موجودہ نظام نئی نوکریاں پیدا کرنے کے لیے بانجھ ہو چکا ہے بلکہ پاکستان میں تیزی کے ساتھ نوکری کے مواقع کم ہو رہے ہیں۔ ہمارے نوجوانوں کے اندر اس وقت جو پوٹینشل، نالج یا انفارمیشن ہے وہ سیٹوں پر بیٹھے بڑے لوگ تسلیم کرنے سے قاصر ہیں۔ تو بہترین حل یہی ہے کہ نوکریوں کی تلاش میں جوتیاں چٹخاتے، اپنا وقت ضائع کرنے اور اپنی صلاحیتوں یا جذبے کو زنگ آلود کرنے کے بجائے اپنے آپ کو کاروباری سرگرمیوں کے ساتھ جوڑ لیں۔ چھوٹے پیمانے پر آن لائن کاروبار شروع کریں۔ فیس بک یا انسٹاگرام کے مارکیٹ پلیس کا استعمال کرنا سیکھیں۔ اپنے محلے کے کسی کریانے کی دکان، نان شاپ، دہی بھلے کی ریہڑی کی ورچوئل ریہڑی یا سٹور بنا کر اپنی بائیک پر ڈیلیور کرنا شروع کر دیں۔ اگر بیرون ملک کوئی رشتہ دار، کوئی عزیز یا دوست ہے تو اسے کہیں کہ وہ اس ملک میں اپنے نام پر کوئی آن لائن سٹور بنا دے۔ آپ پاکستان میں بیٹھ کر انہیں پاکستان سے Merchandise بھیجیں وہ بیرون ملک اسے آن لائن بیچیں اور آپس میں پرافٹ شیئرنگ پہ مل کر کام کریں یہی آپ کا فیوچر ہے نوکری آج کے نوجوان کی موت ہے

2008 میں ایسٹیبلشمنٹ نے پی پی پی کے جن الیکٹیبلز کو نیب ۔ ایف آئی اے اور ان کی بیٹیوں ۔ نواسیوں کے تعلیم اداروں میں غنڈے بھجوا کر یا لالچ اور طمع کی بنیاد پر پی پی پی سے الگ کیا تھا ۔ انہیں پی پی پی میں واپسی کی اجازت بظاہر دی جا رہی ہے ۔ تصور کیجئے الیکشن 2024 سے پہلے 35/40 موجود اور سابق ارکان اسمبلی یکمشت پیپلز پارٹی میں شامل ہوتے تو الیکشن کی ہوا بدل جاتی ۔ پرسپشن بدل جاتا اور پیپلز پارٹی مقابلہ میں آ کھڑی ہوتی ۔لیکن اس وقت صدر آصف علی زرداری نے عاصمہ شیرازی کو انٹرویو میں بتایا تھا کہ ریاستی اسٹیبلشمنٹ کو پی ٹی آئی کے آزاد ارکان سے ڈر نہیں لگتا ۔ پیپلز پارٹی سے ڈر لگتا ہے ۔ اس وقت کی پالیسی یہ تھی کہ پی ٹی آئی کے لوگ جیت جائیں ۔ مگر آزاد بنیاد پر جیتے جنہیں ریوڑ کی طرح ہانکنے میں کوئی دقت نہیں ہوگی پیپلز پارٹی کے ڈسپلن میں اگر لوگ جیتیں گے تو پیپلز پارٹی کو پالیسی بنانے اور ڈکٹیٹ کروانے سے روکنا ممکن نہیں رہے گا ۔اس سب کچھ سے حافظ صاحب کو ریاستی مقتدرہ کو اور ریاست پاکستان کو کیا حاصل ہوا یہ فیصلہ کرنا اپ کا کام ہے ۔ہم تو یہی بتا رہے ہیں ۔ دکھا رہے ہیں اور ثابت کر رہے ہیں کہ 2013 کے بعد آپ دنیا کی نظر میں دو ٹکے کے ہو گئے ہو ۔ آپ کی کرنسی دو ٹکے کی ہو گئی ہے ۔ آپ کی معیشت دنیا میں 170 نمبر پر جا پڑی ہے اور انڈیا سے ایک بڑی جنگ اور معرکہ جتنے کے باوجود اپ کی معیشت کو ایک روپیہ کا فائدہ نہیں ہوا ۔ حالانکہ آپ مبینہ طور پر 128 ملکوں سے دفاعی معاہدے کر چکے ہو اور چھ ہزار سے زیادہ جے ایف تھنڈر بھی بیچ چکے ہو

۔ لیکن پھر آپ کو تنخواہ دینے کے لیے ہر بار پانچ روپے پٹرول گیس اور بجلی کی قیمت بڑھانا پڑتی ہے۔سچ محض یہ ہے کہ راج نیتی صرف سیاستدان ہی جانتے ہیں ۔ مسلم لیگ نواز اور پی ٹی آئی ائی یا پیپلز پارٹی کے تمام مخالف جب بھی اقتدار میں لائے جاتے ہیں ۔ ٹینڈر اور پوسٹنگ ٹرانسفر پر دہاڑی لگانے کائی کرنے اور ملکی معیشت کا بیڑا غرق کرنے کے علاوہ کچھ نہیں کر پاتے ۔دیکھتے ہیں اب بھی اسٹیبلشمنٹ کب پیپلز پارٹی کی پالیسی کا بوجھ اٹھانے کے لائق ہوتی ہے یا اس امر پر قائل ہوتی ہے آج تک بظاہر نہیں ہے ۔

ہائر ایجوکیشن کمیشن میں اعلیٰ عہدوں پر تقرریوں کا اعلان ایچ ای سی کے نئے چیئرمین ڈاکٹر نیاز احمد نے وفاقی وزیر تعلیم ڈاکٹر خالد مقبول صدیقی کی ہدایت پر اعلیٰ تعلیمی شعبے میں پالیسی سازی، معیارِ تعلیم، تحقیق اور انتظامی قیادت کو مضبوط بنانے کے لیے مختلف اعلیٰ سطح کے عہدوں پر تقرریوں کا اعلان کیا۔اسٹریٹجک پلاننگ کے رکن، کوالٹی اشورنس کے رکن اور ریسرچ، ڈیویلپمنٹ و انوویشن کے رکن کی تقرری 2 سال کے لیے کی جائے گی، جس میں توسیع کی گنجائش بھی رکھی گئی ہے۔ان تمام عہدوں کے لیے تنخواہ 9 لاکھ 50 ہزار روپے ماہانہ (تمام مراعات سمیت) مقرر کی گئی ہے، جبکہ ہر عہدے کے لیے ایک ایک آسامی مختص ہے۔اسٹریٹجک پلاننگ اور کوالٹی اشورنس کے ارکان کی تعیناتی اسلام آباد اور پنجاب میں ہوگی، جبکہ ریسرچ، ڈیویلپمنٹ و انوویشن کے رکن کی تعیناتی کراچی میں کی جائے گی۔ان عہدوں کے لیے زیادہ سے زیادہ عمر کی حد 62 سال مقرر ہے۔ ان عہدوں کے لیے امیدوار کے پاس کسی بھی شعبے میں پی ایچ ڈی اور کم از کم 20 سال کا نمایاں تجربہ ہونا لازمی قرار دیا گیا ہے، جبکہ اعلیٰ تعلیمی اداروں یا سرکاری و نجی شعبے میں قیادت، پالیسی سازی، اسٹریٹجک پلاننگ، پروگرام مینجمنٹ اور گورننس کا تجربہ بھی شرط ہے۔ایچ ای سی نے نیشنل اکیڈمی آف ہائر ایجوکیشن (ناہے) کے لیے منیجنگ ڈائریکٹر کی اسامی کا بھی اعلان کیا ہے۔

یہ عہدہ بھی 2 سالہ معاہدے پر ہو گا، جس کے لیے تنخواہ 9 لاکھ 50 ہزار روپے ماہانہ مقرر کی گئی ہے۔ اس عہدے کے لیے اعلیٰ ڈگری، تعلیمی قیادت، ادارہ جاتی ترقی، انسانی وسائل کی تربیت، گورننس، ڈیجیٹل لرننگ، بین الاقوامی تعاون اور تعلیمی اصلاحات کا وسیع تجربہ رکھنے والے امیدوار اہل ہوں گے۔اس کے علاوہ اکیڈمکس کے رکن کی ایک مستقل اسامی بھی مشتہر کی گئی ہے، جس کے لیے بی پی ایس-22 اسکیل مقرر ہے۔ اس عہدے کے لیے کم از کم عمر 45 سال اور زیادہ سے زیادہ عمر 55 سال رکھی گئی ہے، جبکہ امیدوار کے پاس پی ایچ ڈی اور کم از کم 22 سال کا تدریسی، تحقیقی یا انتظامی تجربہ ہونا ضروری قرار دیا گیا ہے، اس اسامی کے لیے کوٹہ پنجاب کا ہے۔ایچ ای سی کے مطابق درخواستیں صرف آن لائن جمع کروائی جا سکتی ہیں اور درخواست جمع کرانے کی آخری تاریخ 16 مارچ 2026ء مقرر کی گئی ہے۔ نامکمل یا مقررہ تاریخ کے بعد موصول ہونے والی درخواستوں پر غور نہیں کیا جائے گا۔ایچ ای سی نے واضح کیا ہے کہ صرف اہل امیدواروں کو انٹرویو کے لیے طلب کیا جائے گا، جبکہ سرکاری ملازمین مناسب چینل کے ذریعے درخواست جمع کرائیں گے,بادبان نیوز

وزیرِاعلیٰ خیبر پختونخوا سہیل آفریدی کی زیر صدارت گڈ گورننس روڈ میپ کے تحت صوبائی محکموں کی سروس ڈیلیوری کا جائزہ اجلاس منعقد ہوا۔ اجلاس میں سترہ محکموں کی انٹرونشنز اور درپیش رکاوٹوں پر تفصیلی بریفنگ دی گئی۔🔹 وزیرِاعلیٰ نے موسمِ بہار شجرکاری مہم کو تاریخ کی سب سے بڑی صوبائی شجرکاری سرگرمی بنانے کی تیاری مکمل کرنے کی ہدایت دی۔🔹 شجرکاری مہم میں سرکاری ملازمین، طلبہ اور سول سوسائٹی کی بھرپور شمولیت یقینی بنانے کی ہدایت کی گئی۔🔹 سرکاری دفاتر اور رہائش گاہوں میں پھل دار پودے لگانے کی ہدایت دی گئی۔🔹 ترقیاتی منصوبوں کی منظوری کے لیے صوبائی ترقیاتی ورکنگ پارٹی کا ہفتہ وار اجلاس منعقد کرنے کی ہدایت کی گئی۔🔹 سروس ڈیلیوری کو عوامی توقعات کے مطابق بنانا حکومت کا حتمی مشن قرار دیا گیا۔🔹 ضم اضلاع کے لیے روشن قبائل پیکج کی تیاری اسی ماہ مکمل کرنے کی ہدایت دی گئی۔🔹 سرکاری اسپتالوں میں کنٹریکٹ ڈاکٹروں کی بھرتی مقررہ مدت تک مکمل کرنے کی ہدایت دی گئی

۔🔹 کمراٹ اور ہنگو سروزئی روڈ پر تعمیراتی کام تیز کرنے کی ہدایت کی گئی۔🔹 جنوبی اضلاع کے ڈی ایچ کیوز اور ریجنل ڈی ایچ کیوز میں میموگرافی سروسز شروع کرنے کی ہدایت دی گئی۔🔹 سرکاری اسکولوں میں اساتذہ کی حاضری سو فیصد یقینی بنانے کی ہدایت کی گئی۔🔹 تاخیر کا شکار امور کو تیزی سے مکمل کرنے کے لیے غیر روایتی حل اپنانے کی ہدایت دی گئی۔🔹 تمام صوبائی محکموں کو آئندہ مالی سال کے لیے بجٹ کی تیاری شروع کرنے کی ہدایت کی گئی۔🔹 گڈ گورننس روڈ میپ کے مڈ ٹرم اقدامات رواں سال جون تک مکمل کرنے کی ہدایت دی گئی۔🔹 احساس اپنا گھر پروگرام کو فاسٹ ٹریک پر رکھنے کی ہدایت دی گئی۔🔹 صوبے میں خراب اور غیر فعال ٹیوب ویلز کو فوری طور پر فعال بنانے کی ہدایت دی گئی۔🔹 انسداد پولیو ٹیموں کی سکیورٹی مزید بڑھانے کی ہدایت دی گئی۔🔹 بریفنگ میں بتایا گیا کہ گڈ گورننس روڈ میپ کے تحت سترہ محکموں کی تین سو ستائیس انٹرونشنز میں سے سینتالیس مکمل جبکہ ایک سو انتالیس آن ٹریک ہیں۔🔹 گڈ گورننس روڈ میپ کے تحت دو سو اٹھسٹھ مائل اسٹونز کی نشاندہی کی گئی ہے۔🔹 بریفنگ کے مطابق دو سو ستاسٹھ مائل اسٹونز میں سے نوے مکمل جبکہ تین آف ٹریک ہیں۔🔹 وزیرِاعلیٰ نے واضح کیا کہ گڈ گورننس روڈ میپ کے نفاذ میں کسی قسم کی غفلت برداشت نہیں کی جائے گی۔

–محمد شہباز شریف۔۔۔بورڈ آف پیس اجلاس خطابدیر پا امن کے لیے غزہ میں جنگ بندی کی خلاف ورزیاں بند ہونی چاہئیں،فلسطینی عوام کو اپنی سرزمین کا مکمل حق ملنا چاہیئے،وزیراعظم محمد شہباز شریف کا غزہ کی تعمیر نو کے حوالے سے بورڈ آف پیس کے اجلاس سے خطابواشنگٹن ۔19فروری (اے پی پی):وزیراعظم محمد شہباز شریف نے اقوام متحدہ کی سلامتی کونسل کی قراردادوں کے مطابق آزاد اورخود مختار فلسطینی ریاست کی حمایت کے عزم کا اعادہ کرتے ہوئے کہا ہے کہ دیر پا امن کے لیے غزہ میں جنگ بندی کی خلاف ورزیاں بند ہونی چاہئیں،فلسطینی عوام کو اپنی سرزمین کا مکمل حق ملنا چاہیئے، صدر ٹرمپ کی بروقت مداخلت سے پاک بھارت جنگ رکی،انہوں نے حقیقت میں جنوبی ایشیا کو بڑی تباہی سے بچایا۔انہوں نے ان خیالات کا اظہار جمعرات کو یہاں غزہ کی تعمیر نو کے حوالے سے بورڈ آف پیس کے اجلاس سے خطاب کرتے ہوئے کیا۔ وزیراعظم نے کہا کہ رمضان المبارک کے مقدس مہینے میں بورڈ آف پیس کے افتتاحی اجلاس میں شرکت ان کے لئے باعث افتخار ہے ،غزہ میں پائیدار امن ہمارا مشن ہے۔ وزیراعظم نے دنیا بھر میں تنازعات کے حل کیلئے صدر ٹرمپ کے کردار کی تعریف کی اور کہا کہ تنازعات کے حل کے لیے صدر ٹرمپ کے مثالی اور قائدانہ کردار کو سراہتے ہیں۔انہوں نے کہا کہ صدر ٹرمپ کی کامیاب سفارت کاری کی وجہ سے دنیا بھر میں قیام امن کو یقینی بنانے میں مدد ملی ہے، پاکستان اور بھارت کے درمیان جنگ بندی کیلئے ان کی بر وقت اور موثر مداخلت کی وجہ سے کروڑوں جانیں بچائی گئی ہیں، صدر ٹرمپ نے حقیقی طور پر جنوبی ایشیا کو بڑی تباہی سے بچایا۔وزیر اعظم نے کہا کہ فلسطینی عوام طویل عرصے سے غیر3 قانونی قبضے اور بے پناہ مشکلات کا شکار ہیں، مشرق وسطیٰ میں پائیدار امن کے حصول کے لیے ضروری ہے کہ جنگ بندی کی خلاف ورزیاں بند ہوں، تعمیر نو سے پہلے لوگوں کے جانوں کا تحفظ کیا جائے ،فلسطینی عوام کو اپنی سرزمین کا مکمل حق ملے اور اور ان کے مستقبل کا تعین اقوام متحدہ کی سلامتی کونسل کی قراردادوں کے مطابق کیا جائے اور ان قراردادوں کے مطابق ایک آزاد اور خود مختار فلسطینی ریاست کا قیام عمل میں آنا چاہیئے۔آزاد اورخود مختار فلسطینی ریاست کا قیام پائیدار امن کے قیام کے لیے ناگزیر ہے۔ وزیراعظم نے کہا کہ صدر ڈونلڈ ٹرمپ کی بصیرت افروز اور شاندار قیادت میں فلسطین کے مسئلے کا منصفانہ اور پائیدار حل نکلے گا۔ آج کا دن تاریخ میں اس لحاظ سے ہمیشہ یاد رکھا جائے گا کہ صدر ٹرمپ کی حمایت اور عظیم کوششوں کے نتیجے میں غزہ میں پائیدار امن حاصل ہو گا ۔اس موقع پر خطاب کرتے ہوئے سعودی عرب کے وزیر خارجہ شہزادہ فیصل بن فرحان نے کہا کہ مشرق وسطی میں پائیدار امن مسئلہ فلسطین کے منصفانہ حل سے ہی ممکن ہے ،سعودی عرب ترقی اور خوشحالی کے ہدف کے لیے اپنا کردار جاری رکھے گا،متحدہ عرب امارات کے وزیر خارجہ عبداللہ بن زید النہیان نے کہا کہ متحدہ عرب امارات غزہ کی بحالی اور تعمیر نو کے لیے کردار ادا کرے گا،ترکیہ کے وزیر خارجہ حکان فیدان نے کہا کہ مسئلے کے پرامن حل کے ساتھ یکطرفہ اقدامات کی روک تھام ناگزیر ہے ،بنیادی ڈھانچے تعلیم اور صحت کے شعبے میں بہت کام کرنے کی ضرورت ہے،صدر ٹرمپ نے کہا کہ امن اور تعمیر نو کا خواب شرمندہ تعبیر ہوگا ہم اپنے مشن میں ضرور کامیاب ہوں گے۔رکن ممالک کے ساتھ مل کر آگے بڑھیں گے۔غزہ بورڈ آف پیس کے افتتاحی اجلاس میں وزیراعظم محمد شہباز شریف سمیت 20 ممالک کے رہنماؤں نے شرکت کی، بورڈ آف پیس کے اجلاس میں وزیراعظم محمد شہباز شریف اور ڈونلڈ ٹرمپ نے گرمجوشی سے مصافحہ کیا اور ان کے درمیان خوشگوار جملوں کا بھی تبادلہ ہوا۔صدر ٹرمپ نے تقریب میں شریک رکن ممالک کے رہنماؤں سے فرداً فرداً

امریکی فوج ہفتے کے روز ایران پر حملہ کرسکتا ہے اسرائیل کے فضائی دفاعی اداروں اور امریکی انٹیلیجنس میں معلومات کا تبادلہ ایران نے آج دو گھنٹے کے لئے فضائی حدود بند کردیں آبنائے ہرمز میں پاسداران انقلاب کی جنگی مشقیں امریکا کے بعد چین اور روس بھی خیلج فارس میں پہنچ گئے روس ایران فوجی مشقیں بھی شروع ہونے والی ہیں ایران پر حملہ توقعات سے پہلے ہوسکتا ہے اسرائیل امریکی بحری قوت کو غرق کردیں گے آیت اللہ خامنہ ای

3شان بے نیازی دیکھنی ہو تو بڑے بیوروکریٹس کی دیکھئے ۔ یہ جس بھی وزیراعظم یا وزیر کے ساتھ ہوتے ہیں اس میں سو پونڈ ہوا بھر دیتے ہیں جب ذیادہ ہوا سے وہ برسٹ ہو کر (اپنی حرکتوں کے باعث) اقتدار سے بے دخل ہونے لگتے ہیں تو یہ عین موقع پر شان بے نیازی سے ان سے الگ ہو جاتے ہیں اور آنے والے متوقع سیاسی یا فوجی حکمران کے ساتھ چپک جاتے ہیں ۔سعید مہدی کی کتاب کا چرچا بہت ہے جس سے مجھے وہ لمجہ یاد آگیا جب بارہ اکتوبر کی شام نوازشریف جنرل مشرف کو ہٹا کر جنرل ضیاءالدین کو چیف بنا چکے تھے کھینچا تانی جاری تھی ہم چند رپورٹر پی ٹی وی جا پہنچے ۔ گیٹ اندر سے بند تھے اور اسلام آباد پولیس کے چند جوان ڈیوٹی پر مامور تھے کہ کسی کو اندر نہیں آنے دینا ۔ چند ہی منٹ گزرے ہوں گے کہ ایک فوجی ٹرک آیا اور دس بارہ فوجی جنہیں ایک کپتان لیڈ کر رہا تھا نیچے اترے ان میں سے ایک گیٹ کے اوپر چڑھا اور اندر اتر کر گیٹ کھول دیا ۔ پولیس معصومیت سے ایک طرف سمٹ گئی اور رستہ چھوڑ دیا۔

مجھے سمجھ آگئی کھیل ختم ۔میں میریٹ کی طرف بڑھا تو فٹ پاتھ پر ایک شناسا چہرہ نظر آیا جو سر جھکائے تیز قدموں سے چلتا نظر آیا ۔ ابھی اندھیرا پوری طرح نہیں چھایا تھا اور سٹریٹ لائٹ بھی پوری طرح روشن تھی ۔ قریب گیا تو سعید مہدی تھے نواز شریف نے پی ٹی وی کو مورچہ ان کے حوالے کیا تھا کہ جنرل مشرف کی برطرفی اور نئے چیف کی خبر چل جائے اور وہ معاملات کو کنٹرول میں رکھیں ۔ فوج کے آتے ہی سعید مہدی پی ٹی وی کے چور دروازے سے نکل کر “شان بے نیازی” سے گھر کی طرف چل دئے تھے۔یہ بیورو کریٹ جب ریٹایڑ ہو جائیں تو کتاب لکھتے ہوئے اپنے آپ کو انتہائ ایماندار، اصول پسند اور میرٹ کے پابند ثابت کرنے کی کوشش کرتے ہیں ۔مجھے آج تک ایک بھی صاف گو بیوروکریٹ نہیں ملا جس نے اپنی کتاب میں یہ اعتراف کیا ہو کہ اس بدبخت کا بھی اس بربادی میں ہاتھ ہے احباب ناراض نہ ہوں لیکن قدرت اللہ شہاب نے اس کی ابتداء کی ، سب کو غلط لکھا اور خود کو فرشتہ ۔ اگر حکمرانوں کے چرنوں میں ایسے فرشتے موجود تھے تو پھر ہم تباہی کے رستے پر کیسے چلتے رہے اور یہ شانڑے استعفیٰ دے کر گھر کیوں نہیں چلے گئے ۔

.*وزیرِ اعظم محمد شہباز شریف کا دورہء امریکہ*وزیرِ اعظم محمد شہباز شریف کی واشنگٹن میں منعقدہ بورڈ آف پیس کے افتتاحی اجلاس میں شرکت کیلئے آئے عالمی رہنماؤں سے غیر رسمی و خوشگوار ملاقاتیں. وزیرِ اعظم کی بحرین کے فرمانروا، شاہ حماد بن عیسی الخلیفہ، آذربائیجان کے صدر الہام علیئیف، ازبکستان کے صدر شوکت مرزایوف، قازقستان کے صدر قاسم جومارت توکایف اور انڈونیشیاء کے صدر پرابوو سوبیانتو سے غیر رسمی ملاقاتیں.ملاقاتوں میں اہم عالمی و علاقائی امور پر گفتگو. ملاقاتوں میں مسکراہٹوں کا تبادلہ، غیر رسمی گرمجوشی. وزیرِ اعظم شہباز شریف واشنگٹن میں صدر ٹرمپ کی دعوت پر بورڈ آف پیس کے افتتاحی اجلاس میں شرکت کیلئے موجود ہیں.پاکستان کی بورڈ آف پیس میں شمولیت غزہ میں امن کے قیام، تعمیر نو، عالمی امن کیلئے پاکستان کی کوششوں اور سفارتی پالیسی کی بڑھتی ہوئی کامیابیوں کی عکاسی ہے.

“صدر زرداری ، خلوت اور جلوت کی ملاقاتوں کا احوال “””کيچپ گرل کے بعد ڈريم گرل “ان دنوں ہر شخص سوشل ميڈيا اور ٹی ٹاک شوز ميں صدر زردری کے جيل ميں گزارے ہوئے وقت ، اور سب جيل قرار ديئے گئے اسپتال کی سرگرميوں پر تبصرے کر رہا ہے جنکا ان دنوں وجود بھی نہيں تھا، صدر زرداری کے عمران خان کے جيل کے حوالے سے بيان کو ليکر پی ٹی آئی کی سوشل ميڈيا ٹيم اور انکی جو پوسٹيں گردش کر رہی ہيں وہ انتہائی ناشائستہ زبان ميں لکھی گئی ہيں ، جو قابل مذمت ہيں ، يہاں يہ وضاحت کردوں کہ ، ميرا تعلق نہ پيپلز پارٹی سے ہے اور نہ ميں صدر زرداری کی حمايت ميں کوئی پوسٹ لکھ رہا ہوں ، آصف زرداری کی ساری خامياں ايک طرف، مبينہ کرپشن کے الزامات کا اس تحرير سے کوئی واسطہ نہيں ہے ،مجھے اندازہ ہے کہ معلومات کا صرف ايک حصہ تحرير کرنے کے بعد پی ٹی آئی کی سوشل ميڈيا ٹيم اس ميدان ميں ضرور کودے گی، پی ٹی آئی والے صبر سے کام ليں ، شائستہ انداز ميں ، صدر زرداری کی جيل کہانی لکھنے کی کوشش ضرور کرونگا ، مگر ميں يہ بات دعوے سے کہہ سکتا ہوں کہ صدر زرداری کی “خلوت اور جلوت “کی تمام ملاقاتوں ، جيل ميں محترمہ بے نظير بھٹو کی آمد اور روانگی ، اور انکے پاس آنے والے مھمانوں کی مکمل فہرست سے واقف ہوں ، کم از کم لانڈھی جيل اور سينٹرل جيل کراچی کی حد تک کيونکہ ميں آصف علی زرداری کی ہر پيشی پر جيل کے اندر موجود ہوتا تھا ، مبينہ طور پر تاجر مرتضی بخاری کی ٹانگ پر بم باندھ کر رقم طلب کرنے کے الزام ميں گرفتار ہوکر سی آئی اے سينٹر ميں تفتيش کے مراحل سے ليکر ، جيل ميں “وينا حيات “سے ملاقاتوں تک ، تما م معاملات سے نہ صرف واقف ہوں ، بلکہ کراچی ميں جتنے عرصہ وہ جيل اور اسپتال رہے اور جو انہيں سہوليات حاصل تھيں اس ميں کسی حکومت يا اسٹبلشمنٹ کی مہربانی نہيں تھی، وہ کمال مہارت انکی ڈيلنگ کے طريقہ کار کا بھی تھا انہيں آدمی اور سسٹم خريدنے کا فن آتا ہے ، اسی لئے صدر زرداری اسٹريٹ اسمارٹ ہونے کی وجہ سے ، بڑے سے بڑے کرپشن کے الزام ، اور جيل ميں سختی کے احکامات کے باوجود پر تعيش زندگی گزارتے تھے ، جيل اسٹاف ، جيل اور اسپتال کے ڈاکٹرز، جيل کسٹڈی لانے اور ليجانے والے اہلکاروں، انٹيلجنس ايجنسيوں کے وہ اہلکار جو انکی نگرانی پر معمور ہوتے تھے ، اسپيشل برانچ کے وہ اہلکار جو جيل اور اسپتال پر معمور ہوتے تھے ، سب کمپرومائز تھے ، وہ انکی مالی مدد پابندی سے کيا کرتے تھے، اور جيل سے رہائی کے بعد بھی اگر کوئی رابطہ کرتا تو اسکا خيال رکھتے تھے ، اسلئے مياں نواز شريف اور عمران خان سے انکا موازنہ کرنا درست نہيں ہے ، ميں نے نواز شريف کی جيل ميں پريشانی ، اور خوف کو لانڈھی جيل ميں بہت قريب سے ديکھا ہے ، اسکے مقابلہ ميں صدر زرداری سے تمام تر اختلافات کے باوجود انہوں نے جيل ميں جتنا عرصہ گزارا اس ميں ، انہوں نے جيل کو اپنے اوپر حاوی نہيں ہونے ديا ، اگر صدر زرداری نے مبينہ طور پر اربوں روپے کمائے تو چند لاکھ خرچ بھی کئے ،جيل کی زرداری بيرک کا “لنگر اور پيری مریدی”

اسی لئے مشہور تھی ، پھر آپ اس بات کو بھی تسليم کريں کہ صدر زرداری ميں لچک اور انکے کمپرو مائزنگ مزاج نے بھی جيل ميں انکے لئے آسانياں پيدا کيں ، يہ لچک آپ کو عمران خان ميں نظر نہيں آئے گی پاکستان ميں سياست ، اصولوں کے ساتھ نہيں بلکہ لچک اور اسٹبلشمنٹ کی مرضی اور حمايت سے چلتی ہے ، مجھے معلومات کا صرف ايک حصہ وہ بھی محطاط طريقے سے لکھنے کا خيال ، صحافی عامر متين کی فرزانہ راجہ کے حوالے سے تحرير “کيچپ گرل “پڑھ کر آيا، وہ بھی پيکا ايکٹ 2025 کو سامنے رکھ کر صدر زرداری سے جيل اور سب جيل ميں ملاقات کے لئے آنے والی خواتين کون ہوتی تھيں اور وہ انکے لئے کس کے پيغامات لاتی تھيں ، ان ملاقاتوں کا اہتمام کرنے والے صدر زرداری کے دوست اور دست راز کون تھے ؟ محترمہ بے نظير بھٹو جب مقرہ دن کے علاوہ لانڈھی جيل پہنچی تو وہ کس بات پر ناراض ہوکر واپس لوٹ گئيں ،؟؟صدر زرداری کے سابقہ دوست ڈاکٹر ذولفقار مرزا کو کيوں ناعبدللہ ھارون روڈ پر واقع پرانے امريکی قونصليٹ کے عقب ميں انسداد دہشت گردی کی عدالت ميں ، ڈاکٹر فہميدہ مرزا صدر زرداری سے ملاقات کے لئے کيوں آتی تھيں ،

راولپنڈی ڈویلپمنٹ اتھارٹی نے ٹھلیاں انٹرچینج پر واقع غیر قانونی ہاوسنگ سوسائیٹی اینکرایج اسلام آباد فیز 2 کا سائیٹ آفس سیل

راولپنڈی ڈویلپمنٹ اتھارٹی نے ٹھلیاں انٹرچینج پر واقع غیر قانونی ہاوسنگ سوسائیٹی اینکرایج اسلام آباد فیز 2 کا سائیٹ آفس سیل کرتے ہوئے اس کی لانچنگ کی تقریب روک دی۔ ایک نیوز ویب سائیٹ کے مطابق ہاوسنگ سوسائیٹی کے پاس این او سی نہیں تھا اور اس نے سوشل میڈیا پر تشہیر اور مارکیٹنگ شروع کر رکھی تھی۔

ایک بنگلہ دیشی نوجوان کی یہ بات حیرت انگیز تھی “ہم پاکستان اور بھارت دونوں کے ساتھ یکساں اور بہتر تعلقات کے خواہاں ہیں ، آپ دونوں نے ہم سے ایک ہی طرح کا سلوک کیا ، ایک 1971 کا ذمہ دار ہے تو دوسرا 2024 میں قتل و غارت گری کا ، ہمیں دونوں زخم لگے ہیں مگر ہم آگے بڑھنا چاہتے ہیں۔”عوامی لیگ کی سربراہ شیخ حسینہ کے 5 اگست 2024 کو بھارت چلے جانے سے عام عوام میں بھارت مخالف جذبات ہیں مگر یہ جذبات بھارتی حکومت مخالف ہیں عوام مخالف نہیں ۔ بھارت اور بنگلہ دیش کے درمیان 4096 کلومیٹر لمبی زمینی سرحد ہے اور پدما ، بھراما پترا ، ٹیسٹا سمیت 54 چھوٹے بڑے دریا دونوں ملکوں کو جوڑتے ہیں۔ دونوں ملکوں کی تجارت 14 سے 16 ارب ڈالرز تک کی ہے۔ دونوں کے مفادات جڑے ہوئے ہیں۔ بھارت کو شیخ حسینہ کی عوامی لیگ میں سارے انڈے رکھنے کی پالیسی مہنگی پڑی ہے مگر وہ وآپسی کے راستے بنا رہا ہے۔ بھارت کو احساس ہوگیا ہے کہ اس کی پالیسی ٹھیک نہیں تھی یا کم ازکم بنگلہ دیش نیشنلسٹ پارٹی بنگلہ دیش کی نئی حقیقت ہے اسے عوام نے مینڈیٹ دیا ہے۔دوسری طرف وزیراعظم الیکٹ طارق رحمان سے جب اس نمائندے نے پوچھا کہ ڈھاکہ میں لوگ شیخ حسینہ کو انصاف کے کٹہرے میں لانے کا مطالبہ کرتے ہیں تو کیا آپ بھارت سے شیخ حسینہ کی حوالگی کا مطالبہ کریں گے۔ اس پر انہوں نے بہت محتاط انداز میں مختصر جواب دیا کہ “ یہ عدالتی عمل پر منحصر ہے”۔طارق رحمان بہت منجھے ہوئے اور محتاط سیاستدان کے طور پر جواب دے رہے تھے۔ وہ کسی کو ناراض نہیں کرنا چاہتے اور نہ ہی پاپولسٹ طریقہ کار اختیار کرنا چاہتے ہیں۔

انہوں نے عوامی لیگ اور شیخ حسینہ کے بارے میں ایک بھی تنقیدی لفظ نہیں بولا جو ان کے بڑے پن کی علامت کے طور پر واضع ہوا ہے۔اس سارے عمل میں اچھی بات یہ ہے کہ پاکستان کے لیے دروازے کھلے ہیں ڈھاکہ میں پاکستانیوں کو لوگ دیکھ کر خوشی کا اظہارکرتے ہیں۔مجھے ڈھاکہ میں ایک پاکستانی ائیر فورس کی 1958 میں راولپنڈی میں پیدا ہونے والی بیٹی افروزہ بیگم ملیں۔ وہ اپنی دو بہنوں اور ایک بھائی کے ساتھ ایک ریستوران میں کھانا کھانے آئیں تھیں۔ انہوں نے بتایا کہ کس طرح بنگلہ دیش کے مطیع الرحمان کی طرف سے پاکستانی طیارہ ہائی جیک کرنے کی کوشش کے بعد ان سب کو پکڑا گیا تاہم اس تلخ یاد کے ساتھ اس کے پاس حسین یادیں بھی تھیں۔ اسے کراچی اور پشاور کے کھانے اور جگہیں یاد تھیں۔ “ ہم 1974 میں پاکستان سے آئے مگر دل آج بھی ادھر ہی ہے، اسی لیے ڈھاکہ میں پشاوری کچن ریستوران کا نام سنا تو یہاں کھانا کھاکر یادیں تازہ کرنے آگئے ۔” بنگلہ دیش میں مشکل وقت میں پاکستانی ہائی کمشنر عمران صدیقی کی طرف سے کیے گئے کام دکھتے ہیں۔پاکستان کے موجودہ ہائی کمشنر عمران حیدر اور ان کی ٹیم بھی محنت کررہی ہے تاکہ پاکستان اور بنگلہ دیش کی قربتوں میں اضافہ ہو۔ پاکستان اور بنگلہ دیش کی مجموعی تجارت 865 ملین ڈالرز ہے، پاکستانی سفارتکار سماجی تعلقات کے ساتھ ساتھ اس طرف بھی توجہ دے رہے ہیں ۔پاکستان میں پالیسی ساز بنگلہ دیش کو بھارت کے لینز سے دیکھنے کی بجائے ایک ایسے بھائی کے طور پر دیکھیں جو آزاد و خودمختار ہے جس کا اپنا کنبہ اور اپنے تعلقات ہیں۔ بھارتی پالیسی سازوں کو بھی بنگلہ دیش کو پاکستانی لینز سے دیکھنے کی بجائے ایک ایسے ملک کے طور پر دیکھنے کی ضرورت ہے جس نے سارک شروع کی اور وہ اسے دوبارہ منظم کرنا چاہتا ہے۔“ ہم حکومت کی تشکیل کے بعد سارک کو دوبارہ منظم کرنے پر کام کریں گے کیونکہ یہ ہمارا (بنگلہ دیش کا ) اقدام تھا ۔” طارق رحمان نے پریس کانفرنس میں اس نمائندے کے سوال کے جواب میں کہا ۔بنگلہ دیش کی نئی حکومت کے سربراہ طارق رحمان کی پہلی ترجیح بنگلہ دیش اور اسکے مفادات ہیں

۔ وہ پاکستان اور بھارت کے موضوعات کی بجائے “ سب سے پہلے بنگلہ دیش” پر توجہ دے رہے ہیں ۔ان کی اس سوچ میں نفرت نظر نہیں آرہی حالانکہ انکی والد کو قتل کیا گیا اور والدہ طویل جلاوطنی کے بعد وطن وآپس آئیں تو علالت میں وفات پاگئیں وہ خود بھی جلاوطنی کا شکار رہے۔ اتنے مصائب کے بعد بھی مخالفین کے بارے میں ایک لفظ تک نہ بولنا عملی طور پر بڑے دل کی بات ہے۔داخلی سیاست میں وہ اپنے مخالف جماعت اسلامی کے امیر ڈاکٹر شفیق الرحمان کے گھر کھانے پر جارہے ہیں اور شیخ حسینہ واجد کو اقتدار سے نکالنے کی تحریک چلانے والے نوجوانوں کی نمائندہ جماعت نیشنل سیٹزن پارٹی کے نومنتخب رکن پارلیمینٹ اور سرکردہ رہنما ناشاد اسلام سے بھی ملاقات کر رہے ہیں کیونکہ شائد انہیں معلوم ہے کہ کسی ملک کی تعمیرنو کے لیے مخالفین کو عزت دینا پڑتی ہے۔یہ وہ سبق ہے جو جنوبی ایشیائی ممالک کی تمام سیاسی جماعتوں کو ان سے سیکھنا ہوگا۔ امید ہے کہ وہ سارک کو دوبارہ متحرک کرکے بنگلہ دیش کو پاک بھارت تقسیم کی بجائے محبت کا مرکز بناتے ہوئے باہمی علاقائی مفادات کو یکجا کریں گے تاکہ خطے میں امن کے ساتھ ترقی آسکے ۔

*_وزیراعظم آفس_**_میڈیا ونگ_**وزیراعظم محمد شہباز شریف کا رمضان المبارک 1447 (19فروری 2026) پر پیغام*پاکستان اور دنیا بھر کے مسلمانوں کو ماہ رمضان المبارک کے بابرکت اور روح پرور آغاز پر دل کی گہرائیوں سے اظہار تہنیت اور مبارکباد پیش کرتا ہوں۔بے شک یہ عظیم ماہ مقدس اللہ تعالیٰ کی خصوصی عنایت ہے جو مسلمانوں کو خشوع وخضوع کے ساتھ عبادت اور تقویٰ و پرہیزگاری، اور روحانی پاکیزگی جیسی مذہبی اقدار کو ترو تازہ کرنے کا موقع فراہم کرتا ہے۔رمضان المبارک انفرادی اور اجتماعی سطح پر یہ شعور دیتا ہے کہ عبادت کی حقیقی روح کردار کی اصلاح، باہمی ایثار و احساس، معاشرتی ذمہ داریوں اور حقوق العباد کا احترام ہے۔ روزہ محض مذہبی فریضہ کی ادائیگی نہیں بلکہ روز مرہ زندگی میں صبر، نظم و ضبط اور احساس ذمہ داری کی عملی تربیت ہے۔ بحیثیت قوم بھی رمضان المبارک ہمیں باہمی کاوشوں سے اجتماعی خیر سگالی اور بالخصوص کمزور طبقہ کی فلاح و بہبود کا پیغام دیتا ہے۔ حکومت پاکستان نے اپنے کمزور طبقات کی ہر ممکن معاونت کے لئے رمضان پیکج کا آغاز کیا ہے۔ جسکے تحت مستحق افراد کو باعزت طریقے سے ڈیجیٹل والٹ کے ذریعے مالی امداد منتقل ہو جاۓ گی تاکہ تمام گھرانے رمضان میں سحر و افطار کے دستر خوان کی رونقیں قائم رکھ سکیں۔ ہم دعا گو ہیں کہ اللہ تعالی ہمیں قران پاک کی تعلیمات ، اسوہ حسنہ اور اس مقدس مہینے کی حقیقی عملی تربیت پر عمل پیرا ہونے کی توفیق دے۔ اس ماہ مقدس کے آغاز پر ہم دست بدعا ہیں کہ اللہ تعالیٰ ہماری انفرادی اور اجتماعی عبادات اور نیک اعمال کو شرف قبولیت بخشے اور پاکستان کو امن و استحکام اور ترقی و خوشحالی کا گہوارہ بنا دے۔ آمین!

صدرِ مملکت آصف علی زرداری سے آزاد جموں و کشمیر کے وزیرِ اعظم راجہ فیصل ممتاز راٹھور سمیت پارلیمانی وفد کی ملاقات۔ وفد میں سابق وزیرِ اعظم سردار تنویر الیاس بھی موجود تھے۔وفد نے آزاد جموں و کشمیر کی مجموعی صورتحال سے صدرِ پاکستان کو آگاہ کیا۔ وفد نے صدر زرداری سے پارٹی معاملات پر رہنمائی طلب کی اور آئندہ اقدامات پر مشاورت کی۔ ملاقات میں مرحوم بیرسٹر سلطان محمود، سابق صدر آزاد جموں و کشمیر کی مغفرت کے لیے فاتحہ خوانی بھی کی گئی۔ صدر زرداری نے بھارتی غیر قانونی تسلط میں مقیم کشمیری عوام کے تحفظ اور ان کے حقِ خودارادیت کے لیے قومی یکجہتی اور پختہ موقف پر زور دیا۔

پی ٹی آئی کو تتر بتر ہوکر انتشار کا شکار ہونے سے بچانے کیلئے عمران خان اور فیملی کے پاس دستیاب آپشنز ۔۔۔۔۔۔اس وقت پی ٹی آئی مشکل ترین دور سے گزر رہی ہے ۔۔۔اسٹیبلشمنٹ پنجاب سے تعلق رکھنے والے ممبرانِ قومی و صوبائی اسمبلی کو مکمل طور پر کمپرومائزڈ کرنے کے بعد کے پی کے میں کامیابی سے نفاق کے بیج ڈال کر سہیل خان آفریدی کیلئے مشکلات کے پہاڑ کھڑے کررہی ہے ۔۔ایک طرف عمران خان صاحب کی صحت اور زندگی کے حوالے سے حقیقی خطرات اور خدشات ہیں تو دوسری طرف عمران خان کی حقیقی آزادی کے لیے تاریخی جہدوجہد کو درپیش چیلنجز ۔۔۔چومکھی لڑائی کے اس مشکل ترین دور میں قوم کو مایوسی کا شکار ہونے سے بچانے۔۔۔اسٹیبلشمنٹ کی خواہشات مطابق پی ٹی آئی کو بکھرنے سے بچانے کے لیے فوری فیصلوں کی ضرورت ہے ۔۔۔عمران خان اور علیمہ خان کو فیصلہ کرنا ہوگا کہ اب علیمہ خان کو سیاست سنبھالنی ہوگی اور اعلانیہ پی ٹی آئی اور سہیل خان آفریدی کی سرپرستی کرنی ہوگی ورنہ علی امین گنڈاپور سے لیکر اسد قیصر علی محمد خان جیسے پشت پر وار کرنے والے ناپاک عزائم میں کامیاب بھی ہوسکتے ہیں جب پنجاب سے تعلق رکھنے والے ممبرانِ قومی و صوبائی اسمبلی مکمل طور پر کرنل صاحبان کی جھولی میں جاچکے۔۔۔ اس موقع پر سہیل خان آفریدی کے ہاتھ مضبوط کرنے ہوں گے۔۔۔ پنجاب سے تعلق رکھنے والے ممبران صوبائی و قومی اسمبلی سے استعفے طلب کرنے کے بعد علیمہ خان اور سہیل خان آفریدی نے خیبر پختونخوا کے تمام اضلاع میں بھرپور رابط عوام مہم چلانی ہوگی سہیل خان آفریدی کو قائم مقام پارٹی چیئرمین بناکر گلگت بلتستان کشمیر اور کوئٹہ کے دورے کروائے جائیں ورنہ ایسٹ انڈیا کمپنی کی باقیات اپنی چالوں میں کامیاب ہو جائیں گی اور ھم اپنے عظیم لیڈر کو خدانخواستہ کھودیں گے

جسٹس(ریٹائرڈ)غلام مصطفی مغل چیف الیکشن کمشنر آزادکشمیر تعینات نوٹیفیکیشن جاریاسلام آباد( ) 18 فروری 2026وفاقی حکومت نے جسٹس ریٹائرڈ غلام مصطفی مغل کی نام بحثیت چیف الیکشن کمشنر آزادجموں وکشمیر کی منظوری دے دی ہے ان کی تعیناتی کا عرصہ پانچ سالہ مدت کیلئے ہو گااس سلسلے میں باقاعدہ سرکاری نوٹیفکیشن جاری کردیا گیا ہے یاد رہے کہ جسٹس ریٹائرڈ غلام مصطفی مغل قبل ازیں بھی جب وہ آزاد جموں و کشمیر ہائیکورٹ کے چیف جسٹس تھے آزادکشمیر کے چیف الیکشن کمشنر رہ چکے ہیں

سوئی ناردرن گیس کمپنی نے رمضان المبارک میں گیس کا شیڈول جاری کر دیا۔ایس این جی پی ایل کے شیڈول کے مطابق رمضان المبارک میں سحر و افطار کے اوقات میں گیس بلاتعطل فراہم کی جائے گی۔شیڈول کے مطابق صبح 3 بجے سے رات 10 بجے تک گیس کی فراہمی جاری رہے گی سحر اور افطار کے دوران صارفین کو گیس فل پریشر پر دی جائے گی۔

ترجمان سوئی ناردرن گیس کمپنی کا کہنا ہے کہ کم پریشر کی صورت میں صارفین کمپنی کہ ہیلپ لائن 1199 پر رابطہ کریں

بنگلہ دیش کے سابق صدر ضیاء الرحمان کا پاکستان سے کیا تعلق ہے؟ جنرل ضیاء الرحمان بنگلہ دیشی فوجی افسر اور سیاست دان تھے، جنہوں نے 1977 سے 1981 میں اپنے قتل تک بنگلہ دیش کے چھٹے صدر کے طور پر خدمات انجام دیں۔انہوں نے بنگلہ دیش نیشنلسٹ پارٹی (BNP) کی بھی بنیاد رکھی۔ اور تین بار وزیر اعظم رہنے والی خالدہ ضیاء کے شوہر اور موجودہ نامزد وزیر اعظم طارق رحمان کے والد ہیں۔ ضیاء الرحمان 19 جنوری 1936 کو بوگرہ ضلع کے گبٹلی میں پیدا ہوئے۔ ان کے والد منصور الرحمان نے کلکتہ یونیورسٹی سے کیمسٹری میں ڈگری حاصل کی تھی۔ وہ کاغذ اور سیاہی کی کیمسٹری میں مہارت رکھتے تھے اور کلکتہ کے رائٹرز بلڈنگ میں سرکاری محکمے میں کام کرتے تھے۔ ان کی والدہ کا نام جہاں آرا خاتون تھا۔ ان کے دو چھوٹے بھائی تھے، احمد کمال (متوفی 2017) اور خلیل الرحمان (متوفی 2014)۔ان کے دادا کمال الدین، مہرالنساء سے شادی کرنے کے بعد مہیشابن سے نشی پور-باغباڑی ہجرت کر گئے تھے ضیاء الرحمان کی پرورش ان کے آبائی گاؤں باغباڑی میں ہوئی اور انہوں نے بوگرہ ضلع اسکول میں تعلیم حاصل کی۔ 1946 میں ضیاء الرحمان کو کلکتہ کے ہیئر اسکول میں داخل کرایا گیا، جہاں انہوں نے ہندوستان میں برطانوی سلطنت کے خاتمے اور 1947 میں ہندوستان اور پاکستان کی تقسیم تک تعلیم حاصل کی۔تقسیم ہند اور پاکستان ہجرتتقسیم ہند کے بعد ان کے والد منصور الرحمان نے مسلم اکثریتی پاکستان کا شہری بننے کا انتخاب کیا اور اگست 1947 میں، پاکستان کے پہلے دارالحکومت کراچی چلے اگئے۔11 سال کی عمر میں ضیاء الرحمان نے 1947 میں کراچی کے اکیڈمی اسکول میں چھٹی جماعت میں جانا شروع کیا۔ اور 16 سال کی عمر میں 1952 میں اسی اسکول سے ثانوی تعلیم مکمل کی۔ 1953 میں، ضیاء الرحمان کو ڈی جے سندھ گورنمنٹ سائنس کالج میں داخلہ ملا۔ اسی سال، انہوں نے ایبٹ آباد کی پاکستان ملٹری اکیڈمی میں تربیت حاصل کی۔اسی طرح ضیاء الرحمان نے اپنی جوانی کے سال کراچی اور ایبٹ آباد میں میں گزارے۔پاکستانی فوج میں کیریئر1955 میں پاکستان ملٹری اکیڈمی سے 12ویں پی ایم اے لانگ کورس میں اپنی کلاس کے دس فیصد میں گریجویشن کرنے کے بعد، ضیاء الرحمان کو پاکستان فوج میں سیکنڈ لیفٹیننٹ کے عہدے پر کمیشن دیا گیا۔ فوج میں، انہوں نے کمانڈو تربیت حاصل کی، پیراٹروپر بنے اور ایک خصوصی مخابراتی کورس میں تربیت حاصل کی

۔ابتدائی طور پر انہوں نے دو سال تک پنجاب رجمنٹ میں خدمات انجام دیں، اس سے پہلے کہ 1957 میں ان کا تبادلہ مشرقی بنگال رجمنٹ میں ہو گیا۔ انہوں نے برطانوی فوج کے فوجی تربیتی اسکولوں میں بھی تعلیم حاصل کی، اور 1959 سے 1964 تک ملٹری انٹیلی جنس ڈیپارٹمنٹ میں بھی کام کیا۔خالدہ سے شادی1960 میں، ان کی شادی اسکندر اور طابعہ مجمدار کی 15 سالہ بیٹی “خالدہ خانم پُتول” سے ہوئی، جن کا تعلق اس وقت کے نوکھالی ضلع کے فینی سے تھا۔ یہ لڑکی، بعد میں “خالدہ ضیاء” کے نام سے تین بار بنگلہ دیش کی وزیر اعظم رہی۔اس وقت ضیاء الرحمان پاکستانی فوج میں کیپٹن تھے، جو دفاعی فوج کے افسر کے طور پر تعینات تھے۔ ان کے والد منصور الرحمان اس تقریب میں شرکت نہیں کر سکے، کیونکہ وہ کراچی میں تھے۔ ضیاء کی والدہ کا پہلے ہی انتقال ہو چکا تھا۔1965 کی پاک بھارت جنگ اور اعزازات1965 کی پاک بھارت جنگ کے دوران، ضیاء الرحمان نے پنجاب کے کھیم کرن سیکٹر میں 100 سے 150 سپاہیوں پر مشتمل ایک کمپنی (فوجی یونٹ) کے کمانڈر کے طور پر جنگ لڑی۔انہوں نے دوسری کشمیر جنگ میں بھارتی فوج کے خلاف پاکستانی فوج میں بطور کمانڈر خدمات انجام دیں، جس کے لیے انہیں پاکستانی حکومت کی طرف سے ہلالِ جرأت سے نوازا گیا۔ضیاء الرحمان کو پاکستان حکومت نے بہادری کے لیے ہلالِ جرأت (کریسنٹ آف کریج) کا تمغہ دیا، جو پاکستان کا دوسرا سب سے بڑا فوجی اعزاز ہے۔مشرقی بنگال رجمنٹ (ای بی آر) کی پہلی بٹالین، جس کے تحت انہوں نے جنگ لڑی، نے 1965 کی جنگ میں ہندوستان کے ساتھ اپنے کردار کے لیے تین ستارہ جرأت اور آٹھ تمغہ جرأت جیتے۔پہلی اولاد طارق رحمان کی پیدائش1966 میں، ضیاء الرحمان کو پاکستان ملٹری اکیڈمی میں فوجی انسٹرکٹر مقرر کیا گیا۔ انہوں نے انسٹرکٹر کے دوران دو بنگالی بٹالینوں کو بڑھانے میں مدد کی، جنہیں 8 ویں اور 9 ویں بنگال کہا جاتا ہے۔اسی دوران، ان کی اہلیہ خالدہ ضیاء، جو اب 24 سال کی تھیں، نے 20 نومبر 1966 کو اپنے پہلے بچے، موجودہ نامزد وزیر اعظم طارق رحمان کو جنم دیا۔ بعد میں انہوں نے کوئٹہ کے کمانڈ اینڈ سٹاف کالج سے کمانڈ اور ٹیکٹیکل وارفیئر میں کورس مکمل کیا۔مشرقی پاکستان میں تعیناتیوہ 1969 میں ڈھاکہ کے قریب ضلع گازی پور کے جے دیو پور میں دوسری مشرقی بنگال رجمنٹ میں بطور سیکنڈ ان کمانڈ شامل ہوئے، اور برطانوی فوج آف رائن سے جدید فوجی اور کمانڈ تربیت حاصل کرنے کے لیے مغربی جرمنی گئے اور بعد میں برطانوی فوج کے ساتھ چند ماہ گزارے۔ اسی سال ضیاء الرحمان جرمنی سے پاکستان واپس آئے اور مشرقی پاکستان کے چٹاگانگ میں 8 ویں مشرقی بنگال رجمنٹ کے سیکنڈ ان کمانڈ کے طور پر تعینات ہوئے۔اس وقت مشرقی پاکستان 1970 کے بھولا سمندری طوفان سے تباہ ہو چکا تھا، اور آبادی مرکزی حکومت کے سست ردعمل اور پاکستان کی دو بڑی جماعتوں، شیخ مجیب الرحمان کی عوامی لیگ اور ذوالفقار علی بھٹو کی پاکستان پیپلز پارٹی (پی پی پی) کے درمیان سیاسی تنازعے کی وجہ سے تلخ ہو گئی تھی۔1971 کی جنگ میں کردار1970 کے پاکستانی عام انتخابات میں حکومت سازی پر بات چیت کی ناکامی کے بعد، جب یحییٰ خان نے مارشل لا کا اعلان کیا، تو اس وقت وہ ابتدائی طور پر بی ڈی ایف سیکٹر 1 کے کمانڈر، جون سے بنگلہ دیش فورسز کے بی ڈی ایف سیکٹر 11 کے کمانڈر اور جولائی کے وسط سے زیڈ فورس کے بریگیڈ کمانڈر تھے۔ اس وقت ضیاء الرحمان نے بغاوت کی اور بعد میں اپنے کمانڈنگ آفیسر لیفٹیننٹ کرنل عبد الرشید جنجوعہ کو گرفتار کرکے پھانسی دے دی

۔آزادی بنگلہ دیش کا اعلانانہوں نے 27 مارچ کو کالورگھاٹ، چٹاگانگ کے آزاد بنگلہ بیتر کیندرا ریڈیو اسٹیشن سے آزادی کا اعلان نشر کیا، اور تب سے وہ “آزادی کے اعلان کرنے والے” کے نام سے جانے جاتے ہیں۔مقامی عوامی لیگ کے حامیوں اور رہنماؤں نے ان سے آزادی کا اعلان کرنے کی درخواست کی، جو اس سے قبل (26 مارچ 1971 کے اوائل میں) بنگالی رہنما بنگ بندھو شیخ مجیب الرحمان نے اپنی گرفتاری سے پہلے کیا تھا۔جس میں لکھا تھا:”یہ آزاد بنگلہ بیتر کیندر ہے۔ میں، میجر ضیاء الرحمان، بنگ بندھو شیخ مجیب الرحمان کی جانب سے، یہ اعلان کرتا ہوں کہ آزاد عوامی جمہوریہ بنگلہ دیش قائم ہو گیا ہے۔۔۔۔۔۔”ضیاء الرحمان نے چٹاگانگ میں تمام بنگالی فوجیوں اور ای پی آر یونٹوں کو جمع کرکے ایک انفنٹری یونٹ منظم کیا۔ انہوں نے اسے سیکٹر نمبر 1 قرار دیا، جس کا صدر دفتر سب روم میں تھا۔ چند ہفتوں بعد، انہیں تیلدھالا منتقل کر دیا گیا، جہاں انہوں نے سیکٹر 11 کو منظم اور تشکیل دیا۔باضابطہ فوجی قیادتبنگلہ دیش کی عارضی حکومت کے بنگلہ دیش فورسز کے سپریم کمانڈر کرنل ایم اے جی عثمانی کے تحت تمام سیکٹرز کو سرکاری طور پر بنگلہ دیش فورسز کے تحت تنظیم نو کیا گیا، جس کا صدر دفتر ہندوستان میں کولکتہ کے تھیٹر روڈ پر تھا۔30 جولائی 1971 کو، ضیاء الرحمان کو بنگلہ دیش فورسز کی پہلی روایتی بریگیڈ کا کمانڈر مقرر کیا گیا، جسے ان کے نام کے پہلے ابتدائی نام پر “زیڈ فورس” کا نام دیا گیا۔ ان کی بریگیڈ میں پہلی، تیسری اور آٹھویں مشرقی بنگالی رجمنٹیں شامل تھیں۔نیو یارک ٹائمز کے مطابق، زیڈ فورس کے ساتھ، ضیاء الرحمان نے “برفیلی بہادری کی شہرت” حاصل کی، اور بنگلہ دیش کی حکومت کی طرف سے انہیں بیر اتم، دوسرا سب سے بڑا فوجی اعزاز (اور زندہ افسروں کے لیے سب سے بڑا) دیا گیا۔شیخ مجیب الرحمان کا قتلبیرونی قوتوں اور بنگلہ دیش کے اندرونی ساتھیوں کے ذریعے شیخ مجیب الرحمان کو سربراہی سے ہٹانے کی گہری سازش ان کے قتل سے بہت پہلے سے جاری تھی۔15 اگست 1975 کو صدر شیخ مجیب الرحمان اور ان کے خاندان کو فوجی اہلکاروں کے ساتھ فائرنگ کے تبادلے میں قتل کر دیا گیا۔ مجیب الرحمان کے کابینی وزراء میں سے ایک اور سرکردہ سازشی، خندکر مشتاق احمد نے صدارت حاصل کی اور میجر جنرل کے ایم شفیع اللہ کو برطرف کر دیا، جو بغاوت کے دوران غیر جانبدار رہے تھے۔جنرل ضیاء الرحمان کی نظر بندیمیجر جنرل ضیاء الرحمان (اس وقت ڈپٹی چیف آف آرمی سٹاف) شفیع اللہ کے استعفیٰ کے بعد چیف آف آرمی سٹاف مقرر ہوئے۔ تاہم، 15 اگست کی بغاوت نے بنگلہ دیش اور مسلح افواج کی صفوں میں عدم استحکام اور بدامنی کا دور دورہ پیدا کیا۔ بریگیڈیئر خالد مشرف اور ڈھاکہ چھاؤنی کی 46 ویں بریگیڈ نے کرنل شفاعت جمیل کے تحت 3 نومبر 1975 کو خندکر مشتاق احمد کی انتظامیہ کے خلاف بغاوت کی، اور ضیاء الرحمان کو اپنے عہدے سے دستبردار ہونے اور گھر میں نظر بند کرنے پر مجبور کیا گیا

۔سپاہی و عوامی انقلاباس کے بعد 7 نومبر کو سپاہی-عوامی انقلاب آیا، جو ریٹائرڈ لیفٹیننٹ کرنل ابو طاہر اور سوشلسٹ فوجی افسران کے ایک گروپ کی زیر قیادت جاتیہ سماج تانترک دل کی طرف سے کی گئی بغاوت تھی۔ خالد مشرف کو ان کے ماتحت افسران نے اس وقت قتل کر دیا۔ شفاعت جمیل فرار ہو گئے، جبکہ ضیاء الرحمان کو لیفٹیننٹ کرنل رشید کے ماتحت دوسری آرٹلری رجمنٹ نے آزاد کرایا اور فوج کی صفوں کی مکمل حمایت کے ساتھ دوبارہ چیف آف آرمی سٹاف مقرر کیا گیا۔عبوری حکومت اور نظم و ضبطآرمی ہیڈ کوارٹر میں ایک میٹنگ کے بعد، محمد صیام کو چیف مارشل لا ایڈمنسٹریٹر اور ضیاء الرحمان، ایئر وائس مارشل ایم جی تواب اور ریئر ایڈمرل ایم ایچ خان کو ان کے نائب مقرر کرتے ہوئے ایک عبوری حکومت تشکیل دی گئی۔تاہم، فوج میں نظم و ضبط مکمل طور پر ختم ہو چکا تھا، اور جے ایس ڈی اور لیفٹیننٹ کرنل طاہر کی حمایت یافتہ سپاہیوں کو غیر مسلح کرنا مشکل تھا، کیونکہ انہوں نے ضیاء الرحمان کو ہٹانے کی ایک اور سازش کی منصوبہ بندی کی تھی۔ ضیاء الرحمان نے محسوس کیا کہ اگر بنگلہ دیش فوج میں نظم و ضبط بحال کرنا ہے، تو بدامنی کو سختی سے دبانا ہوگا۔ ضیاء الرحمان نے جے ایس ڈی اور گونوباہنی کے خلاف کارروائی کی۔ابو طاہر کو 21 جولائی 1976 کو پھانسی دے دی گئی۔ ضیاء الرحمان اسی سال چیف مارشل لا ایڈمنسٹریٹر بن گئے۔ انہوں نے مسلح افواج کو مربوط کرنے کی کوشش کی، واپس آنے والوں کو ان کی قابلیت اور سنیارٹی کے مطابق درجہ دیا۔ضیاء الرحمان نے بدامنی کو ختم کرنے کے لیے ناراض افسران کو سفارتی مشنوں پر بیرون ملک بھیج دیا۔ بنگلہ دیش پولیس فورس کا سائز دوگنا کر دیا گیا، اور فوج میں سپاہیوں کی تعداد 50,000 سے بڑھ کر 90,000 ہو گئی۔نئی ارمی چیف ارشاد کی تقرری1978 میں، انہوں نے محمد ارشاد کو لیفٹیننٹ جنرل کے عہدے پر ترقی دے کر نیا چیف آف آرمی سٹاف مقرر کیا،

جو ایک پیشہ ور سپاہی سمجھا جاتا تھا، جس کی کوئی سیاسی خواہشات نہیں تھیں، کیونکہ جنگ کے دوران وہ مغربی پاکستان میں قید تھے۔ صدارت کا آغازجنرل ضیاء الرحمان نے انتخاب لڑا اور بھاری اکثریت سے پانچ سالہ مدت کے لیے 21 اپریل 1977 کو بنگلہ دیش کے صدر بنے۔ اگلے سال، قومی اسمبلی کے لیے انتخابات ہوئے۔ مخالفین نے انتخابات کی سالمیت پر سوال اٹھایا۔صدر بننے کے بعد، ضیاء الرحمان نے مارشل لا ختم کیا اور ملک کی ترقی کے لیے بڑے پیمانے پر اصلاحات متعارف کروائیں۔ انہوں نے کثیر الجماعتی سیاست، صحافت کی آزادی، آزادی اظہار، آزاد منڈی اور احتساب کو بحال کیا۔1978 میں بطور صدر، ضیاء الرحمان نے بنگلہ دیش نیشنلسٹ پارٹی کی بنیاد رکھی، جو آج چوتھی بار حکومت بنا رہی ہے۔بغاوت کی کوششیں اور قتلملکی سطح پر، ضیاء الرحمان کو 21 بغاوت کی کوششوں کا سامنا کرنا پڑا، جن کے لیے فوجی ٹربیونل قائم کیے گئے، جس کے نتیجے میں فوج اور فضائیہ کے کم از کم 200 سپاہیوں کو پھانسی دی گئی، جس سے انہیں بین الاقوامی مبصرین میں “سخت گیر” اور “بے رحم” ہونے کی شہرت ملی۔ آخر کار 30 مئی 1981 کو چٹاگانگ میں بغاوت کی کوشش میں ان کا قتل کر دیا گیا۔ضیاء الرحمان کا دورِ اقتدار میں اصلاحات اور تنازعاتاقتصادی اور زرعی اصلاحات▪️بنگلہ دیش میں ناخواندگی، شدید غربت اور دائمی بے روزگاری جیسے مسائل کے حل کے لیے ضیاء الرحمان نے “19 نکاتی اقتصادی پروگرام” کا اعلان کیا۔ اس پروگرام کا محور خود انحصاری، دیہی ترقی، اختیارات کی نچلی سطح پر منتقلی (Decentralization) اور آزاد منڈی کا فروغ تھا۔ انہوں نے عوام کو “زیادہ کام اور زیادہ پیداوار” کی تلقین کی۔▪️انہوں نے زرعی شعبے میں جدت لانے کے لیے بنگلہ دیش جوٹ اور چاول ریسرچ انسٹی ٹیوٹ قائم کیے اور 1977ء میں دیہی ترقی کا جامع پروگرام شروع کیا، جس میں “خوراک برائے کام” (Food for Work) کا منصوبہ انتہائی مقبول ہوا۔ اس کے علاوہ نجی شعبے کی حوصلہ افزائی کی گئی اور زراعت و صنعت پر عائد کڑی پابندیاں اور کوٹہ سسٹم ختم کر دیا گیا۔انفراسٹرکچر اور تعلیمضیاء الرحمان نے ملک گیر سطح پر نہروں، پاور اسٹیشنوں، ڈیموں اور سڑکوں کی تعمیر کے بڑے منصوبے شروع کیے۔ دیہی سطح پر نظم و ضبط اور سیکورٹی کے لیے “گرام سرکار” (دیہی کونسل) اور “ویلیج ڈیفنس پارٹی” کا نظام وضع کیا۔ تعلیم کے شعبے میں بالخصوص ابتدائی اور بالغوں کی تعلیم کے لیے بڑے پیمانے پر مہم چلائی گئی، جس کے نتیجے میں بنگلہ دیشی معیشت نے تیز رفتار ترقی حاصل کی

۔خارجہ پالیسی میں تبدیلی اور اسلامی ممالک سے تعلقاتضیاء الرحمان نے بنگلہ دیش کی خارجہ پالیسی کو ایک نئی سمت عطا کی۔ انہوں نے اپنے پیشروؤں کی بھارت اور سوویت یونین نواز پالیسی کے بجائے امریکہ، مغربی یورپ، افریقہ اور مشرقِ وسطیٰ کے ساتھ قریبی تعلقات استوار کیے۔انہوں نے پاکستان کے ساتھ تعلقات معمول پر لانے کے لیے سنجیدہ اقدامات کیے اور سعودی عرب و چین کے ساتھ سفارتی ہم آہنگی پیدا کی (واضح رہے کہ چین نے 1975ء تک بنگلہ دیش کو تسلیم نہیں کیا تھا)۔ان کی “اسلامی ریاست” سے متعلق پالیسیوں کی بدولت عالمِ اسلام میں بنگلہ دیش کا وقار بلند ہوا، جس سے خلیجی ممالک میں بنگلہ دیشی افرادی قوت کے لیے روزگار کے دروازے کھلے اور ترسیلاتِ زر معیشت کا اہم ستون بن گئیں۔سارک (SAARC) کا قیامعلاقائی تعاون کے فروغ کے لیے ضیاء الرحمان نے جنوبی ایشیائی ممالک کی ایک تنظیم کا وژن پیش کیا۔ اگرچہ اس کی پہلی باقاعدہ کانفرنس 1985ء میں (حسین محمد ارشاد کے دور میں) ڈھاکہ میں ہوئی، لیکن سارک کے قیام کا بنیادی سہرا ضیاء الرحمان کے سر ہے، جس پر انہیں بعد از مرگ اعزاز سے بھی نوازا گیا۔قومی شناخت اور نظریہضیاء الرحمان نے شناخت کے بحران کو ختم کرنے کے لیے ایک نیا قومی نظریہ پیش کیا، جس میں اعتدال پسند اسلام، تکثیریت اور “بنگلہ دیشی قومیت” کو بنیاد بنایا گیا۔ انہوں نے آئین میں ترمیم کے ذریعے شہریت کی بنیاد نسلی شناخت (بنگالی) کے بجائے جغرافیائی و قومی شناخت (بنگلہ دیشی) پر رکھی، تاکہ اقلیتوں (سانتھال، چکما، بہاری وغیرہ) کو بھی قومی دھارے میں شامل کیا جا سکے۔تنازعات اور تنقیدمجیب قتل کیس اور انڈیمنٹی ایکٹ:شیخ مجیب الرحمان کے قتل کے بعد ضیاء الرحمان کا کردار بحث طلب رہا۔ انہوں نے مجیب کے قاتلوں کو تحفظ دینے والے “انڈیمنٹی آرڈیننس” کو منسوخ نہیں کیا، بلکہ اس قتل میں ملوث کئی فوجی افسران (میجر دلیم، میجر رشید وغیرہ) کو وزارتِ خارجہ میں سفارتی عہدوں پر تعینات کیا۔غیر آئینی اقتدار:ڈھاکہ ہائی کورٹ نے بعد ازاں 1975 سے 1979 کے درمیان فوجی بغاوتوں کے ذریعے اقتدار کے حصول اور ضیاء کے مارشل لا کو “غیر قانونی اور غیر آئینی” قرار دیا۔اپوزیشن کے خلاف کریک ڈاؤن:ان کے دور میں تقریباً 20 بار بغاوت کی کوششیں ہوئیں، جنہیں سختی سے کچلا گیا۔ ایک اندازے کے مطابق اکتوبر 1977ء کی ناکام بغاوت کے بعد مختلف جیلوں میں 1,143 افراد کو پھانسی دی گئی۔اعزازات اور خراجِ تحسینضیاء الرحمان کی وفات کے بعد انہیں متعدد عالمی اعزازات سے نوازا گیا۔ ترکی نے انقرہ میں ایک شاہراہ کا نام ان کے نام پر رکھا۔ بی بی سی کے ایک سروے میں انہیں “عظیم ترین بنگالیوں” کی فہرست میں 19ویں نمبر پر رکھا گیا۔انہیں پاکستان سے ہلالِ جرأت، بنگلہ دیش سے آزادی ایوارڈ اور مصر و شمالی کوریا سے اعلیٰ ترین فوجی و شہری اعزازات ملے۔ان کی سیاسی جماعت، بی این پی، بنگلہ دیش کی سیاست میں ایک بڑی قوت بنی ہوئی ہے، ان کی بیوہ، خالدہ ضیاء، پارٹی کی قیادت کر رہی تھی اور تین بار وزیر اعظم رہ چکی ہیں۔ اب ان کا بیٹا طارق وزیر اعظم بننے کے لیے تیار ہیں۔بنگلہ دیش کے سابق صدر ضیاء الرحمان کا پاکستان سے کیا تعلق ہے؟ جنرل ضیاء الرحمان بنگلہ دیشی فوجی افسر اور سیاست دان تھے، جنہوں نے 1977 سے 1981 میں اپنے قتل تک بنگلہ دیش کے چھٹے صدر کے طور پر خدمات انجام دیں۔انہوں نے بنگلہ دیش نیشنلسٹ پارٹی (BNP) کی بھی بنیاد رکھی۔ اور تین بار وزیر اعظم رہنے والی خالدہ ضیاء کے شوہر اور موجودہ نامزد وزیر اعظم طارق رحمان کے والد ہیں۔ ضیاء الرحمان 19 جنوری 1936 کو بوگرہ ضلع کے گبٹلی میں پیدا ہوئے۔ ان کے والد منصور الرحمان نے کلکتہ یونیورسٹی سے کیمسٹری میں ڈگری حاصل کی تھی۔ وہ کاغذ اور سیاہی کی کیمسٹری میں مہارت رکھتے تھے اور کلکتہ کے رائٹرز بلڈنگ میں سرکاری محکمے میں کام کرتے تھے۔ ان کی والدہ کا نام جہاں آرا خاتون تھا۔ ان کے دو چھوٹے بھائی تھے، احمد کمال (متوفی 2017) اور خلیل الرحمان (متوفی 2014)۔ان کے دادا کمال الدین، مہرالنساء سے شادی کرنے کے بعد مہیشابن سے نشی پور-باغباڑی ہجرت کر گئے تھے ضیاء الرحمان کی پرورش ان کے آبائی گاؤں باغباڑی میں ہوئی اور انہوں نے بوگرہ ضلع اسکول میں تعلیم حاصل کی۔ 1946 میں ضیاء الرحمان کو کلکتہ کے ہیئر اسکول میں داخل کرایا گیا، جہاں انہوں نے ہندوستان میں برطانوی سلطنت کے خاتمے اور 1947 میں ہندوستان اور پاکستان کی تقسیم تک تعلیم حاصل کی۔تقسیم ہند اور پاکستان ہجرتتقسیم ہند کے بعد ان کے والد منصور الرحمان نے مسلم اکثریتی پاکستان کا شہری بننے کا انتخاب کیا اور اگست 1947 میں، پاکستان کے پہلے دارالحکومت کراچی چلے اگئے۔11 سال کی عمر میں ضیاء الرحمان نے 1947 میں کراچی کے اکیڈمی اسکول میں چھٹی جماعت میں جانا شروع کیا۔

اور 16 سال کی عمر میں 1952 میں اسی اسکول سے ثانوی تعلیم مکمل کی۔ 1953 میں، ضیاء الرحمان کو ڈی جے سندھ گورنمنٹ سائنس کالج میں داخلہ ملا۔ اسی سال، انہوں نے ایبٹ آباد کی پاکستان ملٹری اکیڈمی میں تربیت حاصل کی۔اسی طرح ضیاء الرحمان نے اپنی جوانی کے سال کراچی اور ایبٹ آباد میں میں گزارے۔پاکستانی فوج میں کیریئر1955 میں پاکستان ملٹری اکیڈمی سے 12ویں پی ایم اے لانگ کورس میں اپنی کلاس کے دس فیصد میں گریجویشن کرنے کے بعد، ضیاء الرحمان کو پاکستان فوج میں سیکنڈ لیفٹیننٹ کے عہدے پر کمیشن دیا گیا۔ فوج میں، انہوں نے کمانڈو تربیت حاصل کی، پیراٹروپر بنے اور ایک خصوصی مخابراتی کورس میں تربیت حاصل کی۔ابتدائی طور پر انہوں نے دو سال تک پنجاب رجمنٹ میں خدمات انجام دیں، اس سے پہلے کہ 1957 میں ان کا تبادلہ مشرقی بنگال رجمنٹ میں ہو گیا۔ انہوں نے برطانوی فوج کے فوجی تربیتی اسکولوں میں بھی تعلیم حاصل کی، اور 1959 سے 1964 تک ملٹری انٹیلی جنس ڈیپارٹمنٹ میں بھی کام کیا۔خالدہ سے شادی1960 میں، ان کی شادی اسکندر اور طابعہ مجمدار کی 15 سالہ بیٹی “خالدہ خانم پُتول” سے ہوئی، جن کا تعلق اس وقت کے نوکھالی ضلع کے فینی سے تھا۔ یہ لڑکی، بعد میں “خالدہ ضیاء” کے نام سے تین بار بنگلہ دیش کی وزیر اعظم رہی۔اس وقت ضیاء الرحمان پاکستانی فوج میں کیپٹن تھے، جو دفاعی فوج کے افسر کے طور پر تعینات تھے۔ ان کے والد منصور الرحمان اس تقریب میں شرکت نہیں کر سکے، کیونکہ وہ کراچی میں تھے۔ ضیاء کی والدہ کا پہلے ہی انتقال ہو چکا تھا۔1965 کی پاک بھارت جنگ اور اعزازات1965 کی پاک بھارت جنگ کے دوران، ضیاء الرحمان نے پنجاب کے کھیم کرن سیکٹر میں 100 سے 150 سپاہیوں پر مشتمل ایک کمپنی (فوجی یونٹ) کے کمانڈر کے طور پر جنگ لڑی۔انہوں نے دوسری کشمیر جنگ میں بھارتی فوج کے خلاف پاکستانی فوج میں بطور کمانڈر خدمات انجام دیں، جس کے لیے انہیں پاکستانی حکومت کی طرف سے ہلالِ جرأت سے نوازا گیا۔ضیاء الرحمان کو پاکستان حکومت نے بہادری کے لیے ہلالِ جرأت (کریسنٹ آف کریج) کا تمغہ دیا، جو پاکستان کا دوسرا سب سے بڑا فوجی اعزاز ہے۔مشرقی بنگال رجمنٹ (ای بی آر) کی پہلی بٹالین، جس کے تحت انہوں نے جنگ لڑی، نے 1965 کی جنگ میں ہندوستان کے ساتھ اپنے کردار کے لیے تین ستارہ جرأت اور آٹھ تمغہ جرأت جیتے۔پہلی اولاد طارق رحمان کی پیدائش1966 میں، ضیاء الرحمان کو پاکستان ملٹری اکیڈمی میں فوجی انسٹرکٹر مقرر کیا گیا۔ انہوں نے انسٹرکٹر کے دوران دو بنگالی بٹالینوں کو بڑھانے میں مدد کی، جنہیں 8 ویں اور 9 ویں بنگال کہا جاتا ہے۔اسی دوران، ان کی اہلیہ خالدہ ضیاء، جو اب 24 سال کی تھیں، نے 20 نومبر 1966 کو اپنے پہلے بچے، موجودہ نامزد وزیر اعظم طارق رحمان کو جنم دیا۔ بعد میں انہوں نے کوئٹہ کے کمانڈ اینڈ سٹاف کالج سے کمانڈ اور ٹیکٹیکل وارفیئر میں کورس مکمل کیا۔مشرقی پاکستان میں تعیناتیوہ 1969 میں ڈھاکہ کے قریب ضلع گازی پور کے جے دیو پور میں دوسری مشرقی بنگال رجمنٹ میں بطور سیکنڈ ان کمانڈ شامل ہوئے، اور برطانوی فوج آف رائن سے جدید فوجی اور کمانڈ تربیت حاصل کرنے کے لیے مغربی جرمنی گئے اور بعد میں برطانوی فوج کے ساتھ چند ماہ گزارے۔ اسی سال ضیاء الرحمان جرمنی سے پاکستان واپس آئے اور مشرقی پاکستان کے چٹاگانگ میں 8 ویں مشرقی بنگال رجمنٹ کے سیکنڈ ان کمانڈ کے طور پر تعینات ہوئے۔اس وقت مشرقی پاکستان 1970 کے بھولا سمندری طوفان سے تباہ ہو چکا تھا، اور آبادی مرکزی حکومت کے سست ردعمل اور پاکستان کی دو بڑی جماعتوں، شیخ مجیب الرحمان کی عوامی لیگ اور ذوالفقار علی بھٹو کی پاکستان پیپلز پارٹی (پی پی پی) کے درمیان سیاسی تنازعے کی وجہ سے تلخ ہو گئی تھی۔1971 کی جنگ میں کردار1970 کے پاکستانی عام انتخابات میں حکومت سازی پر بات چیت کی ناکامی کے بعد، جب یحییٰ خان نے مارشل لا کا اعلان کیا، تو اس وقت وہ ابتدائی طور پر بی ڈی ایف سیکٹر 1 کے کمانڈر، جون سے بنگلہ دیش فورسز کے بی ڈی ایف سیکٹر 11 کے کمانڈر اور جولائی کے وسط سے زیڈ فورس کے بریگیڈ کمانڈر تھے۔ اس وقت ضیاء الرحمان نے بغاوت کی اور بعد میں اپنے کمانڈنگ آفیسر لیفٹیننٹ کرنل عبد الرشید جنجوعہ کو گرفتار کرکے پھانسی دے دی۔آزادی بنگلہ دیش کا اعلانانہوں نے 27 مارچ کو کالورگھاٹ، چٹاگانگ کے آزاد بنگلہ بیتر کیندرا ریڈیو اسٹیشن سے آزادی کا اعلان نشر کیا، اور تب سے وہ “آزادی کے اعلان کرنے والے” کے نام سے جانے جاتے ہیں۔مقامی عوامی لیگ کے حامیوں اور رہنماؤں نے ان سے آزادی کا اعلان کرنے کی درخواست کی، جو اس سے قبل (26 مارچ 1971 کے اوائل میں) بنگالی رہنما بنگ بندھو شیخ مجیب الرحمان نے اپنی گرفتاری سے پہلے کیا تھا۔جس میں لکھا تھا:”یہ آزاد بنگلہ بیتر کیندر ہے۔ میں، میجر ضیاء الرحمان، بنگ بندھو شیخ مجیب الرحمان کی جانب سے، یہ اعلان کرتا ہوں کہ آزاد عوامی جمہوریہ بنگلہ دیش قائم ہو گیا ہے۔۔۔۔۔۔”ضیاء الرحمان نے چٹاگانگ میں تمام بنگالی فوجیوں اور ای پی آر یونٹوں کو جمع کرکے ایک انفنٹری یونٹ منظم کیا۔ انہوں نے اسے سیکٹر نمبر 1 قرار دیا، جس کا صدر دفتر سب روم میں تھا۔ چند ہفتوں بعد، انہیں تیلدھالا منتقل کر دیا گیا، جہاں انہوں نے سیکٹر 11 کو منظم اور تشکیل دیا۔باضابطہ فوجی قیادتبنگلہ دیش کی عارضی حکومت کے بنگلہ دیش فورسز کے سپریم کمانڈر کرنل ایم اے جی عثمانی کے تحت تمام سیکٹرز کو سرکاری طور پر بنگلہ دیش فورسز کے تحت تنظیم نو کیا گیا، جس کا صدر دفتر ہندوستان میں کولکتہ کے تھیٹر روڈ پر تھا۔30 جولائی 1971 کو، ضیاء الرحمان کو بنگلہ دیش فورسز کی پہلی روایتی بریگیڈ کا کمانڈر مقرر کیا گیا، جسے ان کے نام کے پہلے ابتدائی نام پر “زیڈ فورس” کا نام دیا گیا۔ ان کی بریگیڈ میں پہلی، تیسری اور آٹھویں مشرقی بنگالی رجمنٹیں ش

ویسے داد دینی چاہئیے اپنے کھلاڑیوں کو۔۔۔میدان میں ان سے ہوتا کچھ نہیں اور مائیک پر بیٹھ کر سکندر اعظم بن جاتے ہیں 🫣😝صحافی کا شاداب خان سے سوال 🗣️ “شاداب کیا لگتا ہے ، سیمی فائنل کھیل کے جائیں گے؟” شاداب خان کا صحافی کو جواب 🗣️”سیمی فائنل کیوں ، ہم فائنل کھیلیں گے ، اور انشاء اللہ فائنل جیت کر جائیں گے۔”

14 مشہور کرکٹ کپتانوں نے حکومتِ پاکستان سے عمران خان کو طبی سہولیات فراہم کرنے کی درخواست کر دی ہے۔ اس درخواست پر دستخط کرنے والوں میں کلائیو لائیڈ، ناصر حسین، سنیل گواسکر، کپل دیو، ایلن بارڈر، اسٹیو وا، ایان چیپل، بیلنڈا کلارک، کم ہیوز، مائیک بریرلی، ڈیوڈ گاور اور جان رائٹ شامل ہیں۔خط کے متن کا ترجمہ درج ذیل ہے بین الاقوامی کرکٹ کے سابق کپتانوں کی جانب سے اپیل17 فروری 2026ہم، اپنے اپنے ملک کی قومی کرکٹ ٹیموں کے سابق کپتان، پاکستان کے ممتاز سابق کپتان اور ورلڈ کرکٹ کی افسانوی شخصیت عمران خان کے ساتھ روا رکھے جانے والے مبینہ سلوک اور قید کے حالات پر گہری تشویش کے ساتھ یہ خط لکھ رہے ہیں۔کھیل کے لیے عمران خان کی خدمات کو عالمی سطح پر سراہا جاتا ہے۔ بطور کپتان، انہوں نے 1992 کے کرکٹ ورلڈ کپ میں پاکستان کو تاریخی فتح دلائی—یہ ایک ایسی کامیابی تھی جو مہارت، استقامت، قیادت اور کھیل کی اعلیٰ اقدار پر مبنی تھی جس نے سرحدوں کے اس پار نسلوں کو متاثر کیا۔ہم میں سے بہت سے لوگوں نے ان کے خلاف مقابلہ کیا، ان کے ساتھ میدان میں وقت گزارا، یا ان کی ہمہ جہت (all-round) مہارت، کرشمہ اور مسابقتی جذبے کو آئیڈیل بناتے ہوئے بڑے ہوئے۔ وہ کھیل کی تاریخ کے بہترین آل راؤنڈرز اور کپتانوں میں سے ایک ہیں، جنہوں نے کھلاڑیوں، شائقین اور منتظمین سب سے یکساں احترام حاصل کیا۔کرکٹ سے ہٹ کر، عمران خان نے پاکستان کے وزیر اعظم کے طور پر خدمات انجام دیں اور ایک مشکل دور میں اپنی قوم کی قیادت کی۔ سیاسی نظریات سے قطع نظر، انہیں اپنے ملک کے اعلیٰ ترین عہدے پر جمہوری طور پر منتخب ہونے کا اعزاز حاصل ہے۔ان کی صحت کے حوالے سے حالیہ رپورٹس—خاص طور پر حراست کے دوران ان کی بصارت کی تشویشناک حد تک گرتی ہوئی صورتحال—اور گزشتہ ڈھائی سالوں سے ان کی قید کے حالات نے ہمیں شدید تشویش میں مبتلا کر دیا ہے

۔بطور ساتھی کرکٹرز جو کھیل کے میدان کی حدود سے ماورا فیئر پلے (منصفانہ کھیل)، عزت اور احترام کی اقدار کو سمجھتے ہیں، ہمارا ماننا ہے کہ عمران خان جیسی قد آور شخصیت کے ساتھ اس وقار اور بنیادی انسانی ہمدردی کا سلوک کیا جانا چاہیے جو ایک سابق قومی رہنما اور عالمی اسپورٹس آئیکون کے شایانِ شان ہو۔ہم احترام کے ساتھ حکومتِ پاکستان سے مطالبہ کرتے ہیں کہ وہ اس بات کو یقینی بنائے کہ عمران خان کو درج ذیل سہولیات فراہم کی جائیں: * ان کی صحت کے مسائل کے حل کے لیے ان کی اپنی پسند کے ماہر ڈاکٹروں سے فوری، مناسب اور مسلسل طبی امداد۔ * بین الاقوامی معیار کے مطابق حراست کے انسانی اور باوقار حالات، بشمول قریبی اہل خانہ سے باقاعدہ ملاقاتیں۔ * بغیر کسی تاخیر یا رکاوٹ کے قانونی عمل تک منصفانہ اور شفاف رسائی۔کرکٹ طویل عرصے سے قوموں کے درمیان ایک پل کا کردار ادا کرتی آئی ہے۔ میدان میں ہماری مشترکہ تاریخ ہمیں یاد دلاتی ہے کہ کھیل ختم ہونے کے ساتھ ہی رقابت ختم ہو جاتی ہے—اور احترام باقی رہتا ہے۔ عمران خان نے اپنے پورے کیریئر میں اسی جذبے کی عکاسی کی۔ہم حکام سے مطالبہ کرتے ہیں کہ وہ شرافت اور انصاف کے اصولوں کو برقرار رکھتے ہوئے اب اس جذبے کا احترام کریں۔یہ اپیل کسی بھی قانونی کارروائی پر اثر انداز ہوئے بغیر، محض کھیل کے جذبے اور مشترکہ انسانی ہمدردی کے تحت کی گئی ہے۔بشکریہ و تصدیق:مائیکل آتھرٹن (OBE)، ایلن بارڈر (AO)، مائیکل بریرلی (OBE)، گریگ چیپل (AO, MBE)، ایان چیپل، بیلنڈا کلارک (AO)، پدما بھوشن سنیل گواسکر، ڈیوڈ گاور (OBE)، کم ہیوز، ناصر حسین (OBE)، سر کلائیو لائیڈ (CBE)، پدما بھوشن کپل دیو نکھنج، اسٹیفن وا (AO)، جان رائٹ (MBE)۔

‏لاہور میں پریس کانفرنس کرتے ہوئے وفاقی وزیر داخلہ محسن نقوی نے کہا کہ بانی پی ٹی آئی کی صحت کے معاملے پر پروپیگنڈا کیا گیا، سیاسی انتقام لینا ہوتا تو جیل میں ہی ٹائٹ کردیتے، محمود اچکزئی کے خط لکھنے سے پہلے ہی اپوزیشن سے رابطے میں تھے۔ان کا کہنا ہے کہ ہم نے کہا تھا کہ اپنے ایک ڈاکٹر کا بھی نام دے دیں، معائنے کیلئے سرکاری اور پرائیوٹ ڈاکٹرز کا انتخاب کیا، بانی کے ذاتی معالجین نے کہا بہترین علاج ہورہا ہے، بانی کے معالجین نے کہا ہم علاج کررہے ہوتے تب بھی یہی کرتے، اپوزیشن رہنماؤں نے بھی بریفنگ کے بعد اطمیمنان کا اظہار کیا۔محسن نقوی نے کہا کہ بانی کی آنکھ کے معاملے پر بھرپور سیاست کھیلی گئی، معائنے کے وقت بانی کے کزن قاسم کا نام دیا گیا، پھر کہا گیا بانی کو اسپتال منتقل کیا جائے، علیمہ خان سارے معاملات کو ویٹو کردیتی تھیں، آج سڑکیں بند کرکے لوگوں کو تکلیف پہنچائی جارہی ہیں، کچھ لوگ بانی کی صحت سے زیادہ اپنی سیاست کیلئے فکر مند ہیں۔علی امین گنڈا پور کے بیان پر وزیر داخلہ محسن نقوی نے ردعمل دیتے ہوئے کہا کہ میں ہمیشہ کہتا ہوں مذاکرات سے ہر مسئلہ حل ہوتا ہے، وزیراعظم بھی پہلے دن سے مذاکرات کی بات کررہے ہیں،

راستے بند کرنے والے پھر دیکھ لیں، ہمیں بڑی کلیئر ہدایات ہیں، کے پی پولیس لڑرہی ہے لیکن سیاسی قیادت کو بھی آن بورڈ ہونا پڑے گا۔ان کا کہنا ہے کہ سمجھدار لوگوں کی سُنی جاتی تو پی ٹی آئی آج اِس حال میں نہ ہوتی، حکومت اور پی ٹی آئی کے درمیان اِس وقت کوئی بات نہیں ہورہی، این آر او سے متعلق بات چیت میرا سبجیکٹ نہیں ہے۔وزیر داخلہ نے کہا کہ پاکستان میں دہشت گردی کے پیچھے 100 فیصد بھارت ملوث ہے، دہشت گردی میں بھارت کے ملوث ہونے پر دُنیا کو بھی سمجھانا ہوگا۔

تحریکِ تحفظِ آئینِ پاکستان وفاقی وزیرِ داخلہ کی حالیہ پریس کانفرنس کو صریح گمراہ کن، حقائق کے منافی اور عوام کی آنکھوں میں دھول جھونکنے کی ناکام کوشش قرار دیتی ہے۔ ریاستی منصب پر فائز ہو کر سچ کو مسخ کرنا نہ صرف اخلاقی دیوالیہ پن کی علامت ہے بلکہ آئینی ذمہ داریوں سے کھلی روگردانی بھی ہے۔حکومت سابق وزیرِاعظم عمران خان کی بگڑتی ہوئی صحت اور جیل میں ان کے ساتھ روا رکھے جانے والے غیر انسانی سلوک پر پردہ ڈالنے کے لیے ایک من گھڑت بیانیہ تشکیل دے رہی ہے۔ قوم کو اصل حقائق سے محروم رکھ کر سیاسی تماشہ لگانا قابلِ مذمت اور ناقابلِ قبول ہے۔

ہم دوٹوک الفاظ میں واضح کرتے ہیں کہ طبی معائنے کے دوران سرکاری ڈاکٹروں پر عدم اعتماد اور ذاتی معالج کی موجودگی کی شرط کوئی انفرادی ضد نہیں بلکہ فیملی، پاکستان تحریکِ انصاف کی قیادت اور تحریکِ تحفظِ آئینِ پاکستان کا باہمی مشاورت سے کیا گیا متفقہ فیصلہ ہے۔ عمران خان کی صحت سے متعلق فیصلہ کرنے کا اخلاقی، قانونی اور انسانی حق صرف ان کی فیملی کو حاصل ہے۔ جب تک ان کے ذاتی معالج موجود نہیں ہوں گے، کسی بھی سرکاری بورڈ یا سرکاری ڈاکٹر کے نام پر سیاسی قیادت کو نمائشی شرکت کی دعوت دینا محض ایک ڈھونگ اور خانہ پُری ہے۔مزید برآں، عمران خان کو جس طویل اور بدترین قیدِ تنہائی میں رکھا گیا ہے وہ بین الاقوامی انسانی حقوق کے معیارات کے مطابق تشدد (Torture) کے زمرے میں آتا ہے۔ United Nations Working Group on Arbitrary Detention پہلے ہی ان کی حراست کو غیر قانونی قرار دے چکا ہے۔ اس کے باوجود نہ فیئر ٹرائل کے تقاضے پورے کیے گئے اور نہ شفاف عدالتی رسائی دی گئی۔ عدالتوں کو جیل کے اندر منتقل کر کے عوام، میڈیا، فیملی اور پارٹی رہنماؤں کی رسائی تقریباً ختم کر دینا انصاف کے بنیادی اصولوں کی صریح خلاف ورزی ہے۔عمران خان کی اپنے ذاتی معالج سے آخری ملاقات نومبر 2024 میں ہوئی، فیملی سے ملاقات ڈھائی ماہ سے معطل ہے اور سیاسی رفقاء سے ملاقات کو ایک سال سے زائد عرصہ گزر چکا ہے۔ ایسے حالات میں “بہترین سہولیات” کا دعویٰ نہ صرف مضحکہ خیز ہے بلکہ حقیقت کا تمسخر بھی ہے۔تحریکِ تحفظِ آئینِ پاکستان حکومت کو خبردار کرتی ہے کہ سچ کو دبانے، حقائق کو توڑنے مروڑنے اور انسانی حقوق کی خلاف ورزیوں کو چھپانے کی ہر کوشش تاریخ کے کٹہرے میں کھڑی ہو گی۔ ہم مطالبہ کرتے ہیں کہ فوری طور پر: 1. عمران خان کو ان کے ذاتی معالج تک بلا رکاوٹ رسائی دی جائے۔ 2. فیملی اور قانونی ٹیم سے ملاقاتیں بحال کی جائیں۔ 3. قیدِ تنہائی کا خاتمہ کیا جائے۔ 4. شفاف اور کھلی عدالتی کارروائی کو یقینی بنایا جائے۔قوم سب دیکھ رہی ہے۔ سچ کو وقتی طور پر دبایا جا سکتا ہے، دفن نہیں کیا جا سکتا‏

سوئی ناردرن گیس کمپنی نے رمضان المبارک میں گیس کا شیڈول جاری کر دیا۔ایس این جی پی ایل کے شیڈول کے مطابق رمضان المبارک میں سحر و افطار کے اوقات میں گیس بلاتعطل فراہم کی جائے گی۔شیڈول کے مطابق صبح 3 بجے سے رات 10 بجے تک گیس کی فراہمی جاری رہے گی سحر اور افطار کے دوران صارفین کو گیس فل پریشر پر دی جائے گی۔ترجمان سوئی ناردرن گیس کمپنی کا کہنا ہے کہ کم پریشر کی صورت میں صارفین کمپنی کہ ہیلپ لائن 1199 پر رابطہ کریں

صدر مملکت آصف علی زرداری کا بانی پی ٹی آئی کو’’ خواتین کی طرح رونے‘‘ کا طعنہ دینا افسوسناک اور قابل مذمت ہے:محمد علی درانی یہ بیان محترمہ بے نظیر بھٹو شہید، بیگم نصرت بھٹو، بیگم کلثوم ، مریم نوازشریف، محترمہ فاطمہ جناح کی بہادری، سیاسی جدوجہداورکروڑوں پاکستانی خواتین کے عزم وہمت کی توہین ہےصدر آصف زراری کو اپنے یہ الفاظ واپس لے کر قوم کی خواتین سے معافی مانگنی چاہیے یہ بیان اور گفتگو کا انداز بلوچ روایات کے مطابق ہے نہ ہی وفاق پاکستان کی علامت، صدرمملکت کے آئینی عہدے کے شایانِ شان ہےحکومت کی طرح بانی پی ٹی آئی کی فیملی اور پارٹی کو بھی صحت اور علاج کے معاملے میں سیاست نہیں کرنی چاہیے علاج کرانا قانون کے تحت حکومت کی ذمہ داری ہے، علاج کے لئے کہیں بھی جانا ڈیل نہیںسینئر سیاستدان اور سابق وفاقی وزیر محمد علی درانی کا انٹرویو میں اظہار خیال اسلام آباد:17 فروری سینئر سیاستدان اور سابق وفاقی وزیر محمد علی درانی نے کہا ہے کہ صدر مملکت آصف علی زرداری کا بانی پی ٹی آئی کو’’ خواتین کی طرح رونے‘‘ کا طعنہ دینا افسوسناک اور قابل مذمت ہے، یہ بیان محترمہ بے نظیر بھٹو شہید، بیگم نصرت بھٹو، بیگم کلثوم ، مریم نوازشریف، محترمہ فاطمہ جناح کی بہادری، سیاسی جدوجہداورکروڑوں پاکستانی خواتین کے عزم وہمت کی توہین ہے، انہیں اپنے یہ الفاظ واپس لے کر قوم کی خواتین سے معافی مانگنی چاہیے۔ ایک انٹرویو میں سینئر سیاستدان نے کہا کہ یہ بیان اور گفتگو کا انداز بلوچ روایات کے مطابق ہے نہ ہی وفاق پاکستان کی علامت، صدرمملکت کے آئینی عہدے کے شایانِ شان ہے۔انہوں نے کہاکہ پاکستانی خواتین سیاستدانوں نے جدوجہد اور بہادری کی بے مثال داستان لکھی ہے۔ وہ ایسے مواقع پر میدان میں نکلیں جب بڑے بڑے مرد میدان سے غائب ہوگئے تھے۔ اسی طرح ہماری مائیں، بہنیں، بیٹیاں معاشرے میں عزم وہمت کی مثال ہیں۔ وہ اپنی قربانیوں اور بہادری سے ایسے ایسے کارنامے انجام دے چکی ہیں جن پر مرد ہی نہیں پورا معاشرہ فخر کرسکتا ہے لہذا یہ بیان نہایت ہی نامناسب ہے۔ ایک سوال پر محمد علی درانی نے کہاکہ پاکستان پیپلزپارٹی کے چئیرمین بلاول بھٹو زرداری نے پارٹی کے شریک چئیرمین صدر آصف علی زرداری کو محترمہ بے نظیر بھٹو شہید کی برسی کے موقع پر آرڈر دیا تھا کہ وہ سیاسی مفاہمت کے لئے کردار ادا کریں۔ پارٹی چئیرمین کی اس ہدایت پر صدر زرداری نے بانی پی ٹی آئی کی صحت کے معاملے میں کوئی مفاہمانہ کردار ادا کیا ہے، یا کرنے جا رہے ہیں یا کر سکتے ہیں تو یہ پارٹی چئیرمین کے حکم کی پاسداری ہے۔

میری رائے میں صدر آصف زرداری کو پارٹی چئیرمین کے آرڈر کو ماننا چاہیے۔ ایک اور سوال پر سینئر سیاستدان محمد علی درانی نے کہاکہ بانی پی ٹی آئی کی صحت کا خیال رکھنا حکومت کی ذمہ داری ہے۔ حکومت کو بانی پی ٹی آئی کی فیملی سے پوچھنے کی ضرورت نہیں بلکہ انہیں ازخود اپنی ذمہ داری پوری کرتے ہوئے بہترین علاج فراہم کرنا چاہیے اور جس ہسپتال لیجانا پڑے، ضرور لے کر جانا چاہیے۔ انہوں نے کہاکہ بیماری پر سیاست نہیں ہونی چاہیے۔ اس معاملے میں حکومت اپنے موقف اور طرز عمل میں تبدیلی لائی ہے ، جو اچھی بات ہے۔انہوں نے کہاکہ علاج کے لئے بیرون ملک جانا ڈیل نہیں ۔کسی بھی بیمار کا انسانی بنیادوں پرعلاج کرانا حکومت کی قانونی ذمہ داری ہے۔ اس پر مذاق ہونا چاہیے نہ ہی ڈیل کی پھبتیاں کسی جانی چاہیں۔ ایک اور سوال پر محمد علی درانی نے کہاکہ فیملی میں عمران خان خود، اُن کی اہلیہ بشری بی بی اور اُن کے بیٹے شامل ہیں۔ اِن سے ہی کنسلٹ ہونا چاہیے۔جس طرح میں صحت اور علاج کے معاملے میں حکومت سے کہتا رہا ہوں کہ وہ سیاست نہ کرے اسی طرح بانی پی ٹی آئی کی فیملی اور پارٹی کے لوگوں کو بھی اس معاملے پر سیاست نہیں کرنی چاہیے ۔ ********