غیر قانونی افغان شہریوں کے خلاف ملک گیر کریک ڈاؤن: 10 جولائی سے فوری گرفتاریاں، وزارتِ داخلہ نے روزانہ رپورٹنگ لازمی قرار دے دیتحریر:
اسلام آباد: وفاقی حکومت نے ملک بھر میں غیر قانونی طور پر مقیم غیر ملکیوں، بالخصوص افغان شہریوں، کے خلاف بڑے پیمانے پر کریک ڈاؤن کا فیصلہ کرتے ہوئے تمام متعلقہ اداروں کو سخت کارروائی کی ہدایات جاری کر دی ہیں۔وزارتِ داخلہ کی جانب سے جاری کیے گئے باضابطہ نوٹیفکیشن کے مطابق 10 جولائی 2026 سے ایسے تمام افغان شہریوں کے خلاف فوری قانونی کارروائی عمل میں لائی جائے گی جو پاکستان میں بغیر کسی قانونی دستاویز، کارآمد ویزا یا مجاز رہائشی حیثیت کے مقیم پائے جائیں گے۔نوٹیفکیشن کے تحت چاروں صوبوں کے چیف سیکرٹریز، انسپکٹر جنرلز آف پولیس،
اسلام آباد کی ضلعی انتظامیہ اور دیگر متعلقہ اداروں کو “غیر قانونی غیر ملکیوں کی واپسی کے منصوبے (IFRP)” پر مؤثر، مربوط اور بلا تاخیر عمل درآمد کی ہدایت کی گئی ہے۔وزارتِ داخلہ نے مزید ہدایت کی ہے کہ 11 جولائی 2026 سے روزانہ کی بنیاد پر ہونے والی گرفتاریوں، حراست، بے دخلی اور دیگر پیش رفت پر مشتمل تفصیلی رپورٹس وزارتِ داخلہ کو ارسال کی جائیں تاکہ کارروائی کی مسلسل نگرانی اور جائزہ لیا جا سکے۔
سرکاری نوٹیفکیشن میں اس مہم کو وفاقی حکومت کی “اعلیٰ ترین ترجیح” قرار دیتے ہوئے واضح کیا گیا ہے کہ تمام سول انتظامیہ اور قانون نافذ کرنے والے ادارے مقررہ ہدایات پر سختی سے عمل درآمد کو یقینی بنائیں اور کسی بھی قسم کی غفلت یا تاخیر برداشت نہیں کی جائے گی۔
حکومتی ذرائع کے مطابق اس مہم کا مقصد امیگریشن قوانین پر مؤثر عمل درآمد، غیر قانونی قیام کی حوصلہ شکنی اور حکومتی پالیسی کے مطابق غیر قانونی غیر ملکیوں کی واپسی کے عمل کو تیز اور مؤثر بنانا ہے۔
پاکستان کے سابق اوپننگ بلے باز منصور اختر 25 دسمبر 1957 کو کراچی میں پیدا ہوئے۔ وہ 1980 کی دہائی میں پاکستان کی قومی کرکٹ ٹیم کا اہم حصہ رہے اور اپنی مضبوط تکنیک اور صبر آزما بیٹنگ کے لیے مشہور تھے
انہوں نے نومبر 1980 میں ویسٹ انڈیز کے خلاف ٹیسٹ ڈیبیو کیا اور اپنے بین الاقوامی کیریئر میں 19 ٹیسٹ اور 41 ایک روزہ بین الاقوامی (ون ڈے) میچوں میں پاکستان کی نمائندگی کی۔
ٹیسٹ کرکٹ میں انہوں نے 655 رنز بنائے جن میں ایک سنچری اور تین نصف سنچریاں شامل ہیں، جبکہ ون ڈے کرکٹ میں 593 رنز اسکور کیے۔ فرسٹ کلاس کرکٹ میں منصور اختر نے 191 میچز کھیلتے ہوئے 10,000 سے زائد رنز بنائے، 22 سنچریاں اور 54 نصف سنچریاں اسکور کیں
۔ ان کی سب سے یادگار کامیابی 1976-77 میں کراچی وائٹس کی جانب سے وحید مرزا کے ساتھ پہلی وکٹ کے لیے 561 رنز کی تاریخی شراکت ہے، جو آج بھی فرسٹ کلاس کرکٹ کی تاریخ کی سب سے بڑی اوپننگ پارٹنرشپ کا عالمی ریکارڈ ہے۔:::#cricket #legendary #Pakistan #FirstClassCricket #mansoorakhtar
