یوم آزادی کے موقع پر چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر نے پاک فوج کے سابق فوجیوں کے اعزاز میں استقبالیہ دیا۔پاک فوج کے شعبہ تعلقاتِ عامہ (آئی ایس پی آر) کے مطابق تقریب میں ریٹائرڈ افسران اور جوانوں کی بڑی تعداد نے شرکت کی۔فیلڈ مارشل سید عاصم منیر نے ملکی دفاع کے لیے سابق فوجیوں کی گراں قدر خدمات کو خراجِ تحسین پیش کرتے ہوئے قومی استقامت اور سلامتی کے استحکام میں ان کے دیرینہ کردار کو سراہا۔انہوں نے کہا کہ سابق فوجیوں کا تجربہ، رہنمائی اور پاک فوج سے مسلسل رابطہ ایک قیمتی ادارہ جاتی اثاثہ ہے، خصوصاً تیزی سے بدلتے اور پیچیدہ ہوتے سکیورٹی ماحول میں ان کی رہنمائی اہمیت رکھتی ہے۔اس موقع پر سابق فوجیوں نے پاک فوج کی قیادت پر مکمل اعتماد کا اظہار کیا اور ابھرتے ہوئے سکیورٹی چیلنجز سے نمٹنے میں مسلح افواج کی حمایت جاری رکھنے کے عزم کا اعادہ کیا۔سابق فوجیوں نے قومی اتحاد، امن، استحکام اور ملکی خوشحالی کے لیے اپنا کردار بدستور جاری رکھنے کے عزم کا بھی اظہار
