی پولیس نے اسی ہفتے ایک پر تشدد مظاہرے پر یلغار کی تھی۔ یہ مظاہرین سرکاری ملازمتوں لیے کے قواعد میں تبدیلی اور اصلاح کا مطالبہ کر رہے تھے۔ تاکہ میرٹ پر اور منصفانہ بنیادوں پر ملازمتوں کا حصول ممکن ہو جائے۔یہ مظاہرین مبینہ طور پر حسینہ واجد حکومت کی ملازمتوں کے لیے نئی بنائی گئی کوٹہ پالیسی کے خلاف احتجاج کر رہے ہیں۔ ان مظاہرین کا موقف ہے کہ اس طرح بنگلہ سرکار اپنے پسندیدگان اور سیاسی حامیوں کو نوازرہی ہے جبکہ میرٹ کی پروا نہیں کرنا چاہتی۔اب تک میرٹ پر ملازمتوں کا مطالبہ کرنے والے نوجوان اور بے روز گار مظاہرین میں سے کم ازکم 22 پولیس کی فائرنگ یا تشدد سے ہلاک کیے جا چکے ہیں۔ حکومت نے انہیں میرٹ کے مطالبے پر موت دینا شروع کی تو معاملہ بگڑنا شروع
