بیوروکریسی نے گھر تک ادویات پروگرام کو ناکامی کے دھانے پر پہنچا دیا ۔تفصیلات کے مطابق مئی میں ٹی بی ، ہیپاٹائٹس ، امراض قلب کی ادویات گھر تک پہنچانے کا پروگرام شروع ہوا ۔ ساڑھے 5 ماہ گزر گئے گھر تک ادویات پروگرام کو پیسے ادا نہیں کئے گئے ۔ذرائع کا کہنا ہے کہ گھر تک ادویات پہنچانے کے 20 کروڑ روپے واجب الادا ۔ ادویات گھر تک پہنچانے کیلئے ادائیگی کس کھاتے سے ہوگی تاحال طے نہ ہوسکا ۔گھر تک ادویات پہنچانے والی کمپنی نے ساڑھے 5 ماہ سے پیسے نہ ملنے پر تشویش کا اظہار کی ہے۔ صحت کے دونوں محکموں کی بیوروکریسی گھر تک ادویات پہنچانے کے بل کی ادائیگی سے غافل ہیں۔

مقررہ تاریخ کےبعدجمع ہونےوالےبلزپر5 اور 10 فیصد سرچارج لگا دیا گیا،مقررہ تاریخ کے 3 دن بعد ادائیگی پر بل کا 5فیصد سرچارج لگایا جائےگا۔تفصیلات کےمطابق مقررہ تاریخ میں 3 دن سے زیادہ روز گزرنے پر 10فیصد سرچارج عائد کر دیا گیا، نیپرا نے مقررہ تاریخ کے بعد جمع ہونےوالے بلز پر عائد سرچارجز کو سلیبز میں تبدیل کر دیا۔اس سے قبل بجلی کے بلوں پر 10 فیصد ایل پی ایس چارج کیا جاتا تھا،مقررہ تاریخ میں تین دن کی توسیع پر سرچارج نہیں لگایا جائےگا۔لیسکو کے صارفین کو آن لائن بلوں کا اجراء کیا جائےگا،صارفین متعلقہ ریونیو دفاتر سے مقررہ تاریخ میں توسیع پر آن لائن بلز جاری کریں گے۔

اسلام آباد احتجاج،پی ٹی آئی مری کے گرفتار 13 پی ٹی آئی کارکنان اڈیالہ جیل سے رہا، رہا مقامی رہنماوں میں راجہ ہارون محفوظ و دیگر مقامی تنظیم کے اراکین شامل ہیں۔تفصیلات کے مطابق رہا ہونے والے والے کارکنان و رہنماوں کے استقبال کے لئےبڑی تعداد میں پی ٹی آئی کارکنان موجود تھے ،سابق ناظم مری سردار سلیم،سردار منصور سلیم (سینئر نائب صدر شمالی پنجاب ) راجہ الیاس ، راجہ کامران ، امجد عباسی و دیگر موجود تھے۔ راجہ ہارون محفوظ کا کہنا تھا کہ جیل میں قید رہ کر قائد کی محبت مزید بڑ ھ گئی,کارکنان رات بھر جیل میں بانی پی ٹی آئی کے حق میں نعرے بازی کرتے ہیں،گرفتاریاں ہمارے حوصلے پست نہیں کر سکتیں، قائد کیلئے جان بھی حاضر ہے۔

*چیف جسٹس آف پاکستان کون ہوگا؟ خصوصی پارلیمانی کمیٹی کل فیصلہ کرےگا*12 رکنی پارلیمانی کمیٹی فائنل ہوگئیراجہ پرویز اشرفنوید قمرفاروق نائیکخواجہ آصفاحسن اقبالشائستہ پرویزملکاعظم ندیرتارڑکامران مرتضیٰبیرسٹرگوہرصاحبزادہ حامد رضابیرسٹرعلی ظفرفاروق ستار

بیرسٹرگوہرصاحبزادہ حامد رضابیرسٹرعلی ظفرفاروق ستار اپوزیشن کے ارکان فیصلہ کرینگے

راجہ پرویز اشرفنوید قمرفاروق نائیکخواجہ آصفاحسن اقبالشائستہ پرویزملکاعظم ندیرتارڑ

نئے چیف جسٹس کی تقرری کیلئےپارلیمانی کمیٹی 12 ارکان پر مشتمل قائم ہوگئی ہے قومی اسمبلی سیکریٹریٹ کی جانب سے نوٹیفیکیشن جاری کر دیا گیا ہے۔قومی اسمبلی سیکریٹریٹ سے جاری کئے گئے نوٹیفیکیشن کے مطابق پاکستان مسلم لیگ ن (پی ایم ایل این)پاکستان پیپلز پارٹی(پی پی پی ) ، قومی متحدہ موومنٹ ( ایم کیو ایم) ،سنی اتحاد کونسل (ایس آئی سی )اور جمعیت علماء اسلام( جے یو آئی) کے ارکان12 پارلیمانی کمیٹی کے رکن ہوں گے۔

سعودی عرب میں 21 ہزار 971 غیر قانونی تارکین وطن گرفتار کر لیے گئے۔سعودی وزارت داخلہ کی جانب سے بتایا گیا ہے کہ 13 ہزار سے زائد افراد اقامہ قوانین، تقریباً ساڑھے 5 ہزار سرحدی قوانین اور 3300 سے زائد لیبر قوانین کی خلاف ورزی میں ملوث تھے۔سعودی وزارت داخلہ کے مطابق غیرقانونی طورپر مملکت میں داخل ہونےکی کوشش پر 1421 افرادگرفتار ہوئے جبکہ غیرقانونی طورپرملک سے باہر جانے کی کوشش میں53 افراد گرفتار اور غیرقانونی تارکین کو سہولت فراہم کرنے پر18 افراد گرفتار کیے گئے۔سعودی وزارت داخلہ کا کہنا ہے کہ غیر قانونی تارکین کو کسی بھی قسم کی سہولت فراہم کرنا سنگین جرم ہے جبکہ مجموعی طور پر سعودی عرب میں 21 ہزار 971 غیر قانونی تارکین گرفتار کیے گئے ہیں۔