وفاقی وزیرِ خزانہ محمد اورنگزیب نے کہا ہے کہ حکومت نے ڈیڑھ لاکھ خالی آسامیاں ختم کرنے کا فیصلہ کیا ہے۔ اسلام آباد میں پریس کانفرنس کرتے ہوئے انہوں نے کہا کہ کلیننگ، پلمبنگ، گارڈننگ جیسی آسامیوں کو آؤٹ سورس کیا جائے گا۔ محمد اورنگزیب کا کہنا تھا کہ حکومت نے پہلے مرحلے میں وزارتِ امورِ کشمیر و گلگت بلتستان، سرحدی امور، آئی ٹی اینڈ ٹیلی کام، صنعت و پیداوار، کیڈ اور وزارتِ صحت کے معاملات کا جائزہ لیا۔ ان کے بقول دو وزارتوں کو ضم کرنے کا فیصلہ کیا گیا جن میں وزارتِ امورِ کشمیر و گلگت بلتستان اور وزارتِ سرحدی امور شامل ہیں جب کہ کیپٹل ایڈمنسٹریشن اینڈ ڈویلپمنٹ ڈویژن کو ختم کر دیا گیا ہے۔

قیامت: گوجرانوالہ میں 2 بیٹیوں نے باپ کو رسیوں سے باندھ کر زندہ جلادیا

پنجاب کے ضلع گوجرانوالہ میں 2 بیٹیوں نے باپ کو رسیوں سے باندھ کرآگ لگادی۔پولیس کے مطابق آگ سے جھلس کر متاثرہ شخص اسپتال میں دم توڑ گیا جب کہ واقعے کا مقدمہ درج کرکے مقتول کی دونوں بیٹیوں کو گرفتار کرلیا گیا ہے۔پولیس کا بتانا ہے کہ مقتول علی اکبر نے 3 شادیاں کر رکھی تھیں جس سے اس کے 10 بچے ہیں، مقتول کی پہلی بیوی وفات پاچکی ہے جب کہ مقتول 2 بیویوں اور بچوں کے ساتھ کرائے کے مکان میں رہتا تھا۔پولیس کے مطابق مقتول کی دونوں بیٹیوں کی عمریں 16 اور 12 سال ہیں، مقدمے میں مقتول کی 2 بیٹیوں کے ساتھ دونوں بیویوں کو بھی نامزد کیا گیا ہے۔گرفتار دونوں بہنوں نے پولیس کو دیے گئے بیان میں بتایا کہ والد سورہا تھا جس دوران انہوں نے والد کو رسیوں سے باندھا اور موٹر سائیکل سے پیٹرول نکال کرآگ لگادی۔: موسم سرما کی تعطیلات میں اضافہ نہیں ہوگا,چھٹیوں میں اضافہ کے حوالے کوئی تجویز زیر غور نہیں:سیکٹری سکول ایجوکیشن*