پاکستان فن لینڈ انٹرنیشنل کوآپریشن ووکیشنل ٹیلنٹ اینڈ موبلٹی بوسٹ (PAFIIC) پروجیکٹ کا ورچوئل کک آف تقریب کے ساتھ آغاز*3 ستمبر 2024 کو، پاکستان فن لینڈ انٹرنیشنل کوآپریشن – ووکیشنل ٹیلنٹ اینڈ موبلٹی بوسٹ پروجیکٹ کا باضابطہ طور پر پاکستان میں نیوٹیک میں بیک وقت منعقدہ ورچوئل کک آف تقریب کے دوران آغاز کیا گیا۔ یوروپی یونین سے اس پروجیکٹ کی مد میں €1.5 ملین کی گرانٹ حاصل کی ہے، اس کا مقصد فن لینڈ میں نیوٹیک اور ترکو ووکیشنل انسٹیٹیوٹ کے درمیان اسٹریٹجک شراکت داری کو آسان بنا کر پیشہ ورانہ تربیت کو مضبوط بنانا اور بین الاقوامی روزگار کے مواقع کو فروغ دینا ہے۔

پی اے ایف آئی آئی سی پروجیکٹ کو فن لینڈ میں 150 پاکستانی طلباء کو جدید تربیت اور تجربہ فراہم کرکے پاکستان میں ٹیکنیکل اینڈ ووکیشنل ایجوکیشن اینڈ ٹریننگ کے شعبے کو بڑھانے کے لیے ڈیزائن کیا گیا ہے۔ ان طلباء کو مہمان نوازی اور نگہداشت کے معاون شعبوں میں خصوصی ہدایات حاصل ہوں گی، جس کا مقصد ان کی تربیت کی تکمیل کے بعد انہیں فن لینڈ کی افرادی قوت میں ضم کرنا ہے۔ یہ اقدام پاکستانی نوجوانوں کے لیے ہنر مندی کی ترقی اور دو طرفہ اقتصادی تعلقات کے فروغ دونوں میں ایک اہم قدم کی نمائندگی کرتا ہے۔پاکستان میں فن لینڈ کے سفیر ایچ ای مسٹر ہنو ریپاٹی، سویڈن میں پاک مشن اور پی اے ایف آئی آئی سی کی ٹیم نے پروگرام کے آغاز کے موقع پر آن لائن ایونٹ میں شرکت کی۔

ریکٹر نیوٹیک، لیفٹیننٹ جنرل معظم اعجاز (ہلال امتیاز) (ملٹری) ریٹائرڈ نے اس منصوبے کے لیے اپنے جوش و خروش کا اظہار کرتے ہوئے اس کی تبدیلی کی صلاحیت کو اجاگر کیا۔ “PAFIIC پروجیکٹ کا آغاز پیشہ ورانہ تعلیم کو گلوبلائز کرنے اور اپنے طلباء کے لیے نئی راہیں کھولنے کی جانب ہمارے سفر میں ایک اہم سنگ میل ہے۔ یہ اقدام ہنر کی ترقی کو آگے بڑھانے اور روزگار کے قیمتی مواقع پیدا کرنے میں بین الاقوامی تعاون کی طاقت کی مثال دیتا ہے۔ ہمیں اس کے ساتھ شراکت پر فخر ہے۔ ترکو ووکیشنل انسٹی ٹیوٹ اور یورپی یونین کے تعاون کے مشکور ہیں، کیونکہ یہ منصوبہ بلاشبہ پاکستان میں TVET کے شعبے کی ترقی اور فروغ میں معاون ثابت ہوگا۔”توقع ہے کہ اس منصوبے سے نہ صرف پاکستان میں پیشہ ورانہ تربیت کے معیار کو بلند کیا جائے گا بلکہ فن لینڈ کی صنعت کو ہنر مند پیشہ ور افراد کی فراہمی کے ذریعے غیر ملکی سرمایہ کاری اور اقتصادی ترقی کو فروغ ملے گا۔

اسپیکر قومی اسمبلی سردار ایاز صادق نے کہا ہے کہ یہ حقیقت ہے کہ بجلی کی قیمتوں سے اس وقت عوام پریشان ہیں،دنیا بھر کو بجلی کی قیمتوں کی وجہ سے مسائل کا سامنا ہے،آئی پی پیز کے قیام کے وقت ڈالر کی قیمت انتہائی کم تھی، ڈالر کی قیمت میں اضافے سے بجلی کی قیمتوں میں بھی اضافہ ہوا ہے، بجلی کی لوڈ شیڈنگ پر کافی حد تک قابو پا لیا گیا ہے۔اسلام آباد میں بجلی کی تقسیم کے نظام پر منعقدہ مشاورتی اجلاس کے شرکا سے خطاب کرتے ہوئے اسپیکر قومی اسمبلی نے کہا کہ تیل کی عالمی مارکیٹ میں بڑھتی ہوئی قیمتیں بھی مہنگی بجلی کی وجہ ہے، ہمیں توانائی کے متبادل ذرائع کو اپنانا ہو گا،شمسی توانائی سستی بجلی کے حصول کا اہم ذریعہ ہے، ماحول دوست توانائی کا فروغ وقت کا تقاضہ ہے۔انھوں نے کہا کہ پاکستان کی پارلیمان دنیا کی پہلی پارلیمان ہے جو گرین انرجی پر منتقل کی گئی ہے،ملک کے مختلف علاقوں میں سپلائی کی جانے والی بجلی کی ریکوری 50 فیصد سے بھی کم ہے،ریکوری میں کمی کی وجہ سے بجلی کے صارفین کو دوسرں کا بوجھ بھی اٹھانا پڑتا ہے،موسم سرما میں بجلی کی کھپت میں کمی کی وجہ بجلی کی پیداوار میں کمی لانا پڑتی ہے۔اسپیکر قومی اسمبلی نے کہا کہ موجودہ پارلیمان ملکی معیشت اور توانائی کے شعبے میں درپیش چیلنجزز کے حل کیلئے کوشاں ہے، توانائی ملکی ترقی اور خوشحالی کیلئے ریڑھ کی ہڈی کی حیثیت رکھتی ہے،پارلیمنٹ مشترکہ مسائل پر غور و فکر اور قابل عمل حل تلاش کرنے کا بہترین پلیٹ فارم ہے،صنعتی، اقتصادی اور سماجی ترقی کا دارومدار توانائی پر منحصر ہوتا ہے۔اسپیکر قومی اسمبلی نے کہا کہ توانائی کی طویل مدتی پائیداری کو یقینی بنانے کے لیے مستقبل کی پالیسی سازی ضروری ہے،پالیسی سازی اور اس پر عمل درآمد کو یقینی بنانے کیلئے پارلیمان کا کردار انتہائی اہمیت کا حامل ہے

وزیر دفاع خواجہ آصف نے کہا کہ فیض حمید کے وعدہ معاف گواہ بننے کی پیشگوئی نہیں کرسکتا۔ایک انٹرویو میں خواجہ آصف نے کہا کہ خود بانی پی ٹی آئی کو پتا ہے کہ جنرل ریٹائرڈ فیض حمید کی ساری کہانی کا کُھرا بانی پی ٹی آئی کی طرف جائے گا۔ بانی پی ٹی آئی جو کچھ کرتے رہے ہیں، فیض حمد اس سب سے باخبر آدمی ہیں۔ معاملات زیادہ عرصہ معلق نہیں رہیں گے، سب چند دنوں میں طے ہو جائے گا۔انکا کہنا تھا کہ اختر مینگل کو انگیج کرنا ضروری ہے۔ استعفیٰ واپس لینے کیلئے انکے خدشات دور کرنا چاہئیں۔ اختر مینگل سے بات چیت ہوسکتی ہے اور کرنی چاہیے۔ وزیر دفاع نے کہا کہ اختر مینگل کے ذریعے کہلوایا جائے کہ ہم بلوچستان کے مسائل حل کریں گے۔ بلوچستان کی بہتری کیلئے کئی مواقع ضائع کیے گئے۔ بلوچستان کی محرومیوں کی وجہ سے وہاں ملک دشمن عناصر کو تقویت ملی۔خواجہ آصف نے کہا کہ ان تمام وجوہات کو ختم کرناچاہیے جن کی وجہ سے بلوچستان میں مسائل ہو رہے ہیں۔ نواز شریف، شہباز شریف اور دیگر لیڈر ماضی میں قومی ڈائیلاگ کا کہہ چکے ہیں۔انھوں نے کہا پی ٹی آئی میں 4 گروپ بن چکے ہیں۔ پی ٹی آئی والے سیاسی جماعتوں سے بات کرنا نہیں چاہتے۔ وہ بار بار اسٹیبلشمنٹ کو آوازیں لگاتے ہیں، انکے نزدیک سیاسی جماعتوں کی وقعت نہیں۔ انھوں نے کہا میں نہیں سمجھتا کہ اسٹیبلشمنٹ ان مذاکرات میں شامل ہونا چاہتی ہو۔ نواز شریف نے میٹنگ میں ایسی کوئی بات نہیں کی جیسا تاثر دیا جا رہا ہے۔ خواجہ آصف کا کہنا تھا کہ محمود اچکزئی سیاسی جماعتوں سے بات کرتے ہیں تو ہم خیر مقدم کریں گے۔ اگر محمود اچکزئی کے ساتھ کچھ باتوں پر اتفاق ہوتا ہے تو کیا بانی پی ٹی آئی اسے مانیں گے۔ محمود اچکزئی نے کہا وہ اسٹیبلشمنٹ سے بات کرنے کے حق میں نہیں۔ خواجہ آصف نے کہا کہ پی ٹی آئی کی حکومتوں میں کھربوں روہے کے پی میں دفن ہوئے۔انھوں نے کہا کہ بانی پی ٹی آئی نے سازش اور وارداتیں کی ہیں، 2018 میں آر ٹی ایس بٹھا کر انھیں جتایا گیا، جو باجوہ اور فیض کا جوائنٹ وینچر تھا۔