‏اسلام آباد میں ہارس ٹریڈنگ کا دھندہ عروج پر۔ بڑے بڑے بلڈرز اور بروکرز گھوڑوں کی بولیاں لگانے میں مصروف۔ کیش بروکرز فراہم کریں گے جبکہ اسکے بدلے میں ان کی فائلیں کلیئر کر کے انہیں سرکاری کھاتوں میں نوازا جائے گا۔ گھوڑوں کی ڈیمانڈ زیادہ ہے جبکہ عوامی ردعمل کے خوف اور لیڈر سے وابستگی کی وجہ سے سپلائی نہ ہونے کے برابر ہے۔ ڈیمانڈ اور سپلائی کے فرق نے اسلام آباد منڈی میں گھوڑوں کی قیمت پہلی بار آسمان پر پہنچا دی ہے یعنی جو گھوڑا پہلے 20 میں ملتا تھا وہ اب 60 میں بھی دستیاب نہیں ہے۔ چھوٹے اصطبل والا گھوڑا 60 جبکہ بڑے اصطبل والا گھوڑا 80 تک بھی رپورٹ ہوا ہے۔ کچھ گھوڑے صرف چسکے کے لیے اپنی قیمت لگوا رہے ہیں۔ مگر یہ سارے اچھی طرح جانتے ہیں کہ جو گھوڑا بھی بکا یہ اس میدان میں اسکی آخری ریس ہو گی ویسے بھی لنگڑا گھوڑا کس کام کا۔