پی ٹی آئی مذاکرات پر آمادہ ہے !آج کے اجلاس میں شرکا کی کثیر تعداد نے مذاکرات کے حق میں رائے دی مگر کیا یہ بات درست نہیں کہ پی ٹی آئی مذاکرات کی ٹرین مِس کر چکی ہے۔ وہ مزاحمت اور مفاہمت کے تمام تمام مواقع ضائع کر چکی ہے۔یہ سیاست کی تلخ حقیقت ہے کہ مذاکرات بارگینننگ پاور کے ساتھ ہی ہوتے ہیں اور پی ٹی آئی کے پاس نہ اب کوئی لانگ مارچ ہے اور نہ ہی کوئی حکومت۔ حالیہ مذاکرات اگر ویٹو نہ کئے جاتے تو پارٹی کی لائف لائن بن سکتے تھے مگر انہوں نے آخری لائف لائن ضائع کر دی۔پی ٹی آئی متبادل کے طور پر علی امین کو پیش کر رہی ہے مگر اس کی واپسی اب اتنی آسان نہیں۔ خیال یہی ہے کہ فوج نے 2011 میں اور مسلم لیگ نون نے 2013 میں جو غلطی کی اسے ریورس کیا جا چکا ہے۔ خیال یہ بھی ہے کہ سانپ کو ایک مرتبہ دودھ پلا کے مزا چکھ لیا، کیا اسی سانپ کو دوبارہ دودھ پلایا جا سکتا ہے جس نے بار بار ڈسنے کی کوشش کی اور بمشکل اس کا سر کچلا۔۔۔ صفدر
ایک اسیے ٹائم پر جب عمران خان کی بہن کو ہسپتال لایا گیا، عین اسی وقت شاہ ذیب خانزادہ کے پروگرام میں عاصمہ شیرازی صاحبہ عمران خان کی بہنوں کی رہائی کے سوال پر بجائے حکومت کو شرم دلانے کے فرماتی ہیں کہ یہ پی ٹی آئی کے رویے پر منحصر ہے،حیرت ہوتی ہے کہ کوئی خاتون اتنی بے رحم کیسے ہو سکتی ہے کہ وہ ایک ستر سالہ بیمار خاتون کو ناحق قید کرنے والوں کی مذمت کرنے کی بجائے ایک پارٹی سے کہہ رہی ہیں کہ وہ بھی نواز شریف کی طرح اپنی سیاسی عزت، غیرت، خودداری ذبح کر لیں تو عمران خان کی بہنیں رہا ہو جائیں گے
ایف آئی اے میں بڑا انتظامی آپریشن: 9 افسران کے تبادلے و تقرریاں، BS-17 کے پانچ اسسٹنٹ ڈائریکٹرز کو او پی ایس پر ڈپٹی ڈائریکٹرز کی ذمہ داریاں سونپ دی گئیںتحریر: رانا تصدق حسیناسلام آباد، 28 اکتوبر 2026ء: وفاقی تحقیقاتی ادارے (ایف آئی اے) میں اہم انتظامی ردوبدل کرتے ہوئے نو افسران کے فوری تبادلوں اور تقرریوں کے احکامات جاری کر دیے گئے ہیں۔ اس بڑے ردوبدل میں BS-18 کے چار ڈپٹی ڈائریکٹرز کو نئی ذمہ داریاں سونپی گئی ہیں، جبکہ BS-17 کے پانچ اسسٹنٹ ڈائریکٹرز کو اپنے موجودہ پے اسکیل (Own Pay and Scale—OPS) میں ڈپٹی ڈائریکٹرز کے عہدوں کی ذمہ داریاں تفویض کی گئی ہیں۔ڈائریکٹر جنرل ایف آئی اے کی منظوری سے جاری کردہ احکامات کا اطلاق فوری طور پر ہوگا اور یہ آئندہ احکامات تک نافذ العمل رہیں گے۔ تبادلوں اور تقرریوں کا دائرہ فیصل آباد، گوجرانوالہ اور پشاور زونز کے علاوہ ایف آئی اے ہیڈکوارٹرز اسلام آباد اور کراچی میں ایڈیشنل ڈائریکٹر جنرل (جنوبی) کے دفتر تک پھیلا ہوا ہے۔حکومت پاکستان، وزارت داخلہ و انسدادِ منشیات، وفاقی تحقیقاتی ادارے، جی-9/4، موو ایریا، اسلام آباد کی جانب سے جاری کردہ سرکاری نوٹیفکیشن نمبر A/1627/HR-I/2025-0001 مورخہ 28 اکتوبر 2026ء کے مطابق، ان تبادلوں اور تقرریوں کی منظوری ڈائریکٹر جنرل ایف آئی اے نے دی ہے۔ نوٹیفکیشن ڈپٹی ڈائریکٹر (ایچ آر ایم) سائم سلطان کی جانب سے جاری کیا گیا ہے۔BS-18 کے چار ڈپٹی ڈائریکٹرز کی نئی تعیناتیاںنوٹیفکیشن کے تحت BS-18 میں تعینات چار ڈپٹی ڈائریکٹرز کے تبادلے کیے گئے ہیں، جن کی تفصیلات درج ذیل ہیں:1۔ ہاشم رضا — ڈپٹی ڈائریکٹر (انویسٹی گیشن)، BS-18ہاشم رضا کو کمپوزٹ سرکل ساہیوال، ایف آئی اے فیصل آباد زون سے تبدیل کرکے کمپوزٹ سرکل فیصل آباد، ایف آئی اے فیصل آباد زون میں ڈپٹی ڈائریکٹر تعینات کر دیا گیا ہے۔2۔ طارق محمود — ڈپٹی ڈائریکٹر (انویسٹی گیشن)، BS-18طارق محمود کو کمپوزٹ سرکل فیصل آباد، ایف آئی اے فیصل آباد زون سے تبدیل کرکے ایڈیشنل ڈائریکٹر جنرل (جنوبی)، ایف آئی اے کراچی کے دفتر میں ڈپٹی ڈائریکٹر تعینات کیا گیا ہے۔3۔ اعجاز احمد شیخ — ڈپٹی ڈائریکٹر (انویسٹی گیشن)، BS-18اعجاز احمد شیخ کو کمرشل بینکنگ سرکل، ایف آئی اے پشاور زون سے تبدیل کرکے ایف آئی اے ہیڈکوارٹرز اسلام آباد کے اکنامک کرائم ونگ میں ڈپٹی ڈائریکٹر تعینات کر دیا گیا ہے۔4۔ فرخ بیگ — ڈپٹی ڈائریکٹر ایڈمنسٹریشن، BS-18فرخ بیگ کو ڈپٹی ڈائریکٹر ایڈمنسٹریشن، ایف آئی اے فیصل آباد زون کے عہدے سے تبدیل کرکے ڈپٹی ڈائریکٹر ایڈمنسٹریشن، ایف آئی اے گوجرانوالہ زون تعینات کیا گیا ہے۔پانچ اسسٹنٹ ڈائریکٹرز کو او پی ایس پر ڈپٹی ڈائریکٹرز کی ذمہ داریاںاس انتظامی ردوبدل کا نمایاں پہلو BS-17 کے پانچ اسسٹنٹ ڈائریکٹرز کو اپنے موجودہ پے اسکیل میں ڈپٹی ڈائریکٹرز کی ذمہ داریاں سونپنا ہے۔ ان افسران کی تعیناتیاں ایف آئی اے کے انتظامی اور عملیاتی شعبوں کے ساتھ مختلف فیلڈ فارمیشنز میں کی گئی ہیں۔5۔ عمر فاروق —
اسسٹنٹ ڈائریکٹر (انویسٹی گیشن)، BS-17عمر فاروق کو اسسٹنٹ ڈائریکٹر ایڈمنسٹریشن، ایف آئی اے فیصل آباد زون کے عہدے سے تبدیل کرکے ڈپٹی ڈائریکٹر ایڈمنسٹریشن، ایف آئی اے فیصل آباد زون کی ذمہ داریاں اپنے ہی پے اسکیل (OPS) میں سونپ دی گئی ہیں۔6۔ الطاف گوہر — اسسٹنٹ ڈائریکٹر (انویسٹی گیشن)، BS-17الطاف گوہر کو اسسٹنٹ ڈائریکٹر، کمپوزٹ سرکل ساہیوال، ایف آئی اے فیصل آباد زون سے تبدیل کرکے اسی سرکل میں ڈپٹی ڈائریکٹر کی ذمہ داریاں اپنے ہی پے اسکیل (OPS) میں تفویض کی گئی ہیں۔7۔ افتخار علی — اسسٹنٹ ڈائریکٹر (انویسٹی گیشن)، BS-17افتخار علی کو اسسٹنٹ ڈائریکٹر ایڈمنسٹریشن، ایف آئی اے پشاور زون سے تبدیل کرکے ڈپٹی ڈائریکٹر، کمپوزٹ سرکل ایبٹ آباد، ایف آئی اے پشاور زون تعینات کیا گیا ہے۔ وہ یہ ذمہ داریاں اپنے ہی پے اسکیل (OPS) میں انجام دیں گے۔8۔ فضلی اکبر — اسسٹنٹ ڈائریکٹر (انویسٹی گیشن)، BS-17فضلی اکبر کو اسسٹنٹ ڈائریکٹر، اینٹی منی لانڈرنگ سرکل (AMLC)، ایف آئی اے پشاور زون سے تبدیل کرکے ڈپٹی ڈائریکٹر، کمرشل بینکنگ سرکل، ایف آئی اے پشاور زون کی ذمہ داریاں اپنے ہی پے اسکیل (OPS) میں سونپی گئی ہیں۔9۔ شفقت جمال — اسسٹنٹ ڈائریکٹر (انویسٹی گیشن)، BS-17شفقت جمال کو اسسٹنٹ ڈائریکٹر، کمپوزٹ سرکل مردان، ایف آئی اے پشاور زون سے تبدیل کرکے ڈپٹی ڈائریکٹر ایڈمنسٹریشن، ایف آئی اے پشاور زون کی ذمہ داریاں اپنے ہی پے اسکیل (OPS) میں تفویض کر دی گئی ہیں۔فوری عمل درآمد اور نئی ذمہ داریاں سنبھالنے کا حکمایف آئی اے ہیڈکوارٹرز نے تمام متعلقہ افسران اور انتظامی فارمیشنز کو احکامات پر فوری عمل درآمد یقینی بنانے کی ہدایت کی ہے۔ نوٹیفکیشن کے مطابق متعلقہ افسران اپنی نئی تعیناتیوں پر فوری طور پر ذمہ داریاں سنبھالیں گے،
جبکہ یہ انتظامی احکامات آئندہ ہدایات تک برقرار رہیں گے۔حالیہ ردوبدل میں تفتیش، انتظامیہ، کمپوزٹ سرکلز، کمرشل بینکنگ، انسدادِ منی لانڈرنگ اور معاشی جرائم سے متعلق اہم شعبوں کو شامل کیا گیا ہے۔ ان تعیناتیوں کے ذریعے ایف آئی اے کے مختلف علاقائی زونز، فیلڈ سرکلز اور مرکزی دفتر میں افسران کی ذمہ داریوں کی ازسرِنو تقسیم کی گئی ہے۔او پی ایس تعیناتی اور باقاعدہ ترقی میں فرقنوٹیفکیشن کی رو سے چار ڈپٹی ڈائریکٹرز، جو پہلے ہی BS-18 میں خدمات انجام دے رہے ہیں، کے تبادلے کیے گئے ہیں، جبکہ پانچ اسسٹنٹ ڈائریکٹرز (BS-17) کو ڈپٹی ڈائریکٹرز کی ذمہ داریاں اپنے موجودہ پے اسکیل میں ادا کرنے کی ہدایت کی گئی ہے۔یہ امر قابلِ ذکر ہے کہ او پی ایس کی بنیاد پر کسی اعلیٰ عہدے کی ذمہ داریاں سونپنا بذاتِ خود باقاعدہ ترقی کے مترادف نہیں ہوتا۔ چنانچہ مذکورہ پانچ افسران کی تعیناتیوں کو BS-18 میں باقاعدہ ترقی قرار نہیں دیا جا سکتا، جب تک اس حوالے سے علیحدہ باضابطہ ترقی کے احکامات جاری نہ کیے جائیں۔ایف آئی اے میں یہ تازہ انتظامی ردوبدل فوری طور پر نافذ کر دیا گیا ہے، جبکہ تمام متعلقہ افسران کو نئی ذمہ داریاں سنبھالنے اور احکامات پر عمل درآمد کی ہدایت کی گئی ہے۔
اسرائیل کے ایک اخبار نے دعویٰ کیا ہے کہ سعودی عرب کے وزیر دفاع شہزادہ خالد بن سلمان نے تہران کا دورہ اس لیے کیا ہے تاکہ یمن کے حوثی باغیوں کے ساتھ جاری جنگ کو رقم دے کر بند کرایا جاسکے۔اسرائیلی اخبار ’اسرائیل ہایوم’ میں خلیجی خطے کے سفارتی ذرائع کے حوالے سے شائع ہونے والی رپورٹ میں کہا گیا ہے کہ اس مجوزہ معاہدے کے تحت ریاض، ایران کی وساطت سے حوثی باغیوں کو ایک ارب ڈالر کی رقم منتقل کرے گا۔
