اپنے وقت کے مشہور شعلہ بیان مقرر اور اسٹوڈنٹ لیڈر جوہر حسین انیس سو نوے کی دہائی کے شروع میں پاکستان ہائی کمیشن نیروبی، کینیا میں پریس اتاشی کے فرائض انجام دے رہے تھے جہاں ان سے ملاقاتیں ہوتی رہتی تھیں۔جوہر بھائی جب بھی ملتے ان کا سوال اپنے مخصوص انداز میں ہوتا ” اور عابد! ! کیا بدمعاشیاں ہورہی ہیں ؟ ” میرا جواب سن کر بہت محظوظ ہوتے اور ہنستے ” جوہر بھائی جو کوئی چھوٹی موٹی بدمعاشی آپ سے بچ جاتی ہے وہ ہم کرلیتے ہیں ” 🙂جواب میں کہتے ” بڑے بدمعاش ہو تم”جوہر حسین پروفیسر کرار حسین کے صاحبزادے ، پروفیسر شائستہ زیدی، صادقہ صلاح الدین ( صادقہ کرار) ، شبیہ حیدر اور سینیٹر تاج حیدر کے بھائی تھے۔1950۔60 کی دہائیوں کی مشور طلبہ تحریکوں کے اہم کردار جنہیں کراچی بدر بھی ہونا پڑا تھا۔ان کے ہاتھ کے بنائے ہوئے کھانے خصوصاً نہاری احباب میں بہت مقبول تھی جو وہ بڑی محبت اور شوق سے کھلایا کرتے تھے
