چند سال پہلے کی بات ہے ایک ٹی وی چینل کی خاتون پروڈیوسر کو ماڈرن حُقے ’’شیشہ‘‘ پر پیکیج بنانے کیلئے کہا گیا ۔ وہ خاصی محنت کرکے بنا کر لائیں تو اسائنمنٹ ایڈیٹر نے شاباش دی اور کہا کہ حقے کے حوالے سے نوابزادہ نصراللہ کا ذکر بھی کردیں۔ خاتون نے حیران اور پریشان ہوکر کہا’’ نوابزادہ نصر اللہ ؟ وہ کون ۔۔۔؟ ‘‘نوابزادہ نصر اللہ خان کون ۔۔۔۔طبعی عمر 87 سالسیاسی کیرئیر 70 سالمجلسِ احرار ، مسلم لیگ ، عوامی لیگ اور پھر خالص اپنی پاکستان جمہوری پارٹی ( پی ڈی پی)مجلس احرار میں ہوتے ہوئے پاکستان کی مخالفت، پاکستان بننے پر حکمران مسلم لیگ میں شمولیت، اسی کے ٹکٹ پر 1950 میں پنجاب اسمبلی کی رکنیت ،اتحاد سازی مشغلہ تھاکمبائنڈ اپوزیشن پارٹیز، پاکستان ڈیموکریٹک موومنٹ ، جمہوری مجلسِ عمل، یو ڈی ایف، پاکستان قومی اتحاد، ایم آر ڈی، این ڈی اے،اے آرڈی وغیرہ ۔۔۔۔ کئی جمہوری (اور غیر جمہوری بھی ) اتحاد بنائےپتہ نہیں جمہوری اتحادوں سے ان کی پارٹی کی فوجی ڈکٹیٹر کی حکومت میں شامل ہونے کے گناہ کا کفارہ ادا ہوا یا نہیں۔ان کی جمہوری پارٹی مختصر ہی رہی، جس پر تانگہ پارٹی کی پھبتی بھی کسی جاتی رہی۔ کئی تاجر اور امپورٹر اس کے فنانسر تھے۔ ان کے لائسنس ، پرمٹ کے کام نوابزادہ صاحب بآسانی کرادیتے تھے۔نوابزادہ صاحب رپورٹروں میں بہت مقبول تھے۔ ان کی نکلسن روڈ کی قیام گاہ پر انہیں چائے ، کھانا، سوہن حلوہ ہی نہیں مل جاتا تھا، آموں کی پیٹیاں ان کے گھر یا دفتر بھی پہنچتی تھیں۔ کشمیر کمیٹی کی سربراہی کے دوران کئی کو غیر ملکی دورے بھی کرائے۔نوابزدہ نصراللہ خان شعر کا ذوق رکھتے تھے، برمحل شعر پڑھتے تھے۔ خود بھی شعر کہتے تھے ۔ ناصر تخلص تھا۔ ایک شعر ۔۔۔کب اشک بہانے سے کٹی ہے شبِ ہجراںکب کوئی بلا صرف دعاؤں سے ٹلی ہےنوابزادہ نے ایک زمانے میں جاگیرداری کے تحفظ کیلئے ’’انجمن تحفظ حقوقِ کاشتکاراں تحتِ شریعت‘‘ بھی بنائی تھی۔ نوابزادہ صاحب اسکے صدر اور پیر نوبہار شاہ جنرل سیکریٹری تھے۔ پنجاب اسمبلی میں زرعی اصلاحات پر بحث کے دوران پیر نو بہار شاہ نے اپنی پگڑی ہاتھ میں پکڑ کر کہا تھا جس طرح میری یہ پگ کوئی نہیں لے سکتا اس طرح ہماری زمین بھی کوئی نہیں چھین سکتا ۔ نوابزادہ نصراللہ خان کی برسی ہےولادت: 13 نومبر 1916خان گڑھ وفات: 26 ستمبر 2003 اسلام آباد
