نجی حج منظم کمپنیوں کو بکنگ کی اجازت مل گئی ۔۔۔وزارتِ مذہبی امور نے نجی حج منظم کمپنیوں اور ذیلی کمپنیوں کو بکنگ کی اجازت دے دی۔ نجی حج سکیم کی بکنگ 10 جنوری تا 31 جنوری 2025 جاری رہے گی۔ وزارت کے مطابق نجی عازمینِ حج بکنگ کرواتے وقت وزارت کی ویب سائٹ اور موبائل ایپ “پاک حج” سے لازمی تصدیق کر لیں۔ پیسوں کا لین دین صرف کمپنی کے بینک اکاونٹ کے ذریعے کریں اور سہولیات کا معاہدہ لازمی طلب کریں ۔ نجی عازمینِ حج بکنگ کرواتے وقت حج پیکیج کی سہولیات کو اچھی طرح سمجھ لیں۔ پرائیویٹ حج سکیم کےتحت 9مختلف حج پیکیج وزارت کی ویب سائٹ پر موجود ہیں۔ نجی سکیم کے بنیادی حج پیکیج پونے 11 لاکھ سے ساڑھے 21 لاکھ کے درمیان رکھے گئے ہیں۔ حج منظم کمپنیاں Service Providers’ Agreement (SPA) یعنی سہولیات کی فراہمی کے معاہدے کے مطابق پرائیویٹ عازمینِ حج کی بکنگ کریں۔ اضافی سہولیات کے باعث 30 لاکھ سے زائد حج پیکیج وزارت کی “حج پالیسی فامولیشن کمیٹی” سے الگ سے منظور کروانا ہو گا۔ حج منظم کو 30 لاکھ سے زائد حج پیکیج کی منظوری کے وقت حج پیکیج کا مکمل بریک ایپ یعنی مکمل تفصیل فراہم کرنا لازم ہو گا۔ 3 ملین سے زائد حج پیکیج بیچنے اور خریدنے والوں کے کوائف FBR اور متعلقہ اداروں کے ساتھ شیئر کیے جائیں گے۔
