ریموٹ کنٹرول بم دھماکہ گوادر دشت کے علاقے میں عرب شیخ کے قافلے پر ریمورٹ کنٹرول بم سے دھماکہ ایف سی کے دو اہلکار شہید جبکہ 4 اہلکار زخمی ہوگئےگوادر اطلاعات کے مطابق گوادر اور تربت کے درمیانی علاقہ دشت میں تلور کے شکار پر مامور عرب شیخ کے قافلے پر ریمورٹ کنٹرول بم سے حملہ کیا گیا۔ ذرائع کے مطابق حملے میں ایف سی کے نائیک زمان اور لانس نائیک عمر ظہور شہید ہوگئے ہیں جبکہ نائیک نعیم,سپاہی جاوید,سپاہی امین,سپاہی وحید شدید زخمی ہوگئے جنہیں فوری طور پر تربت منتقل کردیا گیا۔

ضلع کرم میں کشیدہ صورتحال کے باعث 77ویں روز بھی راستے بند ہیں. علاقے میں خوراک، ادویات کی شدید قلت ہے. ہیلی کاپٹر پر 500 کلو گرام ادویات پارا چنار پہنچا دی گئیں۔وزیر اعظم شہباز شریف کی ہدایت پر پارا چنار میں امدادی سرگرمیاں جاری ہیں. این ڈی ایم اے کی جانب سے امدادی سامان لے کر ہیلی کاپٹر پارا چنار پہنچ گیا۔ہیلی کاپٹر واپسی پر 4 مریضوں کو علاج کے لیے اسلام آباد لایا. دوسرا ہیلی کاپٹر مزید 500 کلو گرام ادویات لیکر گیا ۔ راستے کھلوانے کے لیے کرم پریس کلب پر دھرنا چھٹے روز بھی جاری ہے۔دوسری جانب پارا چنار میں پُرتشدد واقعات کے خلاف لاہور میں احتجاج دوسرے روز بھی جاری رہا۔مجلس وحدت مسلمین اور امامیہ سٹوڈنٹس آرگنائزیشن کے زیر اہتمام لاہور پریس کلب کے سامنے سانحہ پارہ چنار کے خلاف احتجاجی دھرنے میں کارکنوں سمیت خواتین اور شہریوں کی کثیر تعداد شریک ہے۔مظاہرین نے پارا چنار میں پرتشدد واقعات میں انسانی جانوں کے ضیاع کی مذمت کی اور حکومت سے پارا چنار روڈ کھولنے کیلئے فوری اقدامات کا مطالبہ کیا۔انہوں نے پارا چنار میں ادویات، کھانے پینے کی اشیاء کی قلت اور امن و امان کے قیام میں حکومت کی ناکامی پر برہمی کا اظہار کرتے ہوئے کہا کہ دو ماہ سے زائد عرصہ گزرنے کے باوجود پارا چنار کے راستے بند ہیں۔مظاہرین کا کہنا تھا کہ امن و امان کے قیام میں وفاقی و صوبائی حکومت کی ناکامی کی وجہ سے پارا چنار کی صورتحال انتہائی تشویشناک ہو چکی ہے. پارا چنار میں لوگ کھانے پینے کی اشیا کی قلت اور ادویات کی عدم دستیابی کی وجہ سے جان کی بازی ہار رہے ہیں۔—-ایوان صدر اسلام آباد میں ایک پروقار تقریب کا انعقاد کیا گیا. جس میں صدر آصف علی زرداری نے پانچ ممالک کے سفیروں سے اسناد سفارت قبول کیں۔اس تقریب میں رومانیہ، تھائی لینڈ، نیپال، جاپان اور بنگلہ دیش کے نئے سفیروں نے صدر کو اپنی اسناد پیش کیں۔ترجمان دفتر خارجہ کے مطابق، رومانیہ کے سفیر ڈین اسٹوینیسکو، تھائی لینڈ کے سفیر رونگ ودھی ویرابتر، نیپال کی سفیر ریتا دھیتال، جاپان کے سفیر کاما ستوشوئیچی اور بنگلہ دیش کے ہائی کمشنر محمد اقبال حسین نے باضابطہ طور پر اسناد پیش کیں۔صدر آصف علی زرداری نے نئے سفیروں کو پاکستان میں خوش آمدید کہتے ہوئے ان کے لیے خوشگوار اور مثبت قیام کی تمنا کا اظہار کیا۔انہوں نے کہا کہ پاکستان نئے سفیروں کے ساتھ اپنے دوطرفہ تعلقات کو مزید مستحکم کرنے کے لیے پُرعزم ہے۔—–فیڈرل ڈائریکٹوریٹ آف ایجوکیشن نے سردیوں کی تعطیلات کا اعلان کردیا۔فیڈرل ڈائریکٹوریٹ آف ایجوکیشن کے ماتحت تعلیمی ادارے 30 دسمبر 2024 سے 8 جنوری 2025 تک بند رہیں گے۔نوٹیفکیشن کے مطابق اسلام آباد میں تعلیمی سرگرمیاں 9 جنوری 2025 سے دوبارہ شروع ہوں گی۔فیڈرل ڈائریکٹوریٹ آف ایجوکیشن نے تعلیمی اداروں کے سربراہان کو تعطیلات کے دوران تعلیمی معیار کو بہتر بنانے کے لیے جامع منصوبے تیار کرنے کی بھی ہدایت کی ہے۔اس سے قبل پنجاب کے اسکولز میں موسم سرما کی تعطیلات کی تاریخ تبدیل کردی گئی۔ محکمہ اسکول ایجوکیشن پنجاب نے موسم سرما کی تعطیلات کی تاریخ تبدیلی کا نوٹیفیکیشن جاری کردیا۔اعلامیے کے مطابق سردیوں کی چھٹیوں کا آغاز23 دسمبر سے ہوگا. اسکولز 13جنوری 2025 کو چھٹیوں کے بعد دوبارہ کھلیں گے۔ فیصلے کا اطلاق تمام سرکاری ونجی اسکولز پر ہوگا۔—–صدر مملکت آصف علی زرداری اور وزیراعظم محمد شہباز شریف نے ضلع جنوبی وزیرستان کے علاقے سرا روغہ میں 13 خوارج کو جہنم واصل کرنے پر سیکیورٹی فورسز کو خراجِ تحسین پیش کیا ہے۔آصف علی زرداری نے انٹیلیجنس پر مبنی کامیاب آپریشن کے دوران خوارج کو جہنم واصل کرنے پر سیکیورٹی فورسز کی بہادری کو سراہا۔انہوں نے ملک سے فتنتہ الخوارج کے مکمل خاتمے کے عزم کا اعادہ کیا۔ان کا کہنا تھا کہ سیکیورٹی فورسز دہشت گردی کے عفریت کے خاتمے کے لیے کارروائیاں کر رہی ہیں، پوری قوم دہشت گردی کے خلاف متحد ہے۔صدر مملکت نے مزید کہا کہ دہشت گردی کے مکمل خاتمے تک فتنتہ الخوارج کے خلاف کارروائیاں جاری رہیں گی۔وزیراعظم محمد شہباز شریف نے ضلع جنوبی وزیرستان کے علاقے سرا روغہ میں 13 خوارج کو جہنم واصل کرنے پر سیکیورٹی فورسز کو خراجِ تحسین پیش کیا۔انہوں نے کہا کہ انسانیت کے دشمنوں کے مذموم عزائم کو اسی طرح خاک میں ملاتے رہیں گے. قوم کو سیکیورٹی فورسز کے نڈر نوجوانوں پر فخر ہے۔ان کا مزید کہنا تھا کہ ملک سے فتنہ الخوارج اور دہشتگردی کی مکمل سد باب تک ہماری دہشتگردوں کے خلاف جنگ جاری رہے گی۔واضح رہے کہ سیکیورٹی فورسز نے سرا روغہ کے علاقے میں دہشت گردوں کی موجودگی کی اطلاع پر کارروائی کی۔آئی ایس پی آر نے بتایا کہ سیکیورٹی فورسز کی کارروائی کے نتیجے میں 13 خارجی دہشتگرد جہنم واصل ہوگئے، ہلاک ہونے والے خارجی دہشت گرد سیکیورٹی فورسز پر حملوں کے ساتھ بے گناہ شہریوں کے قتل میں بھی ملوث تھے۔ آئی ایس پی آر کا کہنا ہے کہ علاقے کو خارجی دہشت گردوں سے پاک کرنے کے لیے سینیٹائزیشن آپریشن جاری ہے، پاکستان کی سیکیورٹی فورسز وطنِ عزیز سے دہشتگردی کی لعنت کے خاتمے کے لیے پُرعزم ہیں۔—–پاکستان کرکٹ ٹیم کے اوپنر صائم ایوب کو بہترین پرفارمنس کا انعام مل گیا، آئی سی سی ون ڈے رینکنگ میں لمبی چھلانگ لگا کر 23 ویں پوزیشن پر پہنچ گئے، صائم ایوب نے 9 ون ڈے میچون میں 3 سنچریوں اور ایک ففٹی کی مدد سے 515 رنز بنائے۔انٹرنیشنل کرکٹ کونسل ( آئی سی سی ) کی جانب سے ون ڈے بیٹرز کی نئی رینکنگ جاری کر دی گئی ہے جس کے مطابق پاکستان کے اوپنر صائم ایوب کی 57 درجے اور نائب کپتان سلمان علی آغا کی 28 درجے ترقی ہوئی ہے۔جنوبی افریقا کے خلاف ایک روزہ سیریز میں اپنی بہترین پرفارمنس کی بدولت مین آف دی سیریز قرار پانے والے نوجوان بیٹر صائم ایوب بین الاقوامی کرکٹ کے 57 کھلاڑیوں پیچھے چھوڑتے ہوئے یک دم بہتری کے بعد 24ویں نمبر پر آگئے۔دوسری طرف سلمان علی آغا نے بھی آئی سی سی رینکنگ میں لمبی چھلانگ لگائی ہے، وہ 28 درجے ترقی کے بعد 80 ویں نمبر پر آگئے ہیں۔—–کوئٹہ کے مغربی بائی پاس میں مین گیس پائپ لائن کو دھماکہ خیز مواد سے اڑا دیا گیا ہےجس کے باعث بلوچستان کے مختلف علاقوں میں گیس کی سپلائی معطل ہوگئی ۔پولیس کے مطابق واقعہ بروری تھانے کی حدود میں مغربی بائی پاس پر پیش آیا جہاں ایک پل کے نیچے سے گزرنے والے والی گیس پائپ لائن میں آگ بھڑک اٹھی آتشزدگی کی وجہ سے آگ کے اونچے شعلے اٹھنے لگے۔اطلاع ملتی ہی پولیس کی بھاری نفری جائے وقوعہ پر پہنچ گئی اور فائر برگیڈ کے عملے کو طلب کرلیا ۔ ایک گھنٹے کی محنت کے بعد دو فائر ٹینڈر نے لگی آگ پر قابو پالیا ۔ایس ایچ او بروری محمود خروٹی نے سماء سے بات کرتے ہوئے بتایا کہ ابتدائی تحقیقات کے مطابق آگ تخریب کاری کی وجہ سے لگی ہےگیس پائپ لائن کو دھماکہ خیز مواد کے ذریعے اڑایا گیا ہے واقعے کی مزید تحقیقات جاری ہیں۔دوسری جانب سوئی سدرن گیس کمپنی حکام کا کہنا ہےکہ مغربی بائی پاس پر اٹھارہ انچ قطر کی مین گیس سپلائی پائپ لائن متاثر ہوئی ہے جسکی وجہ سے کوئٹہ سمیت بلوچستان کے مختلف علاقوں میں گیس کی فراہمی معطل ہوگئی ہے کچلاک، زیارت، بوستان، یارو، کربلا، ہرمزئی اور پشین کے علاقے شامل ہیں جبکہ کوئٹہ شہر کے مختلف علاقوں میں ائیرپورٹ روڈ، نواں کلی ، جناح ٹاون ، ہزارگنجی اور بروری روڈ کے علاقے شامل ہیں ۔حکام کاکہنا ہےکہ سوئی سدرن کی انتظامیہ صورتحال کا بغور جائزہ لے کر مرمتی کام کو جلد از جلد مکمل کرنے کی کوشش کرے گی۔چیف آف آرمی سٹاف جنرل عاصم منیر نے راولپنڈی کے سینٹ کیتھولک کیتھیڈرل چرچ میں کرسمس کی تقریب میں خصوصی شرکت کی۔پاک فوج کے شعبہ تعلقات عامہ (آئی ایس پی آر) کے مطابق، آرمی چیف کا پُر جذبہ استقبال کیا گیا، اور ان کی موجودگی پر یکجہتی کے اظہار کے طور پر شکریہ ادا کیا گیا۔ اس موقع پر جنرل عاصم منیر نے پاکستان بھر کی مسیحی برادری کو کرسمس کی خوشیوں کی مبارکباد پیش کی۔جنرل عاصم منیر نے کرسمس کے موقع پر ہمدردی، سخاوت اور اتحاد کی قدروں پر زور دیتے ہوئے ان کی اہمیت اجاگر کی۔ انہوں نے پاکستان کی ثقافتی، سماجی اور اقتصادی ترقی میں مسیحی برادری اور اقلیتی گروپوں کی اہم شراکت کا بھی اعتراف کیا۔آرمی چیف نے بانی پاکستا ن قائداعظم محمد علی جناحؒ کی قیادت کو خراج عقیدت پیش کیا اور کہا کہ قائداعظمؒ کی دوراندیش قیادت اور اتحاد کے اصولوں نے پاکستان کی ترقی کی راہ ہموار کی اور قوم کو ایک مضبوط بنیاد فراہم کی۔دینی مدارس کی رجسٹریشن کے مسئلے کے حل کے لیے نیا آرڈیننس لانے پر غور کیا جا رہا ہے تاکہ تمام فریقین کے لیے ایک قابل قبول حل فراہم کیا جا سکے۔ اس حوالے سے ایوان صدر، ایوان وزیرِ اعظم اور وزارت قانون میں مشاورت کا عمل جاری ہے۔حکومتی ذرائع کے مطابق مشاورت میں سینیٹر کامران مرتضیٰ بھی شامل ہیں۔ مشاورت مکمل ہونے کے بعد صدرِ مملکت مدارس کی رجسٹریشن سے متعلق آرڈیننس جاری کریں گے۔ذرائع کا کہنا ہے کہ یہ تجویز وزیرِ اعظم کی مولانا فضل الرحمٰن اور صدرِ مملکت آصف علی زرداری کے درمیان ملاقاتوں میں سامنے آئی۔ آرڈیننس پرسٹیک ہولڈرز کو اعتماد میں لیا جا رہا ہے۔سپریم کورٹ کے سینئر ترین جج، جسٹس منصور علی شاہ نے انتظامی جج کے طور پر اپنی ذمہ داریوں سے معذرت کر لی ہے۔ ذرائع کے مطابق، جسٹس منصور علی شاہ نے انتظامی فائلوں پر دستخط کرنے سے انکار کرتے ہوئے کہا ہے کہ وہ اس عہدے سے سبکدوش ہو چکے ہیں۔واضح رہے کہ سابق چیف جسٹس قاضی فائز عیسیٰ نے جسٹس منصور علی شاہ کو ایڈمنسٹریٹو جج سپریم کورٹ مقرر کیا تھا، تاہم اب ان کے اس عہدے سے دستبردار ہونے کے بعد سپریم کورٹ میں انتظامی امور کی دیکھ بھال کے حوالے سے تبدیلیاں متوقع ہیں۔

انٹرنیٹ ٹیکنالوجی کمپنی گوگل نے پاکستان سمیت مزید 16 ممالک میں اپنا ڈیجیٹل ادائیگی کا نظام ’گوگل والٹ‘ متعارف کرانے کا اعلان کردیا۔گوگل والٹ پہلے سے ہی درجنوں ممالک میں دستیاب ہے، تاہم پاکستان میں اس کی سروسز دستیاب نہیں تھیں لیکن اب کمپنی نے پاکستان اور مصر سمیت متعدد ممالک میں اسے متعارف کرانے کا اعلان کردیا۔کمپنی کے مطابق پاکستان، مصر، وینزویلا، تاجکستان، مراکش، پاناما، پیرو، موناکو اور کوسوو سمیت مزید 16 ممالک میں دسمبر 2024 اور جنوری 2025 کے درمیان گوگل والٹ کی سہولیات شروع کی جائیں گی۔پاکستان میں گوگل والٹ کی سہولیت آئندہ ماہ جنوری میں شروع کی جائیں گی، یعنی گوگل کی جانب سے پاکستانیوں کو نئے سال پر ڈیجیٹل ادائیگی کے نظام کا تحفہ دیا جائے گا۔

سابق وزیر اعظم نواز شریف کے پوتے کی شادی۔

اج سے نو سال قبل نواز شریف کی نواسی کی بھی شادی اج کے روز تھی اور حسن اتفاق ھے کہ آج ھی کے روز نواز شریف کی ولادت بھی ہے

اور اسی کلبھوشن یادیو کی ملاقاتیں بھی اج کے روز ھوی تھی

*پابندی: دسمبر 25، 2024 سے قبل نشر، شائع یا شئیر نہ کیا جائے**وزیراعظم محمد شہباز شریف کا کرسمس 2024 کے موقع پر پیغام*کرسمس کے پر مسرت موقع پر، میں پاکستان اور دنیا بھر میں اپنے مسیحی بہنوں اور بھائیوں کو دلی مبارکباد پیش کرتا ہوں۔کرسمس کے موقع پر ہمیں اس کے پیغام پر بھی غور کرنا چاہیے: تمام انسانیت کے لیے امن، بھائی چارے اور محبت کا پیغام, جیسا کہ حضرت عیسیٰ علیہ السلام نے ہمیں سکھایا۔ حضرت عیسیٰ نے ہمدردی، مہربانی، رحم، اور حکمت جیسی پائیدار اقدار کی تبلیغ کی، لوگوں کی نیک زندگی کی جانب رہنمائی کی اور انہیں رب العزت کی قربت حاصل کرنے کی ترغیب دی۔آج کے دن ہم اپنے مسیحی بہنوں اور بھائیوں کی طرف سے ملک کی ترقی اور استحکام، خاص طور پر تعلیم، صحت کی دیکھ بھال اور قوم کی تعمیر کے شعبوں میں کیے گئے مثالی تعاون کو بھی خراج تحسین پیش کرتے ہیں۔ حکومت پاکستان تمام مذہبی برادریوں کے حقوق کے تحفظ اور احترام کے ماحول کو فروغ دینے کے لیے پرعزم ہے۔ ہم اس بات کو یقینی بناتے رہیں گے کہ تمام مذاہب کے لوگ آزادانہ طور پر اپنے عقائد پر عمل کر سکیں اور پاکستانی قوم کی اجتماعی ترقی میں اپنا حصہ ڈال سکیں۔اس پر مسرت موقع پر میری یہ دعا ہے کہ یہ کرسمس ہر گھر میں خوشیاں اور برکتیں لائے، اور آنے والا سال ہمارے پیارے ملک اور اس کے لوگوں کے لیے امید، امن اور کامیابیوں سے بھرا ہو۔ کرسمس کی خوشیاں مبارک!

*راولپنڈی، 24 دسمبر 2024*رومانیہ کی بحری افواج کے سربراہ کا پاکستان بحریہ کے نئے جنگی جہاز پی این ایس یمامہ کا دورہمعزز مہمان؛ وائس ایڈمرل میہائی پنائیت (Mihai Panait)؛ کو جہاز کی آپریشنل صلاحیتوں پر تفصیلی بریفنگ دی گئیقبل ازیں؛ وائس ایڈمرل محمد فیصل عباسی اور رومانیہ کی نیول فورسز کے سربراہ کے درمیان ملاقات دونوں کمانڈرز کا بحری افواج کے مابین بڑھتے ہوئے تعلقات پر اطمینان کا اظہار اور تعاون کو مزیدمستحکم کرنے کا عزم 17 دسمبر کو کمیشن ہونے والے پی این ایس یمامہ نے رومانیہ کے بحری جہاز کے ساتھ اپنی پہلی بحری مشق کا بھی انعقاد کیامشق کا مقصد دونوں بحری افواج کے مابین مشترکہ آپریشنز کی صلاحیت کو فروغ دینا تھاپی این ایس یمامہ پاک بحریہ کے ان چار جہازوں میں سے آخری جہاز ہے جو ڈیمین شپ یارڈز میں تعمیر کیے گئےاس سے قبل پاک بحریہ نے تین آف شور پٹرول ویسلز پی این ایس تبوک، پی این ایس یرموک اور پی این ایس حنین اپنے بیڑے میں شامل کیے

—وزیراعظم۔۔۔انڈر پاس افتتاحوزیراعظم نے جناح ایونیو انٹرچینج انڈر پاس کا افتتاح کردیا ،42 دنوں کی ریکارڈ مدت میں منصوبہ کی تکمیل پر متعلقہ اداروں کو سراہا، پاکستان کی ترقی و خوشحالی بھی اسی برق رفتاری سے آگے بڑھائیں گے ، شہبا زشریفاسلام آباد۔24دسمبر وزیراعظم محمد شہباز شریف نے جناح ایونیو انٹرچینج انڈر پاس منصوبے کو ریکارڈ 42 دنوں میں مکمل کرنے پر وزیر داخلہ، چیئرمین سی ڈی اے سمیت متعلقہ اداروں کو سراہتے ہوئے کہا ہے کہ اس منصوبہ سے راولپنڈی، اسلام آباد کی ٹریفک کو بڑا فائدہ ہو گا، پاکستان کی ترقی و خوشحالی بھی اسی برق رفتاری سے آگے بڑھائیں گے اور پاکستان کو عظیم ملک بنائیں گے۔ ان خیالات کا اظہار انہوں نے منگل کو جناح ایونیو انٹرچینج انڈر پاس کی افتتاحی تقریب سے خطاب کرتے ہوئے کیا۔ تقریب میں وزیر داخلہ سید محسن نقوی، وزیر اطلاعات و نشریات عطا اﷲ تارڑ ، ارکان قومی اسمبلی اور دیگر اہم سیاسی شخصیات نے شرکت کی۔ تقریب سے خطاب کرتے ہوئے وزیراعظم نے کہا کہ اس انڈر پاس کا 5 نومبر کو سنگ بنیاد رکھا گیا تھا، یہ خوشی کا موقع ہے کہ یہ انڈر پاس 42 دنوں میں مکمل کرکے ریکارڈ قائم کیا گیا۔ انہوں نے کہا کہ قومیں اسی طرح ترقی کرتی ہیں، شبانہ روز محنت کا اﷲ تعالیٰ پھل ضرور عطا کرتا ہے۔ انہوں نے کہا کہ چیئرمین سی ڈی اے، ان کی ٹیم، ٹھیکیداروں، انجینئرز اور کام کرنے والے ورکرز کو مبارکباد پیش کرتا ہوں۔ وزیر داخلہ محسن نقوی کی قیادت میں ان کی ٹیم نے انہونی کر دکھائی، ان کی ذاتی نگرانی کے باعث یہ منصوبہ بروقت پایہ تکمیل کو پہنچا۔ وزیراعظم نے کہا کہ اس منصوبہ سے راولپنڈی، اسلام آباد کی ٹریفک کو بڑا فائدہ ہو گا۔ انہوں نے امید ظاہر کی کہ سرینا چوک انڈر پاس منصوبہ بھی اسی برق رفتاری سے مکمل ہو گا۔ انہوں نے کہا کہ آئی جی اور ٹریفک پولیس نے جس طرح ٹریفک کی روانی کو برقرار رکھا وہ لائق تحسین ہیں۔ انہوں نے کہا کہ پاکستان کی ترقی و خوشحالی بھی اسی برق رفتاری سے آگے بڑھائیں گے اور پاکستان کو عظیم ملک بنائیں گے۔ وزیر داخلہ محسن نقوی نے کہا کہ وزیراعظم نے 5 نومبر کو منصوبے کا سنگ بنیاد رکھا تھا، آج ہم 42 روز کے بعد انڈر پاس کا افتتاح کر رہے ہیں، اسلام آباد میں نئے پودوں کی افزائش کیلئے نرسری بنائیں گے۔ انہوں نے کہا کہ وزیراعظم کی ہدایت پر اسلام آباد میں فائیو سٹارز ہوٹل کی تعمیر کیلئے کام کر رہے ہیں، جناح ایونیو انٹرچینج منصوبے کا 50 فیصد کام مکمل ہو چکا ہے، سرینا چوک انڈر پاس کو مقررہ وقت میں مکمل کریں گے۔ وزیر داخلہ نے کہا کہ قذافی سٹیڈیم کا افتتاح بھی وزیراعظم محمد شہباز شریف سے کرائیں گے، سی ڈی اے نے دن رات کام کرکے انڈر پاس ایک ہزار 8 گھنٹے میں مکمل کیا۔ اس موقع پر وزیر داخلہ محسن نقوی اور چیئرمین سی ڈی اے محمد علی رندھاوا نے وزیراعظم کو جناح ایونیو انٹرنیشنل منصوبے پر بریفنگ دی۔ بریفنگ کے دوران بتایا گیا کہ منصوبے میں سیفٹی اور سکیورٹی کو یقینی بنایا گیا ہے، منصوبہ کے فیز ون میں میٹرز کا انڈر پاس مکمل کیا گیا ہے