پاکستان کے خلاف بھارتی قیادت کی جارحانہ بیان بازی کو علاقائی امن و استحکام کے لیے سنگین خطرہ قرار دیتے ہوئے عالمی برادری سے اس کا نوٹس لینے کا مطالبہ کیا ہے، بھارتی سیاستدان انتخابی مقاصد کے لیے اپنی ملکی سیاست میں پاکستان کو گھسیٹنا بند کریں اور حساس سٹریٹجک معاملات پر ذمہ داری کا مظاہرہ کریں۔بھارتی وزیراعظم، وزیر خارجہ اور کابینہ کے دیگر اراکین کی طرف سے حال ہی میں پاکستان سے متعلق بیانات کے سلسلے میں میڈیا کے سوالات کے جواب میں ترجمان نے کہا کہ بھارتی لوک سبھا کی انتخابی مہم کے دوران مختلف رہنمائوں کی طرف سے پاکستان مخالف بیان بازی میں خطرناک حد تک اضافہ ہوا ہے، ہم ان غیر ذمہ دارانہ بیانات کو یکسر مسترد کرتے ہیں، جو جموں و کشمیر تنازعہ، انسداد دہشت گردی کی کوششوں، دو طرفہ تعلقات کی حالت اور جوہری صلاحیتوں سمیت متعدد دیگر امور سے متعلق ہیں۔ترجمان نے کہا کہ افسوس کے ساتھ اس طرح کے پاکستان مخالف بیانات وہاں انتخابی مقاصد کے لیے ہائپر نیشنلزم کا فائدہ اٹھانے اور بڑھتی ہوئی ملکی اور بین الاقوامی تنقید سے توجہ ہٹانے کی ایک مایوس کن کوشش کی عکاسی کرتے ہیں، بھارتی لیڈروں کا طرز عمل ایک غیر سنجیدہ اور انتہا پسند ذہنیت کو بے نقاب کرتی ہے، اس ذہنیت سے ہندوستان کی تذویراتی صلاحیت کے حوالے سے اس کی ذمہ داری پر سوالیہ نشان اٹھاتی ہے، دوسری طرف پاکستان کی سٹریٹجک صلاحیت کا مقصد اپنی خودمختاری کا تحفظ اور اپنی علاقائی سالمیت کا دفاع کرنا ہے۔پاکستان نے ماضی میں بھی اپنے دفاع کے عزم کا واضح طور پر مظاہرہ کیا ہے اور اگر بھارت کی جانب سے کسی قسم کی مہم جوئی کی گئی تو مستقبل میں بھی ایسا کرنے سے دریغ نہیں کیا جائے گا۔ ترجمان نے کہا کہ صرف چند ماہ قبل ہم نے پاکستانی سرزمین پر بھارت کے ماورائے عدالت اور بین الاقوامی قتل کی مہم کی تفصیلات کو بے نقاب کیا ہے، پاکستان کے اندر جارحانہ کارروائیوں کے لیے اپنی تیاری پر بھارت کا مسلسل زور جرم کا اعتراف ہے۔آزاد جموں و کشمیر کے بارے میں اشتعال انگیز بیان بازی کے حوالے سے ہم اس بات کا اعادہ کرتے ہیں کہ تاریخی حقائق، قانونی اصول، اخلاقی تحفظات اور زمینی حقائق بھارت کے بے بنیاد دعوئوں کی تردید کرتے ہیں، جموں و کشمیر ایک بین الاقوامی سطح پر تسلیم شدہ متنازعہ علاقہ ہے، اور اقوام متحدہ کی سلامتی کونسل کی متعلقہ قراردادیں واضح طور پر اس کے حتمی حل کے لیے اقوام متحدہ کی سرپرستی میں رائے شماری کا پابند بناتی ہیں۔ کوئی بھی بھارتی بیانات اس حقیقت کو نہیں بدل سکتے، لہٰذا بھارت کو چاہیے کہ وہ ان قراردادوں کو عملی جامہ پہنانے پر توجہ دے۔ترجمان نے مزید کہا کہ ہم ہندوستانی سیاست دانوں پر زور دیتے ہیں کہ وہ انتخابی مقاصد کے لیے اپنی ملکی سیاست میں پاکستان کو گھسیٹنا بند کریں اور حساس سٹریٹجک معاملات پر ذمہ داری کا مظاہرہ کریں، ہم عالمی برادری سے مطالبہ کرتے ہیں کہ وہ بھارتی قیادت کی جارحانہ بیان بازی کا نوٹس لے جو کہ علاقائی امن و استحکام کے لیے سنگین خطرہ ہے۔ ترجمان نے کہا کہ جنوبی ایشیا میں امن، ترقی اور خوشحالی کے وژن کو جموں و کشمیر سمیت تمام تصفیہ طلب تنازعات کے پرامن حل اور تصادم سے تعاون کی طرف منتقلی کے ذریعے ہی حاصل کیا جا سکتا ہے۔

پراپرٹی لیکس میں انکشاف ہوا ہے کہ 17 ہزار پاکستانیوں نے دبئی میں 23 ہزار جائیدادیں خرید رکھی ہیںسابق آرمی چیف جنرل ریٹائرڈ پرویز مشرف کا نام بھی دبئی کی جائیداد کے مالکوں کی فہرست میں شامل ہے۔اس کے ساتھ ساتھ ایک درجن سے زیادہ ریٹائرڈ جنرلز افسروں، ایک پولیس چیف، ایک سفارت کار اور ایک سائنسدان کا نام بھی پراپرٹی لیکس میں شامل ہے۔خیال رہے کہ دبئی میں غیر ملکیوں کی تقریباً 400 ارب ڈالرز کی جائیدادوں کا انکشاف ہوا ہے جس میں پاکستانیوں کی بھی 11 ارب ڈالر کی جائیدادیں شامل ہیں۔

آزاد جموں کشمیر میں حالیہ ہنگامے اور نو مئی کے واقعات اس بات کی نشان دیہی کرتے ہیں کہ اب وقت آگیا ہے کہ جتھوں کو قانون ہاتھ میں لینے کی اجازت نہ دی جائے‘ حکومت اور پاک فوج کے ترجمان بھی اس بات پر متفق دکھائی دیتے ہیں کہ نو مئی کے ملزموں کو قانون کے مطابق سزا ملنی چاہیے‘ سانحہ 9 مئی کے ملزمان کیخلاف مقدمات کی سماعت مکمل کرنے اور مجرم ثابت ہونے والے افراد کو قانون کے مطابق سزائیں دینے کا تقاضا کیا ایک قانونی مطالبہ ہے ایک تاثر دیا جاتا ہے کہ پاکستان میں سیاست ہو یا کوئی بھی محاذ‘ اس کے پیچھے فوج ہوتی ہے یہ تاثر بے بنیاد اور غلط اور جھوٹ پر مبنی ہے‘ پاک فوج میں کمشن لینے والے آفیسرز کے لیے سب سے پہلا سبق یہی ہوتا ہے کہ سب سے پہلے پاکستان‘ لہذا جب بھی ملک پر بیرونی جارحیت ہوئی تو فوج کا سپاہی اور آفیسر دشمن کی گولی کے سامنے کھڑا ہوکر وطن کا دفاع کرتا ہے‘ اور جب ملک کے اندر اس کی مدد کی ضرورت پڑتی ہے تو سیلاب ذدہ علاقوں میں یا جہاں بھی ناگہانی آفت آجائے وہاں کے متاثرین و محفوظ مقامپر پہنچانے میں اپنا کردار ادا کرتاہے پاک فوج کے ترجمان نے ہمیشہ یہی کہا کہ فوج ریاست نہیں‘ بلکہ ریاست کا ایک ادارہ ہے‘ جو وطن کے دفاع کے لیے اور اسے اندرونے خطرات سے بچانے کے لیے سب سے پہلے پاکستان کا سبد دہراتے ہوئے آگے بڑھتا ہے اور اپنی ذمہ داری ادا کرتا ہے‘ فوج صرف اور صرف وطن کے دفاع کے لیے کام کرتی ہے اس کے علاوہ آئینی کردار ادا کرنے کے لیے اسی راستے پر چلتی ہے جس کی راہ آئین پاکستان کے دکھائی ہوتی ہےآئی ایس پی آر کے مطابق فوجی قیادتوں نے اس امر کا اظہار کیا کہ ہماری قومی تاریخ کے اس سیاہ دن کو سیاسی طور پر متحرک اور برین واشڈ شرپسندوں نے بغاوت کی اور جان بوجھ کر ریاستی اداروں کیخلاف تشدد کا سہارا لیا۔ ان عناصر نے جان بوجھ کر ریاست کی مقدس علامتوں اور قومی ورثے سے تعلق رکھنے والے مقامات کی توڑ پھوڑ کی جو ملک میں خود ساختہ اور تنگ نظر انقلاب لانے کی ناکام کوشش تھی۔ ان شرپسندوں کا بنیادی مقصد ملک میں افراتفری پھیلا کر عوام اور مسلح افواج کے درمیان تصادم کو ہوا دینا اور پاکستان کو غیرمستحکم کرنا تھا جبکہ عسکری قیادت اور مسلح افواج نے انتہائی تحمل کا مظاہرہ کرتے ہوئے تخریب کاروں اور انکے سرغنوں کے ساتھ ساتھ ان کے منصوبہ سازوں کی مکروہ سازش کو ناکام بنایا۔ ان عناصر کے ساتھ نہ تو کوئی سمجھوتہ ہو سکتا ہے اور نہ ہی قانون کی دھجیاں اڑانے کی اجازت دی جائیگی۔ ملک کی عسکری قیادتوں نے اس حوالے سے افواج پاکستان کے وقار اور عزت کو ہر قیمت پر برقرار رکھنے اور ملک کی ترقی اور خوشحالی کیلئے ادارہ جاتی سطح پر مل کر کام کرنے کا عہد کیا ہوا ہے

لاہور: 6 مئی

متحدہ قومی موومنٹ (ایم کیو ایم) کا جنرل ورکرز کا لاہور میں اجلاس، پنجاب کو 7 تنظیمی زونز میں تقسیم کرنے کا فیصلہ لاہور زون کا صدر ارتضیٰ کاظمی، گوجرانوالہ زون کا صدر شہباز جٹ اور فیصل آباد زون کا صدر مرزا ذوالفقار کو مقرر کر دیا گیا ملتان زون کے صدر ایاز علی شیخ، ڈیرہ غازی خان زون کے صدر شیخ اظہار الحق اور بہاولپور زون کے صدر حافظ فضل الرحمان ہوں گے، اجلاس میں فیصلہمتین خان کو اپر پنجاب زون کا صدر بنا دیا گیا عفت ملک ایڈوکیٹ کو ایم کیو ایم شعبہ خواتین پنجاب کی صدر بنا دیا گیا ثمینہ ناز شعبہ خواتین لاہور کی صدر مقرر ظفر زمان کو اقلیتی امور پنجاب کا صدر تعینات کیا گیا جنرل ورکرز اجلاس نے پنجاب کی تنظیم میں بڑی تبدیلیوں، خواتین، اقلیتوں اور نوجوانوں کے شعبوں اور تنظیمیں عہدیداروں کی باضابطہ منظوری دے دی اجلاس ایم کیو ایم کے وحدت روڈ لاہور پر واقع ‘پنجاب ہاؤس’ میں منعقد ہواایم کیو ایم کی مرکزی صوبائی تنظیمی کمیٹی کے جوائنٹ انچارج زاہد ملک نے اجلاس کی صدارت کی صوبہ پنجاب میں تنظیمی ڈھانچے میں مزید بہتری لانے کے لئے مزید شعبوں اور عہدیداروں کا اعلان کیا گیا ہے، زاہد ملک کا اجلاس سے خطاب پڑھے لکھے اور متوسط طبقات کو سیاسی قیادت کی پہلی صف میں لا رہے ہیں، زاہد ملکپنجاب کو 7 زونز میں تقسیم کرنے سے تنظیمی سرگرمیوں میں اضافہ اور تحریک کا سفر مزید تیز ہوگا، زاہد ملک کا خطاب قبل ازیں جنرل ورکرز اجلاس آمد پر زاہد ملک کا بھرپور استقبال کیا گیا پنجاب کے صدر بابر گجر کے علاوہ پنجاب کمیٹی اور دیگر شعبوں کے سربراہان بھی اجلاس میں شریک ہوئے

چین پاک ڈوئل ڈپلومہ پروگرام کی تقریب رونمائی چین پاکستان تعاون میں سنگ میل کی حیثیت رکھتی ہے

چین پاک ڈوئل ڈپلومہ پروگرام کے آغاز کی یاد میں چین اور پاکستان میں بیک وقت 12 مئی 24 کو ایک پروقار تقریب رونمائی کا انعقاد کیا گیا۔ پاکستان میں نیوٹیک کی میزبانی میں منعقد ہونے والی اس تقریب میں چین میں پاکستانی سفارت خانے، ٹینگ ایچ کیو، اور Guizhou ووکیشنل انسٹی ٹیوٹ سمیت معزز نمائندوں نے شرکت کی۔ یہ تقریب چین اور پاکستان کے درمیان تعاون میں ایک اہم سنگ میل کی علامت ہے۔

چین پاک ڈوئل ڈپلومہ پروگرام، جو عوامی جمہوریہ چین کے ذہن کی تخلیق ہے، کا مقصد پاکستان کے نوجوانوں کو جدید فنی تعلیم فراہم کرنے کے لیے معروف پاکستانی اداروں کے ساتھ شراکت داری قائم کرنا ہے۔ تین سالہ پروگرام نیوٹیک میں دو سال کی تربیت پر مشتمل ہے، اس کے بعد چین میں مکمل طور پر فنڈڈ اسکالرشپ کا ایک سال ہے۔

چین میں پاکستانی سفارتخانے نے پاکستانی طلباء کو معیاری تعلیم فراہم کرنے والے اس اقدام کی تعریف کی۔ تقریب کے دوران، نیوٹیک اور Guizhou انسٹی ٹیوٹ کے درمیان ایک ایم او یو پر دستخط کیے گئے، جو بگ ڈیٹا ٹیکنالوجی میں تین سالہ ڈپلومہ پروگرام کے آغاز کی علامت ہے۔

ٹینگ چین کے صدر اور نیوٹیک کے ڈائریکٹر آف سکلز نے اپنی تقاریر میں تعلیمی نصاب کو بین الاقوامی صنعت کی ضروریات سے ہم آہنگ کرتے ہوئے پاکستانی نوجوانوں کے روزگار کے مواقع بڑھانے کے لیے اس باہمی تعاون کے منصوبے کی بنیادی اہمیت پر زور دیا۔

آزاد کشمیر کے مختلف اضلاع میں حالات ایک بار پھر کشیدہ ہوگئے،پولیس اور مظاہرین کے درمیان تصادم کے نتیجے میں 2 افراد جاں بحق جبکہ 5 افراد زخمی ہوگئے جبکہ ورثاء نے سی ایم ایچ کے باہر لاشیں رکھ کر دھرنا دے دیا۔ آزاد کشمیر میں چوتھے روز بھی معمولات زندگی بحال نہ ہوسکے، حکومت آزاد کشمیر کی جانب سے آٹے کی فی من قیمت میں 1100 روپے کمی کا نوٹیفکیشن جاری ہوا جبکہ 20 کلوآٹے کی قیمت ایک ہزار روپے کردی گئی۔حکومت کی جانب سے بجلی کے ٹیرف میں بھی کمی کا نوٹیفکیشن جاری ہوا، گھریلو صارفین کے لیے 100 یونٹ تک بجلی کے نرخ 3 روپے فی یونٹ، 100 سے 300 یونٹ تک 5 روپے فی یونٹ جبکہ 300 سے زائد یونٹ کے لیے 6 روپے فی یونٹ نرخ مقرر کیے گئے۔کمرشل صارفین کے لیے 300 یونٹ تک 10 روپے فی یونٹ جبکہ 300 سے زائد یونٹ کے لیے 15 روپے فی یونٹ ریٹ مقرر کردیا گیا لیکن ان تمام اقدامات کے باوجود حالات نہ سنبھلے۔زندگی چند گھنٹوں کے لیے بحال ہوئی لیکن پھر اچانک شہر میں ایک بار پھر ہنگامے پھوٹ پڑے اور چھتر چوک میدان جنگ بن گیا جس کے بعد مظفرآباد میں انٹرنیٹ سروس بند کردی گئی۔ قانون ساز اسمبلی کے باہر مظاہرین نے پولیس پر پتھراؤ کیا تو پولیس نے مظاہرین پر لاٹھی چارج کردیا۔پتھراؤ اور فائرنگ سے 2 افراد جاں بحق ہوگئے جبکہ 5 افراد زخمی بھی ہوئے۔جس کے بعد حالات مزید خراب ہوئے، مظاہرین نے 2 ایمبولینسز سمیت 4 گاڑیوں کو آگ بھی لگادی۔مظفرآباد پہنچنے والے قافلے عید گاہ گراؤنڈ میں جمع ہونے شروع ہوگئے، جہاں عوامی ایکشن کمیٹی کے قائدین خطاب کریں گے۔

وفاقی حکومت نے آئندہ سال کے بجٹ میں وزراءاور دیگر کابینہ اراکین کے پیٹرول کوٹہ میں کٹوتی کی تجویز تیار کر لی۔ ذرائع نے بتایا ہے کہ کابینہ اراکین ماہانہ اوسطاً 20سے 53لاکھ روپے پٹرول پر خرچ کرتے ہیں۔ کابینہ اراکین کو 1500سی سی گاڑیوں کے لیے ماہانہ 350لیٹر پیٹرول کی اجازت ہے۔اسی طرح کابینہ اراکین کو لینڈ کروزر، بی ایم ڈبلیو اور جیپ پر ماہانہ 900لیٹر پیٹرول کی سہولت حاصل ہے۔ 1500سی سی سے چھوٹی گاڑیوں پر ماہانہ ایک وزیر اوسطاً98ہزار روپے خرچ کرتا ہے۔ اسی طرح بڑی گاڑیاں استعمال کرنے والے وزراءاور مشیر ماہانہ اوسطاً 2لاکھ 52ہزار روپے کا پٹرول خرچ کرتے ہیں۔