رانا ثنا اللہ کے گھر پر حملے کے کیس میں عمر ایوب ، شبلی فراز، زرتاج گل , رائے حسن نواز، شیخ راشد شفیق، فرح آغا، کنول شوزب ، اسماعیل سیلہ ایم پی اے، شاہد جاوید ایم پی اے سمیت تحریک انصاف کے 59 رہنماؤں کو دس دس سال قید کی سزا فواد چودھری اور زین قریشی سمیت 34 ملزمان بری ہو گئے ہیں۔
جمہوریت کو بھول جائیں ۔ اظہر سید دو ہزار 18 کے الیکشن میں نوسر باز کو مسلط کرنے سے جو گندگی اور افراتفری پھیلی مالکوں سے ریاست کی ملکیت واپس لینے کا ایک موقع ملا تھا ۔یہ سنہری موقع حالات کے جبر سے پیدا ہوا تھا۔سیاستدان بس نام کے سیاستدان نکلے ۔تحریک عدم اعتماد پر آمادگی ظاہر کر دی ۔ساحل پر آکر ڈوب گئے ۔آصف علی زرداری،نواز شریف یا مولانا فضل الرحمٰن جو بھی تاویلات دیں انہوں نے ہاتھ آیا موقع گنوا دیا ۔مالکوں کے ساتھ سمجھوتے کر لئے ۔ایک صدر بن گیا دوسرے نے بھائی کو وزیراعظم بنوا لیا اور بیٹی وزیر اعلی بن گئی ۔مولانا فضل الرحمٰن کے غیض و غضب سے بچنے کیلئے انہیں پشین سے قومی اسمبلی میں لے آئے ۔
کوئی دن جاتا ہے خیبر پختونخوا میں جے یو آئی کی صوبائی حکومت ہو گی ۔عالمی صورتحال جس طرح تبدیل ہو رہی ہے ۔چین امریکہ مسابقت جس رخ جا رہی ہے ۔وقت آرہا ہے بلکہ آچکا ہے دنیا میں فیصلے جموریت نہیں ہر ریاست کے سرکاری بندوق بردار کریں گے ۔نوسر باز نے بھلے مالکوں کے تاثر کو پراپیگنڈہ کے زریعے بے پناہ نقصان پہنچایا لیکن اپنی سیاسی قسمت کھوٹی کر لی ہے ۔یہ اب بہت جلد بھول جانے والی” ٹرپل ایکس “کہانی کا ایک کردار ہے اور بس ۔جس طرح وفاقی وزارتوں اور اس کے اداروں میں اعلی فوجی افسران تعینات ہو رہے ہیں صاف نظر آتا ہے سیاستدان جمہوریت کو مکمل طور پر بھلا چکے ہیں ۔سرنڈر کر گئے ہیں۔مالکوں کو جو تلخ تجربہ نوسر باز کی صورت میں ہوا اب ہمیں لگتا ہے
دس پندرہ سال تک ہائی برڈ نظام چلانے کی کوشش کی جائے گی ۔اب یہ کوشش کامیاب ہوتی ہے یا نہیں ہم نہیں جانتے لیکن قیاس ہو سکتا ہے ہائی برڈ نظام کا تسلسل کافی سال رہے گا ۔دو ماہ بعد بظاہر فیلڈ مارشل کی تین سالہ مدت ملازمت مکمل ہو رہی ہے لیکن جو ایک نوٹیفکیشن چندہ ماہ قبل نکالا گیا تھا فلیڈ مارشل کو پانچ سال فیلڈ مارشل بنے رہنے کاموقع ملے گا۔اس کے بعد ایک اور نوٹیفیکیشن کے مطابق مدت ملازمت میں پانچ سال کی توسیع ممکن ہو گی ۔براہ راست مارشل لا میں ایک چیف جنرل عام طور پر دس سال بعد جنرل ایوب،جنرل ضیا یا جنرل مشرف ایسا ادارے پر بوجھ بنتا ہے ۔ہائی برڈ نظام کاجو نیا تجربہ سیاستدانوں کی مکمل خودسپردگی کے زریعے کیا گیا ہے فیلڈ مارشل دس سال فیلڈ مارشل رہنے کے باوجود جنرل ایوب،جنرل ضیا یا جنرل مشرف نہیں بنیں گے ۔جو عالمی صورتحال بنی ہوئی ہے ۔ایک مستقل اور بے یقینی سے پاک حکومت ہی مسائل حل کر سکتی ہے ۔ہم سمجھتے ہیں یہ ہائی برڈ نظام چندہ ماہ کے اندر بلوچ عسکریت پسندی اور طالبعلموں کی ناک کاٹ دے گا۔ہم سمجھتے ہیں
پاک فوج میں پنٹاگون کی اثر پذیری بتدریج کم ہوتی جا رہی ہے ۔مستقبل کے فیصلے امریکی سی آئی اے نہیں بلکہ طاقتور چین کی طرف سے ہونگے ۔ہمیں لگتا ہے ہائی برڈ نظام کا تجربہ شائد چینیوں کے مشورے پر کیا گیا ہے ۔چینی مطمئن ہو گئے وہ سی پیک کے اگلے مرحلہ کیلئے اپنی زنبیل کھول دیں گے
۔اس وقت بظاہر عالمی سطح پر ساکھ میں اضافہ کے باوجود صرف مفاہمت کی یاداشتیں دستخط ہو رہی ہیں عملی غیر ملکی سرمایہ کاری نظر نہیں آرہی ۔جس دن چینی پیسے لے کر آگئے ایک دم غیر ملکی سرمایہ کاروں کا سیلاب اجائے گا ۔معاشی حالات سنبھلنے لگے تو معاشرتی افراتفری کا خاتمہ بھی شروع ہو جائے گا ۔فی الحال سیاستدان جمہوریت کو بھول چکے ہیں ۔مالکوں کی پچ پر آکر کھیل رہے ہیں ۔اج شہباز شریف وزیراعظم ہیں کل بلاول بھٹو ہونگے ۔سب ایک ہی گھاٹ کا پانی پیئیں گے اور سکھ چین کی زندگی بسر کریں گے ۔
پنجاب، کشمیر اور بالائی خیبرپختونخوا میں تیز ہواؤں، گرج چمک کے ساتھ بارش کی پیشگوئیاسلام آباد’راولپنڈی، مری، اٹک، چکوال، جہلم، حافظ آباد، منڈی بہاؤالدین، وزیر آباد، ساہیوال، بہاولنگر، ڈیرہ غازی خان، لاہور، گجرات، گوجرانوالہ، قصور، اوکاڑہ،سوات، کوہستان، شانگلہ، بٹگرام، مانسہرہ، بونیر، کوہاٹ سمیت دیگر علاقوں میں بارش کا امکان
