وزیر خزانہ محمد اورنگزیب نے کہا ہے کہ سیلز ٹیکس کی چوری روکنی ہے، کمپنیوں کا جھوٹ برداشت نہیں کرسکتے۔اسلام آباد میں نیوز کانفرنس کرتے ہوئے ان کا کہنا تھا کہ ملک میں معاشی استحکام آرہا ہے، ایف بی آر میں بہتری کیلئے اقدامات کر رہے ہیں، معاشی محاذ پر ہم بہتر پوزیشن میں آگئے ہیں۔انہوں نے کہا کہ ہم درست سمت میں آگے بڑھ رہے ہیں، کرنٹ اکاونٹ خسارہ کم ہوا اور شرح سود میں کمی آرہی ہے، جی ڈی پی کو 13 فیصد پر لے جانا چاہتے ہیں۔انہوں نے کہاکہ کمپنیاں ٹیکس کم کرنے کیلیے ان پٹ ٹیکس بڑھاتی ہیں، سیلز ٹیکس جمع کرکے آگے نہ دینا اعتماد کو توڑنا ہے، کمپنیوں کا جھوٹ برداشت نہیں کرسکتے، ٹیکسز کی لیکیج روکنے کیلیے توانائی کے شعبے میں اصلاحات متعارف کرارہے ہیں۔وزیرخزانہ نے کہاکہ اسٹیل سمیت مختلف کمپنیاں29ارب روپے کا ٹیکس چوری کررہی ہیں، سیمنٹ کے لیے کوئلے کے بزنس میں 18 ارب روپے کی سیلز ٹیکس چوری ہے، ٹیکسٹائل کے شعبے میں 23 ارب روپے کا ٹیکس چوری کیا جارہا ہے۔محمد اورنگزیب نے کہاکہ بیٹریاں بنانے کے کاروبار میں 11 ارب روپے کاٹیکس چوری کیا جارہا ہے، مشروبات کے کاروبار میں 15 ارب روپے کا سیلز ٹیکس چوری کیاجارہا ہے، مجموعی طور پر 128 ارب روپے کا سیلز ٹیکس چوری کیا جارہا ہے۔اس موقع پر چیئرمین ایف بی آر نے کمپنیوں کے سی ای اوز کو متنبہ کیا ہے کہ سیلز ٹیکس ریٹرنز پر ہر گز دستخط نہ کریں، ٹیکس چوری پر کوئی معافی نہیں ہوگی، گرفتاریاں کی جائیں گی۔وزیر خزانہ محمد اورنگزیب کا کہنا ہے کہ ہم اس وقت معاشی محاذ پر بہترین پوزیشن میں آگئے ہیں اور ہم معاشی اصلاحات کی بہتری کے لیے مزید کام کر رہے ہیں جبکہ جی ڈی پی میں ٹیکسوں کا تناسب 13فیصد تک بڑھانا ہے۔اسلام آباد میں پاکستان سعودی عرب بزنس فورم سے خطاب کرتے ہوئے وزیر خزانہ محمد اورنگزیب نے کہا کہ معاشی اصلاحات کی بہتری کے لیے کام کر رہے ہیں اور نجی شعبے کی شراکت داری سے ملکی معیشت مستحکم کر سکتے ہیں، وزیراعظم شہباز شریف کی زیر قیادت ملکی معیشت میں استحکام آ رہا ہے۔محمد اورنگزیب نے کہا کہ کرنٹ اکاؤنٹ خسارے میں خاطر خواہ کمی آ رہی ہے جبکہ زرمبادلہ ذخائر میں اضافہ اور روپے کی قدر میں بہتری آئی ہے جبکہ مہنگائی کی شرح بھی سنگل ڈیجیٹ میں آچکی ہے جو اس وقت 6.9 ہے۔ انہوں نے کہا کہ توقع ہے شرح سود میں مزید کمی ہوگی جس سے معاشی سرگرمیاں بحال ہوں گی۔وزیر خزانہ نے مزید کہا کہ پاکستان اسٹاک ایکسچینج تاریخ میں بلندی کا ریکارڈ بنا رہی ہے، کرنٹ خسارہ کم ہوا ہے اور کرنسی مستحکم ہوئی ہے، فارن انویسٹرز کی ادائیگیاں وقت پر کی گئی ہیں جبکہ پاکستان کی کریڈٹ ریٹنگ میں بہتری آئی ہے پچھلے 14 مہینے میں ہم میکرو اکنامک پر کام کر رہے تھے اور آج ہمارے میکرو اکنامک انڈیکٹر بہتر ہوئے ہیں، ہم نے اس میں اہم کامیابی حاصل کی ہے۔وزیر خزانہ محمد اورنگزیب کا مزید کہنا تھا کہ حکومت کا کام کاروبار کرنا نہیں بلکہ کاروبار کے لیے سہولیات فراہم کرنا ہے۔

‏مجوزہ آئینی ترامیم کا مسودہ پبلک کرنے کے لیے دائر درخواستوں پر تین ہائیکورٹس میں کیا ہوا؟ مریم نواز خان جرنلسٹ کی ٹوئٹچیف جسٹس لاہور ہائیکورٹ جسٹس عالیہ نیلم کی عدالت میں حکومت مکر گئی، کہ آئینی ترامیم کا کوئی مسودہ ہے ہی نہیں تو پبلک کیسے کریں؟ درخواست پر اعتراضات پر فیصلہ محفوظ کر لیا گیا!پشاور ہائیکورٹ کے چیف جسٹس اشتیاق ابراہیم اور جسٹس وقار احمد نے وفاقی حکومت اور اٹارنی جنرل دفتر کو نوٹس جاری کر کے جواب طلب کر لیا! سماعت 15 اکتوبر منگل تک ملتوی، لارجر بنچ بنانے کا بھی عندیہ! اسلام آباد ہائیکورٹ میں چیف جسٹس عامر فاروق نے درخواست پر اعتراضات دور کر کے کل سماعت کے لیے مقرر کرنے کا حکم دے دیا!

**سابق وفاقی وزیر داخلہ چوہدری نثار علی خان پاکستان تحریک انصاف میں شامل**آج چوہدری نثار علی خان کی سابق اسپیکر قومی اسمبلی اسد قیصر سے ملاقات**اسد قیصر نے شمولیت کی دعوت دی وفاقی وزیر نے دعوت قبول کی**چوہدری نثار کل اسد قیصر کے ہمراہ پریس کانفرنس میں شمولیت کا اعلان کرینگے**عمران خان پرانا دوست ہیں مشکل میں خان کے ساتھ کھڑا ہونا چاہتا ہوں۔ چوہدری نثار علی خان*

فیڈرل بورڈ آف ریونیو(ایف بی آر) کی رپورٹ کے مطابق حکومت نے اسمگلنگ کیخلاف کوششیں تیز کرنے کا فیصلہ کر لیا ہے اسمگلنگ میں ملوث گاڑیوں کو جرمانہ ادا کر کے چھڑانے کاآ پشن ختم کر دیا گیا ہے اسمگلنگ میں استعمال ہونے والی گاڑیاں مستقل ضبط کرنے کا حکم جاری کیا گیا ہے۔ایف بی آر کی رپورٹ کے مطابق اسمگلنگ میں استعمال ہونے والی گاڑیوں کو مستقل بند کیا جائے گا، اسمگلنگ میں استعمال ہونے والی گاڑیاں ضبط کرنے کیلئے ایس آر او میں ترمیم کر دی گئی ہے، وزیراعظم نے انسداد اسمگلنگ کیلئے تمام سرکاری اداروں کو سخت اقدامات کی ہدایت کر دی ہے۔

وزیراعظم شہباز شریف نے وفاقی کابینہ کا خصوصی اجلاس کل طلب کرلیا ہے، جس میں خصوصی قانون سازی ٹیبل ایجنڈے کے طور پر پیش ہونے کا امکان ہے۔ حکومت نے اپنے ارکان کو بیرون ملک دوروں سے بھی واپس بلا لیا ہے اور 15 اکتوبر تک ہرصورت واپس آنے کی ہدایت کی ہے۔حکومت کی جانب سے 26ویں آئینی ترامیم منظور کرانے کی کوششیں تیز ہوگئی ہیں، ایک طرف حکومت نے نمبرز گیم پورے ہونے کا دعویٰ کردیا ہے تو دوسری جانب آرٹیکل 63 اے پر عدالتی فیصلے کی حکومتی خواہشات کو تقویت بخشی ہے۔حکومت کی جانب سے 18 اکتوبر کا پارلیمنٹ اور سینیٹ کے اجلاس بلائے گئے ہیں، جن میں متوقع قانون سازی پیش کی جائے گی۔اس حوالے سے اپوزیشن بھی متحرک ہوگئی ہے، پی ٹی آئی کے وفد نے مولانا فضل الرحمان سے آج اہم ملاقات کی ہے جس میں آئینی ترامیم پر گفتگو کی گئی۔آئینی ترامیم کا ایک غیر حتمی مسودہ حکومت کی جانب سے پیش کیا گیا ہے، جبکہ ایک مسودہ اپوزیشن تیار کر رہے، اس حوالے سے جمیعت علماء اسلام اور پیپلز پارٹی کی جانب سے کام جاری ہے جس میں جے یو آئی کی تحریک انصاف سے بھی مشاورت جاری ہے۔لیکن اس مسودے کی تکمیل سے قبل ہی چئیرمین پیپلز پارٹی بلاول بھٹو زرداری نے کہہ دیا ہے کہ 63 اے کے فیصلے کے بعد حکومت کو نمبرز کی فکر نہیں، میں حکومت کو انتظار کا کیوں کہوں، حکومت کہے گی مولانا ساتھ ہو یا نہ ہو 63 اے کے بعد ہم نمبر پورے کرسکتے ہیں، حکومت کہے گی ہم ایس سی او سے پہلے ہی یہ کام نمٹا لیتے ہیں، حکومت کے پاس جب نمبر پورے ہیں تو میرا یا کسی اور کا انتظار کیوں کرے۔

چینی وزیر اعظم کی پاکستان آمد کے سلسلہ میں پارلیمنٹ کا مشترکہ اجلاس بلائے جانے کا امکان ہے۔ذرائع کے مطابق چینی وزیر اعظم کے لیے پارلیمنٹ کا مشترکہ اجلاس طلب کیا جا سکتا ہے، اس حوالے سے قومی اسمبلی اور سینیٹ کے تمام سٹاف کی چھٹیاں منسوخ کر دی گئی ہیں۔مشترکہ اجلاس صرف چینی وزیر اعظم کے لیے بلایا جا رہا ہے۔

پاکستان میں سرمایہ کاری کے معاہدوں پر دستخط کیلئے سعودی وفد اسلام آباد پہنچ گیا، وزیراعظم شہباز شریف کل سعودی وفد کے اعزاز میں نجی ہوٹل میں عشائیہ دیں گے۔حکومتی ذرائع کے مطابق سعودی وزیر سرمایہ کاری خالد بن عبدالعزیز کی سربراہی میں اعلیٰ سطح تجارتی وفد ہوائی جہاز کے ذریعے نورخان ایئربیس پر اترا جہاں وزیر تجارت جام کمال، مصدق ملک اور دیگر اعلیٰ حکام نے وفد کا استقبال کیا، اس موقع پر سعودی سفیر نواف بن سعید المالکی بھی موجود تھے۔وفد میں 130 ارکان شامل ہیں، امکان ہے کہ سعودی وفد پاکستان میں دو ارب ڈالر کی سرمایہ کاری کرے گا، دونوں ممالک کے درمیان تجارت اور سرمایہ کاری کے معاہدوں پر دستخط ہوں گے۔وزیراعظم کل سعودی وفد کے اعزاز میں عشائیہ دیں گے جس میں وفاقی وزراء بھی شریک ہوں گے، سعودی وفد کل نیشنل ایروسپیس سائنس اینڈ ٹیکنالوجی پارک کا دورہ کرے گا اور کل ہی عسکری حکام سے بھی ملاقاتیں کرے گا۔ذرائع نے بتایا کہ وزارتی سطح پر سعودی وفد کے ساتھ راؤنڈ ٹیبل میٹنگز پرسوں ہوں گی، وفد کے ساتھ کل پلینری سیشن، سیکٹورل بریک آؤٹ سیشن، بزنس ٹو بزنس سیشن ہوگا، مختلف سیشنز میں وزارت توانائی، وزارت انفارمیشن ٹیکنالوجی حکام شامل ہوں گے، سیشنز میں وزارت فوڈ سکیورٹی، کمیونی کیشن ڈویژن، وزارت پٹرولیم حکام شامل ہوں گے۔خیال رہے سرمایہ کاری کے لیے وزارت صنعت و پیداوار اور سروسز سیکٹر کے لوگ بھی شامل ہوں گے، وزارت تجارت نے دعویٰ کیا ہے کہ سعودی عرب کی جانب سے 2027 تک 5 ارب ڈالر سے زائد کی مجموعی سرمایہ کاری ہوگی، سعودی عرب کیساتھ مختلف شعبوں میں سرمایہ کاری کیلئے تقریباً 30 معاہدوں پر دستخط کئے جائیں گے۔