سعودی عرب: والدہ کے قتل پر خاتون کی سزائے موت پر عمل درآمد ریاض، 18 اکتوبر (وائر سروس): سعودی عرب کی وزارتِ داخلہ نے صوبہ قصیم میں اپنی والدہ کو قتل کرنے اور بہن کو قتل کرنے کی کوشش کے جرم میں سزا یافتہ خاتون کی سزائے قتل پر عمل درآمد کا اعلان کیا ہے۔وزارتِ داخلہ کے مطابق سحر بنت فیصل بن فیاض الحنینی الحربی نے اپنی والدہ امل بنت طلیحان بن صعنون الحربی کو فائرنگ کرکے قتل کیا اور ان کی لاش کی بے حرمتی کی، جبکہ اپنی بہن کو بھی قتل کرنے کی کوشش کی۔سرکاری بیان کے مطابق سکیورٹی حکام نے ملزمہ کو گرفتار کیا، جس کے بعد عدالت نے جرم ثابت ہونے پر اسے قتل تعزیراً کی سزا سنائی۔ اپیل کے بعد فیصلے کی عدالتِ عالیہ سے توثیق ہوئی اور شاہی حکم کے اجرا کے بعد سزا پر عمل درآمد کیا گیا۔وزارتِ داخلہ نے کہا کہ کارروائی امن و امان برقرار رکھنے، انصاف کے تقاضے پورے کرنے اور انسانی جانوں کے تحفظ کے عزم کا حصہ ہے۔کلیدی الفاظ: سعودی عرب، قصیم، سزائے موت، والدہ کا قتل، وزارتِ داخلہ، سعودی عدلیہ۔
