اسلام آباد ۔ وزارت خارجہ ایمپلائیز کوپریٹو ہاوسنگ سوسائٹی میں کروڑوں روپے کے گھپلے کرنے پر ایف آئی اے نے سوسائٹی کے صدر و سابق سفیر باپ اوربیٹے سمیت 6افراد کیخلاف مقدمہ درج کر کے تحقیقات کا آغاز کر دیا۔ مقدمہ درج ہونے کے بعد صدر سوسائٹی کی گرفتاری کیلئے چھاپے مارے جارہے ہیں۔ جبکہ اس کی سھولت کار سابق ترجمان زھرا بلوچ کے خلاف بھی کارروائی کی گونج ذرائع کے مطابق فارن آفس ایمپلائز کوپریٹو ہاوسنگ سوسائٹی کے صدر ڈاکٹر اسرار جو کہ سابق بیوروکریٹس بھی ہیں اور کسی ملک میں سفیر بھی رہ چکے ہیں کے خلاف ایف آئی اے نے تحقیقات شروع کر رکھی تھی کہ انہوں نے سوسائٹی میں 500 کنال کی زمین لینے کے لیے ایک کمپنی اپنے ہی بیٹے جس کا نام اسد عباس ہے بنائی۔ 500 کنال زمین اس کمپنی نے فراہم کرنی تھی لیکن باپ نے بیٹے کو کروڑوں روپے کی رقم ادا کر دی لیکن زمین ان کے پاس نہیں تھی۔جبکہ دوسری جانب سوسائٹی صدر ڈاکٹر اسرار نے اسی سوسائٹی میں ایک کمرشل پلاٹ بغیر آکشن کے بھی لے لیا۔تحقیقات کا علم کے ہونے کے بعد ڈاکٹر اسرار اور اس کا بیٹا اسد عباس غائب ہیںذرائع کا کہنا ہے کہ دونوں نے عدالت سے بری ضمانت کرا رکھی ہے اور مقامی عدالت نے ان کی بوری ضمانت بھی کینسل کر دی ہے ایف ائی اے باپ بیٹے کی گرفتاری کے لیے چھاپے مار رہی ہے
