بجٹ میں کیا کیا چیزیں سستی ہوئیں ؟؟ ریگولیٹری ڈیوٹی میں 2 سے 5 فیصد کمی کا اعلان کیا گیا ہے۔ اس کمی سے درآمدی اشیا سستی ہوں گی۔

جس میں عام استعمال سے لے کر کھانے پینے کی اشیا تک شامل ہیں *بجٹ کے اطلاق کے بعد درآمدی ڈیوٹی میں کمی سے 600 سے زائد کھانے پینے کی اشیا سستی ہوں گی* ۔ان میں امپورٹڈ چاکلیٹ، ٹافیاں، کینڈی، لالی پاپ، بسکٹ، درآمدی جیلی، مارملیڈ، امپورٹڈ پنیر، مکھن، شہد، مشروبات شامل ہیں جن پر ڈیوٹی 2 سے 5 فیصد کمی کی گئی ہے۔

اس کے علاوہ درآمدی ملک کریم، فلیورڈ ملک، کنڈنسڈ ملک، امپورٹڈ کیچ اپ، مایونیز، آئس کریم، درآمدی پاپڑ، نمکو،چپس، مارش میلوز، امپورٹڈ وٹامن واٹر، منرل واٹر، امپورٹڈ برانڈڈ آٹا، میدہ اور سوجی کی قیمتوں میں بھی کمی ہوگی۔

*اگلے مالی سال کے لیے تقریبا 18 ہزار ارب روپے کا بجٹ آج قومی اسمبلی میں پیش کیا جائے گا جس میں تقریبا 2 ہزار ارب روپے کے نئے ٹیکس عائد ہوں گے۔*نئے بجٹ میں غیرترقیاتی اخراجات 16 ہزار 286 ارب روپے ہوں گے، جبکہ اگلے سال بجٹ خسارہ جی ڈی پی کا 5 فیصد تک رہنے کا امکان ہے جو 6 ہزار 501 ارب روپے بنتا ہے۔تمام شعبوں میں ٹیکس استثنا ختم کرنے کی بھی تجویز ہے جبکہ ٹیکس ریونیو کا ہدف 14 ہزار 131 ارب روپے اور نان ٹیکس ریونیو وصولی کا ہدف 5 ہزار 167 ارب روپے تجویز کیے جانے کا امکان ہے۔نان ٹیکس ریونیو ملا کر 19 ہزار 298 ارب روپے مقرر کرنے کا ہدف ہے۔بجٹ میں 2 اعشاریہ 5 فیصد کی شرح سے کاربن لیوی بھی عائد کئے جانے کی تجویز بھی شامل کیے جانے کا امکان ہے۔نئے بجٹ میں قرض پر سود کی ادائیگی کی مد میں 8 ہزار 207 ارب روپے اور دفاع کے لئے 2 ہزار 550 ارب روپے مختص کیے جانے کی تجویز ہے۔پیٹرولیم لیوی سے 1300 ارب روپے حاصل کرنے کے لیے پٹرولیم لیوی 78 روپے فی لٹر سے بڑھا کر ایک سو روپے فی لٹر کرنے کی تجویز ہے۔وفاقی ترقیاتی بجٹ 1 ہزار ارب روپے مختص کرنے کی تجویز ہے، جس میں 120 ارب روپے کی لاگت سے تعمیر ہونے والی این 5 شاہراہ بھی شامل ہے۔اس کے علاوہ ریاستی ملکیتی اداروں کا ترقیاتی بجٹ 355 ارب روپے ہونے کا امکان ہے۔صوبوں کو اگلے مالی سال کے دوران 8 ہزار 206 ارب روپے منتقل کیے جائیں گے اور صوبائی ترقیاتی بجٹ کا حجم 3 ہزار 300 ارب روپے ہوگا۔بجٹ میں سرکاری ملازمین کی تنخواہوں میں 10 فیصد اضافہ اور تمام سیلری سلیب پر 2.5 فیصد ٹیکس کم کرنے کی تجویز ہے۔گریڈ 1 تا 16 کے ملازمین کو 30 فیصد ڈسپیرٹی الاؤنس دیے جانے کی تجویز بھی بجٹ کا حصہ ہے۔پنشنرز کے لیے بھی 10 فیصد اضافے کا امکان ہے، پنشن کی مد میں 1 ہزار 55 ارب روپے مختص کیے جائیں گے۔بجٹ میں سبسڈیز کے لیے 1 ہزار 186 ارب روپے مختص کیے جائیں گے۔یوٹیوبرز، فری لانسرز اور نان فائلرز پر نئے ٹیکس اقدامات متوقع ہیں۔ذرائع کا کہنا ہے کہ حکومت ریٹیلرز پر بھی ٹیکس کی وصولی مزید سخت کرنے جارہی ہے۔ذرائع نے بتایا کہ بجٹ کی تیاری میں آئی ایم ایف کے ساتھ ہونے والے مذاکرات کو مدنظر رکھا گیا ہے۔نان فائلر سے جی ایس ٹی 18سے بڑھا کر20 فیصد کئے جانے کا امکان ہے۔پیٹرولیم مصنوعات ڈیجٹیل ادائیگی سے خریدنے پر اضافی ادائیگی نہیں کرنا پڑے گی جبکہ نقد پیٹرولیم مصنوعات خریدنے پر 2 روپے فی لیٹر اضافی ادا کرنے ہوں گے۔نان فائلرز کیلیے بینک سے 50 ہزار روپے سے زیادہ کیش نکلوانے پر ٹیکس کی شرح صفر اعشاریہ 6 فیصد سے بڑھا کر 1 اعشاریہ 2 فیصد کئے جانے کی بھی تجویز ہے۔سول گورنمنٹ کے جاری اخراجات کیلیے 971 ارب روپے مختص کیے جانے کی تجویز ہے۔واضح رہے کہ اسپیکر ایازصادق کی زیرصدارت قومی اسمبلی کا بجٹ اجلاس آج شام 5 بجے ہوگا۔قومی اسمبلی اجلاس کا 4 نکاتی ایجنڈا جاری کردیا گیا ہے۔ تلاوت،حدیث،نعت رسول مقبول ﷺ اور قومی ترانہ ایجنڈے کا پہلا حصہ ہے۔قومی ترانے کے بعد اسپیکرکی اجازت سے وزیرخزانہ محمد اورنگزیب وفاقی بجٹ پیش کریں گے۔وزیرخزانہ اسپیکر ایازصادق کی اجازت سے محاصل سمیت دیگر دستاویزات قومی اسمبلی میں پیش کریں گے۔وزیرخزانہ مالیاتی بل 2025 بھی قومی اسمبلی میں پیش کریں گے۔

ایک چھوٹے سے انقلاب کی داستان۰۰۰۰۰۰۰۰برگیڈیئر عتیق الرحمان ( ر)۰۰۰۰۰۰۰۰۰۰ میں نے بڑے بڑے انقلابوں کی داستانیں پڑھی بھی ہیں ، سنی بھی ہیں – لیکن اپنی آنکھوں سے جس انقلاب کو دیکھا وہ پی ایم اے میں میری آپ بیتی ھے- پی ایم اے پہنچے تو فوج نے سب سے پہلے میرے نخرے کا علاج کیا- سر کے باھر بال نہیں رھنے دیئے اور سر کے اندر نخرا، نہ کوئی شک- ابھی پی ایم اے کا گیٹ کراس کئے دو دن ہی گزرے تھے کہ ہم بالکل good year ٹائر کی طرح روانی سے فرنٹ رول کرنا سیکھ چکے تھے- دیواروں کو بھی یس سر، یس سر کہ کر بلاتے- ایک سینئر نے بتایا کہ ھاتھ ھولا رکھو-گملوں اور دیواروں کو سر کہنے سے پرہیز کرو-

پی ایم اے جانے سے پہلے میں گھر پر گنی چنی چیزیں ،گوشت، قیمہ ، انڈے ، سموسے، چاٹ ، گول گپّے ،بسکٹ وغیرہ ہی کھاتا تھا- اڑھائی مہینے بعد میں جب پہلی بار ،گھر مڈ ٹرم کی چھٹی آیا، تو ماں میری حیران رہ گئی، میں قربانی والے بکرے کی طرح ، سب کچھ کھا رھا تھا- والد صاحب زیر لب مسکرا رھے تھے کہ ” پتر ھون سنا، تینوں کہنا ساں نہ پڑھ لے”- خیر یہ کوئی اتنا سیریس معاملہ نہیں تھا- اگلے دو مہینے بعد ہم وہ ابتدائی فوجی تربیت سے ہمکنار ھو کر دوسری ٹرم میں پہنچ گئے- اردو زبان میں nudging کا مطلب ہے ٹوکنا- اگر چھوٹی چھوٹی غلطیوں سے مسلسل ٹوکا جاتا رھے تو بڑی غلطی کا امکان کم ہو جاتا ھے- سڑک کے کنارے sign posting اسی طرح کی ایک nudging ہے جہاں تنبہہ کی ھوتی ھے کہ یو ٹرن یہاں سے نہ کریں ، آگے سے کریں – یہ ون وے ھے- کوڑا کچرے کے ڈبّے میں پھینکیں-

مجموعی کامیابی کے تین بڑے جُز ہیں- ایک جامع منصوبہ بندی ( لیڈر کی ذمہ داری)، پختہ ارداہ اور نظم و ضبط- ارداہ اور نظم و ضبط invoke کیا جاتا ھے- فطرتا انسان کاہل اور سست ھے- خود غرض ہے، خوف بھی کھاتا ہے- ان کمزوریوں کو صرف نظم و ضبط سے ٹھیک کیا جا سکتا ھے-ارادے کی پختگی آہستہ آہستہ خود پیدا ھوتی جاتی ھے-کسی بھی فوجی تربیت گاہ میں ٹریننگ کے لئے یہی کلیہ استعمال کرتے ہیں – لیکن معاشروں میں یہ کام قانون اور کلچر انجام دیتے ہیں- کلچر سب سے بڑا انسٹرکٹر ھے-

پی ایم اے میں سینئر صرف سینئر کیڈٹ ہوتا ھے- باقی عہدیداران ، سٹاف، پلاٹون کمانڈر، ایڈجوٹینٹ ، کمپنی کمانڈر، بٹالیں کمانڈر سب اپنے عہدے سے پہچانے جاتے ہیں- پی ایم اے کی چاردیواری کے اندر کیڈٹ کی ڈری ڈری نظر ان عہدیداران پر ھوتی ہے اور عہدیداران کی کڑی نظر کیڈٹ پر- جیسے ہی سرکاری اوقات کار ختم ھوتے ہیں ، جونیئر کیڈٹ سینئر کیڈٹ کی پناہ میں آ جاتے ہیں- یہ کیسے ھوتا ہے- جی، یہ جادوئی عمل ہر پلاٹوں میں ایک سینئر جنٹل مین کیڈٹ کے ذریعے عمل میں آتا ھے- جیسے ہر کلاس کا مانیٹر ہوتا ھے ایسے ہی ہر پلاٹوں کا اور پھر کورس کا ایک سینئر جنٹلمین کیڈٹ ( ایس جی سی) نامزد ہوتا ھے اور سارے احکامات اس کے ذریعے پوری پلاٹون تک پہنچتے ہیں-

کوئی فون یا وائرلیس نہیں ہوتا – ایس جی سی ،دو ٹانگوں اور زبان کا ستعمال کر کے سارے نیٹ ورک کے درمیان رابطے کا کام کرتا ھے- کلاسز کے بعد پلاٹوں ٹرانزیشین فیز سے گزر کر سینئر کے حوالے ھو جاتی ھے- ہر پلاٹوں کا ایک چھوٹا اور ایک بڑا والی وارث ہوتا ھے- چھوٹا تیسری ٹرم کا کیڈٹ ھوتا ھے جسے کارپورل کہتے ہیں- بڑا چوتھی ٹرم کا کیڈٹ ہوتا ھے جسے سارجنٹ کہتے ہیں- ان دونوں کا آپس میں روحانی رابطہ ہوتا ھے- چھوٹا چھوڑتا ھے تو بڑا بلا لیتا ھے اور بڑا جب کہتا ھے آپ لوگ جائیں تو چھوٹا باھر ہی مل جاتا ھے- ہمارا چھوٹا ھماری بیرک کے کنارے پہلے کمرے میں رھتا تھا-پی ایم اے کلچر میں میٹافورز اور سگنل کا استعمال بہت اھم ھے- ڈرل سکیئر، پی ٹی گراؤنڈ، کوت، میس، ایچ ایس، سیچل، ڈی ایم ایس، ڈرل شوز، مَفتی، مَفتی شوز، ایس ڈی، جی سی آفس ، اینٹی روم، ھینڈز ڈاؤن، رول، فراگ جمپ اور اسی طرح کے سینکڑوں میٹافور ذہن میں ایسے بیٹھے کہ آج تک ازبر ہیں- قیامت کی گرمی ھو یا مائنس ٹمپریچر، آپ ریگستان میں ہیں یا سیاچن پر، کھانا ٹیبل پر بیٹھ کر کھانا ھے، پورے ڈریس کوڈ کے ساتھ- کھانے والا ٹیبل ٹینٹ میں لگے یا باقاعدہ کمرے کے اندر ، اس کا درجہ میس کا ہی رھے گا- دال بھی ، بھنی ھوئی مرغی کی طرح کانٹے سے اور نہایت ادب سے کھائی جائے گی- کھانے کے ایک ایک نوالے کا بل آفیسر کی اپنی ذمہ داری ھے- نہ کبھی کوئی کسی کا مذھب پوچھا، نہ ذات – سب کو اپنی سینیارٹی کا پتا ہوتا ھے- چپ چاپ بغیر کرسی کی آواز نکالے بیٹھتے جاتے ہیں – اس سارے ماحول میں صرف ایک شخص ایسا ہوتا ھے جو کوئی بھی لطیفہ سنا سکتا ھے، کوئی قصہ یا تاریخی واقعہ اور اگر موڈ ھو تو کل صبح روٹ مارچ کا حکم یا آج ھی رات نائیٹ ٹرینگ اور وہ شخص بلحاظ عہدہ CO کہلاتا ھے- فوجی سروس میں پکے کمروں میں رہنے کا اتفاق کم ہی ہوتا ھے- زندگی “بنکر ( مورچہ)”، کوئی “چیک پوسٹ” یا ٹینٹ میں زندگی بسر ہوتی ہے-

“40 پوؤنڈر “، ” 80 پوؤنڈر”، “کیمپ کاٹ” “کیمپ سٹول ” آہستہ آہستہ زندگی کاحصہ بن جاتے ہیں-چالیس پاؤنڈر ایک چھوٹا ٹینٹ ہے اور 80 پاؤنڈر اس سے تھوڑا بڑا ٹینٹ- ٹینٹ کو بڑا کرنے کا فارمولا آسان ھے- جتنا ٹینٹ اوپر ھوتا ھے اتنا ہی نیچے کھود لیں تو ٹینٹ نما گھر بن جاتا ھے بشرطیکہ بارش نہ ھو- کیمپ کاٹ ٹینٹ میں استعمال ھونے والی فولڈنگ چارپائی ٹائپ ایک آئٹم ہوتی جس پر نہ سویا جاتا ہے نہ بیٹھا- بہت ہی محدود وسائل میں سلیقے کی زندگی گزارنا بہت بڑا فن ھے- زندگی میں پیسے اتنے معنی نہیں رکھتے جتنا، جینے کا سلیقہ- پی ایم اے سے یہی ” سلیقہ” سیکھ کر نکلے اور پھر عمر بھر اس سلیقے کے قیدی بن کر رھے-پلٹون میٹ، کمپنی میٹ، کورس میٹ ، یونٹ افسر یادوں کا حصہ بن جاتے ہیں – پی ایم اے سے نکلے تو مزید میٹافورز زندگی کا حصّہ بن گئے- فریش، راشن، ٹیکنیکل اور ایڈم انسپکشن ، سکیم، ریکی، بڑا کھانا، گراؤنڈ شیٹ، منٹ شیٹ، چارج شیٹ ، لنگر ،لنگرگپ ، رنر، کیڈر، فیلڈ فائر، کواٹر گارڈ، ڈیوٹی افسر،رول کال، اڈوانس پالٹی ،روٹ مارچ ، دربار، مکھڈی حلوہ- فوج میں سیکھے یہ ان ھزاروں الفاظ میں سے چند ہیں جن کو یاد کر کے آج بھی چہرے پر مسکراھٹ دوڑ جاتی ھے- ۰-۰-۰-۰-برگیڈیئر عتیق الرحمان ( ر) atiquesheikh2000@gmail.com

*آئندہ مالی سال 26-2025 کے سالانہ ترقیاتی پلان کے اہم اہداف طے*• مالی سال 26-2025 کا کرنٹ اکاؤنٹ خسارہ جی ڈی پی کا منفی 0.5 فیصد رکھنے کا تخمینہ• آئندہ مالی سال کرنٹ اکاؤنٹ خسارہ 2 اعشاریہ ایک ارب ڈالر مختص • آئندہ مالی سال کیلئے برآمدات کا ہدف 35 ارب 30 کروڑ ڈالر مقرر • درآمدات کا ہدف 65 ارب 20

کروڑ ڈالر مقرر • آئندہ مالی سال میں خدمات کے شعبہ میں

برآمدات کا ہدف 9 ارب 60 کروڑ ڈالر مقرر • خدمات کے شعبہ کی درآمدات کا ہدف 14 ارب ڈالر مختص • آئندہ مالی سال کیلئے ترسیلات زر کا ہدف 39 اعشاریہ 4 ارب ڈالر مقرر • آئندہ مالی سال کیلئے اشیاء اور خدمات کی برآمدات کا ہدف 44 اعشاریہ 9 ارب ڈالر مقرر • اشیاء اور خدمات کی درآمدات کا ہدف 79 اعشاریہ 2 ارب ڈالر مقرر *وفاقی حکومت کا مالی سال 26-2025 کیلئے 17600 ارب روپے حجم کا بجٹ کل (بروز منگل) پیش کیا جائے گا*