*اے این ایف کی اسلام آباد انٹرنیشنل ایئرپورٹ پر بڑی کارروائی* ۔بین الاقوامی منشیات اسمگلنگ کی کوشش ناکام بنا دی، 2 خواتین سمیت 3 ملزمان گرفتار۔عمرہ کیلئے سعودی عرب روانہ ہونے والا مسافر، ماں اور بیوی سمیت گرفتار۔ ملزم کی بیوی اور ساس نے مجموعی طور پر پیٹ میں ہیروئین بھرے 83 کیپسول نگل رکھے تھےملزم کی بیوی سے 12 اور ساس سے 71 ہیروئن بھرے کیپسول برآمد ہوئےدونوں خواتین کے پیٹ سے برآمدہ ہیروئن کی مقدار 549 گرام ہے۔پیٹ میں منشیات بھرے کیپسولز کی تصدیق کے لیے ملزمان کو ہسپتال منتقل کیا گیا۔اے این ایف کی بروقت کارروائی نے بین الاقوامی سطح پر ملک کی بدنامی کی کوشش کو ناکام بنایا ہے ۔منشیات فروشوں اور اسمگلروں کی جانب سے مذہبی سفر کو نشانہ بنانا ایک باعث تشویش امر ہے۔ایسے عناصر کی سرکوبی کیلئے اے این ایف ہمہ وقت سرگرم عمل ہے۔ملزمان سے گروہ کے دیگر افراد کی گرفتاری کے حوالے سے تفتیش جاری ہے۔ملزمان کو اے این ایف پولیس اسٹیشن منتقل کر کے انسداد منشیات ایکٹ کے تحت مقدمات درج کر لئے گئے ہیں۔ *ترجمان اے این ایف*

برطانوی وزیراعظم سر کیئر اسٹارمر کا پاکستان میں حالیہ مون سون و سیلابی صورتحال کے پیش نظر ہونے والے جانی و مالی نقصان پر وزیراعظم محمد شہباز شریف کے نام خط* وزیراعظم پاکستان محمد شہباز شریف اور پاکستانی عوام سے جانی نقصان پر دلی تعزیت کرتا ہوں۔ برطانوی وزیراعظم برطانوی حکومت اور برطانوی عوام کی طرف سے پاکستان میں ہونے والے حالیہ مون سون کے پیش نظر افسوسناک صورتحال اور بڑے پیمانے پر تباہی پر گہرے دکھ کا اظہار کرتا ہوں۔ برطانوی وزیراعظممیری دلی ہمدردیاں تمام متاثرین کے ساتھ ہیں۔ برطانوی وزیراعظم۔ برطانیہ میں مقیم پاکستان سے تعلق رکھنے والے بہت سے خاندانوں کے لیے یہ صورتحال قابل تشویش ہے۔ تمام برطانوی عوام پاکستانی عوام کے ساتھ اس مشکل وقت میں اظہار یکجہتی کرتی ہے۔

برطانوی وزیراعظم اس صورتحال میں ایمرجنسی رسپانس اور رضاکار جو انتہائی نامسائد حالات میں لوگوں کی مدد کر رہے ہیں ان کو خراج تحسین پیش کرتا ہوں۔برطانوی وزیراعظم یہ امر باعث اطمینان ہے کہ اس موقع پر برطانوی حکومت نے پاکستان کی مدد کی ہے اور آئندہ بھی بحالی اور تعمیر نو کے کاموں میں برطانوی حکومت پاکستان کی ہر ممکن مدد کرنے کے لیے تیار ہے۔ برطانوی وزیراعظم

—وزیراعظم۔۔۔کاروباری سہولت مرکزکاروبار سہولت مرکز کے قیام سے سرمایہ کاروں کو ضروری رہنمائی ،معلومات اور سہولیات میسر ہوں گی،وزیر اعظم کی کاروبار سہولت مرکز کے افتتاح کے موقع پر گفتگواسلام آباد۔21اگست :وزیر اعظم محمد شہباز شریف نے کہا ہے کہ کاروبار سہولت مرکز کے قیام سے سرمایہ کاروں کو بلاتاخیر، مستند اور ضروری رہنمائی ،معلومات اور سہولیات میسر ہوں گی۔

وہ جمعرات کو یہاں کاروبار سہولت مرکز کے دورے اور اس کے افتتاح کے موقع پر گفتگو کر رہے تھے۔

وزیر اعظم نے کہا کہ آج اسلام آباد میں پہلے بزنس سہولت مرکز نے کام شروع کردیا ہے ، یہ بہترین معیار کا مرکز ہے جس کے قیام سے سرمایہ کاروں کو بلاتاخیر ضروری اور مستند معلومات اور رہنمائی میسر آئے گی اورانہیں ایک ہی جگہ تمام سہولیات حاصل ہوں گی۔

وزیر اعظم نے سینٹر پر تعینات کیے گئے عملہ کی پیشہ ورانہ صلاحیتوں اور انداز کو سراہتے ہوئے ہدایت کی کہ سرمایہ کاروں کو عالمی معیار کی سہولیات فراہم کی جائیں ،

ان کو احسن انداز میں خدمات کی فراہمی یقینی بنائی جائے۔وزیر اعظم نے اس سینٹر کے قیام کیلئے سرمایہ کاری بورڈ اور متعلقہ وزارتوں کی کاوشوں کو سراہتے ہوئے کہا کہ ملک کے باقی حصوں میں بھی ایسے بزنس سینٹرقائم کیے جائیں گے ۔ سرمایہ کاری بورڈ کے وزیر قیصر احمد شیخ نے وزیراعظم کو بتایا کہ سرمایہ کاری کے فروغ کیلئے یہ بہت بڑا اقدام اور پیش رفت ہے، ایک ہی چھت تلے سرمایہ کاروں کو تمام ضروری معلومات رہنمائی اور سہولیات دستیاب ہوں گی۔ وزیر اعظم نے مرکز کے مختلف ڈیسکس کا معائنہ کیا اور سہولیات کا جائزہ لیا۔وزیر اعظم کو متعلقہ حکام نے مرکز میں فراہم کی گئی سہولیات پر بریفنگ دیتے ہوئے بتایا کہ کسی بھی انٹر پرائز کو یہاں ہر قسم کی رہنمائی فراہم کی جاتی ہے، مختلف پہلوؤں کا جائزہ لینے اور سادہ طریقہ کار کے ذریعے قواعد مکمل کرنے کے بعد تمام کارروائی کم سے کم وقت میں آن لائن نمٹائی جاتی ہے۔

قبل ازیں وزیر اعظم نے تختی کی نقاب کشائی کرکے ون ونڈو بزنس سہولت مرکز کا افتتاح کیا۔

وزیر اعظم کو بورڈ آف انویسٹمنٹ کے سپیشل اکنامک زون ونگ کی طرف سے خصوصی بریفنگ بھی دی گئی۔ اس موقع پر وفاقی وزرا ء،ارکان اسمبلی اور متعلقہ اعلیٰ سرکاری حکام موجود تھے۔

‘ اپیل بخدمت جناب ڈی جی ، آئی ایس پی آر ‘پوری دنیا کو اپنی شجاعت اور عسکری مہارت سے ورطہ حیرت میں ڈالنے والے فاتح آپریشن بنیان المرصوص عزت مآب فیلڈ مارشل حافظ سید عاصم منیر کا من گھڑت انٹرویو بنانے والے درباری ، بازاری اور ننگ صحافت سہیل وڑائچ ، اس قومی جرم میں شریک اشاعتی ادارے اور اس کے پس پردہ ملک دشمن اور فوج دشمن سازشیوں کے خلاف فوری قانونی کارروائی کرکے ان قومی مجرموں کو جلد از جلد کیفر کردار تک پہنچایا جائے ، حضور کی عین نوازش ہوگی۔ ‘ اپیل کنندہ ، امتیاز حسین لکھویرا ‘

چار سال پہلے ٹھیک اس وقت محمود خان اچکزئی عمران خان کے خلاف تحریک چلا رہے تھے۔‏آج وہ بہ ظاہر عمران خان کے ساتھ کھڑے ہیں مگر آج بھی ان کا مطالبہ دستور کی مکمل بحالی اور فوج کی سیاست میں مداخلت کا خاتمہ ہے۔‏سوال یہ ہے کہ جس طرح پی ڈی ایم نے ووٹ کو عزت دو اور دستور کی بالادستی کے نعرے تو لگائے لیکن اقتدار میں آنے کے لیے فوج ہی کے کندھوں کا سہارا لیا، ٹھیک اسی طرح عمران خان بھی فوج کے نیوٹرل ہونے کے بجائے اس کے سیاسی کردار میں نہ صرف اضافے کا باعث بنتے آئے ہیں بلکہ اس وقت بھی وہ خط جرنیلوں ہی کو لکھ رہے ہیں۔ مزید خوف ناک یہ کہ نون لیگ یا پیپلز پارٹی جیسی پارٹیوں کے رہنماؤں کے خلاف بات ہوتی رہی ہے اور ہو سکتی ہے، وہ اب جس طاقت کے ساتھ جا کھڑے ہوئے ہیں، وہ اپنی بنیاد ہی میں یک جمہاعتی آمریت کی خواہاں ہے۔ ‏اس لیے مشروط ساتھ دینے کے بجائے بہتر تھا کہ ایک خاص فاصلہ ضرور رکھتے اور اپنا فوکس فقط جمہوری بالادستی اور دستوری سرفرازی تک محدود رکھتے۔ ‏پی ڈی ایم سے الگ ہونے پر آپ کو گالیاں نہیں پڑی تھیں، مگر ہم دیکھ رہیں کہ آپ کو مستقبل میں عمران خان سے انحراف پر بہت گالیاں پڑنے والی ہیں۔ اب وہ جس پارٹی کے ساتھ کھڑے ہیں، اس میں عمران خان سے اختلاف کا مطلب خود بہ خود غداری اور کرپشن ہے۔‏محمود خان اچکزئی جیسا گھاگ سیاست دان بھی اگر اس کھیل کو نہیں سمجھ سکتا، تو پھر عام افراد کی سمجھ میں کیا خاک آئے گی؟‏عمران خان نے ہائبرڈ رجیم کا جو کھیل رچایا تھا، فوجی اشرافیہ نہ کردار بدلا نہ اسکرپٹ، فقط متبادل اداکار کھڑے کر دیے۔ مائنس عمران خان ہوئے ہیں، اسکرپٹ اور کردار نہیں۔

—وزیراعظم۔۔۔ خطابحالیہ قدرتی آفت میں 700 سے زائد بہن اور بھائی اللہ کو پیارے ہو گئے، مل کر طوفان اور چیلنج کا مقابلہ کر رہے ہیں،وزیراعظم محمد شہباز شریف کا بونیر میں سیلاب متاثرین سے خطابپشاور۔ 20 اگست (اے پی پی):وزیراعظم محمد شہباز شریف نے کہا ہے کہ صوبوں کے ساتھ مل کر طوفان اور چیلنج کا مقابلہ کر رہے ہیں، حالیہ قدرتی آفت میں 700 سے زائد بہن اور بھائی اللہ کو پیارے ہو گئے، آئندہ اس طرح کے واقعات کے سد باب کےلیے خطرناک جگہوں پر تعمیرات کو روکنا ہوگا۔ان خیالات کا اظہار انہوں نے بدھ کو بونیر میں سیلاب متاثرین سے خطاب کرتے ہوئے کیا۔ اس سے قبل وزیراعظم نے متاثرین میں امدادی چیکس تقسيم کئے۔ اس موقع پر وفاقی وزراء، چیئرمین این ڈی ایم اے، کور کمانڈر پشاور اور دیگر حکام بھی موجود تھے۔ وزیراعظم محمد شہباز شریف نے کہا کہ میں اپنی طرف سے ،حکومت پاکستان اور صوبائی حکومت کی طرف سے اظہار افسوس کرنے آیا ہوں،

ہم سب اللہ تعالیٰ سے دست بہ دعا ہیں کہ اللہ تعالیٰ آپ کے پیاروں کو جنت الفردوس میں جگہ دے اور آپ سب کو صبر جمیل عطا فرمائے۔ وزیراعظم نے کہا کہ اچانک بادل پھٹے اور پانی نے پہاڑوں سے پتھروں اور درختوں کو لیکر طغیانی کی شکل اختیار کی اور کسی کو موقع بھی نہیں ملا اور آپ کے پیارے دنیا سے کوچ کر گئے۔انہوں نے کہا کہ صوابی، شانگلہ ،بونیر، سوات، لوئر دیر، باجوڑ، جنوبی وزیرستان اور مانسہرہ میں پچھلے چند دنوں جو واقعات ہوئے اس سے پاکستان کی ہر آنکھ اشکبار ہے، تقریباً 350 سے زائد ہمارے بہن اور بھائی خیبرپختونخوا میں شہید ہوئے، سینکڑوں زخمی ہوئے اور ابھی بھی کچھ لاپتہ ہیں۔پنجاب، سندھ، بلوچستان، آزاد کشمیر اور گلگت بلتستان میں ہمارے 700 سے زائد بہن اور بھائی اللہ کو پیارے ہو گئے۔

انہوں نے کہا کہ 2022ء میں بھی اس طرح کی شدید آسمانی آفت آئی تھی جس میں صوبہ سندھ میں لاکھوں ایکڑ زمینیں اورفصلیں تباہ ہوئی تھیں، سندھ، بلوچستان، خیبرپختونخوا اور پنجاب میں لاکھوں گھر تباہ ہوئے تھے۔ جہاں جہاں تباہی آئی تھی میں پاکستان کے چپہ چپہ پہنچا تھا۔وفاقی حکومت نے صوبوں کی مدد کے علاوہ ایک سو ارب روپے کی رقوم تقسیم کی تھیں۔آج پھر وفاق صوبوں کے ساتھ مل کر یہاں خیبرپختونخوا میں وزیراعلی کے ساتھ مل کر اس طوفان اور چیلنج کا مقابلہ کر رہے ہیں، میں نے واضح ہدایت دی ہے کہ آپ نے صوبائی حکومت کے ساتھ مل کر چاہے وہ خیبرپختونخوا ہے، گلگت بلتستان ہے، آزاد کشمیر ہے سب کے ساتھ مل کر کام کریں۔

اس میں کوئی تمیز نہیں کرنی کہ یہ میرا ہے یا تمھارا ،بلکہ یہ ہمارا ہے، ہماری ذمہ داری ہے، جو بھی ہمارے وسائل ہیں وہ عوام کی خدمت میں نچھاور کرنے ہیں۔ وزیراعظم نے کہا کہ بجلی کے وزیر اورسیکرٹری اس وقت خیبرپختونخوا میں موجود ہیں، بونیر اور سوات میں جو 47 فیڈرز تھے ،اس میں سے 37 نے دوبارہ کام شروع کر دیا ہے، کل میں نے واضح ہدایات دی ہیں کہ بل ادا ہوتا ہے یا نہیں، ایک ہفتہ کےلیے ہر جگہ بجلی پہنچائیں گے، 7 دن کےلیے ہر گھر کو بجلی پہنچے گی چاہے وہ بل دیتے تھے یا نہیں۔ تباہ شدہ سڑکیں اور پل ٹھیک کرنے کے لیے ہمارے وزیر کمیونیکیشن اور سیکرٹری کمیونیکیشن اس وقت گلگت بلتستان میں ہیں۔وزیراعظم نے کہا کہ ہماری تفصیلی میٹنگ ہوئی جس میں سپہ سالار فیلڈ مارشل سید عاصم منیر، کور کمانڈر پشاور، چیئرمین این ڈی ایم اے، متعلقہ وفاقی وزراء، انجینئر امیر مقام ، وزیر منصوبہ بندی احسن اقبال، موسمیاتی تبدیلی کے وزیر مصدق ملک، وفاقی وزیر اطلاعات عطاء اللہ تارڑ موجود تھے، باقی وزراء فیلڈ میں کام کر رہے ہیں۔وزیراعظم نے کہا کہ 2022ء کے دلخراش واقعات میں نے اپنی آنکھوں سے دیکھے ۔دریا کے اطراف بلکہ درمیان میں ہوٹل بنے تھے،

دنیا میں کہیں کوئی قانون نہیں کہ آپ کمائی کےلیے ایسی خطرناک جگہ پر ہوٹل بنائیں۔ مجھے بتایا گیا کہ مزید دو سپیلز آنے ہیں ،اس کےلیے اللہ تعالیٰ کے حضور گڑگڑائیں گے، لیکن جو انسانی غلطی ہے، اس کی کوئی معافی نہیں، یہاں کے لوگوں کےلیے یہ قیامت صغریٰ ہے۔ ہم نے آئندہ کےلیے انتظام کرنا ہے

۔انہوں نے کہا کہ ہمارے وزراء، صوبائی حکومت دن رات کام کر رہی ہے، علی امین گنڈا پور، چیف سیکرٹری، آئی جی سب کا شکر گزار ہوں۔ فیلڈ مارشل عاصم منیر کی قیادت میں افواج پاکستان دن رات کام کر رہی ہیں، ایک طرف ہمارا خوارج کے خلاف مقابلہ ہے، دہشت گردی کے خلاف مقابلہ ہے، وہاں پر ہمارے جوان و افسر شہید ہورہے ہیں اور دوسری طرف اس آفت کا مقابلہ ہے، سید عاصم منیر نے افواج کو حکم دیا کہ وہ جہاں جہاں پہنچ سکتے ہیں، پہنچیں اور دکھی بہن بھائیوں کی مدد کریں۔ ایف سی، صوبائی حکومت اور وفاقی حکومت پوری کوشش کر رہی ہے، مخیر حضرات کو اللہ تعالیٰ دین و دنیا دونوں عطا فرمائے۔ الخدمت فاؤنڈیشن اور دیگر ادارے آگے بڑھ اس نیک کام میں حصہ لے رہے ہیں،

اللہ تعالٰی ان کو اور ہمت دیں۔ ہم مل کر خدمت کر رہے ہیں، ہماری مشترکہ ذمہ داری ہے۔اس میں نہ کوئی سیاست ہے اور نہ کوئی ریاکاری، میں علی امین گنڈا پور کی حکومت کو ستائش پیش کرتا ہوں، سپہ سالار عاصم منیر کو ستائش پیش کر رہا ہوں، افواج پاکستان کے افسران، سب کو سلام پیش کرتا ہوں۔ایک دو دن میں میٹنگ میں چاروں صوبائی وزرائے اعلیٰ اور چیف سیکرٹریز کو دعوت دوں گا اور اس میں ایک فیصلہ کرنا ہے کہ آئندہ دریا کے ساتھ تعمیرات کو روکنا ہے. اس کو ایک تحریک بنانا ہے، سب اس کا حصہ بنیں۔

*🔴کراچی: اورنگی ٹاؤن مومن آباد میں 3 منزلہ عمارت گر گئی، کئی افراد ملبے تلے دب گئے*کراچی کے علاقے اورنگی ٹاؤن مومن آباد میں 3 منزلہ عمارت گر گئی، ابتدائی اطلاعات کے مطابق عمارت کے ملبے سے 4 افراد کو زخمی حالت میں نکال لیا گیا ہے۔کراچی کے علاقے اورنگی ٹاؤن مومن آباد میں افسوسناک واقعہ پیش آیا ہے، جہاں 3 منزلہ عمارت گر گئی، عمارت کے ملبے میں کئی افراد کے دبے ہونے کی اطلاع ہے۔عمارت گرنے کے بعد ریسکیو اہلکار جائے وقوع پر پہنچے، جب کہ پولیس بھی موقع پر پہنچ رہی ہے، زخمیوں کو ہسپتال منتقل کیا جارہا ہے۔گزشتہ روز کی طوفانی بارش کے بعد شہر میں سیلابی صورت حال رہی، اس دوران خستہ حال عمارتوں کو شدید خطرات لاحق ہوگئے ہیں۔

کراچی میں تیز ہواؤں کے ساتھ بارش شروع*کراچی کے مختلف علاقوں میں تیز ہواؤں کے ساتھ بارش کا سلسلہ شروع ہو گیا ہے ، شہر میں آج گزشتہ روز کے مقابلے میں زیادہ بارش کا امکان ظاہر کیا جا رہا ہے۔ کراچی میں بہادرآباد، پی ای سی ایچ ایس ،جمشید روڈ، ٹیپو سلطان روڈ، شاہ فیصل کالونی ، ملیر ہالٹ رفاہ عام ، گارڈن ، جناح اسپتال ، اور نواح جھمپیر میں تیز ہواؤں کے ساتھ تیز بارش کاسلسلہ جاری ہے۔ موسمیاتی تجزیہ کار کے مطابق شمالی بحیرۂ عرب کے اوپر 2 مختلف مون سون کے سسٹم ہیں، ایک جنوب مشرق کیٹی بندر کے قریب اور دوسرا کچ ریجن کے اوپر ہے،

ایک نمایاں کم دباؤ وسطی بھارت کے اوپر موجود ہے۔موسمیاتی تجزیہ کار کا بتانا ہے کہ اس سسٹم کے زیر اثر آج بھی جنوب مشرقی اور زیریں سندھ میں مسلسل گرج چمک کے بادل بنتے رہیں گے، سازگار موسمی حالات کے باعث کراچی میں آج مزید گرج چمک کے ساتھ بارش ہوگی ، یہ اسپیل کراچی میں مزید 2 سے 3 دن سرگرم رہے گا۔ڈپٹی ڈائریکٹر پاکستان میٹرولوجیکل ڈپارٹمنٹ (پی ایم ڈی) انجم نذیر ضیغم کا کہنا ہے کہ کراچی میں آج دوپہر شروع ہونے والا بارش کا سلسلہ شام 7 بجے تک جاری رہنے کا امکان ہے۔انجم نذیرضیغم کا کہنا ہے کہ کراچی شہر کے شمال مشرق میں گرج چمک کے بادل موجود ہیں، سندھ میں بارش کا سلسلہ 23 اگست تک جاری رہنے کا امکان ہے، کلاؤڈ برسٹ پہاڑی علاقوں میں ہوتا ہے۔