سینیٹ اجلاس کل 11نومبر کو شام ساڑھے 4 بجے ہوگا، اجلاس کا 15 نکاتی ایجنڈا جاری کردیا گیا۔سینیٹ کے اجلاس میں 9 قائمہ کمیٹیاں 8 بلز پر اپنی رپورٹس ایوان میں پیش کریں گی، نیشنل اکنامک کونسل کی مالی سال 2021-22 اور 2022-23 سالانہ رپورٹس پیش کی جائیں گی۔سینیٹ اجلاس میں اسلام آباد میں چوری ڈکیتیوں کی وارداتوں میں اضافہ پرتوجہ دلائو نوٹس سینیٹ میں پیش ہوگا، سینیٹر ذیشان خانزادہ توجہ دلائو نوٹس ایوان میں پیش کریں گے۔