All posts by admin

چیف جسٹس آف پاکستان جسٹس قاضی فائز عیسیٰ نے کہا ہے کہ فارم 45یافارم47کی حیثیت ختم ہوجاتی ہے جب ڈبے کھل جاتے ہیں۔ الیکشن کے معاملہ میں تمام ووٹ ڈبے میں ہیں یہ بنیادی شواہد ہیں، فارم 45اورفارم47ثانوی شواہد ہیں۔ کسی کوشک وشبہ ہے کہ صحیح گنتی نہیں کی ، ایک ہی حل ہے ڈبہ کھول کردوبارہ گنو

چیف جسٹس آف پاکستان جسٹس قاضی فائز عیسیٰ نے کہا ہے کہ فارم 45یافارم47کی حیثیت ختم ہوجاتی ہے جب ڈبے کھل جاتے ہیں۔ الیکشن کے معاملہ میں تمام ووٹ ڈبے میں ہیں یہ بنیادی شواہد ہیں، فارم 45اورفارم47ثانوی شواہد ہیں۔ کسی کوشک وشبہ ہے کہ صحیح گنتی نہیں کی ، ایک ہی حل ہے ڈبہ کھول کردوبارہ گنو۔ جھوٹا سچاکون ہے یہ اللہ تعالیٰ ہی جانتا ہے ہم حقائق پرچلیں گے، مجھے نہیں پتہ جھوٹا کون ہے ، سچا کون ہے، یہ کوئی میاں بیوی کا مقدمہ تونہیںچل رہا ہے کہ سچاکون ہے جھوٹاکون ہے۔ انصاف کے لئے اوپرجائیں ، ہم قانون کے مطابق فیصلہ کرتے ہیں۔ کوئی ریٹرننگ افسر مخالف امیدوارکارشتہ دار تھا، کوئی قانونی دلائل دیں،الیکشن کمیشن اورالیکشن ٹریبونل سے ہارے ہیں آپ سے اُن کوکوئی دشمنی ہے۔ ڈبے میں جوووٹ پڑے ہیں وہ تودشمن نہیں یاتوکہتے کہ سیل ڈوٹی ہوئی تھی، ریٹرننگ افسر اپنی عقل استعمال نہیں کررہا بلکہ حقائق کی بنیاد پر دوبارہ گنتی کرکے فیصلہ کررہا ہے، ہرچیز کو بلاوجہ متنازع نہ بنائیں جبکہ عدالت نے پی بی14 نصیرآباد، بلوچستان میں دوبارہ گنتی اور ریٹرننگ افسران کی جانبداری کے الزامات کے حوالہ سے پاکستان پیپلز پارٹی کے امیدوار غلام رسول عمرانی کی درخواست مسترد کرتے ہوئے پاکستان مسلم لیگ (ن) کے امیدوار محمد خان لہڑی کی کامیابی کے فیصلہ کو برقرار رکھا۔چیف جسٹس قاضی فائز عیسیٰ کی سربراہی میں جسٹس نعیم اخترافغان اورجسٹس شاہد بلال حسن پر مشتمل 3رکنی بینچ نے بلوچستان اسمبلی حلقہ پی بی 14نصیرآباد پر الیکشن ٹریبونل کے فیصلے کے خلاف پاکستان پیپلز پارٹی کے امیدوار غلام رسول عمرانی کی کی جانب سے پاکستان مسلم لیگ (ن)کے امیدوار محمد خان لہڑی ،الیکشن کمیشن آف پاکستان اوردیگر کے خلاف دائر درخواست پر سماعت کی۔ درخواست گزار کی جانب سے سعید خورشید احمد جبکہ مدعا علیہ کی جانب سے محمد اکرم شاہ بطور وکیل پیش ہوئے جبکہ ڈی جی لاء الیکشن کمیشن محمد ارشد اور لیگل کنسلٹنٹ فلک شیر بھی دوران سماعت عدالت میں پیش ہوئے۔ درخواست گزار کے وکیل کاکہناتھا کہ یہ پی بی 14نصیر آباد کے الیکشن کامعاملہ ہے، 8فروری کے انتخا بات میں میرے مئوکل نے 19039ووٹ حاصل کئے جبکہ (ن)لیگ کے جیتنے والے امیدوار نے 21103ووٹ حاصل کئے۔ وکیل کاکہنا تھا کہ96 پولنگ سٹیشنز میں سے 7 پولنگ سٹیشنز پر دوبارہ گنتی کی درخواست دائر کی۔چیف جسٹس نے وکیل سے مکالمہ کرتے ہوئے کہا کہ آپ کو کیسے پتہ چلا کہ غلط رزلٹ تیار کیاگیا۔اس پر وکیل نے کہا کہ فارم 45 کے مطابق یہ رزلٹ نہیں تھے افسران جانبدار تھے۔چیف جسٹس نے کہا کہ درخواست میں الزام کیا ہے بتائیں، فارم 45یافارم47کی حیثیت ختم ہوجاتی ہے جب ڈبے کھل جاتے ہیں۔ چیف جسٹس نے کہا کہ الیکشن کمیشن آف پاکستان نے دوبارہ ڈبے کھولے کہ نہیں، غیر ضروری باتیں نہ کریں۔ چیف جسٹس نے کہا کہ دوبارہ گنتی کی درخواست کرسکتے ہیں یہ نہیں کہہ سکتے کہ میں نے 5ہزارووٹ لئے۔ جسٹس نعیم اخترافغان نے کہا کہ کاربن کاپی کیسے ثابت کی کہ یہی اصل فارم 45ہے، پریذائیڈنگ افسران نے اصل ریکارڈ پیش کیا، آپ کاپیوں پر کیس چلا رہے ہیں، آپ کے گواہان نے پریذائیڈنگ افسران کا نام تک غلط بتایا،آپ کے گواہ تو خود کو پولنگ ایجنٹس بھی ثابت نہیں کرسکے۔چیف جسٹس نے کہا کہ الیکشن کے معاملہ میں بنیادی شہادت کیا ہوتی ہے، نکاح نامہ، فروخت کامعاہدہ کیا بنیادی شواہد ہوتے ہیں۔ چیف جسٹس نے کہا کہ الیکشن کے معاملہ میں تمام ووٹ ڈبے میں ہیں یہ بنیادی شواہد ہیں، فارم 45اورفارم47ثانوی شواہد ہیں۔ جسٹس نعیم اخترافغان نے کہا کہ دوبارہ گنتی توہوئی ہے۔ چیف جسٹس کاوکیل سے مکالمہ کرتے ہوئے کہنا تھا کہ تقریروں والی بات نہ کریں، اصل نقطہ کی طرف آئیں۔ چیف جسٹس نے کہا کہ 7پولنگ سٹیشنز والی بات ہم نے سن لی، فارم 45اورفارم47کون بھرتا ہے۔ اس پر وکیل نے کہا کہ یہ پریذائیڈنگ افسربھرتا ہے۔چیف جسٹس نے کہا کہ پھر یہ سسٹم ختم کردیں، کسی کوشک وشبہ ہے کہ صحیح گنتی نہیں کی ، ایک ہی حل ہے ڈبہ کھول کردوبارہ گنو۔چیف جسٹس نے کہا کہ انتخابات میں سب سے اہم شواہدڈبے میں موجود ووٹ ہوتے ہیں، فارم 45 تو پریذائیڈنگ افسر بھرتا ہے ،یا تو دوبارہ گنتی پر اعتراض کریں کہ ڈبے کھلے ہوئے تھے۔جسٹس شاہد بلال حسن نے کہا کہ ریکارڈ کے مطابق آپ کے الزامات ثابت نہیں ہوتے،یہ ثابت نہیں کرسکے کہ آپ کے پولنگ ایجنٹس 7پولنگ سٹیشنز پر مووجود تھے،دوبارہ گنتی ہوئی ہے۔وکیل نے کہا کہ جج صاحب نے بغیر شواہد کے مجھے فیصلے میں جھوٹا کہہ دیا۔اس پر چیف جسٹس نے کہا کہ جھوٹا سچاکون ہے یہ اللہ تعالیٰ ہی جانتا ہے ہم حقائق پرچلیں گے، مجھے نہیں پتہ جھوٹا کون ہے ، سچا کون ہے، یہ کوئی میاں بیوی کا مقدمہ تونہیںچل رہا ہے کہ سچاکون ہے جھوٹاکون ہے۔چیف جسٹس کاکہنا تھا کہ انصاف کے لئے اوپرجائیں ، ہم قانون کے مطابق فیصلہ کرتے ہیں، دوبارہ گنتی ہوئی کہ نہیںہمارے سوال کاجواب نہیں دے رہے۔ اس پر وکیل نے کہا کہ دوبارہ گنتی 3مارچ 2024کو ہوئی،دوبارہ گنتی ریٹرننگ افسر کے سامنے ہوئی۔ وکیل کاکہنا تھا کہ دوبارہ گنتی میں میرے ووٹ وہی رہے اورمخالف جیتے تاہم ان کے ووٹ کچھ کم ہوگئے۔چیف جسٹس کاکہنا تھا کہ کوئی ریٹرننگ افسر مخالف امیدوارکارشتہ دار تھا، کوئی قانونی دلائل دیں، الیکشن کمیشن اورالیکشن ٹربیونل سے ہارے ہیں آپ سے اُن کوکوئی دشمنی ہے۔ جسٹس نعیم اخترافغان کاکہنا تھا کہ محمد خان لہڑی (ن)لیگ کے امیدوار ہیں ان کے 20ہزارسے زائد ووٹ ہیں اور آپ کے 19ہزار سے زائد ووٹ ہیں اورآپ پی پی کے امیدوار ہیں۔ جسٹس نعیم اخترافغان کاکہنا تھا کہ جس پریذائیڈنگ افسر نے کاربن کاپی دی اُس کانام ہی غلط بتارہے ہیں۔ چیف جسٹس کاکہنا تھا کہ ہم کیسے کہیں کہ 2فیصلے غلط ہیں کوئی وجہ توبتائیں۔ چیف جسٹس کاوکیل سے مکالمہ کرتے ہوئے کہناتھا کہ آپ نے دوبارہ گنتی کی درخواست دی، کیا ڈبے دوبارہ بھر دیئے، ٹیمپرنگ کی، آپ کی درخواست پر دوبارہ گنتی کی ، کیسے حقائق کے خلاف جائیں گے، یاکہیں ڈبے کھلے ہوئے تھے پرائمری شواہد ڈبہ ہے ، ووبارہ گنتی میں دونوں کے ووٹ کم ہوئے ۔چیف جسٹس کاکہنا تھا کہ آپ اپنے اقدام کو کیسے مستردکریں گے، آپ کے کہنے پر دوبارہ گنتی کروائی۔ چیف جسٹس کاکہنا تھاکہ ڈبے میں جوووٹ پڑے ہیں وہ تودشمن نہیں یاتوکہتے کہ سیل ڈوٹی ہوئی تھی، ریٹرننگ افسر اپنی عقل استعمال نہیں کررہا بلکہ حقائق کی بنیاد پر دوبارہ گنتی کرکے فیصلہ کررہا ہے، ہرچیز کو بلاوجہ متنازعہ نہ بنائیں۔ چیف جسٹس کاکہنا تھا کہ پراسیس ختم ہوگیا، فارم 45غلط تھا یہ ثابت ہو گیا کہ دونوں کے ووٹ کم ہو گئے، اصلی بات ڈبے والی بات ہے ، یاتوکہیں کہ رات کوڈبے بھردیئے، سیل ٹوٹی ہوئی تھی۔چیف جسٹس کاوکیل سے مکالمہ کرتے ہوئے کہنا تھا کہ آپ کوہمیں جواب دینے کی ضرورت نہیں، ہمیں قائل کریں کہ فیصلہ غلط ہے۔ چیف جسٹس کاکہنا تھا کہ کتنا وقت دیں ایک گھنٹہ ہو گیا ہے آپ کوسنتے ہوئے، آپ نے ہمیں فیصلہ کرنے کی اجازت دی شکریہ۔ چیف جسٹس کاکہنا تھا کہ آپ الزام لگارہے ہیں آپ اُس پولنگ ایجنٹ کو بلاتے، آپ نے نہیں بلایاتاہم ٹریبونل نے تسلی کے انہیں بلایا اورجرح بھی کی۔ وکیل کاکہنا تھا کہ ریٹرننگ افسر نے فراڈ کرنے کے لئے میرے سرکے اوپر سات پریذائیڈنگ افسران کو مسلط کردیا۔اس پر چیف جسٹس کاوکیل سے مکالمہ کرتے ہوئے کہناتھا کہ آپ وکیل بنیں گے گواہ نہ بنیں، کیاآپ کے مئوکل کمرہ عدالت میں موجود ہیں۔اس پر وکیل کاکہنا تھاکہ موجود ہیں۔ چیف جسٹس نے کہا وہ کدھر ہیں تووکیل نے اشارہ کیااور غلام رسول عمرانی کھڑے ہوئے۔ چیف جسٹس کاکہنا تھا کہ ہم آپ کے مئوکل کے سامنے کہہ دیتے ہیں وکیل نے بہت اچھے دلائل دیئے ہیں۔ چیف جسٹس کاحکم لکھواتے ہوئے کہنا تھا کہ درخواست گزارنے الیکشن ٹریبونل کے فیصلہ کے خلاف سپریم کورٹ سے رجوع کیا۔ حلقہ میں کل 26امیدواروں نے انتخابات میں حصہ لیا۔ کل 42132درست ووٹ ڈالے گئے، جن میں سے درخواست گزارنے 19039اورجیتنے والے امیدوار نے 21103ووٹ حاصل کئے۔ درخواست گزارنے الیکشن کمیشن کودوبارہ گنتی کی درخواست دی،دوبارہ گنتی کی درخواست منظورہوئی اور تمام فریقین کی موجودگی میں 3مارچ2024کو دوبارہ گنتی ہوئی۔ درخواست گزار نے 18787ووٹ حاصل کئے جبکہ جیتنے والے امیدوار نے20706ووٹ حاصل کیئے۔ دوبارہ گنتی میں دونوں امیدواروں کے ووٹ کم ہوگئے تاہم نتیجہ برقراررہا۔ الیکشن ٹریبونل نے جامع فیصلہ تحریرکیا۔ ٹریبونل نے شواہد کاآزادانہ طو ر پرجائزہ لیا اوراس نتیجہ پر پہنچے کہ درخواست گزار کے الزامات غلط ہیں اور صاف اورشفاف انتخابات ہوئے ہیں۔ عدالت نے درخواست ناقابل سماعت قراردیتے ہوئے خارج کردی۔

منصور شاہ 25 اکتوبر کو چیف جسٹس ھونگے وزیر قانون۔ پیپلز پارٹی اور تحریک انصاف میں نکاح۔حکومت کے لئے مشکلات مے اضافہ۔وزیر قانون تارڈ نے ائینی ترمیم کو پاس کروانے میں بونگی ماری۔اھم ادارے کے 3 بڑے لوگ خطرے میں۔وزیر اعطم نے کچن کابینہ کا اجلاس طلب۔‼️ایمنسٹی انٹرنیشنل نے عمران خان کی رہائی کا مطالبہ کر دیا۔عمران خان کو جیل میں فری ٹرائل نہیں مل رہا وہ سیاسی قیدی ہیں اُن کو قانونی ہتھیاروں کی مدد سے پابند سلاسل کیا ہوا ہے ایمنٹسی انٹرنیشنل کا دعویٰ۔ ھم اس حد تک گر چکے ہیں کہ ایک ملک کی سفیر وزیر اعظم سے ملاقات کر رھی اور اسکو پروٹوکول اس ملک کے وزیر اعظم کا دیا جارہا ہے۔ ۔دو ٹوک موقف کے بعد اب سپریم کورٹ کی پریس ریلیز کا انتظار ایکسٹینشن لینے سے پہلے ہی انکار کر دیا۔ تفصیلات کے لیے بادبان نیوز پر کلک کریں

پاکستان پیپلزپارٹی (پی پی پی) کے چیئرمین بلاول بھٹو نے کہا ہے کہ اراکین پارلیمان کو پہلے کی طرح نہ صرف پارٹی پالیسی کے خلاف اپنی مرضی کے مطابق ووٹ دینے کا حق ہونا چاہیے بلکہ ان قانون سازوں کا ووٹ شمار بھی ہونا چاہیے

پاکستان پیپلزپارٹی (پی پی پی) کے چیئرمین بلاول بھٹو نے کہا ہے کہ اراکین پارلیمان کو پہلے کی طرح نہ صرف پارٹی پالیسی کے خلاف اپنی مرضی کے مطابق ووٹ دینے کا حق ہونا چاہیے بلکہ ان قانون سازوں کا ووٹ شمار بھی ہونا چاہیے۔بلاول بھٹو زرداری کی سربراہی میں پیپلزلائرز فورم کے صوبائی صدور کا اجلاس ہوا، پیپلز لائرز فورم کے مرکزی صدر نیر بخاری، رکن قومی اسمبلی نوید قمر اور سیاسی مشیر جمیل سومرو بھی اجلاس میں موجود تھے۔چیئرمین پیپلز پارٹ نے پیپلز لائرز فورم کے صوبائی صدور کو مجوزہ آئینی ترمیم پر اب تک ہونے والی پیش رفت سے آگاہ کیا، بلاول بھٹو زرداری اور پیپلزلائرز فورم کے صوبائی صدور کے درمیان مجوزہ آئینی ترمیم سے متعلق تبادلہ خیال بھی ہوا۔بلاول بھٹو اور پیپلزلائرز فورم کے صوبائی صدور کے درمیان مجوزہ آئینی عدالتوں کے قیام کے حوالے سے بھی بات چیت ہوئی، اس موقع پر پی ایل ایف وسطی پنجاب کے صدر راحیل چیمہ، جنوبی پنجاب کے صدر شیخ غیاث، خیبرپختونخوا کے صدر گوہر رحمٰن ، بلوچستان کے بہرام خان اور سندھ کے صدر قاضی بشیر بھی موجود تھے۔بلاول بھٹو نے کہا کہ آئینی ترامیم کا زیرگردش مبینہ مسودہ اصل نہیں ہے، حکومت ججوں کی عمر سے متعلق تبدیلیاں چاہتی تھی، حکومت نے چیف جسٹس کی زیادہ سے زیادہ عمر 3 سال کے ساتھ 67 سال کرنے کی تجویز دی تھی۔انہوں نے کہا کہ حکومت واقعی فوجی عدالتوں کے حوالے سے قانون سازی ضروری سمجھتی ہے تو ہمارا مطالبہ ہے کہ قومی اسمبلی اور سینیٹ کا مشترکہ قومی سلامتی اجلاس بلایا جائے، آئینی ترامیم کا زیرگردش مبینہ مسودہ اصل نہیں ہے، پاکستان پیپلزپارٹی میثاق جمہوریت اور اپنے منشور کے تحت مجوزہ ترمیم میں آئینی عدالتوں کے قیام کے حق میں ہے۔بلاول بھٹو نے کہا کہ پی پی پی نے مجوزہ آئینی ترمیم میں ججوں کی عمر کے معاملے پر کوئی بات نہیں کی جب کہ حکومت ججوں کی عمر سے متعلق تبدیلیاں چاہتی تھی، پاکستان پیپلز پارٹی نے ججوں کی ملازمت کی ابتدا کی عمر کی حد کم کرنے کی حمایت کی جس پر حکومت نے اتفاق کیا اور اسے مسودے میں شامل کیا۔ان کا کہنا تھا کہ حکومت نے چیف جسٹس کی زیادہ سے زیادہ عمر 3 سال کے ساتھ 67 سال کرنے کی تجویز دی تھی، جمعیت علمائے اسلام (ف) نے ججوں کی موجودہ عمر کی حد 65 سال برقرار رکھنے کی تجویز دی، ججوں کی عمر کے معاملے سے آئینی ترمیم میں چھیڑچھاڑ سے لگے گا کہ ہم کسی خاص فرد کو عہدے سے باہر یا اندر رکھنا چاہتے ہیں جو نامناسب ہوگا۔انہوں نے کہا کہ میں سمجھتا ہوں کہ جسٹس منصور علی شاہ اگلے چیف جسٹس ہوں گے، چیف جسٹس قاضی فائز عیسی اور جسٹس منصور علی شاہ اس بینچ کا حصہ تھے جس نے شہید ذوالفقار علی بھٹو قتل کیس کا تاریخی فیصلہ سنایا، چیف جسٹس قاضی فائز عیسی اور جسٹس منصور علی شاہ کے لئے میرے دل میں بہت عزت ہے۔بلاول بھٹو نے کہا کہ پاکستان پیپلز پارٹی فوجی عدالتوں کے حوالے سے اصولی موقف رکھتی ہے اور ان کی حمایت نہیں کرتی، اگر حکومت واقعی فوجی عدالتوں کے حوالے سے قانون سازی ضروری سمجھتی ہے تو ہمارا مطالبہ ہے کہ قومی اسمبلی اور سینیٹ کا مشترکہ قومی سلامتی اجلاس بلایا جائے۔چیئرمین پیپلز پارٹی نے کہا کہ آرٹیکل 63اے کے فیصلے نے ارکان پارلیمنٹ کو اپنی مرضی کے مطابق ووٹ دینے کے حق سے محروم کر دیا ہے، اراکین پارلیمان اگر پارٹی پالیسی کے خلاف اپنا ووٹ دیں گے تو وہ نہ صرف اپنی رکنیت کھو دیں گے بلکہ ان کا ووٹ بھی نہیں گنا جائے گا۔بلاول بھٹو نے کہا کہ پاکستان پیپلزپارٹی سمجھتی ہے کہ اراکین پارلیمان کو پہلے کی طرح نہ صرف مرضی کے مطابق ووٹ دینے کا حق ہونا چاہئیے بلکہ ان کا ووٹ شمار بھی ہونا چاہئیے، آئینی ترامیم کا زیرگردش مبینہ مسودہ اصل نہیں ہے۔واضح رہے کہ گزشتہ برس سپریم کورٹ نے آرٹیکل 63 اے کی تشریح سے متعلق صدارتی ریفرنس پر فیصلے میں کہا تھا کہ منحرف رکن اسمبلی کا پارٹی پالیسی کے برخلاف دیا گیا ووٹ شمار نہیں ہوگا جبکہ تاحیات نااہلی یا نااہلی کی مدت کا تعین پارلیمان کرے۔

لبنان کے دارالحکومت بیروت میں پیجر دھماکوں کے اگلے ہی روز حزب اللہ کو ایک اور بڑا دھچکا لگا ہے جہاں حزب اللہ کے شہید ارکان کے جنازے میں شریک افراد کے ساتھ ساتھ دیگر افراد کے واکی ٹاکیز میں دھماکے ہوئے جس سے کم از کم 9 افراد شہید اور 300 سے زائد زخمی ہو گئے

لبنان کے دارالحکومت بیروت میں پیجر دھماکوں کے اگلے ہی روز حزب اللہ کو ایک اور بڑا دھچکا لگا ہے جہاں حزب اللہ کے شہید ارکان کے جنازے میں شریک افراد کے ساتھ ساتھ دیگر افراد کے واکی ٹاکیز میں دھماکے ہوئے جس سے کم از کم 9 افراد شہید اور 300 سے زائد زخمی ہو گئے۔خبر رساں ایجنسیوں اے ایف پی اور رائٹرز کے مطابق حزب اللہ کے ایک قریبی ذرائع نے بتایا کہ بیروت کے جنوب میں واقع نواحی علاقوں میں واکی ٹاکی دھماکے ہوئے اور ان میں سے دو دھماکے دو مختلف گاڑیوں میں ہوئے۔انہوں نے کہا کہ اس کے علاوہ حزب اللہ کا مضبوط گڑھ سمجھنے جانے والے بیروت کے مشرقی اور جنوبی علاقوں میں آج بھی پیجر اور ڈیوائسز کے دھماکے ہوئے۔لبنان کی وزارت صحت نے دھماکوں میں 9 افراد کی شہادت اور 300 سے زائد افراد کے زخمی ہونے کی تصدیق کی ہے۔رائٹرز کے مطابق سیکیورٹی ذرائع نے بتایا کہ کم از کم ایک دھماکا گزشتہ روز پیجر دھماکوں میں شہید ہونے والوں کی نماز جنازہ کے دوران ہوا۔سرکاری نیوز ایجنسی کے مطابق سوہمور کے علاقے میں ڈیوائسز کے پھٹنے سے تین افراد شہید ہو گئے جبکہ بلبیک کے ہسپتال میں موجود ذرائع نے بتایا کہ اب تک واکی ٹاکی دھماکے میں زخمی کم از کم 15 افراد کو ہسپتال منتقل کیا گیا ہے۔سیکیورٹی ذرائع نے بتایا کہ یہ واکی ٹاکی بھی پانچ ماہ قبل اسی وقت خریدے گئے تھے جب پیجر کی خریداری کی گئی تھی۔دوسری جانب حزب اللہ نے پیجر دھماکوں کا بدلہ لینے کے لیے آج اسرائیلی فوج کی توپوں کے ٹھکانوں کو میزائل سے نشانہ بنانے کا دعویٰ کیا ہے تاہم اس حوالے سے اب تک اسرائیل کی جانب سے کوئی بیان سامنے نہیں آیا۔واضح رہے کہ گزشتہ روز لبنان میں چھوٹی مواصلاتی ڈیوائسز پیجر پھٹنے سے کم از کم 12 افراد شہید ہوگئے تھے جبکہ ایرانی سفیر، حزب اللہ کے متعدد اراکین سمیت ڈھائی ہزار سے زائد افراد زخمی بھی ہوئے تھے۔لبنان کے وزیر صحت فراس ابیاد نے نیوز کانفرنس کے دوران تازہ ترین صورتحال سے آگاہ کرتے ہوئے بتایا تھا کہ پورے ملک میں پیجرز پھٹنے کے واقعات رونما ہوئے جس میں 2 ہزار 750 زخمی بھی ہوئے۔حزب اللہ نے پیجر دھماکوں کا الزام اسرائیل پر عائد کرتے ہوئے کہا تھا کہ سائبر حملے کرنے پر صہیونی ریاست کو سزا دی جائے گی جہاں رپورٹس کے مطابق جدید ماڈل کے پیجرز حالیہ مہینوں میں ہی خریدے گئے تھے۔

نائب وزیر اعظم و وزیر خارجہ اسحٰق ڈار نے کہا ہے کہ روس کے ساتھ تعلقات کا فروغ خارجہ پالیسی کا اہم جزو ہے اور پاک ۔ روس اعلیٰ سطح کے رابطوں سے تعلقات کو مزید وسعت ملے گی

نائب وزیر اعظم و وزیر خارجہ اسحٰق ڈار نے کہا ہے کہ روس کے ساتھ تعلقات کا فروغ خارجہ پالیسی کا اہم جزو ہے اور پاک ۔ روس اعلیٰ سطح کے رابطوں سے تعلقات کو مزید وسعت ملے گی۔دفتر خارجہ میں روسی نائب وزیر اعظم کے ہمراہ پریس کانفرنس کرتے ہوئے اسحٰق ڈار نے کہا کہ روسی وفد کو پاکستان میں خوش آمدید کہتے ہیں، روس کے ساتھ تعلقات کا فروغ خارجہ پالیسی کا اہم جزو ہے، باہمی احترام اور مفاد پرمبنی دوطرفہ تعلقات مثبت راہ پر گامزن ہوئے ہیں جبکہ پاک ۔ روس اعلیٰ سطح کے رابطوں سے تعلقات کو مزید وسعت ملے گی۔انہوں نے کہا کہ پاک ۔ روس تجارتی اور معاشی تعلقات میں اضافہ خوش آئند ہے، روس کے ساتھ عوامی، ثقافتی اور دیگر شعبوں میں تعاون بڑھانے کے لیے پرعزم ہیں، شنگھائی تعاون تنظیم (ایس سی او) میں پاکستان کی حمایت پر روس کے مشکور ہیں اور ایس سی او سربراہ اجلاس میں روسی وزیر اعظم کی شرکت کے منتظر ہیں۔ان کا کہنا تھا کہ پاک ۔ روس بین الوزارتی کمیشن کے آئندہ اجلاس کے لیے تیاریاں جاری ہیں۔مشترکہ پریس کانفرنس میں روسی نائب وزیر اعظم الیکسی اوورچک نے کہا کہ پاک ۔ روس سفارتی تعلقات کو 75 سال ہوگئے ہیں، اسحٰق ڈار سے دوطرفہ تعلقات کے مختلف پہلوؤں پر گفتگو ہوئی، جبکہ اکنامک یونین میں پاکستان کی شمولیت پر تبادلہ خیال ہوا۔انہوں نے کہا کہ آئندہ ماہ روسی وزیراعظم کا دورہ پاکستان اہمیت کا حامل ہے۔

الیکشن کمیشن آف پاکستان نے سپریم کورٹ کی وضاحت پر لیگل ایکسپرٹ سے مشاورت لینے کا فیصلہ کرلیا۔ چیف الیکشن کمشنر سکندر سلطان راجہ کی زیر صدارت مخصوص نشستوں پر الیکشن کمیشن کی مانگی گئی وضاحت پر سپریم کورٹ آرڈر سے متعلق اجلاس ہوا۔

الیکشن کمیشن آف پاکستان نے سپریم کورٹ کی وضاحت پر لیگل ایکسپرٹ سے مشاورت لینے کا فیصلہ کرلیا۔ چیف الیکشن کمشنر سکندر سلطان راجہ کی زیر صدارت مخصوص نشستوں پر الیکشن کمیشن کی مانگی گئی وضاحت پر سپریم کورٹ آرڈر سے متعلق اجلاس ہوا۔ اجلاس میں ممبران، سیکریٹری الیکشن کمیشن، اسپیشل سیکریٹری الیکشن کمیشن لاء اور لیگل ٹیم شریک ہوئے۔ ذرائع کا کہنا ہے کہ اجلاس میں سپریم کورٹ کے مخصوص نشستوں سے متعلق شارٹ آرڈر پر غور کیا گیا جبکہ الیکشن کمیشن کی مانگی گئی وضاحت کے جواب میں سپریم کورٹ کے 14 ستمبر کا آرڈر پر زیر غور آیا۔ اجلاس میں مخصوص نشستوں سے متعلق پارلیمنٹ میں کی گئی قانون سازی پر بھی غور ہوا۔ ذرائع نے بتایا کہ اجلاس میں قانونی نکات اور مضمرات کا بھی جائزہ لیا گیا جبکہ کمیشن نے لیگل ایکسپرٹ سے مشاورت کا فیصلہ کیا ہے۔ ذرائع کا کہنا تھا کہ اس سلسلے میں الیکشن کمیشن کا اجلاس کل دوبارہ ہوگا۔

ٹوبہ ٹیک سنگھ وریام والا انٹرچینج پر حادثہ 6 افراد موقع پر جانبحق

ٹوبہ ٹیک سنگھ میں وریام والا انٹرچینج کے قریب ٹریفک حادثے میں دو خواتین سمیت 6 افراد جاں بحق ہوگئے۔ حادثہ دو موٹر سائیکلوں میں تصادم کے باعث پیش آیا۔جاں بحق افراد کی شناخت ساجدہ بی بی، بابر، محسن، انور، حلیمہ بی بی اور افتخار کے ناموں سے ہوئی۔پولیس نے موقع پر پہنچ کر موٹر سائیکلوں کو تحویل میں لے لیا۔

مسلم لیگ نواز کی مشاورتی ٹیم کی ناکامی ھے

مسلم لیگ ن کے رہنما رانا ثنا اللہ نے مولانا فضل الرحمان کو منانے میں ناکامی کی ذمہ داری حکومت کی مشاورتی ٹیم پر ڈال دی۔ انہوں نے کہا کہ جب مسلم لیگ ن کی لیڈر شپ کی مولانا فضل الرحمان سے ملاقات طے ہوئی تو وہ سمجھے کہ مشاورتی ٹیم نے معاملات طے کردیے ہیں لیکن اتوار کو مولانا فضل الرحمان نے الگ مو¿قف اپنالیا، حکومتی ٹیم کی طرف سے کمی رہ گئی ہوگی۔رانا ثنا اللہ نے کہا کہ وہ آخری وقت تک کہتے رہے کہ نمبرز پورے نہیں ہیں۔ن لیگی رہنما کا کہنا تھا کہ مشاورت کا عمل اگلے ہفتے دس دنوں تک مکمل ہوجائے گا۔خیال رہے کہ دو افراد محسن نقوی اور اعظم نذیر تارڑ کو آئینی ترمیم کے معاملے پر مولانا سے مذاکرات اور انہیں آن بورڈ لینے کی ذمہ داری سونپی گئی تھی لیکن سیاسی جوڑ توڑ میں ان دونوں کی ناتجربہ کاری کے باعث اسے خفیہ نہیں رکھا جا سکا اور معاملہ قبل از وقت منظر عام پر آگیا۔اس پورے معاملے میں اسحاق ڈار بعد میں شامل ہوئے اور وزیراعظم بھی مولانا کی رہائش گاہ جا پہنچے، ایوانِ صدر نے بھی کوشش کی جبکہ بلاول بھی جے یو آئی ف کے سربراہ سے ملنے کیلئے گئے لیکن حکومت کیلئے کوئی

وفاقی وزیر اطلاعات عطاءاللہ تارڑ کی اہم گفتگوآئینی ترامیم کے حوالے سے وسیع تر مشاورت کا سلسلہ جاری ہے، وزیر اطلاعاتتمام سیاسی جماعتوں نے نہ صرف اس پر گفت و شنید کی بلکہ کوشش کی کہ اس پر اتفاق رائے پیدا ہو

وفاقی وزیر اطلاعات عطاءاللہ تارڑ کی اہم گفتگوآئینی ترامیم کے حوالے سے وسیع تر مشاورت کا سلسلہ جاری ہے، وزیر اطلاعاتتمام سیاسی جماعتوں نے نہ صرف اس پر گفت و شنید کی بلکہ کوشش کی کہ اس پر اتفاق رائے پیدا ہو، وزیر اطلاعاتپارلیمان میں تمام جماعتوں آئینی ترامیم پر سیر حاصل گفتگو کی، وزیر اطلاعاتوزیر قانون کا آئینی ترامیم کے مسودہ کے حوالے سے کردار لائق تحسین ہے، وزیر اطلاعاتدنیا کے مختلف ممالک میں سپریم کورٹ الگ اور آئینی عدالتیں الگ ہوتی ہیں، وزیر اطلاعاتآئینی معاملات آئینی عدالتوں میں جاتے ہیں تاکہ عام شہریوں کو انصاف کی راہ میں رکاوٹ نہ آئے اور ان کے کیسز جلد اپنے منطقی انجام تک پہنچ سکیں، وزیر اطلاعاتپاکستان میں 9 مئی کے واقعات کے فیصلے اب تک نہیں ہو سکے، وزیر اطلاعاتامریکہ میں کیپیٹل ہل کے کیسز چند ماہ کے اندر اپنے انجام کو پہنچے، وزیر اطلاعات