پاکستان کی وزارت برائے خارجہ امور نے جمعرات کو بتایا وزیر خارجہ اسحاق ڈار اج واشنگٹن میں اپنے امریکی ہم منصب مارکو روبیو سے ملاقات کریں گے۔یہ دورہ ایسے وقت میں ہو رہا ہے جب اسلام آباد ایران کے خلاف امریکہ اور اسرائیل کی جنگ کے مستقل خاتمے کے لیے امن معاہدے پر مذاکرات کی کوشش کر رہا ہے۔وزارت خارجہ کے بیان کے مطابق اسحاق ڈار اور مارکو روبیو دو طرفہ تعلقات کا جائزہ لیں گے اور باہمی دلچسپی کے علاقائی و عالمی امور پر تبادلہ خیال کریں گے۔