: حکومت نے 1.8 ہزار ارب روپے کا گردشی قرضہ کم کرنے کیلیے بجلی کے ٹیرف میں4 روپے فی یونٹ کمی کی تجویز کو مسترد کردیا۔حکومت نے چند روز قبل پانچ آئی پی پیز کے ساتھ معاہدے ختم کرکے بجلی کے ریٹ میں صرف 60 پیسہ فی یونٹ کمی کی ہے، پاور ڈویژن نے تجویز دی ہے کہ آئی پی پیز کا 1.8 ہزار ارب روپے کا گردشی قرضہ فکس شرح سود پر پانچ سالہ پاکستان انویسٹمنٹ بانڈز یا پھر اسلامک بانڈز جاری کرکے ادا کیا جاسکتا ہے۔ذرائع کے مطابق یہ قرضہ وفاقی حکومت کی طرف سے لینے کی تجویز دی گئی ہے، جس سے وزارت خزانہ نے اتفاق نہیں کیا ہے، گردشی قرضہ ختم ہونے سے ڈیبٹ سروسنگ سرچارج میں 3.80 روپے فی یونٹ کی کمی ہوگی۔حکومت نے اس مد میں گزشتہ سال 3.23 روپے فی یونٹ کے حساب سے 335 ارب روپے عوام سے جمع کیے ہیں، جن کا بوجھ قرضوں کی بروقت ادائیگی نہ کرنے کی وجہ سے عوام پر پڑا ہے۔انرجی سیکٹر کا مجموعی گردشی قرضہ 2.4 ہزار ارب روپے ہے، جس میں سے 1.8 ہزار ارب روپے سود ہے، ان میں سے 520 ارب روپے حکومتی پاور پلانٹس کو ادا کرنے ہیں، جن کو تاخیر سے ادائیگی پر سود ادا نہیں کیا جاتا۔پاور ڈویژن کا کہنا ہے کہ شرح سود بہت زیادہ ہے، جس کو پاکستان انویسٹمنٹ بانڈ جاری کرکے کم کرنے کی ضرورت ہے، اس طرح بجلی کی قیمت میں فی یونٹ کم از کم 89 پیسے کی کمی کی جاسکتی ہے، جبکہ وزارت خزانہ کا کہنا ہے کہ گردشی قرضے کی بڑی وجہ لائن لاسز اور کم ریکوریز جیسے مسائل ہیں، جب تک ان کو حل نہیں کیا جاتا، گردشی قرضوں کا پائیدار حل ممکن نہیں ہے۔گزشتہ مالی سال کے دوران بجلی چوری کم ریکوریز کی وجہ سے 591 ارب روپے کا نقصان ہوا تھا، جو کہ رواں سال بڑھ کر 637 ارب روپے ہونے کا امکان ہے۔

اسلام آباد میں احتجاج کی کال پر حکومت بھی ان ایکشن ہے، پنجاب کے 3 اضلاع میں رینجرز طلب کرلی گئی ہے جبکہ مختلف شہروں میں کنٹینرز کی پکڑ دھکڑ بھی جاری ہے۔تفصیلات کے مطابق پنجاب کے 3 اضلاع میں رینجرز طلب کرلی گئی ہے۔ محکمہ داخلہ پنجاب نے راولپنڈی، اٹک اور جہلم میں رینجرز طلب کر لی۔راولپنڈی اور اٹک میں رینجرز کے 2، 2 ونگز کی خدمات طلب کی گئیں ہی جبکہ جہلم میں رینجرز کی 1 کمپنی تعینات کرنے کی سفارش کی گئی ہے۔ راولپنڈی اور اٹک میں رینجرز جمعہ 22 نومبر سے غیر معینہ مدت کیلئے تعینات ہونگے جبکہ جہلم میں 22 سے 27 نومبر تک رینجرز تعینات کرنے کی سفارش کی گئی ہے۔راولپنڈی، اٹک اور جہلم میں رینجرز کی تعیناتی کا فیصلہ ضلعی انتظامیہ کی سفارش پر کیا گیا، محکمہ داخلہ پنجاب نے رینجرز کی خدمات کیلئے وفاقی وزارت داخلہ کو باضابطہ درخواست بھجوا دی۔ادھر پی ٹی آئی کی چوبیس نومبر کو اسلام آباد احتجاج کی کال پر پنجاب کانسٹیبلری کی 174 پولیس ریزروز 21 قیدی وینز اسٹینڈ بائی کردیں گئی ہیں ۔ 69 پولیس بسیں 9 ٹرکس 13 پک اپ اسکارٹس بھی اسٹینڈ بائی کردیے گئے ہیں۔پولیس کے مطابق ایس پی موٹر ٹرانسپورٹ نے فورس کی نقل و حرکت کے لیے تمام تر تفصیلات اعلی حکام کو بھجوا دیں ۔ لاہور ۔ اوکاڑہ ۔ ساہیوال ۔ شیخوپورہ ۔ قصور ۔ فیصل آباد ۔ جھنگ ۔ چنیوٹ سے پولیس بسیں اسلام آباد کے لیے مختص کی گئیں ہیں ، لاہور سے 5 ۔ فیصل آباد پولیس 4 ۔ سرگودھا 3 شیخوپورہ پولیس 3 قیدی وینز اسٹینڈ بائی کرے گی ۔ قصور پولیس 2 ۔ سیالکوٹ ۔ ننکانہ ۔ حافظ آباد ۔ نارروال پولیس نے 1 ایک قیدی وین اسٹینڈ بائی کردی ۔ پولیس کا کہنا ہے کہ تمام اضلاع کی ٹرانسپورٹ فوکل پرسن بھی مقرر کردیے گئے ہیں ، فوکل پرسن اسلام آباد روانگی اور تعیناتی کے حوالے سے متعلقہ پولیس سے رابطے میں رہیں گے ۔ 3840 اہلکار پنجاب کانسٹیبلری سے بوقت ضرورت اسلام آباد پولیس کو دستیاب ہوں گے ۔ لاہور سے اینٹی رائیٹ فورس سمیت 2200 اہلکار اسلام آباد امن و امان برقرار رکھنے کے لیے بھیجے جائیں گے ۔

*ضلع کرم میں مسافر گاڑیوں پر فائرنگ، 33 افراد جاں بحق*خیبر پختون خوا کے قبائلی ضلع کرم میں اوچت کے علاقے میں مسافر گاڑیوں پر مسلح دہشت گردوں نے فائرنگ کر دی۔پولیس کے مطابق پاراچنار سے پشاور جانے والے کانوائے میں شامل مسافر گاڑیوں کو نشانہ بنایا گیا ہے۔پولیس کا کہنا ہے کہ فائرنگ سے بچی اور خاتون سمیت 23 افراد جاں بحق ہو گئے ہیں۔فائرنگ سے 3 خواتین سمیت متعدد افراد زخمی ہوئے، لاشوں اور زخمیوں کو اسپتال منتقل کر دیا گیا ہے۔واقعے کے بعد سیکیورٹی حکام نے علاقے کی ناکہ بندی کر کے ملزمان کی تلاش شروع کر دی ہے۔

.*وزیراعظم محمد شہباز شریف کی زیر صدارت پبلک پروکیورمنٹ اور گڈ گورننس کے حوالے سے جائزہ اجلاس*تمام سرکاری اداروں میں شفاف طریقے سے خریداری اور خدمات کا حصول حکومت کی اولین ترجیح ہے، وزیراعظم حکومتی اداروں میں پروکیورمنٹ کے عمل میں شفافیت لانے سے بیرونی سرمایہ کاروں کا پاکستان پر اعتماد مزید بڑھے گا، وزیراعظم وزیراعظم کی پپرا (PPRA) میں اصلاحات لا کر اس کو کسی بھی قسم کے اثر و رسوخ سے پاک بنانے کی ہدایت *تمام سرکاری پروکیورمنٹس میں تھرڈ پارٹی ویلیڈیشن بشمول کوالٹی اشورنس یقینی بنائی جائے، وزیراعظم کی واضح ہدایت*وزیراعظم کی پروکیورمنٹ کے عمل میں شکایات کے ازالے کے لیے پروکیورمنٹ ایجنسی سے ہٹ کر کمیٹی قائم کرنے کی ہدایتپپرا میں میرٹ پر باصلاحیت، پیشہ ور اور مطلوبہ تجربہ رکھنے والے ماہرین تعینات کیے جائیں، وزیراعظم وزیراعظم کی تمام سرکاری اداروں کو ای پروکیورمنٹ (e-PADS) استعمال کرنے کی ہدایت سرکاری اداروں میں خریداری اور سروسز کے حصول کے لیے خصوصی پروکیورمنٹ سیل قائم کیے جائیں، وزیراعظم سرکاری امور میں شفافیت ملکی ترقی کے لیے ناگزیر ہے، وزیراعظم پپرا آرڈیننس اور متعلقہ قواعد و ضوابط کا جائزہ مکمل ہو چکا ہے اور یہ ترامیم جلد وفاقی کابینہ کی منظوری کے لیے پیش کی جائیں گی، بریفنگان ترامیم کا مقصد پروکیورمنٹ کے عمل میں شفافیت اور ان کو عصر حاضر کے تقاضوں کے مطابق لانا ہے، بریفنگاجلاس میں وفاقی وزیر برائے اقتصادی امور احد خان چیمہ، وفاقی وزیر پیٹرولیم ڈاکٹر مصدق مسعود ملک، وزیر خزانہ اورنگزیب خان، وزیر مملکت برائے آئی ٹی شزا فاطمہ خواجہ، پپرا بورڈ ممبران، ورلڈ بینک کنٹری ڈائریکٹر اور متعلقہ اداروں کے اعلیٰ افسران شریک تھے