01 اگست 2026عوامی جمہوریہ چین کی پیپلز لبریشن آرمی (PLA) کے 99 ویں یومِ تاسیس کی تقریب جنرل ہیڈ کوارٹرز (جی ایچ کیو)، راولپنڈی میں منعقد ہوئی۔پاکستان میں عوامى جمہوریہ چین کے سفیر، مسٹر جیانگ زائی ڈونگ نے تقریب میں بطور مہمانِ خصوصی شرکت کی۔ چین کے ڈیفنس اٹیچی میجر جنرل وانگ ژونگ، چینی سفارت خانے کے حکام اور پاکستان کی تینوں مسلح افواج کے سینئر عسکری حکام نے بھی تقریب میں شرکت کی۔فیلڈ مارشل سید عاصم منیر، نشانِ امتیاز (ملٹری)، ہلالِ جرات، چیف آف آرمی اسٹاف و چیف آف ڈیفنس فورسز نے معزز مہمانوں کا پرجوش خیرمقدم کیا
اور پی ایل اے کو اس کے 99 ویں یومِ تاسیس کے موقع پر مبارکباد پیش کی۔ انہوں نے چین کے دفاع، قومی ترقی اور بین الاقوامی امن و سلامتی کے لیے پی ایل اے کی شاندار خدمات کو خراجِ تحسین پیش کیا۔پاکستان اور چین کے دائمی اورمستحکم تعلقات کی پر روشنی ڈالتے ہوئے فیلڈ مارشل نے کہا کہ دونوں ممالک کے درمیان دوستی انفرادیت، وقت کی آزمائش پر پورا اترنے والی اور بدلتے ہوئے
علاقائی و عالمی چیلنجز کے سامنے ثابت قدمی کی حامل ہے۔ انہوں نے اس عزم کا اعادہ کیا کہ پاکستان مسلح افواج اور پی ایل اے حقیقی شراکت دار ہیں، جو باہمی اعتماد اور حمایت، علاقائی امن و استحکام اور مشترکہ سٹریٹیجک مفادات کے تحفظ کے لئے پُرعزم ہیں۔تقریب سے خطاب کرتے ہوئے سفیر جیانگ زائی ڈونگ نے اس یادگاری تقریب کی میزبانی پر فیلڈ مارشل کا دلی شکریہ ادا کیا۔ انہوں نے دہشت گردی کے خلاف جنگ میں پاکستان مسلح افواج کی گراں قدر خدمات اور قربانیوں کا اعتراف کیا اور پاکستان کے لیے چین کی غیر متزلزل حمایت اور دونوں ممالک کے درمیان تسلسل سے جاری اسٹریٹجک پارٹنرشپ کو مزید مضبوط بنانے کے پختہ عزم کااعادہ کیا۔
