اراکین پارلیمنٹ نے باضابطہ طور پر اپنی تنخواہوں میں اضافے کا مطالبہ کردیا، تنخواہوں میں اضافے کے معاملے پر حکومتی اور اپوزیشن اراکین یک زبان ہوگئے۔پارلیمانی ذرائع کے مطابق اراکین پارلیمنٹ نے تنخواہوں میں اضافے کا مطالبہ اسپیکر ایاز صادق سے ملاقات میں کیا اور تنخواہوں میں اضافے کیلئے اسپیکرز کانفرنس کی سفارشات پر عملدرآمد کا مطالبہ کیا۔ذرائع کا کہنا ہے کہ اراکین قومی اسمبلی نے شکوہ کیا کہ صوبائی اسمبلیوں کے اراکین کی تنخواہیں اور مراعات ہم سے زیادہ ہیں۔اسپیکر نے قومی اسمبلی سیکریٹریٹ کے شعبہ اکاؤنٹس سے بجٹ کی تفصیلات مانگ لیں اور اس معاملے پر وزیراعظم اور وزیر خزانہ سے بات کرنے کی یقین دہانی کرائی۔ذرائع کا مزید کہنا ہے کہ حکومتی رضامندی پر قومی اسمبلی میں تنخواہوں میں اضافے کا بل پیش ہوگا، اس وقت ایم این اے کی تںخواہ اور ٹی اے ڈی اے 1 لاکھ 85 ہزار روپے ماہانہ ہے

پنجاب پولیس سندھ پولیس بلوچستان پولیس کے پی کے پولیس سب کو کے لیے ایک امتحان ایا تھا وہ یہ تھا افغانستان والوں کو پاکستان سے نکالنا مگر اپ کے سامنے پولیس نے غیر ملکیوں کو پکڑنے کے بجائے کرپشن کی اور دہشت گردوں کی سہولت کاری کی جس کی وجہ سے لوگ پولیس کو اچھی نگاہ سے نہیں دیکھتے اج ملک کے اندر جو دہشت گردی ہے اس کے پیچھے پولیس والوں کی سہولت کاری تھی اگر اس وقت غیر ملکیوں کو پکڑ کر اور ان کی حمایت میں کسی بھی سیاسی جماعت کا کوئی سیاسی لیڈر کہتا ہے کہ افغانیوں کو نا پکڑا جائے اس سے بھی پکڑ کر جیل میں ڈالتے تو پھر پاکستان ترقی کی طرف چل پڑتا مگر افسوس پولیس والوں نے پاکستان کے ائین کے ساتھ حلف تو اٹھایا مگر سیاست دانوں کی پش پنائی کی اگر اس وقت یہ لوگ اپنے مقصد میں کامیاب ہوتے تو ہر پاکستانی پولیس کو اچھی نظر سے دیکھتا اور دعا کرتا

ترکیہ کے شہر استنبول میں 48 گھنٹوں کے دوران زہریلی شراب پینے سے 19 افراد ۔ترک خبررساں ایجنسی کے مطابق درجنوں مزید افراد زہریلی شراب پینے سے بیمار ہوئے جن کا علاج جاری ہے۔اس سے قبل خبررساں ایجنسی کی جانب سے 24 گھنٹوں کے دوران 11 افراد کی ہلاکت کی خبر دی گئی تھی۔استنبول کی انتظامیہ کے مطابق سال 2024 میں زہریلی شراب پینے سے 48 افراد ہلاک ہوئے تھے۔حکام کے مطابق میتھانول ملی شراب ان ہلاکتوں کی وجہ بنی۔ میتھانول ملی شراب مختلف بیماریوں کی وجہ بن سکتی ہے اور اسے پینے سے موت بھی واقع ہوسکتی ہے۔غیر ملکی خبررساں ایجنسی کے مطابق ترک حکام کی جانب سے شراب پر ٹیکس بڑھانے کے بعد سے نجی طور پر شراب کی تیاری میں اضافہ ہوا ہے جس کے بعد ترکیہ میں زہریلی شراب پینے سے ہلاکتوں کے واقعات بڑھتے جارہے ہیں۔

ترجمان پاک فوج نے بھارتی آرمی چیف کے بیان پر سخت اور منہ توڑ ردِعمل ظاہر کیا ہے۔پاک فوج کے شعبۂ تعلقاتِ عامہ (آئی ایس پی آر) کے مطابق بھارتی آرمی چیف کا پاکستان کو دہشت گردی کا مرکز قرار دینا حقائق کے منافی ہے، بھارتی آرمی چیف کا بیان بھارت کے پٹے ہوئے مؤقف کے مردہ گھوڑے میں جان ڈالنے کی ناکام مشق ہے۔آئی ایس پی آر کی جانب سے کہا گیا ہے کہ جنرل افسر نے مقبوضہ کشمیر میں کشمیریوں پر انتہائی وحشیانہ جبر کی ذاتی طور پر نگرانی کی، بھارتی آرمی چیف کے ریمارکس بھارت کی مقبوضہ کشمیر میں بربریت سے توجہ ہٹانے کی کوشش ہیں۔آئی ایس پی آر کے مطابق یہ اندرونی طور پر اقلیتوں پر جبر اور بھارت کے بین الاقوامی جبر سے دنیا کی توجہ ہٹانے کی کوشش ہے۔ترجمان پاک فوج نے کہا ہے کہ ایسے سیاسی اور غلط بیانات بھارتی فوج کی سیاست زدہ سوچ کی عکاسی کرتے ہیں، پاکستان ایسے بے بنیاد بیانات کو سختی سے مسترد کرتا ہے۔وزیرِ توانائی سردار اویس لغاری کا کہنا ہے کہ اپریل میں پاکستان اس خطے میں سب سے سستی بجلی دینے والا ملک ہو گا۔قومی اسمبلی کے اجلاس کے دوران گفتگو کرتے ہوئے انہوں نے کہا کہ گھریلو صارفین کے لیے بجلی 4 روپے فی یونٹ پہلے ہی کم کی جا چکی ہے۔اویس لغاری کا کہنا ہے کہ آزادانہ مارکیٹ کے بعد حکومت بجلی کی خرید و فروخت نہیں کرے گی، این ٹی ڈی سی کی تشکیل نو ہو چکی ہے۔انہوں نے کہا کہ گاڑیوں کو ای چارجنگ پر منتقل کیا جا رہا ہے، اگلے 3 سال میں پلانٹس کی فالتو بجلی صارفین کو دی جائے گی۔وفاقی وزیر کا کہنا ہے کہ اس سال ان 5 ماہ میں تقسیم کار کمپنیوں کے نقصان میں 53 ارب روپے کی کمی واقع ہوئی۔اس سے قبل اسلام آباد میں پریس کانفرنس کرتے ہوئے وزیرِ توانائی اویس لغاری نے کہا تھا کہ چارجنگ اسٹیشن کا ٹیرف 71 روپے 10 پیسے سے کم کر کے 39 روپے 70 پیسے کر رہے ہیں۔انہوں نے کہا تھا کہ توانائی کے شعبے میں اصلاحات لا رہے ہیں، گاڑیوں کے چارجنگ اسٹیشن کے لیے ٹیرف 45 فیصد کم کر دیا ہے، ہم نے جولائی سے نومبر گردشی قرض میں 12 ارب روپے کی کمی کی ہے۔پاکستان تحریکِ انصاف (پی ٹی آئی) کے ارکان قومی اسمبلی کے اجلاس سے واک آؤٹ کر گئے۔اسپیکر ایاز صادق کی زیرِ صدارت قومی اسمبلی کا اجلاس شروع ہوا تو تحریکِ انصاف نے احتجاج شروع کر دیا۔قومی اسمبلی میں پی ٹی آئی کے رکن یوسف خان نے کورم کی نشاندہی کی، کورم کی نشاندہی کے بعد ممبران کی گنتی کی گئی۔اسپیکر ایاز صادق نے تحریکِ انصاف کو نکتۂ اعتراض کی اجازت دینے سے انکار کر دیا۔پی ٹی آئی ارکان نے وقفۂ سوالات کے دوران شدید نعرے بازی کی۔وفاقی وزیرِ قانون اعظم نذیر تارڑ نے کہا ہے کہ جنابِ اسپیکر! ان کو روکیں، یہ غیر مناسب احتجاج ہے، فوٹو گرافی کا شعبہ انہوں نے سنبھال لیا ہے، کم از کم ان کو ویڈیو گرافی سے روکیں۔آئی جی اسلام آباد سید علی ناصر رضوی نے وارننگ دیتے ہوئے کہا ہے کہ اب وہی ایس ایچ او رہے گا جو کارکردگی دکھائے گا، شہریوں کی جان و مال کے تحفظ میں کوتاہی ہرگز برداشت نہیں کی جائے گی۔اسلام آباد پولیس کے ترجمان کے مطابق آئی جی اسلام آباد سید علی ناصر رضوی کی زیرِ صدارت مختلف اجلاس ہوئے۔جن میں ڈی آئی جی اسلام آباد، ایس ایس پی آپریشنز اور زونل ایس پیز نے شرکت کی۔اجلاسوں میں اسلام آباد کے ایس ایچ اوز کی کارکردگی کا جائزہ لیا گیا۔اس موقع پر آئی جی اسلام آباد سید علی ناصر رضوی نے کہا کہ شہریوں، درخواست گزاروں کے ساتھ نامناسب رویہ ہرگز برداشت نہیں کیا جائے گا۔اسلام آباد پولیس کے ترجمان کا کہنا ہے کہ سید علی ناصر رضوی نے پولیس میں جاری ترقیاتی کاموں میں بھی تیزی لانے کی ہدایت کی ہے۔وزیر آئی ٹی شزا فاطمہ خواجہ نے کہا ہے کہ اسپیکٹرم جیسے بڑھے گا انٹرنیٹ اسپیڈ بہتر ہوگی۔ سینیٹ اجلاس میں اظہارِ خیال کرتے ہوئے انہوں نے کہا کہ انٹرنیٹ اسپیکٹرم پر دباؤ کی وجہ سے مسئلہ ہوا ہے، 500 میگا ہرٹز اسپیکٹرم لے رہے ہیں، جو اسپیکٹرم کیسز عدالت میں تھے وہ ہم نے ختم کرائے ہیں۔ انہوں نے کہا کہ پاکستان کی سب میرین کی 8 کیبلز آتی ہیں، ان میں سے ایک ڈیڈ ہے، 2 نئی کیبلز آرہی ہیں جس سے انٹرنیٹ میں بہتری نظر آئے گی۔ شزا فاطمہ نے کہا کہ پی ٹی اے انٹرنیٹ کی اسپیڈ کو اور آڈٹ کرتا ہے، ڈیڑھ سال میں آڈٹ کو دگنا کیا ہے، مالی سال کے پہلے 5 ماہ میں 33 فیصد آئی ٹی ایکسپورٹ میں اضافہ ہوا ہے۔ انہوں نے کہا کہ آئی ٹی واحد صنعت ہے جس نے ٹریڈ سرپلس دیکھا ہے، ملک میں 25 فیصد انٹرنیٹ صارف شامل ہوئے ہیں، ہم نے موبائل براڈ بینڈ پر انٹرنیٹ مسئلہ دیکھا، فکسڈ لائن پر مسائل نہیں دیکھے۔ شزا فاطمہ نے یہ بھی کہا کہ متعلقہ تنظیم نے ہمیں 3 کمپنیوں کا بتایا جن کو مسائل ہیں، چیک کیا تو معلوم ہوا۔سابق چیئرمین سینیٹ صادق سنجرانی نے امریکی شہریت حاصل کرنے کا الزام لگانے والے یوٹیوبر کو لیگل نوٹس بھیج دیا۔سابق چیئرمین سینیٹ صادق سنجرانی پر یوٹیوبر نے امریکی شہریت حاصل کرنے کا الزام لگادیا، سابق چیئرمین سینیٹ نے الزام کی تردید کرتے ہوئے یوٹیوبر کو لیگل نوٹس بھیج دیا۔لیگل نوٹس میں یوٹیوبر کو کہا گیا ہے کہ 7 روز میں جھوٹی خبر کی تردید کرتے ہوئے معافی مانگی جائے، اگر ایسا نہ کیا گیا تو قانونی چارہ جوئی کی جائے گی۔متن میں مزید کہا گیا ہے کہ صادق سنجرانی علاج کی غرض سے امریکا گئے، دوہری شہریت کے الزام سے ساکھ متاثر ہوئی۔قومی اسمبلی کا اجلاس سپیکر ایاز کی زیر صدارت ہوا جس دوران وزارت خارجہ نےسعودی جیلوں میں قید پاکستانیوں کی تفصیلات ایوان میں پیش کردیں ۔وزارت خارجہ کے مطابق سعودی عرب کی مختلف جیلوں میں 10 ہزار 279 پاکستانی قید ہیں، ریاض میں5341 اورجدہ میں 4848 پاکستانی قید ہیں، گزشتہ تین برس میں سعودی جیلوں میں قید 253 پاکستانیوں کو رہائی دلائی گئی، سعودی جیلوں سے253 قیدیوں کو مخیر حضرات کے تعاون سے رہائی دلائی گئی۔پاکستانی قیدیوں کو 18 مختلف جرائم میں ملوث ہونے پر جیلوں میں ڈالا گیا، پاکستانی قیدی بارڈرسیکیورٹی،منشیات، سائبر کرائم، منی لانڈرنگ، قتل،اسمگلنگ جیسےسنگین جرائم میں ملوث ہیں، 400 پاکستانیوں کو ملک واپس منتقل کرنے کے لیے تفصیلات کا سعودی حکام کے ساتھ تبادلہ کیا گیا۔قومی اسمبلی کا اجلاس کل دو بجے تک ملتوی کر دیا گیا ۔حکومت نے گاڑیوں کیلئے چارجنگ اسٹیشنز کے ٹیرف میں 45 فیصد کمی کا اعلان کردیا۔ وزیراعظم شہباز شریف کی الیکٹرک گاڑیوں کیلئے چارجنگ اسٹیشنز کے ٹیرف میں کمی پر ٹیم کی ستائش، کہا 70 روپے یونٹ سرمایہ کاروں کیلئے قابل عمل نہیں تھا، ٹیرف میں کمی بہترین قدم ہے، اسٹیشنز لگانے والوں کی حوصلہ افزائی ہوگی، ای وی کے فروغ سے درآمدی بل میں کمی ہوگی اور ماحول بہتر ہوگا۔وفاقی حکومت نے الیکٹرک گاڑیوں کیلئے چارجنگ اسٹیشنز کے ٹیرف میں 45 فیصد کمی کا اعلان کردیا۔وفاقی وزیر اویس لغاری نے اسلام آباد میں پریس کانفرنس کرتے ہوئے بتایا کہ گاڑیوں کے چارجنگ اسٹیشنز کیلئے بجلی کے نرخوں میں 45 فیصد کمی کا اعلان کردیا گیا، ٹیرف 71 روپے سے کم کرکے 39 روپے 70 پیسے کردیا۔وفاقی وزیر توانائی اویس لغاری کہتے ہیں اب ہر گلی محلے میں چارجنگ اسٹیشن ہوگا، قواعد و ضوابط بنالئے، 15 روز میں لائسنس ملے گا۔وفاقی وزیر نے عوام کو پیٹرول سے الیکٹرک گاڑیوں پر منتقل ہونے کا مشورہ بھی دیدیا۔ بتایا الیکٹرک موٹرسائیکل 3 گنا سستی پڑتی ہے، توانائی کے شعبے میں اصلاحات لارہے ہیں، چند ماہ میں خطے کی سستی ترین بجلی عوام کو ملے گی، دن رات کام کررہے ہیں۔اویس لغاری نے مزید کہا کہ جولائی تا نومبر گردشی قرضے میں 12 ارب روپے کمی ہوئی، 5 ماہ میں ڈسکوز کا نقصان 170 ارب سے بڑھنے نہیں دیا۔وزیراعظم نے بجلی کی قیمت میں کمی کے فیصلے کو خوش آئند قرار دیتے ہوئے کہا کہ 70 روپے یونٹ سرمایہ کاروں کیلئے قابل عمل نہیں تھا، چارجنگ اسٹیشنز کے ٹیرف میں کمی بہترین قدم ہے۔ان کا کہنا ہے کہ فیصلے سے اسٹیشنز لگانے والوں کی حوصلہ افزائی ہوگی، ای وی کے فروغ سے درآمدی بل میں کمی اور ماحول بہتر ہوگا۔کراچی کے بجلی صارفین کیلئے فی یونٹ قیمت میں بڑی کمی کا امکان ہے۔کے الیکٹرک نے ماہانہ ایڈجسٹمنٹ کی مد میں بجلی 4 روپے 98 پیسے فی یونٹ سستی کرنے کی درخواست کردی۔ درخواست نومبر کی ماہانہ ایڈجسٹمنٹ کی مد میں دائر کی گئی ہے۔کے الیکٹرک کی بجلی کی قیمت میں چار روپے98 پیسے فی یونٹ کمی کی درخواست پر سماعت مکمل ہوگئی۔ نیپرا اعداد و شمار کا جائزہ لے کر بعد میں فیصلہ جاری کرے گی۔نیپرا کی جانب سے درخواست کی منظوری کی صورت میں کراچی والوں کو 7 ارب 17 کروڑ 90 لاکھ روپے ری فنڈ ہوں گے، کے الیکٹرک نے صارفین کو اضافی وصولیاں واپس کرنے کی درخواست کی ہے۔ کیس افسر نیپرا کے مطابق اس کمی کا اطلاق فروری کے بلوں میں کر دیا جائے گا۔ایک صارف نے کراچی میں انڈسٹری کیلئے بدترین لوڈ شیڈنگ کی شکایت کی ۔ ممبر نیپرا رفیق احمد شیخ نے کہا کے الیکٹرک والے بدترین لوڈشیڈنگ کی وضاحت دیں ۔ کے ای حکام نے جواب دیا لوڈشیڈنگ کا شیڈول ہم نے جاری کیا ہوا ہے ۔ کراچی میں صنعتوں کیلئے اس وقت لوڈشیڈنگ نہیں ہو رہی ۔رفیق احمد شیخ نے کہا نیپرا حکام کراچی میں لوڈشیڈنگ خود چیک کریں گے ۔ ہم نے لوڈشیڈنگ کرنے والی ڈسکوز پر جرمانے عائد کئے ۔ اگر ڈسکوز اب بھی لوڈشیڈنگ کر رہی ہیں تو روزانہ کی بنیاد پر جرمانہ لگانے پر مجبور ہو جائیں گے۔دوسری جانب کابینہ کی اقتصادی رابطہ کمیٹی کا اجلاس جمعے کو طلب کرلیا گیا۔ اجلاس میں بجلی کے شعبے میں ٹیرف کی سالانہ ری بیسنگ کی منظوری کا امکان ہے۔وفاقی وزیر خزانہ کا دعویٰ ہے کہ یہ آخری آئی ایم ایف پروگرام ہوگا، عالمی ادارے کی شرائط کے مطابق اصلاحات کیلئے پر امید ہیں، آئی ایم ایف بیل آؤٹ کے بعد کریڈٹ ریٹنگ میں بہتری آئی ہے۔وفاقی وزیر خزانہ محمد اورنگزیب انٹرویو میں دعویٰ کیا ہے کہ یہ آخری آئی ایم ایف پروگرام ہوگا، عالمی ادارے کی شرائط کے مطابق اصلاحات کیلئے پرامید ہیں۔ان کا کہنا ہے کہ آئی ایم ایف پروگرام کے بعد ترقی کے ماڈل پر توجہ دی ہے، آئی ایم ایف بیل آؤٹ کے بعد کریڈٹ ریٹنگ میں بہتری آئی ہے، پاکستان کو عالمی ایجنسیوں سے “بی” ریٹنگ کی توقع ہے، پاکستان کی خودمختار کریڈٹ ریٹنگز میں بہتری آئی ہے۔محمد اورنگزیب نے مزید کہا کہ پاکستان میں اقتصادی اصلاحات سے مہنگائی میں کمی آئی ہے، مہنگائی مئی 2023ء میں 38 فیصد تھی جو رواں ماہ 3 فیصد رہ گئی، پاکستان برآمدات بڑھانے، سرمایہ کاروں کو راغب کرنے کیلئے کوشاں ہیں۔وفاقی وزیر خزانہ کا کہنا ہے کہ عالمی مالیاتی منڈیوں میں واپس جانے کی کوشش بھی کررہے ہیں، پاکستان چین کی مالیاتی منڈیوں تک رسائی کیلئے تیار ہے، پاکستان یوآن بانڈ مارکیٹ تک رسائی حاصل کریگا۔انہوں نے کہا کہ ہانگ کانگ کارپوریٹ اسٹاک لسٹنگز کی حوصلہ افزائی کیلئے تیار ہیں، رواں مالی سال کے آخر تک پانڈا بانڈ کا اجرا متوقع ہے۔وزیر خزانہ ہانگ کانگ میں پاکستانی چینی مشترکہ منصوبے کی لسٹنگ کیلئے پر امید ہیں، انہوں نے پاکستانی کمپنیوں کیلئے مزید لسٹنگز کے امکانات پر اور سی پیک فیز ٹو اور بیلٹ اینڈ روڈ انیشیٹیو کی اہمیت پر بھی زور دیا۔ان کا کہنا ہے کہ پاکستانی چینی مشترکہ منصوبے سروس لانگ مارچ کی لسٹنگ متوقع ہے، پاکستان میں چینی شہریوں کیلئے سیکیورٹی اقدامات جاری ہیں، چینی شہریوں سمیت تمام غیر ملکیوں کی سیکیورٹی اہمیت کی حامل ہے۔وزیرِ اعلیٰ سندھ مراد علی شاہ کے سرکاری جہاز پر فیملی سمیت سفر کرنے والے افسران کو معطل کر دیا گیا۔اس حوالے سے جاری کیے گئے نوٹیفکیشن کے مطابق 17 گریڈ پی ایم ایس کیڈر کے سیکشن افسر وی آئی پی فلائٹ کو معطل کیا گیا ہے۔نوٹیفکیشن کے مطابق پروٹوکول افسر سندھ ہاؤس کو بھی معطل کر دیا گیا ہے۔چیف سیکریٹری سندھ آصف حیدر شاہ کے مطابق جہاز ٹیسٹ فلائی کے طور پر کراچی آ رہا تھا، معطل کیے گئے دونوں افسران بغیر اتھارٹی جہاز میں سفر کر رہے تھے۔

*آرمی چیف کی خیبرپختونخوا میں سیاسی قائدین سے بات چیت*ہماری پالیسی صرف اور صرف پاکستان ہے، آرمی چیف پاکستان افغانستان سےہمیشہ بہترتعلقات کا خواہاں رہا ہے، آرمی چیفافغانستان سے فتنہ الخوارج کی موجودگی پراختلاف ہے،آرمی چیفخیبر پختونخوا میں کوئی بڑے پیمانے پر آپریشن نہیں کیا جا رہا،آرمی چیفجب ہم متحد ہوکر چلیں گے تو صورتحال جلد بہتر ہوجائے گی،آرمی چیف ہم سب کو بلاتفریق دہشتگردی کےخلاف یکجا کھڑا ہونا ہوگا،آرمی چیف انسان خطا کا پتلا ہے، سب غلطیاں کرتے ہیں، غلطیوں کو نہ ماننا اور سبق نہ سیکھنا بڑی غلطی ہے، آرمی چیفعوام اور فوج کے درمیان ایک خاص رشتہ ہے ،آرمی چیفاس رشتے میں کسی خلیج کا جھوٹا بیانیہ مخصوص ایجنڈے کےذریعے چلایا جاتا ہے،آرمی چیفجھوٹا بیانیہ بیرون ملک سے ایک مخصوص ایجنڈے کے ذریعے چلایا جاتا ہے،آرمی چیفنیشنل ایکشن پلان پر سب پارٹیوں کا اتفاق حوصلہ مند ہےاس پرتیزی سے کام کرنا ہوگا،آرمی چیفریاست ہے تو سیاست ہے ریاست نہیں تو کچھ نہیں، آرمی چیفکیا فساد فی الارض اللہ کے نزدیک بڑا گناہ نہیں؟ آرمی چیف

مقبوضہ کشمیر میں بھارتی فوج کی گاڑی دھماکے میں تباہ؛ ہلاکتوں کا خدشہمقبوضہ کشمیر میں معمول کے گشت پر مامور بھارتی فوج کی گاڑی کو دھماکے سے اُڑا دیا گیا جس میں 10 فوجی سوار تھے۔کشمیر میڈیا سروس کے مطابق جنت نظیر وادی کے ضلع راجوڑی میں بھارتی فوج کی گاڑی مبینہ طور پر بارودی سرنگ پر چڑھ گئی۔جس سے زور دار دھماکا ہوا اور افراتفری پھیل گئی۔ مزید نفری طلب کی گئی اور علاقے کا محاصرہ کرلیا گیا۔امدادی کاموں کے دوران 8 فوجی اہلکاروں کو شدید زخمی حالت میں قریبی ملٹری اسپتال منتقل کیا گیا جہاں 6 کی حالت نازک بتائی جا رہی ہے۔

پارلیمان کے ایوان بالا (سینیٹ) میں حکومت اور اپوزیشن کے درمیان مذاکرات کی فضا تار تار کردی گئی۔سینیٹ اجلاس میں اپوزیشن نے وزیراعظم شہباز شریف کے بتائے طریقے سے احتجاج میں ’اووو، اووو‘ کی آوازیں گونجتی رہیں۔سینیٹ اجلاس میں سینیٹر شبلی فراز اور وفاقی وزیر احسن نے ایک دوسرے پر طعنے کسے تو سینیٹر اعظم نذیر تارڑ نے بھی اپوزیشن پر طنزیہ وار کیے۔اجلاس کے دوران سارے ہی اوو، اوو کرکے واپس آگئے، شبلی فراز نے کہا کہ ایک شخص ہر روز نیا چورن لے کر آجاتا ہے۔انہوں نے مزید کہا کہ کبھی وژن 2025ء کا، کبھی اڑان پروگرام تو کبھی ملک کو ایشین ٹائيگر بنانے والوں نے گیدڑ بنادیا ہے، نہ سیاسی استحکام آیا نہ معیشت بہتر ہوئی۔شبلی فراز نے یہ بھی کہا کہ قومی ایئرلائن (پی آئی اے) کی نجکاری کی بات ہوئی تو صرف ایک پارٹی سامنے آئی۔اُن کا کہنا تھا کہ 190 ملین پاؤنڈ کیس کا مقصد بانی پی ٹی آئی کو سزا دینا تھا، ایک دھیلا بانی پی ٹی آئی یا بشریٰ بی بی کے اکاؤنٹ میں نہیں آیا۔شبلی فراز کے جملوں پر حکومتی بینچ نے شدید احتجاج کیا اور پی ٹی آئی سینیٹر سے معذرت کا مطالبہ کیا۔وفاقی وزیر خزانہ احسن اقبال نے شبلی فراز کو جواب دیتے ہوئے کہا کہ یہ لوگ کس منہ سے قومی ایئر لائن کا نام لیتے ہیں، انہوں نے ہی تو اسے بدنام کیا، قومی ایئرلائن تباہ کرنے پر ان کے خلاف تحقیقات ہوگی۔انہوں نے کہا کہ سرمایا کاری نہ آنے کے دعوے بھی غلط ہیں، چین سے 3 ارب ڈالر کی سرمایا کاری آچکی ہے۔اس دوران ایوان میں وزیر قانون سینیٹر اعظم نذیر تارڑ نے کہا کہ اپنے گناہ چھپانے کےلیے دین کو شیلڈ کے طور پر استعمال نہیں کرنا چاہیے۔اس دوران پی ٹی آئی کے اراکین سینیٹ اجلاس سے واک آؤٹ کرگئے ہیں۔وزیراعظم شہباز شریف نوجوانوں کو پیشہ ورانہ صلاحیتوں سے آراستہ کرنا ناگزیر ہے۔ اڑان پاکستان منصوبے سے روزگار کے نئے مواقع پیدا ہوں گے۔وزیراعظم شہباز شریف کی زیر صدارت پرائم منسٹر یوتھ پروگرام کے حوالے سے اہم اجلاس ہوا۔اجلاس میں وزیراعظم نے نیوٹیک اور پرائم منسٹر یوتھ اسکل ڈویلپمنٹ پروگرام کے کردار کو سراہتے ہوئے نوجوانوں کی پیشہ ورانہ صلاحیتوں کو بڑھانے کی اہمیت پر زور دیا۔وزیراعظم نے کہا کہ اڑان منصوبہ نوجوانوں کے لیے روزگار فراہم کرنے اور ان کی صلاحیتوں کو بہتر بنانے میں اہم کردار ادا کرے گا۔انہوں نے نجی شعبے کو فروغ دے کر بے روزگاری کے خاتمے کے لیے پالیسی پر کام کرنے کا اعادہ کیا اور پاکستان کے آئی ٹی شعبے کی ترقی کو ملکی مستقبل کے لیے کلیدی قرار دیا۔اجلاس کو بتایا گیا کہ جلد ڈیجیٹل یوتھ ہب کے نام سے ایک پلیٹ فارم متعارف کرایا جا رہا ہے جس کے ذریعے نوجوانوں کو ملازمتوں اور دیگر خدمات کی معلومات فراہم کی جائیں گی۔وزیراعظم نے ہدایت دی کہ یہ پلیٹ فارم انگریزی اردو اور تمام مقامی زبانوں میں متعارف کرایا جائے۔وزیراعظم نے بیرون ملک ملازمت کا جھانسہ دینے والی جعلی اور بغیر لائسنس کمپنیوں کے خلاف سخت کارروائی کا حکم بھی دیا۔وزیراعظم نے نوجوانوں کو بیرون ملک ملازمت فراہم کرنے کے لیے دوست ممالک کی مارکیٹس کے تقاضوں کے مطابق لائحہ عمل تشکیل دینے کی ہدایت کی ،اجلاس میں وزیراعظم کو پرائم منسٹر یوتھ ایمپلائمنٹ پلان، افرادی قوت کو بین الاقوامی مارکیٹ میں درکار صلاحیتوں سے آراستہ کرنے کے لیے اقدامات اور دیگر منصوبوں کی پیشرفت کے حوالے سے آگاہ کیا گیااجلاس میں وفاقی وزیر برائے اقتصادی امور احد خان چیمہ، چیئرمین پرائم منسٹر یوتھ پروگرام رانا مشہود احمد خان، وزیر مملکت برائے آئی ٹی شزا فاطمہ خواجہ اور متعلقہ اداروں کے اعلی افسران شریک تھے.وزیراعظم کی ڈیجیٹل یوتھ ہب کو عوام کے لیے آسان بنانے کے لیے انگریزی کے ساتھ ساتھ آردو میں متعارف کرانے کی ہدایت کیوفاقی کابینہ نے ایوی ایشن ڈویژن کو وزارت دفاع اور نارکوٹکس ڈویژن کووزارت داخلہ میں ضم کرنے کی منظوری دے دی۔وزیراعظم شہباز شریف نے کہا ہے کہ پی ٹی آئی دور میں معیشت کو تباہی کا سامنا کرنا پڑا، یورپ کیلئے پی آئی اے کی پروازیں شروع ہوگئیں، یورپ کیلئے پروازیں بحال ہونے پرپوری کابینہ کومبارکباد دیتاہوں، انشااللہ بہت جلد لندن کیلئے بھی ہماری پروازیں بحال ہوں گی۔وزیراعظم شہباز شریف کی زیر صدارت وفاقی کا بینہ کے اجلاس منعقد ہوا ،اجلا س میں قومی اقلیت کمیشن ایکٹ 2024 موخر کردیا گیا۔وفاقی کابینہ نے ایوی ایشن ڈویژن کو وزارت دفاع اور نارکوٹکس ڈویژن کووزارت داخلہ میں ضم کرنے کی منظوری دے دی، وفاقی کابینہ نے سی سی ایل سی کے فیصلوں کی بھی توثیق کردی۔وفاقی کابینہ کے اجلاس سے خطاب کرتے ہوئے وزیر اعظم نے کہا کہ چند پہلے اسلام آباد میں اسلامی معاشرے میں خواتین کی تعلیم کے حوالے سے شاندار کانفرنس ہوئی تھی، جس میں خواتین کی تعلیم کے حوالے سے بہت اچھے مقالے پڑھے گئے، ملک میں خواتین کی تعلیم کے حوالے سے مختلف مسائل کا سامنا ہے۔انہوں نے کہا کہ پاکستان میں 22.8 فیصد بچے سکو لوں سے باہر ہیں جن میں اکثریت بچیوں کی ہے، جو بہت بڑا مسئلہ ہے، چونکہ تعلیم کا شعبہ صوبوں کو منتقل کیا جاچکا ہے، اس میں صوبوں کو بہت بڑا کردار ہے، وفاق کو صوبوں کے ساتھ مل کر تعلیم کے میدان میں درپیش مسائل سے نمٹنے کے لیے فعال کردار ادا کرنا چاہیے۔وزیراعظم نے وزیر تعلیم کو صوبوں کے ساتھ قریبی کوآرڈینیشن کی ہدایت کرتے ہوئے کہا کہ خالد مقبول صدیقی تعلیم کے میدان میں درپیش مسائل کو حل کریں تو یہ بہت بڑی قومی خدمت ہوگی۔انہوں نے کہا کہ یورپ کے لئے پی آئی اے کی پروازیں شروع ہوچکی ہیں، چند روز قبل پہلی پرواز کی پیرس روانگی ایک بہت بڑے دھچکے کے بعد ایک بڑی کامیابی ہے۔شہباز شریف نے کہا کہ بدقسمتی سے چند سال پہلے اس وقت کی حکومت کے وزیر ہوابازی نے پارلیمنٹ میں کھڑے ہوکر جو تقریر کی تھی اس کے پاکستان کی معیشت پر تباہ کن نتائج مرتب ہوئے، مسافروں کو دوسرے ملکوں سے ٹرانزٹ پر جانا پڑتا تھا، پی آئی اے پر بندشیں لگیں جو اب آہستہ آہستہ ختم ہوتی جارہی ہیں، امید ہے انشااللہ بہت جلد لندن کے لیے بھی ہماری پروازیں بحال ہوں گی۔وزیراعظم نے کہا کہ پنجگور کے مقام پر نئی پاک ایران تجارتی راہداری کے قیام سے قانونی تجارت کو فروغ ملے گا اور سمگلنگ کی روک تھا میں مزید کامیابی حاصل ہوگی۔وزیراعظم نے کہا کہ کرم میں حالات معمول پر آرہے ہیں، امن معاہدے کے بعد ایک بڑا دھچکا لگاتھا، مورچے مسمار کئے جارہے ہیں اور خوراک و ادوایات فراہم کی جارہی ہیں، جوکہ خوش آئند بات ہے، امید ہے تمام سٹیک ہولڈرز مل کر امن کو قائم رکھیں گے اور متحارب گروہوں میں کشیدگی کے خاتمے کے لئے مل بیٹھیں گے اور آئندہ یہ واقعہ دوبارہ نہ ہونے کی کوشش کریں گے۔شہباز شریف نے کہا کہ توانائی کے شعبے میں اصلاحات لانے کیلئے مربوط لائحہ عمل وضع کررہے ہیں، گزشتہ دور حکومت میں توانائی کے شعبے میں بھی خاطر خواہ اقدامات نہیں اٹھائے گئے،انہوں نے کہا ہے کہ سرکاری جنکوز(بجلی پیدا کرنے والی کمپنیاں) کا کیا کام ہے کہ وہ کیپیسٹی پیمنٹ لیں، وہ سرکار کے منصوبے ہیں، ڈالر میں کیپیسٹی پیمنٹ کی ادائیگی ایک بڑا مسئلہ ہے۔ وزیراعظم نے کہا کہ افواج پاکستان نے آرمی چیف کی سربراہی میں دہشتگردوں کیخلاف آپریشن شروع کررکھا ہے جس میں دن رات کاررائیاں کی جارہی ہیں، بلوچستان میں انٹیلی بیسڈ آپریشن میں 27 دہشت گرد جہنم رسید کیے گئے ہیں، یقینا اس آپریشن میں بیش بہا قربانیاں دی جارہی ہیں۔انہوں نے کہا کہ ہم سب کو اس کا پورا احساس ہونا چاہیے کہ انہی قربانیوں کے نتیجے میں دہشتگردی ختم ہو جائے گی اور امن قائم ہوگا جو 2018 میں وزیراعظم میاں نوازشریف کی سربراہی میں قائم ہوا تھا اور تاریخ ان قربانیوں کو ہمیشہ یاد رکھی تھی۔سپریم کورٹ آف پاکستان میں فوجی عدالتوں میں سویلینز کے ٹرائل کے فیصلے کے خلاف انٹرا کورٹ اپیل پر سماعت کے دوران جسٹس حسن اظہر رضوی نے ریمارکس د یتے ہوئے کہا ہے کہ 9 مئی کو لوگوں کا کو کمانڈر ہائوس میں جانا سکیورٹی بریچ ہے، کیا 9 مئی کے واقعات میں کسی فوجی افسر کے ملوث ہونے پر ٹرائل ہوا؟۔جسٹس امین الدین خان کی سربراہی میں 7 رکنی آئینی بینچ نے سماعت کی۔جسٹس جمال مندوخیل، جسٹس محمد علی مظہر اور جسٹس حسن اظہر رضوی، جسٹس مسرت ہلالی، جسثس نعیم اختر افغان اور جسٹس شاہد بلال حسن بھی بینچ کا حصہ ہیں۔وزارت دفاع کے وکیل خواجہ حارث نے گزشہ کئی روز سے جاری اپنے دلائل کا آغاز کردیا اور موقف اپنایا کہ ایف بی علی کیس میں جن افراد پر کیس چلایا گیا وہ ریٹائرڈ تھے۔جسٹس مسرت ہلالی نے ریمارکس دیئے کہ کنٹونمنٹ میں اگر کسی سپاہی کا سویلین کیساتھ اختلاف ہو جائے تو کیس کہاں جائے گا، وکیل وزارت دفاع نے کہا کہ اختلاف الگ بات ہے، ملٹری ٹرائل کے معاملے کو بہت وسعت دی جا رہی ہے۔وکیل وزارت دفاع نے کہا کہ زمانہ امن میں بھی ملٹری امور میں مداخلت کرنے پر سویلین کا ٹرائل ملٹری کورٹس میں ہی چلے گا، جسٹس حسن اظہر رضوی بولے آخر کوئی ماسٹر مائنڈ بھی ہوگا، سازش کس نے کی۔وکیل وزارت دفاع خواجہ حارث استدلال کیا کہ سازش کرنے والے یا ماسٹر مائنڈ کا ٹرائل بھی ملٹری کورٹ میں ہی ہوگا، سویلین کا ٹرائل اچانک نہیں ہورہا، 1967 سے قانون موجود ہے۔جسٹس حسن اظہر رضوی نے ریمارکس دیئے کہ ذہن میں رکھیں ایف بی علی کیس سول مارشل لا دور کا ہے، ذوالفقار علی بھٹو سول مارشل لا ایڈمنسٹریٹر تھے۔جسٹس حسن اظہر رضوی نے سوال اٹھایا کہ خواجہ صاحب آپ وزارت دفاع کے وکیل ہیں ایک اہم سوال کا جواب دیں،کیا 9 مئی کے واقعات میں کسی فوجی افسر کے ملوث ہونے پر ٹرائل ہوا؟ 9 مئی کولوگ کورکمانڈر ہائوس میں پہنچ گئے؟ لوگوں کا کورکمانڈر ہائوس کے اندر جانا سکیورٹی بریچ تو ہے۔وکیل وزارت دفاع نے کہا کہ مظاہرین پر الزام املاک کو نقصان پہنچانے کا ہے، 9 مئی کے واقعہ میں کسی فوجی افسر کو چارج نہیں کیا گیا۔جسٹس حسن اظہر رضوی نے کہا کہ 9 مئی کو جب ملٹری تنصیبات کو نقصان پہنچایا گیا کیا کوئی مزاحمت کی گئی، ضروری نہیں گولی چلائیں، وکیل وزارت دفاع نے کہا کہ جانی نقصان نہ ہو اس کیلئے مکمل تحمل کا مظاہرہ کیا گیا۔جسٹس جمال خان مندوخیل نے سوال اٹھایا کہ اگر کسی فوجی سے اس کی رائفل چوری کر لی جائے تو کیس کہاں چلے گا، وکیل وزارت دفاع نے جواب دیا کہ رائفل فوجی کا جنگی ہتھیار ہے،رائفل ایک فوجی کا جنگی ہتھیار ہوتا ہے۔جسٹس مسرت ہلالی نے استفسار کیا کہ اگر سویلین مالی فائدے کیلئے چوری کرتا ہے، حالانکہ اس کا مقصد آرمی کو غیر مسلح کرنا نہیں تھا، اس کیس کا ٹرائل کہاں چلے گا، وکیل وزارت دفاع نے جواب دیا کہ حالات و واقعات کو دیکھا جائے گا۔جسٹس محمد علی مظہر نے کہا کہ کونسے جرائم ملٹری کورٹس کے دائرہ کار میں آئیں گے، اس کا آفیشل سیکریٹ ایکٹ میں ذکر موجود ہے۔جسٹس مسرت ہلالی نے ریمارکس دیے کہ نو مئی اور دس مئی کے واقعات میں ایسے احتجاجی مظاہرین بھی تھے، جن کو پتہ ہی نہیں تھا کیا ہو رہا ہے، وکیل وزارت دفاع نے مقف اپنایا کہ جن کو پتا ہی نہیں تھا، ان کا تو ملٹری کورٹس میں ٹرائل ہی نہیں ہوا۔اس کے ساتھ ہی عدالت عظمی نے ملٹری کورٹس کیس کی سماعت کل (بدھ) تک ملتوی کردی۔آرمی چیف جنرل عاصم منیر کی بنگلہ دیش کی مسلح افواج ڈویژن کے پرنسپل اسٹاف افسر سے ملاقات ہوئی ہے، جس کے دوران خطے میں سیکیورٹی صورتحال پر تبادلہ خیال کیا گیا۔پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق بنگلہ دیش کی مسلح افواج ڈویژن کے پرنسپل اسٹاف افسر لیفٹیننٹ جنرل ایس ایم قمر الحسن پاکستان کے دورے پر ہیں اور انہوں نے آرمی چیف جنرل سید عاصم منیر سے جنرل ہیڈ کوارٹر (جی ایچ کیو) راولپنڈی میں ملاقات کی۔آئی ایس پی آر کا کہنا تھا کہ ملاقات کے دوران خطے میں سیکیورٹی صورتحال اور دوطرفہ فوجی تعاون بڑھانے کے لیے مزید راہیں تلاش کرنے پر وسیع تبادلہ خیال کیا گیا۔وزیر اعظم شہباز شریف نے پاکستان انٹرنیشنل ایئر لائن (پی آئی اے)کی پیرس کی پروازوں کے آغاز کے حوالے سے شائع کردہ ’ ’احمقانہ اشتہار‘ کی تحقیقات کا حکم دے دیا۔یہ بات نائب وزیراعظم اور وزیر خارجہ سینیٹر اسحٰق ڈار نے سینیٹ اجلاس کے دوران وقفہ سوالات میں ایک سوال کا جواب دیتے ہوئے بتائی۔چیئرمین سینیٹ یوسف رضا گیلانی کی زیر صدرات ہونے والے اجلاس میں پیپلز پارٹی کی سینیٹر شیری رحمٰن نے کا کہنا تھا کہ پی آئی اے نے یورپ کے لیے پروازوں کے آغاز کے لیے جو اشتہار جاری کیا، اس کی وجہ سے جگ ہنسائی ہوئی، انہوں نے جہاز دکھایا کہ وہ سیدھا آئیفل ٹاور میں جا رہا ہے۔ان کا کہنا تھا کہ اشتہار میں کہا گیا کہ ’پیرس وی آر کمنگ‘، یہ ایک نادانستہ غلطی ہوسکتی ہے لیکن بہت سارے تجزیہ کاروں نے، خاص طور پر یورپی تجزیہ کاروں اور سیکیورٹی ماہرین نے بھی اس پر کہا ہے کہ پی آئی اے کی طرف سے یہ کہا جا رہا ہے۔انہوں نے سوال اٹھایا کہ یہ کونسی اشتہاری ایجنسی ہے اور کون ہے وہ ذمے دار اہلکار جنہوں نے اس طرح کا اشتہار ڈالا، اتنی مشکلوں سے سسک، سسک کر یہ ایئرلائن یورپ کی طرف چلی ہے، اس کے ساتھ کیا کیا جا رہا ہے، اس کی نجکاری کیوں نہیں ہو پارہی، ایئرلائن کو اس طرح سے ڈانوا ڈول کیا ہوا ہے کہ میری کچھ سمجھ نہیں آرہا۔اس پر جواب دیتے ہوئے سینیٹر اسحٰق ڈار نے کہا کہ حکومتی اقدامات سے یورپ کے لیے پی آئی اے کی پروازیں بحال ہوئیں، گزشتہ حکومت کے وزیر ہوا بازی کے ایک بیان نے اربوں روپے کا معیشت کو نقصان پہنچایا، کابینہ اجلاس میں جب یہ معاملہ زیرِ بحث آیا تو ایک کمیٹی میری سربراہی میں بنائی گئی۔انہوں نے کہا کہ یورپی یونین نے جو پابندی لگائی تھی، اب ختم ہوچکی ہے، پی آئی اے نجکاری کا عمل شفاف ہوا، اس کی کی نجکاری ہو گی، بہتر ہے پاکستان کا کارپوریٹ سیکٹر اس کو لے۔اسحٰق ڈار نے کہا کہ پی آئی اے نجکاری پر تیزی سے کام ہو رہا ہے،