وزیرِ اعلیٰ پنجاب مریم نواز اسلام آباد سے براستہ ایکسپریس وے مری پہنچ گئیں۔ذرائع کے مطابق، اس موقع پر سابق وزیراعظم نواز شریف بھی اپنی بیٹی مریم نواز کے ساتھ ہیں۔ ذرائع نے بتایا ہے کہ مریم نواز عیدالفطر کے انتظامات کا جائزہ لینے مری پہنچی ہیں۔نوازشریف اور مریم نواز اپنی رہائشگاہ باغِ شہیداں کشمیر پوائنٹ میں قیام کریں گے۔واضح رہے کہ عید کی تعطیلات پر اب تک 22 ہزار سے زائد گاڑیاں مری میں داخل ہوچکی ہیں اس لیے وہاں سٹی ٹریفک پولیس اور پنجاب پولیس کی اضافی نفری تعینات ہے۔
صدر مملکت آصف علی زرداری نے سندھ ہائیکورٹ میں 6 ایڈیشنل ججز کا تقرر کر دیاجبکہ پشاور ہائیکورٹ کے سینئرجج جسٹس اشتیاق ابراہیم کو قائم مقام چیف جسٹس پشاور ہائیکورٹ تعینات،وزارت قانون کی جانب سے نوٹیفیکشن جاری کردیا گیا۔صدر مملکت آصف علی زرداری نے آئین کے آرٹیکل 196 کے تحت جسٹس اشتیاق ابراہیم کی بطور قائم مقام چیف جسٹس ہائیکورٹ تعیناتی کی منظوری دی۔سندھ ہائیکورٹ میں نئے تعینات ججز میں جسٹس ثناء اکرم منہاس، جسٹس امجد علی بوھئیو، جسٹس جواد اکبر سروانہ، جسٹس خادم حسین سومرو شامل ہیں، اس کے علاوہ جسٹس محمد عبدالرحمان اور جسٹس ارباب علی ہاکرو کی بھی تعیناتی کی گئی ہے۔وزارت قانون نے سندھ ہائیکورٹ میں ایڈیشنل ججز کے تقرر کا نوٹیفکیشن بھی جاری کردیا۔نوٹیفیکیشن کے مطابق جسٹس اشتیاق ابراہیم کو پارلیمانی کمیٹی کی منظوری کے بعد پشاور ہائیکورٹ کا مستقل چیف جسٹس تعینات کیا جائے گا۔خیال رہے کہ چند روز قبل چیف جسٹس پشاور ہائیکورٹ جسٹس محمد ابراہیم خان نے چیف جسٹس آف پاکستان جسٹس قاضی فائز عیسیٰ کے نام ایک خط میں شکوہ کیا تھا سپریم کورٹ میں 4 ججز کی آسامیاں خالی تھیں لیکن آپ نے پختونخوا کو نظر انداز کرکے سپریم کورٹ میں صرف ایک جج کا تقرر کیا اور وہ بھی اپنے صوبے سے، بطور ممبر جوڈیشل کمیشن آف پاکستان اور سپریم جوڈیشل کونسل مجھے امید تھی کی بطور سپریم کورٹ جج میرے نام پر غور کیا جائیگا لیکن ایسا نہیں کیا گیا۔عدلیہ میں اپنی خدمات سرانجام دینے کے بعد چیف جسٹس پشاور ہائیکورٹ جسٹس محمد ابراہیم خان 14 اپریل کو اپنے عہدے سے سبکدوش ہو رہے ہیں جبکہ حال ہی میں انہوں نے اپنی مدت ملازمت کے دوران سپریم کورٹ کے لیے اپنا نام زیر غور نہ آنے پر نہایت سلی
وفاقی بیوروکریسی میں تقرر و تبادلے ، گریڈ 21کے ایگزیکٹو ڈائریکٹر جنرل/ایڈیشنل سیکریٹری سرمایہ کاری بورڈ محمد خشیش الرحمان کا تبادلہ کر کے اُن کی خدمات قانون و انصاف ڈویژن کو واپس کر دی گئی ہیں، پولیس سروس آف پاکستان کے گریڈ 18 کے کیپٹن ریٹائرڈ مظہر اقبال کا پنجاب سے خیبرپختونخوا تبادلہ کیا گیا ۔سینئر جوائنٹ سیکرٹری وزارتِ مواصلات محمد سلمان رواں ماہ 21 اپریل 2024 کو سرکاری ملازمت سے ریٹائر ہوں گے۔ محمد سلمان سیکرٹریٹ گروپ گریڈ 21 کے افسر ہیں۔ دوسری جانب وفاقی وزارتوں و ڈویژنز میں تعینات آفس مینجمنٹ گروپ گریڈ 18 کے 8 سیکشن افسران کے تقرر و تبادلے کئے گئے ہیں۔ سیکشن افسر راشد منیر شہزاد کا پارلیمانی امور ڈویژن سے سائنس و ٹیکنالوجی ڈویژن، سیکشن افسر محمد زبیر کا مذہبی امور ڈویژن سے وفاقی تعلیم ڈویژن، سیکشن افسر عبدالرؤف کا مذہبی امور ڈویژن سے وفاقی تعلیم ڈویژن، سیکشن افسر امجد علی کا مذہبی امور ڈویژن سے نیشنل فوڈ سیکیورٹی ڈویژن، سیکشن افسر شاہد احمد کا بین الصوبائی رابطہ ڈویژن سے آئی ٹی ڈویژن، سیکشن افسر خرم حمید کا ملٹری فنانس وِنگ خزانہ ڈویژن سے اوورسیز پاکستانیز ڈویژن، سیکشن افسر یاور حسین رانا کا پارلیمانی امور ڈویژن سے مواصلات ڈویژن تبادلہ کیا گیا ہے جبکہ تقرر کی منتظر شیریں شیر ملک سیکشن افسر پاور ڈویژن تعینات کی گئی ہیں، اسٹیبلشمنٹ ڈویژن نے جملہ تقرر و تبادلوں کے باضابطہ نوٹیفکیشن جاری کر د یے ہیں۔
