متحدہ عرب امارات کے مختلف علاقوں میں پیر کے روز میزائل اور ڈرون حملے کیے گئے جس کے نتیجے میں دارالحکومت ابو ظہبی میں ایک شہری ہلاک ہو گیا جبکہ دبئی بین الاقوامی ہوائی اڈے کے قریب ایندھن کے ٹینک میں آگ لگنے سے فضائی سفر متاثر ہوا۔ حکام کے مطابق ایک ڈرون سے متعلق واقعے کے بعد ہوائی اڈے کے قریب ایندھن کے ذخیرے میں آگ بھڑک اٹھی جس کے باعث پروازوں میں خلل پڑا۔ بعد ازاں حکام نے بتایا کہ آگ پر قابو پا لیا گیا ہے اور کسی کے زخمی ہونے کی اطلاع نہیں ملی۔مشرقی امارت فجیرہ میں بھی تیل کی تنصیبات پر ڈرون حملہ کیا گیا جس کے نتیجے میں آگ لگ گئی۔ چند روز قبل اسی امارت میں ایک بڑی توانائی کی تنصیب سے دھواں اٹھتا بھی دیکھا گیا تھا۔
