خیبر: تیراہ کے علاقے باغ میں فائرنگ کے افسوسناک واقعے کے بعد کشیدہ صورتحال کے پیش نظر ایک اہم جرگہ منعقد ہوا، جس میں عسکری و سول حکام اور مقامی عمائدین نے شرکت کی۔جرگے میں شہداء کے لواحقین سے اظہارِ افسوس کرتے ہوئے متاثرین کو فوری ریلیف، شفاف تحقیقات اور مجرموں کو انصاف کے کٹہرے میں لانے کی یقین دہانی کرائی گئی۔اجلاس میں پائیدار امن، عوام و اداروں کے درمیان اعتماد کی بحالی اور آئندہ ایسے واقعات کی روک تھام کے لیے مشترکہ اقدامات پر زور دیا گیا۔یاد رہے کہ آج صبح احتجاج کے دوران دہشتگردوں کی فائرنگ سے کئی افراد جاں بحق اور متعدد زخمی ہوئے۔
