لاعلمی، بہت نقصان دہ ھےوہ دن گئے جب لاعلمی نعمت ھوا کرتی تھی -آج استحصال اور لوٹ مار کی ایک بڑی وجہ عوام کی پروسیجر سے لاعلمی ، سوال نہ کرنے کی عادت اور سستی بھی ہے- جس کا فائدہ مارکیٹ اور سرکاری دفاتر میں بیٹھے چالاک اور ہنر مند افراد اٹھاتے ہیں- کسان سادگی میں مارا جا رھا ھے- آڑھتی اور صنعت کار اس سادگی یا لاعلمی کا فائدہ اٹھا رھے ہیں- مارکیٹ اس کی قدر کرتی ھے جو مارکیٹ کی ضرورت کو پورا کرے- جو لوگ دوسروں کی ضرورت کے مطابق اپنی صلاحیّتوں کو بڑھا لیتے ہیں وہ کامیاب ہو جاتے ہیں- دنیا بھر کے بینک صرف عوام کے پیسے کی حفاظت کے نام پر پیسہ اکٹھا کرتے ہیں
اور اس پیسے کو قرض دیتے ہیں اور کاروبار کرتے ہیں- بینکنگ دنیا کا سب سے بڑا جادو اور معیشیت میں بگاڑ کا آلہ کار ہے – دنیا کا سب سے پرانا کھیل ، غافلوں کو الّو بنانا ہے- مثلا اپنی انکم ٹیکس ریٹرن ہم وکیلوں سے فائل کرواتے ہیں، بجلی، گیس، پانی، فریج ، ٹی وی کی معمولی سی خرابی کے لئے ہمیں ماہر کاریگر بلوانا پڑتا ھے- گھر کی صفائی، برتن دھونے کے لئے کام کرنے والی چاہیے- ہمیں فیس بک پیج کی monetization کروانے کے لئے کسی کی ضرورت ھے- ہمیں ویب سائیٹ کی مینجمنٹ کے لئے بندے چاہیں-مغربی کلچر میں ہر گھر میں ایک basement منٹ یا گیراج میں تمام tools ملیں گے- وہ سارے چھوٹے کام اپنے ہاتھوں سے کرتے ہیں- پوری دنیا میں سیلاب اور قدرتی آفتوں سے تکنیکی مہارت سے نبرد آزما ھوتے ہیں- ہمارے ہاں یہ ذمہ داری بیوروکریسی کے ذمے ھے-
سیکورٹی فورسز کا خیبرپختونخوا کے ضلع کرم میں فتنہ الہندوستان کے دہشتگردوں کے خلاف انٹیلیجنس بیسڈ آپریشن، 7 دہشتگرد جہنم واصلفائرنگ کے تبادلے میں کیپٹن سمیت 6 جوان جام شہادت نوش کرگئے، آئی ایس پی آرکیپٹن نعمان سلیم (میانوالی)حوالدار امجد علی (صوابی )نائیک وقاص احمد (راولپنڈی)سپاہی اعجاز علی (شکار پور)سپاہی محمد ولید (جہلم)سپاہی محمد شہباز (خیرپور)
—وزیراعظم ۔۔۔مبارکبادپاکستان اور ترکیہ یکجان دو قالب ہیں،دونوں ممالک معاشی، تزویراتی اور دفاعی تعاون میں آگے بڑھ رہے ہیں،ترکیہ نے ہر مشکل وقت میں پاکستان کا ساتھ دیا ہے، وزیراعظم محمد شہباز شریفاسلام آباد۔29اکتوبر :وزیراعظم محمد شہباز شریف نےترکیہ کے 102 ویں یوم جمہوریہ کے موقع پر ترکیہ کی قیادت اور عوام کو دلی مبارکباد دیتے ہوئےکہا ہے کہ پاکستان اور ترکیہ یکجان دو قالب ہیں،دونوں ممالک معاشی، تزویراتی اور دفاعی تعاون میں آگے بڑھ رہے ہیں،ترکیہ نے ہر مشکل وقت میں پاکستان کا ساتھ دیا ہے،بھارت کے ساتھ جنگ کے دوران ترکیہ کی قیادت چٹان کی طرح پاکستان کے ساتھ کھڑی رہی،ہماری بہادر مسلح افواج نے فیلڈ مارشل سیدعاصم منیر کی قیادت میں چار دن میں دشمن کو بھرپور سبق سکھایا،ترکیہ نے ہمیشہ فلسطین اور کشمیر کے حوالے سے پاکستانی موقف کی حمایت کی ،پاکستان بھی قبرص کے معاملے پر ترکیہ کے موقف کی حمایت کرتا ہے۔انہوں نے ان خیالات کا اظہار بدھ کو ترکیہ کے 102 ویں یوم جمہوریہ کے حوالے سے منعقدہ خصوصی تقریب سے خطاب کرتے ہوئے کیا۔تقریب میں نائب وزیراعظم و وزیر خارجہ سینیٹر محمد اسحاق ڈار ،وفاقی وزراء، گورنر خیبر پختون خوا فیصل کریم کنڈی اور دیگر شخصیات نے شرکت کی۔وزیر اعظم نے کہا کہ ہمارے دل ترک بہن بھائیوں کے ساتھ دھڑکتے ہیں،ترکیہ کے قومی دن پر آج اسلام آباد میں ترکیہ اور پاکستان کے پرچم لہرا رہے ہیں، ترکیہ کی ترقی اور خوشحالی کا سفر قابل فخر کامیابیوں سے عبارت ہے،کمال اتاترک نے جدید ترکیہ کی بنیاد رکھی،ترک صدر رجب طیب اردوان دنیا میں ترقی، استقلال اور قیادت کی روشن مثال بن چکے ہیں
،ترک صدر کی غیر معمولی قیادت کے باعث ترکیہ جدت، تہذیب اور ثقافت کا امتزاج بن چکا ہے ۔ انہوں نے کہا کہ پاکستان اور ترکیہ کے تعلقات قریبی مذہبی و ثقافتی رشتوں میں جڑے ہوئے ہیں، پاکستان کا ترکیہ کے ساتھ محبت اور خلوص کا رشتہ ہے، ترکیہ کے ساتھ ہمارے تعلقات صدیوں پرانے ہیں، تحریک خلافت میں برصغیر کے عوام اور ہمارے آباؤ اجداد نے بھرپور حصہ لیا تھا ۔وزیراعظم نے کہا کہ ترکیہ نے ہر مشکل وقت میں پاکستان کا بھرپور ساتھ دیا ہے، پاکستان اور بھارت کے دوران چار روزہ جنگ میں فیلڈ مارشل سید عاصم منیر کی قیادت میں ہماری بہادر مسلح افواج اور ایئر چیف مارشل ظہیر بابر سدھو کی قیادت میں ہماری پاک فضائیہ نے دشمن کو بھرپور سبق سکھایا۔ ترک صدر رجب طیب اردوان نے پاکستان کا بھرپور ساتھ دیا اور جنگ کے دوران ترکیہ کی قیادت چٹان کی طرح پاکستان کے ساتھ کھڑی رہی،یہ بھائی چارہ اور دوستی ہے۔وزیراعظم محمدشہبازشریف نے کہا کہ پاکستان اور ترکیہ یک جان دو قالب ہیں، دونوں ممالک معاشی، تزویراتی اور دفاعی تعاون میں آگے بڑھ رہے ہیں،ترک صدر رجب طیب اردوان نے پاکستان کا دورہ کیا
اور پھر اس کے بعد میں نے انقرہ کا دورہ کیا،پاکستان اور ترکیہ کا اس بات پر مکمل اتفاق ہے کہ ہم ہر دکھ سکھ میں ایک دوسرے کا ساتھ دیں گے۔وزیراعظم نے کہا کہ جنگ ہو،تباہ کن زلزلہ ہو یا سیلاب ترکیہ پاکستان کی مدد میں ہمیشہ پیش پیش رہا ہے،2005ء کے زلزلے اور 2010 کے سیلاب میں صدر طیب اردوان نے پاکستان کو پیشکش کی کہ جو کچھ بھی آپ کو چاہیئے ہم دینے کے لیے تیار ہیں ۔وزیراعظم نے کہا کہ 2010ء کے تباہ کن سیلاب کے دوران اظہار یکجہتی کے لئے ترک صدر رجب طیب اردوان پاکستان آئے، ترکیہ نے پاکستان کے سیلاب متاثرین کے لیے دل کھول کر امداددی ،پنجاب اور سندھ میں سیلاب متاثرہ علاقوں میں ہسپتال، تعلیمی ادارے اور گھر تعمیر کرائے، ترکیہ نے ہمیشہ فلسطین اور کشمیر کے حوالے سے پاکستانی موقف کی حمایت کی ہے، پاکستان بھی قبرص کے معاملے پر ترکیہ کے موقف کی حمایت کرتا ہے، ہم ہمیشہ کے لیے بھائی اور دوست ہیں ۔ انہوں نے کہا کہ عرفان نزیر اوگلو نہ صرف ترکیہ بلکہ پاکستان کے بھی سفیر ہیں۔قبل ازیں پاکستان میں ترکیہ کے سفیر عرفان نزیر اوگلو نے ترک صدر رجب طیب اردوان کا پیغام پڑھ کر سنایا۔وزیراعظم محمد شہباز شریف نے ترکیہ کے یوم جمہوریہ کی مناسبت سے کیک بھ کاٹا۔
وزیراعظم محمد شہباز شریف کی ضلع کرم میں فتنتہ الخوارج کے دہشت گردوں کے خلاف کامیاب کاروائی پر سیکیورٹی فورسز کو خراج تحسین_* وزیراعظم کی آپریشن میں فتنتہ الخوارج کے 7 دہشت گردوں کو ہلاک کرنے پر سیکیورٹی فورسز کی پزیرائی وزیراعظم کی آپریشن کے دوران دہشت گردوں کا بہادری سے مقابلہ کرتے ہوئے جام شہادت نوش کرنے والے پاک فوج کے کیپٹن ڈاکٹر نعمان سیلم ، حوالدار امجد علی، نائیک وقاص احمد، سپاہی اعجاز علی ، سپاہی محمد ولید اور سپاہی محمد شہباز کو خراج عقیدت وزیراعظم کی شہداء کی بلندیء درجات کی دعاء اور ان کے اہل خانہ سے اظہار تعزیت پوری قوم سیکیورٹی فورسز اور شہداء کو سلام پیش کرتی ہے: وزیراعظم ملک سے دہشت گردی کے مکمل خاتمے کے لئے پر عزم ہیں: وزیراعظم __
